قلة ادب وعدم تربيه ... معقول حالنا وصل لكده؟؟؟ (الجزء التاني)

[nabaster]

معظمكم عارف اني ساكن في جمع ابراج

وفي للابراج بوابه رئيسيه بتدخل منها علي مداخل الابراج وفي بوابه تانيه جانبيه

وفي اماكن لركن العربيات قدام الابراج

من نص ساعه كنت راجع من بره يعني اساعه 11 بالليل تقريبا

ولسا بركن العربيه (اول مره اركنها في المكان ده)

وحسيت بحركه غريبه و مش مظبوطه

لفيت ورا العربيه وقسما بالله اتخضيت من الي شوفته

عيلين يمكن اكبر عيل فيهم في تالته اعدادي ولا اولي ثانوي

ومعاهم بنتين في نفس سنهم

واحد منهم كان واخد بنت فيهم علي رجله

اول ما شافتني قامت منفوضه

بكلم واد فيهم بقوله يابني انتا من الابراج هنا؟؟

بيقولي لا مش ساكن هنا

والتاني بيزعق وبيقولي انتا مالك

مكملش الكلمه وكان واخد قلم عداله

والتاني لاقيته بيقول والله هنمشي خلاص احنا اسفين

قلتله يلا يا ابن التيييييييييت انتا وصاحبك من هنا

وعلي الله اشوفك ولو صدفه هنا تاني همسح بكرامة الي تيييييييييييييييييييييت

في الوقت ده كانوا البنتين اخدوا بعضهم وجريوا

والولدين وراهم بس كل اتنين راحوا ناحية بوابه مختلفه

مع صوت الزعيق والشتيمه بتاعي لاقيت البقال والخضراتي جايين عليا وبقيوا في وش البنات

وقلتلهم البنتين التييييييييت دول كانوا قاعدين مع الولدين الي ماشيين هناك دول في وضع مش كويس

قالولي سيبك من البنات واخدوها جري ورا الولدين

جابوهم وانا علي بال ما اتمشيت لاقيت ناس كتير متجمعه عليهم

الواد قعد يعيط ويقولي والله قلتلك هنمشي ومش هنيجي تاني انا اسف وابوس ايديك خلاص

والله انا اسف بس محدش يضربني

والله بطريقة كلامه دي صعب عليا

في واحد رخم كان واقف معانا وكان عايز يستغل الموقف وينزل ضرب في الولدين لما شافهم كده

اقسم بالله حوشت عنهم وقلتله خلاص يا عم سيبهم هما عرفوا بغلطهم

ولو جم تاني اربطهم وكتفهم هنا ونسلمهم للشرطه

وسبتهم يمشوا
__________________________________________________ _____

هوا ايه الي بيحصل بظبط

معقول حالنا وصل لكده؟؟

فين اهالي البنات دي

اساعه 11 يا جدعان ازاي البنات دول موجودين للوقت ده في الشارع

دول بنات 15 ولا 16 سنه

امال لما يكبروا هيبقوا ايه؟؟؟؟؟؟؟

A.Yakout

[Deshahcoka]

انتا بتتكلم بجد ؟! هوا ليه انا مبشفش حجات كدة ؟ هوا انا مش ساكن في البلد ديه ولا ايه :) ولا من كتر ما شفت مبقتش واخد بالي !

بجد حاجة غريبة قوي ايه البنات الي مقضياها ديه ! ولا الولاد الي فاكرين نفسهم تهامي باشا !

حاجة تجن !

[أحمد كمال]

العيب عالكائن - مش الراجل - اللي سايبها تنزل لوحدها في وقت زي ده .......

[الصيداح]

البقاء لله في الأخلاق
كانت كلمة جميلة

[A7MED_PHARMA]

قطاع أرزاق إنت ياياقوت
هههههههههههههههههههه
============================
بص شوف أبوه وأمه فين؟؟
أكيد ساعتها مش هتستغرب العيال دي بتعمل كده ليه
ولاحول ولاقوة إلا بالله

[yoko]

العيب عالكائن - مش الراجل - اللي سايبها تنزل لوحدها في وقت زي ده .......

+1
فعلا كده إنت جبت من الأخر

وفارما عندك حق وأنا في فترة من الفترات إتلميت على شله من الشلل الضايعة دي عشان كنت بعد في النادي كتير وبدرب ومعظم الفريق كانوا في الضياع فمن الأخر لما بصيت لقيت إن دول يا أبوها خامورجي يا بتاع ..... والأم كذلك فتتوقع إيه منهم يا في أحسن الحالات الأب والأمن منفصلين وكل واحد متجوز ومش عايزين عيالهم أصلا

[Ayman-Ahmed]

معظمكم عارف اني ساكن في جمع ابراج

وفي للابراج بوابه رئيسيه بتدخل منها علي مداخل الابراج وفي بوابه تانيه جانبيه

وفي اماكن لركن العربيات قدام الابراج

من نص ساعه كنت راجع من بره يعني اساعه 11 بالليل تقريبا

ولسا بركن العربيه (اول مره اركنها في المكان ده)

وحسيت بحركه غريبه و مش مظبوطه

لفيت ورا العربيه وقسما بالله اتخضيت من الي شوفته

عيلين يمكن اكبر عيل فيهم في تالته اعدادي ولا اولي ثانوي

ومعاهم بنتين في نفس سنهم

واحد منهم كان واخد بنت فيهم علي رجله

اول ما شافتني قامت منفوضه

بكلم واد فيهم بقوله يابني انتا من الابراج هنا؟؟

بيقولي لا مش ساكن هنا

والتاني بيزعق وبيقولي انتا مالك

مكملش الكلمه وكان واخد قلم عداله

والتاني لاقيته بيقول والله هنمشي خلاص احنا اسفين

قلتله يلا يا ابن التيييييييييت انتا وصاحبك من هنا

وعلي الله اشوفك ولو صدفه هنا تاني همسح بكرامة الي تيييييييييييييييييييييت

في الوقت ده كانوا البنتين اخدوا بعضهم وجريوا

والولدين وراهم بس كل اتنين راحوا ناحية بوابه مختلفه

مع صوت الزعيق والشتيمه بتاعي لاقيت البقال والخضراتي جايين عليا وبقيوا في وش البنات

وقلتلهم البنتين التييييييييت دول كانوا قاعدين مع الولدين الي ماشيين هناك دول في وضع مش كويس

قالولي سيبك من البنات واخدوها جري ورا الولدين

جابوهم وانا علي بال ما اتمشيت لاقيت ناس كتير متجمعه عليهم

الواد قعد يعيط ويقولي والله قلتلك هنمشي ومش هنيجي تاني انا اسف وابوس ايديك خلاص

والله انا اسف بس محدش يضربني

والله بطريقة كلامه دي صعب عليا

في واحد رخم كان واقف معانا وكان عايز يستغل الموقف وينزل ضرب في الولدين لما شافهم كده

اقسم بالله حوشت عنهم وقلتله خلاص يا عم سيبهم هما عرفوا بغلطهم

ولو جم تاني اربطهم وكتفهم هنا ونسلمهم للشرطه

وسبتهم يمشوا
__________________________________________________ _____

هوا ايه الي بيحصل بظبط

معقول حالنا وصل لكده؟؟

فين اهالي البنات دي

اساعه 11 يا جدعان ازاي البنات دول موجودين للوقت ده في الشارع

دول بنات 15 ولا 16 سنه

امال لما يكبروا هيبقوا ايه؟؟؟؟؟؟؟

a.yakout

هما للاسف وصلوا خلاص ومش لسة لما هيكبروا يبقوا ايه.

كانت عندى نفس المشكلة ومازالت قائمة: ساكن فى مدينة هادئة لحد ما واشجارها كتير ومن كام يوم الساعة 9 راجع بلليل الاقى واحد وواحدة فى عربية وراكن وهى نايمة على الكرسى اللى جنبه.

انت مين يلا ومين ديه وايه اللى جابك هنا.ده انت ليلتك سودا.

براحة براحة متكلنيش كدة.انا صاحب الرائد مش عارف مين اللى ساكن هنا.طب ياد يا ابن ال...لو شفتك هنا تانى انت ولا صاحبك هوريك شغلك.

والناس اتلمت وكان طبعا هو فى عربيته تانى وطيران.

قوللى بقى حضرتك لما واحد وواحدة فى وضع مخل.اعمل ايه استنى البوليس ؟ولا اهزقه وممكن اهزق نفسى كمان لو لحق يرد.
ولا اطنش زى ما للاسف اكيد فى ناس طنشت وده اللى خلانا وصلنا لكدة.

وحسبى الله ونعم الوكيل وربنا يهدى الناس.

[hussein]

هو انت بتتكلم بجد ؟ دا بيحصل فى اسيوط ؟؟؟ معقل الصعايدة ؟ امال فى القاهره بيحصل ايه؟؟؟

[Mzeid]

امال لو شفت اللي شفته هتعمل ايه يا ياقوت ؟
يلا الواحد مش عايز ياخد ذنوب

للأسف أهل البنات دي هما السبب سواء قهرا او غفلا

يعني ممكن تكون واحدة ابوها شغال ليلي و امها ست كبيرة او مريضة و مش حمل زعيق و شخط و نطر

اما بقى البنت تروح تشتري حاجة من عند البقال اللي في اخر الشارع و تتأخر

[Ralliart]

كده بليل وفي حته هاديه وزعلان
امال تقول ايه على جامعة القاهره في عز الدراسه لما تلاقي اتنين مزنوقين بين عربيتك والحيطه وعايشين حياتهم !!
ومحصلتش مرره واحده دا كذا مرره ولما اجيب الامن ولا بيعمل حاجه
لا وكمان بيبجح ويقولك انت مالك

[Mzeid]

هما للاسف وصلوا خلاص ومش لسة لما هيكبروا يبقوا ايه.

كانت عندى نفس المشكلة ومازالت قائمة: ساكن فى مدينة هادئة لحد ما واشجارها كتير ومن كام يوم الساعة 9 راجع بلليل الاقى واحد وواحدة فى عربية وراكن وهى نايمة على الكرسى اللى جنبه.

انت مين يلا ومين ديه وايه اللى جابك هنا.ده انت ليلتك سودا.

براحة براحة متكلنيش كدة.انا صاحب الرائد مش عارف مين اللى ساكن هنا.طب ياد يا ابن ال...لو شفتك هنا تانى انت ولا صاحبك هوريك شغلك.

والناس اتلمت وكان طبعا هو فى عربيته تانى وطيران.

قوللى بقى حضرتك لما واحد وواحدة فى وضع مخل.اعمل ايه استنى البوليس ؟ولا اهزقه وممكن اهزق نفسى كمان لو لحق يرد.
ولا اطنش زى ما للاسف اكيد فى ناس طنشت وده اللى خلانا وصلنا لكدة.

وحسبى الله ونعم الوكيل وربنا يهدى الناس.

كده بليل وفي حته هاديه وزعلان
امال تقول ايه على جامعة القاهره في عز الدراسه لما تلاقي اتنين مزنوقين بين عربيتك والحيطه وعايشين حياتهم !!
ومحصلتش مرره واحده دا كذا مرره ولما اجيب الامن ولا بيعمل حاجه
لا وكمان بيبجح ويقولك انت مالك

لك الله يا مصر ( اللي اتبقى منك )

[medomaster]

انا مندهشتش يعني مش عارف ليه مع ان الموضوع المفروع شاذ بس شكلنا اتعودنا على الحاجات الشاذة وبقيت عادي ...بس كويس انك عملت كدة عشان العيال دي تروح تحكى لأصحابهم الفاسدين عن اللي اتعمل فيهو ودا يخلي اي واحد يقكر الف مرة قبل ما يعمل كدة أحييـــك بشدة

[Ayman-Ahmed]

لك الله يا مصر ( اللي اتبقى منك )

انا مبقتش عارف اربى ابنى ازاى.اربيه شهم وجدع وعنده نخوة وعيل تيت مشافش تربية يعوره ولا يشتمه ولا اربيه يطنش وانا مالى ويعيش جبان (فى حاله)

لو جيه سالنى فى يوم يعنى ايه

من رائ منكم منكرا فليصلحه.

متسكتش عن الحق ولا تكون شيطان اخرس.

لا حول ولا قوة الا بالله.ربنا يسترها على الاجيال اللى مسئولة من الاهالى اللى متربتش.

[أبو إياد]

لا حول ولا قوه الا بالله
ماتبقاش تركن هناك بقا تانى ياياقوت

بجد مش عارف اقول ايه فى الموضوع ده بجد حاجه باقت صعبه اوى لما شويه اطفال لسه فى السن ده وبيعملوا كده فعلا عدم الرقابه بيودى لطرق صعبه اوى والحبل السايب يعلم الفساد لازم الناس كلها تخلى بالها من اولادها وتراقب تصرفاتهم من بعيد وتعلمهم ياعنى ايه اخلاق وياعنى ايه دين ومتبقاش الدنيا سداح مداح كده سينما وانتر نت ونوادى وتاخير بالليل ودروس خصوصيه

يارب رحمتك

[yoko]

كده بليل وفي حته هاديه وزعلان
امال تقول ايه على جامعة القاهره في عز الدراسه لما تلاقي اتنين مزنوقين بين عربيتك والحيطه وعايشين حياتهم !!
ومحصلتش مرره واحده دا كذا مرره ولما اجيب الامن ولا بيعمل حاجه
لا وكمان بيبجح ويقولك انت مالك

تعالا شوف جامعة حلوان نفس الموقف الي ياقوت قاله بس الصبح وجمب المدرج في شارع رئيسي