عندك كلبظ مقاس كبير ؟

[shaddadfalcon1]

طيب كويس ان الراجل ضحك ومنخانقش معاك
واحد تاني كان ممكن عمل معاك موقف مش ظريف وهيبقي عنده حق لان الراجل مغلطتش فيك

ابقي خلي بال حضرتك اطول شويه ودع الخلق للخالق

[ahmed4000]

حاجة غريبة اوى بلاحظها فى الدكاترة والمهندسين
لازم كلمة دكتور او بشمهندس قبل الاسم
هو لو قال لحضرتك باسمك تبقى اهانة ؟؟

:)

هى دى فعلا حاجة منتشرة فى الدكانرة والمهندسين
لكن احمد...قصدى الدكتور احمد بيتكلم على الاحترام عامة يعنى لو متعرفش حد بتندهله بكلمة "استاذ" مش اسمه حاف كده

[fepsceasar]

بصراحة انا اى حد ما عرفوش بقولوا يا استاذ فلان أو دكتور او باشمهندس أو اى لقب هو بيحبوة الى ان نتباسط فى الحديث لو فى سن بعض لو فى مرتبة أعلى او اكبر فى السن ما بندلوش باسمه الا لوطلب كدا، وزى ما قولت يا دكتور احمد هى ناس عايزة تثبت نفسها لحاجة جواها، وحتى دينيا المفروض ننادى الناس باحب الالقاب اليها

[kono]

مش الفكرة
بص...........................
لو أنا شوفت موظف مثلا قاعد على مكتبه ..ومكتوب على المكتب إن إسمه محمد
هقوله ""يامحمد..خلصلي الورق ده""
لا طبعا
ده نوع من الاحترام ..لشخص ماتعرفوش ولا يعرفك
يعني أنا هنا في المنتدى..ومع أهلي ..ومع جيراني ..ومع أصحابي
إسمي أحمد بسسسسسسسسس
لكن في الشغل..واحد داخل الصيدلية
يقولي ياأحمد بمناسبة إيه؟؟؟؟
وده العرف إلي ماشيين عليه..مش فكرة تكبر
لا
لكن لو حد قالك ياأحمد..دي بتبقا لغرض في نفسه
يعني الناس كلها تقولك يادكتور.وهوا لما يقولك ياأحمد
بيحس إنه كده الكبير إلي فيهم ...وإن هوا الفت التت الي بينده للدكتور بإسمه كده من غير ألقاب
فاهمني

انا فهمت قصد حضرتك
طالما الموضوع بغرض الاحترام فده شيئ طبيعى
انا اى حد ينادى لاى حد بصفته قبل اسمه
بس اللى خلانى أسأل السؤال ده ان فيه ناس زميالى وأصحابى وأصحاب بعض كمان جدا من قبل ما يدخلوا كلية كانوا عادى بعد الكلية بقى لازم الصفة قبل الاسم ده غير اللى بيغير اسمه على الفيس بوك ويكتب قبله eng
والموضوع ده خصوصا خصوصا فى المهندسين

[MMamdouh]

النهاردة وانا قاعد فى امان الله فى الصيدلية .. وبامر علي الرفوف احصر الدوا الناقص والاقى شاب شكله عجيب (اللهم لا اعتراض .. خلقة ربنا) دخل مادد ايده بعشرة جنيه وبيقولي عايز كامباس مقاس كبير !! .. قولتله افندم؟! .. رجع يكرر بنفاد صبر عندك كامباس مقاس كبير ؟ .. انا استعجبت من الاسم والنطق .. يمكن عشان مخارج الفاظه كانت رايحة مع اللي راحوا ف 73 .. المهم جبت اخرى و عصرت علي نفسى نص لمونة وقولتله طب ايه هوة الكامباس ده؟ قاللي بالراحه وببطء زي مايكون بيوضح الحروف مش كامباس .. مش كامباس .. كلبظ .. !!! هنا انفلتت اعصابى وغصب عنى لقتنى بازعق .. كلبظ يابن ال... الله يخرب بيوتكو انتو بتتحدفوا عليا من انهى داهية ؟ غور ياله لاطلع افتح دماغك .. لقيته ضحك كده وقالي يادكتور اهدا انا عايز كلبظ من اللي بتلبسه العيال الصغيرة !!!! .. فين وفيييييين علي ما استوعبت انه عايز بامبرز ! .. المهم انه بعد مامشى من عندي بربع ساعة دخلت واحدة بتقولي عايزة كوتشى مقاس وسط ......... لا تعليق

سبيك من كل دة و خلليك فى المهم... انت اديتة الكامباس ولا لا؟؟

MMamdouh

[MMamdouh]

""" ازيك ياأحمد..والنبي ياحمد عاوزين الحقن ياأحمد..حسابنا كام ياأحمد..طيب لو مفيش فكة ياأحمد..ممكن أجي أخد الباقي بكره يباأحمد..ماشي ياأحمد...سلام ياأحمد""""""

عادى يا احمد... متبقاش حمبلى يا احمد... ولا انت عشان اسمك احمد... يا احمد؟؟؟

MMamdouh

[MISS_MONA]

[wassim_nasser]

سبيك من كل دة و خلليك فى المهم... انت اديتة الكامباس ولا لا؟؟

mmamdouh

هنا بالذات يا استاذ ممدوح هاستعير حكمتك .. فعلا بجد اللي مايعرفش يقول هجص

[A7MED_PHARMA]

عادى يا احمد... متبقاش حمبلى يا احمد... ولا انت عشان اسمك احمد... يا احمد؟؟؟

mmamdouh

والله يابشمهندس ممدوح
لو كنت واقف جمبي..كنت تتأكد....إنه مصمم على كلمة أحمد دي
وبيتك عليها ..وكأنه بيأكد إنه مش عاوز يندهلي بلقبي
بس أنا إديته وش بلاستيك جامد ساعتها
وجه النهاردة تاني..ماقالش ياأحمد..ولا يادكتور
ههههههههههه

[dr.hazem]

فكرتني بأخويا
في الاردن كان واقف في صيدلية
وواحد عايز فوار فيتامين سي بتاع شركة روش
مش فاكر اسمه كان ريدوكسون تقريبا؟
المهم
علامة شركة رووش وقتها كانت كلمة روش جوه معين اصفر
البيه دخل لاخويا بيقولي بدي دوا ابو بلاطه!!!!!!!!!
هههههههههههههههههههههه
وفين وفين لما طلع عايز فوار فيتامين سي
قال دوا ابو بلاطه

وواحد مره هندي وانا واقف في صيدليه في السعوديه جاني وجايب علبه كده وبيقولي انه عايز زي ده
بقوله انته جبت ده منين ده مفيش هنا
بيقولي من وسط البلد
اقوله ده بتاع ايه طيب
مش عارف
عملت اتصالاتي ومحدش عارف
قبل ما يمشي صورت الحاجه الغريبه اللي كانت معاه ومشيته
هحاول ادولكم على الصوره


تحياتي

[dr.hazem]

اتفضلو

حاجه عجب


بيهلي؟؟
ايه دي انا مش عارف

حد شافه قبل كده؟.؟؟؟


ههههههههههههههههههههههه

[kar!m]

ههههههههه

جامدة بتاعة الكوتشي دي
على فكرة في مناطق بتقول على البامبرز " كادلز" سمعتها كذا مرة يمكن هو كان بيحاول يقولك كدا بس فلتت منه

عندي صاحبي صيدلي من كتر اللي بيحكهولي و من اللي بيتكتب هنا بجد ربنا يكون في عونكم

لا يا باشا .. كان فى زمان حفاظات اسمها كدليز ولسه موجودة لحد دلوقتى .. كانت اعلاناتها "سبع طبقات و أستك" و كانت مشهورة جدا ايامها.

[eldell]

جامد اوى هو ممكن يكون الدغبس كادليز ايه يجيبو لكلبز هههههههههههههههههههههههه

[wassim_nasser]

اي كلام ف اي اتجاه يا dell باشا .. منور يادكتور حازم ربنا يوفقك فى امتحاناتك

[shaddadfalcon1]

لا يا باشا .. كان فى زمان حفاظات اسمها كدليز ولسه موجودة لحد دلوقتى .. كانت اعلاناتها "سبع طبقات و أستك" و كانت مشهورة جدا ايامها.

بصراحه انا بدخل اي صيدليه بقوله كادلز وعمر ماحد ضحك ولا ايه؟

انا عارف ان اسمها بامبرز بس انا سمعتها كده وتعودت عليها كده

ولو جينا للصح يبقي اسمها حفاضات لان كادلز وبمبرز كلها اسامي انواع