فودافون بتستهبل استهبال رسمي

[أحمد كمال]

طب انا عايز اسال علي حاجة انا كان معايا خط فودافون و سافرت ومشتغلش بقاله سنة ممكن يكون شغال لحد دلوقتي ولا يكونو سحبوه هو كان نظامه سنوي وكان معايا بقاله حوالي 3 سنين

لو السنة خلصت بتاعة السنوي و فات بعدها 3 شهور بالسلامة :(

انا النهاردة رحت اتصالات عشان احول الرقم الراجل افتى وقالي لازم من فودافون اجيب "رقم الحساب" اروحلهم اجيبه او اخده من خدمة العملاء

الكلام ده صح؟


وهل لازم يكون معايا العقد ؟


للاسف الكلام ده ما خلانيش انجز في الموضوع

يا باشا مش لازم عقد و لا يحزنون

رقم الحساب ممكن بمكالمة صغنونة منك ل 888 تجيبه و تمليه لموظف اتصالات .....

[نور القمر]

لكن كنت عايز اعرف الكود اللى يشغل خدمه معرفه الرصيد بعد المكالمه

ده مش كود
هم كل فترة بيختاروا مجموعة من العملاء عشوائيا ويشغلوا لهم الخدمة

[human]

ده مش كود
هم كل فترة بيختاروا مجموعة من العملاء عشوائيا ويشغلوا لهم الخدمة

لما كنت اتصالات - يا سلام على ديه ايام - المهم كنت اتكلم الاقى تييين الرصيد و تكلفه المكالمه من غير اشتراك ولا مجموعه مختاره
لمارحت للدارك سايد مافيش اى استبحس حتى عشان اعرف الرصيد لازم ادفع اى حاجه لازم ادفع - رغم انى كان معايا خط موبينيل اللى بيقولوا عليهم ناس من زمان كان فيه خدمه شباك ميه شباك و كلها منافع من اول الرصيد اشحن ليك و للجيران كلمنى شكرا و الباك كود و حاجات كتير بس فودافون ولا ليهم اى حاجه
الرصيد فى موبينيل و اتصالات فيه البركه بس فودافون مقطوعه البركه

الله يجازيكى خير - انا كنت فاكر ان فيه حاجع غلط فى النمره بتاعتى عشان مراتى فجأه بقت تقدر تشوف تكاليف المكالمه و انا لأ طبعا هاتك يا غيظ و خطك اصله بدائى و كلام كتير
من يومين جاتلى رساله ان الخدمه اشتغلت عندى و عشان الغيها اتصل برقم معين
طيب طالما اقدر الغيها ليه ماقدرش اشترك فيها!!!
حاجه تجيب صداع -

ربنا يعدى الشهور ديه على خير و نبقى مع الاحرار

جايلك يا ابو كمال

[أحمد كمال]

مستنييييييييييك يابو طارق

[SunSet]

يا باشا

لا تعليق

مش لازم عقد و لا يحزنون

رقم الحساب ممكن بمكالمة صغنونة منك ل 888 تجيبه و تمليه لموظف اتصالات .....

جزاك الله خيراً

طيب هو ايه الرقم الارضي عشان انا مش حأشحن أصلاً مخصوص عشان الحكاية دي
وطبعا لما كنت في اتصالات حاولت اتصل ب 888 بس ماكانش عندي رصيد للأسف

[أحمد كمال]

لا تعليق

خير كلامي ضايقك في حاجة؟

جزاك الله خيراً

طيب هو ايه الرقم الارضي عشان انا مش حأشحن أصلاً مخصوص عشان الحكاية دي
وطبعا لما كنت في اتصالات حاولت اتصل ب 888 بس ماكانش عندي رصيد للأسف

25292888

[محمد محمد]

خير كلامي ضايقك في حاجة؟




25292888

النوع:انثي مش باشا.

[أحمد كمال]

خير كلامي ضايقك في حاجة؟




25292888

النوع:انثي مش باشا.

معلش يا أستاذة Sunset و الله ما اخدت بالي :)

[نور القمر]

قوة ملاحظة
تصدق مخدتش بالي طول الفترة دي
ولا فهمت الكومنت

[engineer_Amr]

اتصالات حلوة جدا
شركة محترمة فى التعامل وخدمة عملاء مريحة جدا
بس المشكلة الوحيدة فى اتصالات هى الشبكة
للاسف فى كل مكالمة بلاقى الشبكة ضعيفة
واوقات كتير الاقى الصوت فصل لمدة كام ثانية وبعد كدة رجع تانى
لو بس يظبطوا الشبكة بتاعتهم يبقوا فعلا احسن شركة فى مصر

[D . a .\ AYMAN]

من قبل ما إتصالات تفتح .. وأن قرفان من موبينيل وفودافون ... بعد مدة 7 سنوات معاهم

موبينيل : ماكانش الرصيد فيها بيتسرق ولكن لازم عشان أعمل مكالمة أكون دافع فيها مكالمتين تلاتة أربعة خمسة عشان أعرف أقول اللى عايزه لأن المكالمة بتفصل في النص دايما (وطبعا إنتوا عارفين إن الدقيقة زمان كانت بـ 1.75 قرش للدقيقة .. ولما رخصت بقت 1.5)

فودافون : طول عمرها بتسرق في الرصيد وأنا من النوع اللى كنت لما أعمل شوية مكالمات قليلة أشوف رصيدي على طول بعدها بـ 20 قرش .. وعلى طول بياكلوا في الرصيد بدون مبرر

وطول عمري كنت كاره حركة كارت الشحن اللى الواحد كان بيجيبه بـ 120 جنيه عشان ينزله رصيد 85 جنيه .. تحس إنها سرقة وإبتزاز علني .. ببجاحة منقطعة النظير

ولما غيرت النظام لنظام الفاتورة (كان عشان يبقى عندك خط فاتورة لازم تثبت إنك "مليونير" ... عندك رصيد في البنك لايقل عن كذا وتمتلك شقة مش عارف فين وتدفع مش عارف كام مقدم وشوية شروط غريبة كدا) كانت الفاتورة بتدخل في 1400 جنيه شهريا (أنا كنت كاتب كتابي أيامها وكان شغلي في العريش آه) بس برضه كنت متأكد إني مش أنا اللى عامل المكالمات دي كلها لإني أساسا مش من النوع اللى بيتكلم كتير مهما كان الأمر

عشان كده من قبل ما إتصالات تفتح وأنا كنت حاجز رقمي على السايت بتاعها ومن أول ما فتحت والخط بتاعي إشتغل على إتصالات ... جبت الشرايح بتاعة فودافون وموبينيل وولعت فيها بشوية جاز كان ممسوح بيهم السلم بتاع العمارة بتاعتنا بعد ما كان البواب بتاعنا مستلفه من بواب العمارة اللى جمبينا بعد ما مسح بيهم هوة كمان سلم العمارة بتاعتهم وهو أصلا كان شاحتهم من واحد ميكانيكي كان بينضف بيهم العدة بتاعته

وبصراحة بعد تعامل لمدة 3 سنوات مع إتصالات أقدر أقول إنهم فعلا السيستم بتاعم محترم ومنضبط أكتر من كافة الشركات العاملة في مجال الآي تي في مصر .. وعمري ما حسيت إن رصيدي معاهم بيضيع أو إن عروضهم غير حقيقية

وكده كده ماكانش فارق معايا ارقام موبينيل وفودافون

[mahamedaraby]

بجد من اراء كل الناس اتصالات حاليا افصل شركه فى مصر

ومن تجربتى خط فوادفون مرمى استقبال بس وخط اتصالات مكالمات و رصيد حقيقى وعروض حقيقه

نصحيه حول لاتصالات على الاقل شركه بتحترم العميل بتاعها

[ashouhdy]

هى فيها مشكلة واحدة يمكن محدش حيلاحظها قدى

الانترنت موبايل بتاعها بطئ حتى وهى على ال 3.5g
فودافون الانترنت موبايل اسرع الضعف تقريبا مش عارف لية ... على نفس الموبايل وفى كذا مكان

[نور القمر]

n.y.s.m.a اسمه ديرتي جاز ههههههههههههههه

[ashouhdy]

ههههههههههههههه والله انتم شوية اعضااااء ذى السكر

بجد ياريت شعب مصر يبقى كلة ذى المنتدى دة بأسلوبة و طريقة نفكيرة وتحضرة وادبة