حادث الكنيسه سببه تنظيم الجيش الأسلامى + وقفة سلميه يوم الثلاثاء

[AMA]

يا رب الموضوع يعجبكم و قولولى ينفع أشتغل صحفى باللغه العاميه ولا لأ ههههههههههههه


بعد هدوء الجو تماما و الأرتياح النفسى لمعرفه مرتكب الحادث و أسمه أحمد لطفى إبراهيم محمد من مواليد 1984 المتورط مع تنظيم جيش الإسلام الفلسطينى بغزة و المرتبط بتنظيم القاعدة (حسبى الله و نعم الوكيل) بس أنا لحد دلوقتى مش فاهم ليه بعض الشخصيات فى فلسطين على أصرار تام بقتل المصريين و الفتنه بينهم يعنى شوف كام واحد على معبر رفح يموت بسبب طلقات فلسطينيه !! على فكرة دا مش ياسر فريج فقط دا قبله حوالى 100 ظابط و عسكرى ميتين مش على طلقات أسرائيليه لأ للأسف دى بطلقات فلسطينيه ! طيب مصر لما بتتعطل فى حاجة فلسطين بتتعامل معامله (شهر العسل) يعنى خد عندك موضوع مصر و الجزائر شوف أسرائيل عملت كام مستوطنه و شوف برضة فى أيام حادثة كنيسه القديسيين الغارات الجوية على غزة و غيرها و غيرها و غيرها يعنى مصلحتة فلسطين فى أعتدال الأحوال السياسية عندنا فى مصر و برضة مش هقول دا كل الشعب الفلسطينى لأ الشعب الفلسطينى كله بيحب المصريين و على عينا و على راسنا لكن إلى بيتعملهم غسيل مخ لازم يشوفوا الدفاع عنهم خيانه لأنهم من الطبيعى ناس خاينه لبلدها , معلش دا كان رأيى و أسف لو طولت عليكم


طيب دلوقتى فى سيدى بشر ليه فيه عساكر أمن مركزى و ظباط بالهبل و معاهم قنابل غاز رغم إنهم كانوا بدأوا يقلوا !!
لأن يوم الثلاثاء إن شاء الله مظاهره مفتوحه المفروض تكون بأحترام و يفضل أن تكون صامته للشهيد خالد محمد سعيد و مش عايزين الدول التانيه تشمت فينا و تقول علينا همج و الناس تكون هاديه و محترمة من غير أى أعمال تخريب لأن البلد مش مستحمله أى حركة هبله و إلى يعمل أعمال تخريب و يكون جمبك بلغ عنه عشان نبقى محترمين بقى و لو مرة واحدة و نعرف يعنى أيه مظاهرة صامته أو أحتجاج بنظام (مع العلم بلاش المظاهرات فى الشوارع العموميه و لو أتعملت فى شارع عمومى يا ريت يكون فيه نظام عشان مرور السيارات) أو يتعمل كردون للمظاهرة من الأمن المركزى و دا بيحصل كتير لما العمليه بتكون هاديه لكن لو العمليه فيها تخريب هيكون تصرف الأمن المركزى اسوأ من مظاهرات المحله يوم 6 أبريل





اللهم بلغت
اللهم فأشهد

[Mohamed Fathy]

صحفى+111111111 ولك مستقبل باهر p:

[ashouhdy]

اية واقفة صامتة دى !!



ياعم دة دلوقتى جركن البنزين ببلاش وعلية علبة كبريت هدية ! والحدق يفهم

[yoko]

أنا مش مصدق غن يكونوا فلسطنين الي عملوها أصلا!!!
عارفين بيت الشعر كذب المحتل ولو صدق أنا بطبقة بس على ناس تانيه (كل واحد يفسرها على مزاجة بس مش عايز أتوقف)
وهما أعلنوا الكلام ده عشان من الأخر المظاهرات بتاعت بكره
ومش معنى كده غني مع المظهرات ﻷ أنا مش موافق عليها

[abogogo]

أكيد منظمة الجيش الاسلامي الفلسطيني هي اللى وراء التفجيرات عشان تعمل فتنة وهرج ومرج في مصر عشان تلهيها عن افعالهم الدنيئه في المستوطنين اليهود المستضعفين من طرد وسلب وهدم مستوطناتهم والتنكيل بهم والتوسع على حساب مستوطناتهم الامنه المسالمة ..!!
إشيي خيال يا ناس ...........!!!؟؟؟؟
... مين سي لطفي ...؟!! معلش يابني اصل انا عندي شعره ساعة تروح وساعة تيجي .....هااااااااا

[الصيداح]

أنت شكلك صدقت الكذبة
تنظيم جيش الإسلام ايه؟؟؟؟

[A7MED_PHARMA]

جيش تحرير فلسطين ملوش دعوة
الموضوع إتعمل علشان يبدو إن الفلسطينين هما الي عملوها
علشان يبقوا لوحدهم في الساحة..وأخر حبال الحب بين المصريين والفلسطينين(على المستوى الشعب مش الحكومي)
تتقطع بلانهاية
ويمكن ده ملعوب حكومي
استغلال الحادث الي هما مش عارفين مين الي عمله
ويقولوا ان الفلسطينين هما الي عملوه...علشان الناس تبطل تطلع في مظاهرات ضد الاحتلال الاسرائيلي الشقيق
يعني هوا جيش تحرير فلسطين ..خلص على كل اليهود وأخد أرضه
ومش لاقي حاجة يعملها
قالك أما نروح مصر نلعب شوية

[الصيداح]

جيش تحرير فلسطين ملوش دعوة
الموضوع إتعمل علشان يبدو إن الفلسطينين هما الي عملوها
علشان يبقوا لوحدهم في الساحة..وأخر حبال الحب بين المصريين والفلسطينين(على المستوى الشعب مش الحكومي)
تتقطع بلانهاية
ويمكن ده ملعوب حكومي
استغلال الحادث الي هما مش عارفين مين الي عمله
ويقولوا ان الفلسطينين هما الي عملوه...علشان الناس تبطل تطلع في مظاهرات ضد الاحتلال الاسرائيلي الشقيق
يعني هوا جيش تحرير فلسطين ..خلص على كل اليهود وأخد أرضه
ومش لاقي حاجة يعملها
قالك أما نروح مصر نلعب شوية

والله أنت راجل كبارة
هو ده الكلام
أنا مش عارف هي الحكومة دي ساذجة أوي للدرجة دي
الله المستعان

[Dr Zezo]

و اذا كان جيش الاسلام الفلسطيني لا يمثل سوي نفسه و لا يمثل الشعب الفلسطيني
و بينه و بين المقاومة في غزة و علي رأسها حماس مصانع الحداد
و حدث بينهما اشتباكات عدة مرات منذ فترة بالرصاص و تم تصفية اعضاء من هذا التنظيم من قبل حماس

و ان حماس علي استعداد كامل للتعاون مع مصر للقضاء علي هذا التنظيم و هيكونوا مبسوطين اكتر منا

كيف يمكن تفسير ما سبق مع النظرية السابقة ؟

[abo_anas]

بسم الله الرحمن الرحيم

الاجابه: تونس

[AMA]

أنا مش بحمل فلسطين كدولة أو شعب فلسطين بأكمله
يعنى هل ينفع نقول أن البهائيين فى مصر هما المسلمين كلهم !!؟؟
أو مصر دولة يهوديه عشان فيها حوالى 92 يهودى مصرى !!!؟
يا جماعة أولا أنا ضد أفكار الأحزاب فى فلسطين يعنى من النهايه ضد فتح بتوع المفاوضات و ضد حماس و ضد كل حزب هيطلع فى دولة فلسطين لأن فلسطين محتاجة حاجة واحدة بس الأحزاب دى تتجمع مع بعض و تعمل حزب واحد طلاما مفيش جيش فلسطينى يبقى الأحزاب دى تصفى خلافاتهم مع بعض و يبقوا حزب واحد بدل مايموتوا فى بعض

بالنسبه لموضوع هما خلصوا على اليهود عشان ييجوا مصر عندنا
طيب ماهما لسه مخلصوش على اليهود و تلاقى حماس بتضرب فى باقيه الأحزاب و فتح بتضرب فى أحزاب تانيه يعنى مفيش توحيد

و أحمد فارما وضحلى أنه ممكن يكون 99% برضة من الخطة الأبليسيه و لعبه السياسه الموجوده (فرق تسد يعنى)
لأن لو تركزوا زى ماقولت فى الموضوع كل حاجة أحنا بنتشغل فيها تلاقى فلسطين الضرر عليها اكبر زى حوار الجزائر و المستوطنات و فى نفس لحظة تفجير الكنيسه كانت فيه غارات فى غزة والله أعلم


بس الى مخلينى اصدق الخبر لان مينفعش كبش فدا فى موقف زى دة
كبش الفدا بيبقى فى قضايا مش كبيره لكن قضية رأى عام بالضخامه دى صعبه
بس يمكن ماهو التاريخ و السياسه ياما كتير حصل فيها خدع والله الواحد ماعارف يصدق مين

[A7MED_PHARMA]

أنا مش بحمل فلسطين كدولة أو شعب فلسطين بأكمله
يعنى هل ينفع نقول أن البهائيين فى مصر هما المسلمين كلهم !!؟؟
أو مصر دولة يهوديه عشان فيها حوالى 92 يهودى مصرى !!!؟
يا جماعة أولا أنا ضد أفكار الأحزاب فى فلسطين يعنى من النهايه ضد فتح بتوع المفاوضات و ضد حماس و ضد كل حزب هيطلع فى دولة فلسطين لأن فلسطين محتاجة حاجة واحدة بس الأحزاب دى تتجمع مع بعض و تعمل حزب واحد طلاما مفيش جيش فلسطينى يبقى الأحزاب دى تصفى خلافاتهم مع بعض و يبقوا حزب واحد بدل مايموتوا فى بعض

بالنسبه لموضوع هما خلصوا على اليهود عشان ييجوا مصر عندنا
طيب ماهما لسه مخلصوش على اليهود و تلاقى حماس بتضرب فى باقيه الأحزاب و فتح بتضرب فى أحزاب تانيه يعنى مفيش توحيد

و أحمد فارما وضحلى أنه ممكن يكون 99% برضة من الخطة الأبليسيه و لعبه السياسه الموجوده (فرق تسد يعنى)
لأن لو تركزوا زى ماقولت فى الموضوع كل حاجة أحنا بنتشغل فيها تلاقى فلسطين الضرر عليها اكبر زى حوار الجزائر و المستوطنات و فى نفس لحظة تفجير الكنيسه كانت فيه غارات فى غزة والله أعلم


بس الى مخلينى اصدق الخبر لان مينفعش كبش فدا فى موقف زى دة
كبش الفدا بيبقى فى قضايا مش كبيره لكن قضية رأى عام بالضخامه دى صعبه
بس يمكن ماهو التاريخ و السياسه ياما كتير حصل فيها خدع والله الواحد ماعارف يصدق مين

كبش الفدا بيتحط في كل حتة

تفتكر حوادث 11 سبتمبر..مين إلي عملها؟؟؟
ومين إلي إدى لأمريكا حجة ..علشان تزرع نفسها في العراق وأفغانستان
وتدي لنفسها كل الحق إنها تحتل أي دولة تانية ..بحجة الأمن القومي الأمريكي
أهو كبش الفدا..كان القاعدة
ولما تبص وتشوف مين عملها..هتلاقيه هو المستفيد
الاحتلال الصهيوني الشقيق طبعا

ولله الأمـــــــــــر

[sheriefaly]

النتن ياهو جاء مصر وهو بيقول لازم كلنا نحارب حماس
تانى يوم التقجير لزق فى الفلسطينين
مكشوفة و ملعوبة بغباء

[تامر.محمد]

بصراحة يعني

انت اول واحد اشوفه مصدق الكلام ده

راجع نفسك احسن

:)

[AMA]

بصراحة يعني

انت اول واحد اشوفه مصدق الكلام ده

راجع نفسك احسن

:)

والله ماعارف أصدق ولا مصدقش يعنى لسه مأخدتش قرار نهائى فى دماغى
بس دا ميمنعش انى بحب فلسطين جدا و نفسى اشوفها غير كدة يعنى نفسى أشوفها جمهوريه فلسطين العربيه مش فلسطين المحتله لان كلمة المحتله دى عار علينا كمصريين قبل أى دولة عربيه أو دوله عالميه تانيه بس فى نفس الوقت لازم احب بلدى اكتر و دا إلى مخلينى أشك فى القله القليله منهم دول مجرد شك مش تأكيد