Tweet
السلام عليكم ,
حضرتك أنا ساكن فى الشروق من 2008 و بروح العبور كتير عشان زمايلى ساكنين هناك , كل واحدة فيهم ليها مميزات و عيوب و حضرتك اللى تقرر ايه اللى يمشى معاك من الاتنين.
بالنسبة للشروق هى ليها مدخلين الاول من طريق الاسماعيلية و المدخل التانى من طريق السويس و دى ميزة مهمة جدا بالذات فى الفترة من الساعة 3.5 العصر لحد الساعة 7 تقريبا اللى هى فترة الذروة لخروج المصانع , الشروق مدينة سكنية فقط يعنى مفيش فيها منطقة صناعية و دة خلى الى حد ما المجتمع ليه مستوى كويس , من 2008 من ساعة ما سكنت فى الشروق حركة العمران بتزيد عشان مدينتى و أعتقد ان بعد ما كارفور يفتح على مدخل المدينة الحركة هتزيد أكتر , العيب فى الشروق هو عدم وجود أماكن ترفيهية لان كل المولات هناك لسة فى مرحلة البناء
بالنسبة للعبور ليها مدخلها الاساسى من طريق الاسماعيلية و المدخل التانى من طريق بلبيس بس المشكلة ان كل دة بردة فى الاخر بتنزل فى نفس المكان عند مدينة السلام و منها بقى الى الطريق الدائرى او تكمل فى اتجاة جسر السويس او شارع جوزيف تيتو و كل المناطق دى زحمة جدا جدا جدا فى الفترة من 3.5 لحد 7 , العبور فيها خدمات ترفيهية أكتر من الشروق فى منطقة المطاعم اللى عند مدخل طريق الاسماعيلية , فيها مطاعم و كارفور و كافيهات , العبور لان فيها منطقة صناعية فدة عامل كثافة سكانية عالية بالنسبة لمدينة الشروق (بس مش زحمة) و حركة العمران فى العبور اسرع من الشروق عشان المنطقة الصناعية , العيب الاساسى فى الشروق بالنسبة لتقديرى المتواضع هو موضوع طريق الاسماعيلية و لازم يكون فى حل بحيث ان يكون فى طريق مباشر تنزل منه على الدائرى مباشرة بدون الدخول فى طريق الاسماعيلية او طريق بلبيس
دة مقارنة بسيطة جدا بين الشروق و العبور و كلها رأى شخصى و الفصل فى موضوع الاختيار ان حضرتك تنزل الاتنين تلف فيهم و تشوف الاسعار و الخدمات المتوفرة و الجيران المحيطين بيك و مستواهم و الاهم الراحة النفسية للمكان
و ربنا يوفقك لحسن الاختيار
حضرتك أنا ساكن فى الشروق من 2008 و بروح العبور كتير عشان زمايلى ساكنين هناك , كل واحدة فيهم ليها مميزات و عيوب و حضرتك اللى تقرر ايه اللى يمشى معاك من الاتنين.
بالنسبة للشروق هى ليها مدخلين الاول من طريق الاسماعيلية و المدخل التانى من طريق السويس و دى ميزة مهمة جدا بالذات فى الفترة من الساعة 3.5 العصر لحد الساعة 7 تقريبا اللى هى فترة الذروة لخروج المصانع , الشروق مدينة سكنية فقط يعنى مفيش فيها منطقة صناعية و دة خلى الى حد ما المجتمع ليه مستوى كويس , من 2008 من ساعة ما سكنت فى الشروق حركة العمران بتزيد عشان مدينتى و أعتقد ان بعد ما كارفور يفتح على مدخل المدينة الحركة هتزيد أكتر , العيب فى الشروق هو عدم وجود أماكن ترفيهية لان كل المولات هناك لسة فى مرحلة البناء
بالنسبة للعبور ليها مدخلها الاساسى من طريق الاسماعيلية و المدخل التانى من طريق بلبيس بس المشكلة ان كل دة بردة فى الاخر بتنزل فى نفس المكان عند مدينة السلام و منها بقى الى الطريق الدائرى او تكمل فى اتجاة جسر السويس او شارع جوزيف تيتو و كل المناطق دى زحمة جدا جدا جدا فى الفترة من 3.5 لحد 7 , العبور فيها خدمات ترفيهية أكتر من الشروق فى منطقة المطاعم اللى عند مدخل طريق الاسماعيلية , فيها مطاعم و كارفور و كافيهات , العبور لان فيها منطقة صناعية فدة عامل كثافة سكانية عالية بالنسبة لمدينة الشروق (بس مش زحمة) و حركة العمران فى العبور اسرع من الشروق عشان المنطقة الصناعية , العيب الاساسى فى الشروق بالنسبة لتقديرى المتواضع هو موضوع طريق الاسماعيلية و لازم يكون فى حل بحيث ان يكون فى طريق مباشر تنزل منه على الدائرى مباشرة بدون الدخول فى طريق الاسماعيلية او طريق بلبيس
دة مقارنة بسيطة جدا بين الشروق و العبور و كلها رأى شخصى و الفصل فى موضوع الاختيار ان حضرتك تنزل الاتنين تلف فيهم و تشوف الاسعار و الخدمات المتوفرة و الجيران المحيطين بيك و مستواهم و الاهم الراحة النفسية للمكان
و ربنا يوفقك لحسن الاختيار
Comment