فودافون بتستهبل استهبال رسمي

[نور القمر]

النهاردة جالي مسج من فودافون ان خدمة معرفة رصيدك بعد كل مكالمة وتكلفة كل مكالمة اشتغلت
ولو عايز تلغي الخدمة بالكود كذا
يلا سلام احمد يا رب اخيرا شغلوا الخدمة دي ومجاني
المهم اتصلت برقم موبينيل لمدة دقيقة واتفاجيء انهم حاسبين المكالمة ب 29 قرش
قلت ايه الكلام الفاضي ده انا مشتركة في كل المصريين (نظام ال 19 قرش ) من زمان ومتأكدة من كدة وانا اللي شغلت الخدمة لاكثر من حد في اسرتي
اتصلت ب 880 عشان اتأكد لقيتني على نظام حكاوي المصريين اللي هو 19 قرش لفودافون و29 لاي خط تاني والله اعلم الارضي كام
ايه الاستهبال الرسمي ده انا رجعت للنظام العقيم ده امتى ومين رجعني
وانا كنت بقول في نفسي طول المدة دي ليه الرصيد في فودافون مفيهوش بركة
على كدة بقى الواحد كل فترة يرجع يتأكد من نظامه وكل واحد يخلي باله من نظامه من هنا ورايح مدام ادنيا مبقاش فيها امان وعجبي
وحياتك يا فودافون لاول خروجة ليا لاحول لاتصالات


ده لينك المشاركة في الفيس بوك على الجروب بتاعهم اتمنى الاقي تعاون من الاخوة الاعضاء
‫ط¹ظٹط¨ ظپظˆط¯ط§ظ† | Facebook‬

[MISS_MONA]

انا برده لقيت ان الدقيقه لموبينيل ب29 بس بصراحه مجربتش اتصل ب880 مع انى كنت عامله نظام كل المصريين برده
يعنى قولت مش هاخد حق ولا باطل
يعنى انتى لما لقيتى كدة رجعتى نفسك تانى كل المصريين ولا ايه
انا هروح اشوف

[nour_nrc]

انا قررت اني اسيب فودافون واحول خطي لاتصالات

[MISS_MONA]

انا فعلا لقيت نفسى بقدره قادر بقيت حكاوى المصريين
حولت لكل المصرين وخصمو جنيه
اما اشوف بقى الدقيقه لموبينيل هتبقى بكام دلوقتى
حسبى الله ونعم الوكيل

[SunSet]

انا برضه نفس المشكلة حصلت وبلغتهم على صفحتهم في الفيس وقالولي ابعتي شكوى
!!

من ساعة اللي حصل لي وانا مش بأشحن وإن شاء الله حأحول لشركة تانية بنفس الرقم

واخويا برضه حصلت له حاجات واتصل بخدمة العملاء وشكلهم سياستهم اللي يشتكي بس ويأخد باله يصلحوله المشكلة والا تفضل الناس مش واخدة بالها ويستمروا في سياستهم المعتادة للسرقة

[zakiali]

كلنا ننقل بنفس النمره لاتصالات

[M!SHO]

نفس اللى حصل معايا

ودى مشاركة ليا من فتره

من فتره بعتتلى رسالة أنى على نظام (...... ) ( غير النظام اللى أنا كنت عليه )

ولو عايز أرجع لنفس النظام بتاعى تانى....أتصل ب 880 للتحويل ( برسوم طبعاً )

أنا مأختش بالى من الرساله غير بعد فتره لما حسيت أن الرصيد بيطير ورجعت حولت لنفس نظامى تانى

أنا معرفش الشركه دى بتستهبل ولا بتعمل سبوبه ولا أيه

دى بتبعتلى رسايل أكتر ما بيجيلى مكالمات
__________________________________________________ __

ان شاء الله ناوى بعد ماخلص أمتحانات أحول أتصالات

[ConDoR]

والله حضرتك كلهم حراميه بس انا شايف اقلهم فعلا اتصالات وعروضها احسن

[MISS_MONA]

طيب يعنى هى كده خلاص بقى
ده انا كنت بقول الا فودافون شبكه نظيفه
ومحترمه وووووووووووووووووووووووو
دا الظاهر انى كنت غلطانه
يالا اتصالات بقى
بس يا ريت مش بعد كام سنه تعمل كده هى كمان

[Samah AbdAllah]

عملوها معايا برضه قبل كده
واصروا انى محولتش قبل كده نهائى لكل المصريين
فحولت وقتها هروح اطمن يكونوا عملوها تانى

[أبو إياد]

طول عمرى باستخدم فودافون استقبال فقط لا غير

[nonetta]

من 3 ونص تقريبا بدأت اعتمد على اتصالات جنب فودافون
من سنة ونص تقريبا استغنيت عن فودافون نهائيا وركنته بعد ما عرفت كل اصحابي واهلي نمرة اتصالات
في ناس فودافون كانوا بيتصلوا بفودافون بيقولولي غير متاح ويكسلوا يطلبوا اتصالات
عملت له تحويل مكالمات وهوة مركون في الشنطة وكان في رصيد .. بابص في الرصيد لقيته زيرو .. اتاري كل مكالمة بتجيلي متحولة بيخصموا من رصيدي
سبته وقلت والله ما انا شاحناه خليه مركون

[A_H_M_A_D]

الموضوع ده فعلا حصل من حوالي شهر ونص كده

من غير مقدمات لقيت موبايل مراتي جاي عليه رسالة بتقول أنت الان على نظام حكاوي المصريين , استغربت جدا و سألتها إنتي حولتي نظامك قالتلي ابدا والله

كلمت خدمة العملا و سألتهم إيه حكاية المسج دي؟ قالولي يا فندم إحنا حولنا كل اللي على نظام كل المصريين لنظام حكاوي المصريين (من غير إذن يعني بلطجة رسمي فهمي نظمي )

قولتلها معنى كده إن نظام كل المصريين إتلغى ؟ قالتلي لأ لسه موجود و ممكن تحوله تاني بأنك تكلم نمرة كذا

المهم بعد ماحولت لقيت إن تكلفة التحويل واحد جنيه , يعني بحركة بلطجة و فهلوة سرقوا جنيه من كل عملاء نظام كل المصريين يعني ملايين من غير أي سبب غير السرقة و البلطجة

بصراحة كان نفسي أقدم فيهم شكوى رسمية في جهاز تنظيم الإتصالات من كتر ما كان دمي محروق , بس للأسف كبرت دماغي

[أبو إياد]

من 3 ونص تقريبا بدأت اعتمد على اتصالات جنب فودافون
من سنة ونص تقريبا استغنيت عن فودافون نهائيا وركنته بعد ما عرفت كل اصحابي واهلي نمرة اتصالات
في ناس فودافون كانوا بيتصلوا بفودافون بيقولولي غير متاح ويكسلوا يطلبوا اتصالات
عملت له تحويل مكالمات وهوة مركون في الشنطة وكان في رصيد .. بابص في الرصيد لقيته زيرو .. اتاري كل مكالمة بتجيلي متحولة بيخصموا من رصيدي
سبته وقلت والله ما انا شاحناه خليه مركون

عملتى زيى لما كنت باخد اجازه فى الشغل القديم بحول الخط بتاعى على خط فى المكتب وهو يوم واحد كان التحويل خلصلى كارت ب 100 لان الاتصال بيتحسب من رصيدك زيك زى اللى متصل حسب مدة المكالمه

[ashouhdy]

هههه حركة جامدة جدا يلموا بيها ملايين ... اللى عايز يرجع يرجع بس يدفع جنية !