هيئة التنظيم والأدارة

[M!SHO]

السلام عليكم

ان شاء الله مسافر فى اجازة نص السنه

وفى التجنيد مش راضيين يطلعولى تصريح سفر ( بما أنى فى أخر سنه فى الكلية )

المهم قالولى روح هيئه التنظيم والأدارة

فين هيئه التنظيم والأداره ( أنا جاى من الزقازيق ) ؟

وأيه الأوراق المطلوبه هناك ( عشان مرحش وأرجع تانى ) ؟

[M!SHO]

[walidmhafeez]

هيئة التنظيم والادارة موجودة في العباسية
لما تنزل اسأل ميت واحد يدلك وهي علي مدخل صلاح سالم من العباسية

[nonetta]

الادارة العامة للتنظيم والادارة في طريق الاتوستراد بعد المنصة بشوية هتلاقي نادي الزهور على شمالك
هيا على اليمين بعد التقاطع بتاع الترام
دة لو انت جاي من اتجاه السيدة عائشة
اما من العباسية مش عارفة الطريق ازاي
المهم انها قريبة جدا من نادي الزهور

[ehab_mansour]

هيئة التنظيم و الأدارة للقوات المسلحة في العباسية في ناصية تقاطع شارع امتداد رمسيس مع صلاح سالم
ازاي تروحها :-
حضرتك جاي من الزقازيق هتاخد طريق بلبيس الصحراوي لحد ما يخلص علي طريق الاسماعيلية الصحراوي عند موقف العاشر هتكمل في طريق الاسماعيلية الصحراوي حوالي 100 متر هتلاقي كوبري في الشمال هتطلعه وتنزل منه تلاقي كوبري المطار برضه في الشمال هتطلعه وهتنزل منه في طريق السندباد هتكمل علطول مع العربيات لحد ما تلاقي معظم العربيات بتاخد شمال هتروح معاهم شمال وبعدين هتلاقي كوبري في وشك وتلاقي كل العربيات بتاخد يمين هتمشي معاهم هو ده صلاح سالم هتمشي فيه علطول وتكمل هيقابلك كوبري وبعديه بشوية نفق كل ده وانت مازلت في صلاح سالم وبعد النفق بحوالي 3 كيلو هتلاقي ثلاث تفريعات الأولي يمين ودي تطلعك كوبري اكتوبر والثانية في النصف ودي اللي هتاخدها انت والثالثة شمال خالص وده كوبري مكمل في صلاح سالم طوالي
حضرتك هتاخد اللي في النص وهتمشي حوالي 100 متر وهتلاقي في وشك مبني هو ده مبني التنظيم والادارة حاول تركن في يمينك او اي مكان وانزل اتمشي لحد عنده وربنا يوفقك وتخلص مصلحتك لأنهم مقرفين في موضوع السفر ده بالذات لأني كنت عسكري نظم معلومات في الهيئة دي عام 2006 وكنت بشوف اللي بيعملوه في الناس
واي سؤال تحت أمرك

[M!SHO]

بشمهندس إيهاب

ألف شكر لحضرتك على الوصف التفصيلى

[محمد محمد]

طب انا المفروض عايز اسافر يوم 24\3 القادم هيرضوا يطلعولي تصريح سفر ولا لأ(انا في السنة النهائية والمفروض ان الأجازة خلصت)