ممكن تأجر عربيتك ؟

[mrwho1982]

السلام عليكم اولا

ثانيا النهارده حصل موقف غريب هو مش غريب بس اول مره اشوفه

في واحد معانا في المكتب جايب عربية لانسر وكان رايح يخلص ورقها في المرور فهو وهو هناك

اتزنق في فلوس فكلمني وقاللي تعاللي بس في تاكسي علشان مش عارف يسوق العربية الجديدة

المهم دخلتلو المرور وخلصنا القرف واحنا طالعين لقيت واحد واقف جنب العربية بيقولي حضرتك صاحب العربية دي قلتلو لا صاحبها اهو

لقيتالراجل بيقول لصاحبي تاجر العربية دي لشركة ب 5000 في الشهر

هو صاحبي رفض بس انا الفكرة عاجباني

هو انا قبل كده سمعت الحوار ده وماكنتش مصدق

فياريت لو حد عندو معلومات عن الموضوع ده يفيدنا وهل ليها طرق نصب

[أحمد كمال]

لو هيأجر لشركة كبيرة و معروفة و ليها اسم و فيه عقد ايجار بشروط و تسليم و استلام بالحالة و تحديد لمسؤوليات كل طرف (مين هيصلح و يأمن و يعمل الصيانات.....إلخ) تبقى مصلحة ..... غير كده و لا ليها تلاتين لازمة

طبعا لو اللي عايز ياخدها ياجرها ده مكتب تاجير سيارات يبقى بلاااااااااااااااش

[أبو إياد]

اولا مافيش مكتب ايجار فى الدنيا ممكن باجر عربيه لانسر حتى ولو شارك بالسعر ده
هو حاجه من اتنين موظف فى شركه والشركه محتاجه عربيه وده الاحتمال الاكبر
او سمسار بيجمع عربيات لشركه ومااعتقدش لان المبلغ عالى جدا على العربيه

[Ahmed Nouh]

خلى بالك كويس اوى من القصة دى

واحد معرفة تاجر وعنده خبرة فى الحكاية دى كان مأجر 3 عربيات لمكتب وبعقود وبطاقات الناس ورخصة شركتهم وكله تمام والمكتب اتقفل بعد كام شهر وكان دفعوله حوالى 15 الف جنيه مقدم من الايجار ، ولما بلغ العقود اخدت دورة حياتها الروتينية فى المحاكم والبطاقات والرخصة طلعت مزورة وطبعا المحاكم شالت ايديها

وبعد 6 شهور فى دوامة مع الناس اللى بترجع المسروقات عربيتين رجعوا بعد دفع 20 الف جنيه والثالثة لا والعربيات اللى رجعت كانت فى القنطرة وطالعة برا مصر

[تامر.محمد]

احذروا النصابين

اللي اعرفه ان فيه ناس بتسرق العربيات بحركات زي دي

[mrwho1982]

ممممممممم يعني الواحد لازم يعرف الشركة ويكون تعاملو معاها علطول

[misoalex]

5000 جنيه يبقى نصب طبعا
مفيش لانسر بالسعر ده زى مقال ابو اياد

[elmkaneeki]

ولو فرضنا انه فى ايجار بالرقم دة
العربية اخرها كام شهر وهتبقى فساكونيا
وههتهان جامد اوى

[dr.amr]

اللانسر اخرها 3

[No Comment]

يا جماعة احذروا .... الموضوع ده فيه نصب وسرقات كتير أوى .
وألا كان الواحد منهم اشترى عربية كاش ولا حتى بالقسط واستفاد من المبلغ ده لنفسه .
انا اعرف ناس اتنصب عليها وخسرت كتير ومشاكل وقضايا وشرطة و بلطجة لحد ما عرفت ترجع العربيات بتاعتها.

[tarekzein]

يا جماعة احذروا .... الموضوع ده فيه نصب وسرقات كتير أوى .
وألا كان الواحد منهم اشترى عربية كاش ولا حتى بالقسط واستفاد من المبلغ ده لنفسه .
انا اعرف ناس اتنصب عليها وخسرت كتير ومشاكل وقضايا وشرطة و بلطجة لحد ما عرفت ترجع العربيات بتاعتها.

ههههههه

المضحك فى الموضوع

واحد عربيته ماتسرقتش

يروح يديها للحرامى بأيده

بس ده نصاب ودايما بيلعب على جزئية (الطمع )

[فتح الباب]

طيب هى الشركه اللى هتأجر العربيه عاجزه على انها تشترى على الزيرو حتى لو 10 عربيات طبعا مش عاجزه بما انها شركة بترول كما يقال اواى مجال اخر لا يهمه مبلغ مثلا 500 الف يجيب 5 او 6 عربيات ليه بيلجئوا للايجار ؟ ياريت اللى يقرأ الموضوع يقول رأيه بكل معرفته عن هذا الموضوع احنا بس عايزين نعرف الحقيقه فين ومنها الاستفاده ام الضرر ؟

[mrwho1982]

طيب هى الشركه اللى هتأجر العربيه عاجزه على انها تشترى على الزيرو حتى لو 10 عربيات طبعا مش عاجزه بما انها شركة بترول كما يقال اواى مجال اخر لا يهمه مبلغ مثلا 500 الف يجيب 5 او 6 عربيات ليه بيلجئوا للايجار ؟ ياريت اللى يقرأ الموضوع يقول رأيه بكل معرفته عن هذا الموضوع احنا بس عايزين نعرف الحقيقه فين ومنها الاستفاده ام الضرر ؟

اه والله ياريت

[أبو إياد]

طيب هى الشركه اللى هتأجر العربيه عاجزه على انها تشترى على الزيرو حتى لو 10 عربيات طبعا مش عاجزه بما انها شركة بترول كما يقال اواى مجال اخر لا يهمه مبلغ مثلا 500 الف يجيب 5 او 6 عربيات ليه بيلجئوا للايجار ؟ ياريت اللى يقرأ الموضوع يقول رأيه بكل معرفته عن هذا الموضوع احنا بس عايزين نعرف الحقيقه فين ومنها الاستفاده ام الضرر ؟

بسم الله الرحمن الرحيم

بص بقا ياسيدى بالنسبه للشركات والمشروعات اللى بتحتاج لسيارات طبعا قادره انها تشترى عربيات بس لما تحتاج مثلا 10 عربيات هانقول تقريبا سعرهم هايكون مليون جنيه تمام كده

اولا العربيات هتحتاج بنزين بمبلغ طبعا
وصيانات بمبلغ طبعا
اعطال بتحسب بخساره
حوادث بخساره اكبر
غير تحمل مسئوليه السياره
غير ان اعاده بيعها بيكون بخساره على الشركه
غير تحملها عماله زائده (سائقين)



فى حاله بقا انها تقوم بتاجير 10 سيارات
اولا السياره بتكون شامله حساب السائق والبنزين والصيانات وفى حاله حدوث اعطال او حادث بتقوم الشركه المؤجره بتوفير سياره اخرى بدون اى زياده فى المبلغ المدفوع

غير انه لا يوجد اى تحمل مسئوليه على السيارات من قبل الشركه المستاجره
غير الالتزام بالشروط الجزائيه
مثلا الزام الشركه باحضار سائقين ذو لغه اجنبيه والتزام بالمواعيد والمظهر الخارجى ( خريج جامعى طبعا)

يبقا طبعا التاجير افضل من الشراء



وعلى فكره واحد قريبى كان متعاقد مع شركه ومن ضمن العربيات المتعاقد عليها كانت bmw x3 والشركه كانت واخداها من غير سائق والسياره عملت حادث

اجبرت صاحب شركه الايجار بالالتزام بالتعاقد وتوفير سياره اخرى نفس النوع خلال اسبوع
وتم وبدون تحمل المستاجر اى مبلغ ( علشان بس محدش يقول ان بتوع الايجار بيكسبوا ) فى غمضه عين خسر 300000ج

بس فى شركات تانيه اتبعت نظام اخر وهو شراء سيارات للموظفين بالتقسيط وتسليمها للموظفين بدون سائقين وتحمل الموظف كافه المسئوليه والمصاريف والقسط

[فتح الباب]

اولا اشكر الاخ ابو ايادلاهتمامه
تمام كده يعنى نقول الموضوع ده كويس بنسبه 50% من المصداقيه يعنى ممكن يتم الاعتماد على هذا بأعتباره مشروع عمل للناس اللى ظروفها مش قوى واللى عايز يكون عنده عربيه ومش قادر يدفع اقساط واللى ممكن يجيب عربيتين بالقسط ويأجر واحده منهم ويتم سداد العربيتين من المسأجره طبعا كل دى افكار لمجالات عمل تعتبر من لا شىء المهم ان اللى هيتجه للمسار ده يأمن نفسه من حيث التأكد من الشركه والعقود ووووووووووووو.................... وهل ده اخر كلام ان فى مصداقيه 50% ولا فى كلام تانى سوف يطرح ياريت اللى يشوف الموضوع يقول رأيه وشاكرين جدا كما اشكر جدا الاستاذ ابو اياد على اهتمامه ورده المفصل له جزيل الشكر