هل السواقه اثرت فى اخلاقك؟

[tutankhamoun]

أنا بقى السواقة حولتني من إنسا ن هادئ جدا جدا
إلى إنسان عصبي جدا جدا و خصوصا و أنا سايق
أنا كرهت السواقة و السواقين و اللي بيسوقوا
و زمان كنت دائما أسامح الناس لو غلطوا فيا
دلوقتي اللي بيستعبط ......... بغلس على اللي جايبينه
و ممكن أعطل نفسي عشان أعلمه شوية أدب
بس للآسف كله بثمنه و الثمن هو حرقة أعصاب و أكتشفت أن أغلبية سائقي مصر ( ميكروباصات و تاكسيات ) ناقصين تربية و ليس لديهم أخلاق .......... و لكن أحيانا لا أستطيع أن أتوقف عن الإنتقام ...........

[ahmedfd]

و الله أنا أحيي صاحب الموضوع عليه لأني فعلاً بعاني من الموضوع ده و كان نفسي نتكلم عنها في المنتدى.. فعلاً أنا بره العربية عكس جوه العربية 180 درجة ... أنا في العادي هادي جداً و باخد بالي جداً من سلوكي و كلامي أما السواقة أنا نفسي ساعات باتخض من العصبية اللي بكون فيها.. و طبعاً القولون العصبي بعد 18 سنة سواقة ده أساسي.
و اللي بيعصبني أكتر البرود و البلادة عند الناس اللي بتغلط و الناس الللي بتغلطك و تبصلك كأنك مجنون علشان واقف قبل الخط الأبيض في الإشارة.
في لندن التاكسي كان بيبتدي يتحرك من الإشارة من غير ميبص شمال و لا يمين لما الإشارة تدي أصفر، طبعاً هنا لازم تستنى بعد اللون الأخضر شوية لحد الناس حنفية العربيات اللي ماشية تبطل تنقط و إنت و حظك لو لحقت إشارتك أساساً.
الموضوع ده عنه أبحاث في الدنيا كلها يعني إعملو بحث عن كلة Road-Rage في جووجل هتلاقوا 3.8 مليون نتيجة... و كل المواقع و المؤسسات المتخصصة بتقول نفس الكلام إن فعلاً سلوك الشخص العدواني في السواقة لا يدل إطلاقاً على سلوكه الطبيعي بره العربية و ده الحقيقة اللي بيريحني بعض الشيئ و هداني شوية.. لما أشوف واحد بيسوق بغباوة أو طريقة مستفزة شوية أقول أكيد راجل محترم و إبن ناس و له زوجة و أطفال بس السواقة كدة... مش عارف رأيكو إيه متفقين معايا و لا لأ؟

[FLYINGPEUGEOT]

هو طبعا المفروض العكس...يعنى المفروض الواحد اخلاقه هى اللى بتأثر على اسلوبه
فى السواقه...مش العكس...
بس للاسف زى ما حبيبى الاستاذ توت قال..الواحد كره السواقه بسسب اللى بشوفو

.الشوارع والمرور والزحمه والسائقين
المعتوهين والناس التنحه اللى بتعدى الطريق والاشارات .....انا شخصيا..بالنسبالى
العوامل دى كلها مش مجرد هتحولنى لانسان عصبى.....ممكن تحولنى
لقاتل محترف !!

[Noha.M]

هل السواقة اثرت فى اخلاقي ؟؟؟

اى نعم !!!!!!!!!!!! و بلا شك

بقيت اولا : رديييييحة

ثانيا : بلسانين

ثالثا : بلطجية و وش اقسام

الليستا مليانة يعني لو تحب اكمل P:

[Noha.M]

أنا بقى السواقة حولتني من إنسا ن هادئ جدا جدا
إلى إنسان عصبي جدا جدا و خصوصا و أنا سايق
أنا كرهت السواقة و السواقين و اللي بيسوقوا
و زمان كنت دائما أسامح الناس لو غلطوا فيا
دلوقتي اللي بيستعبط ......... بغلس على اللي جايبينه
و ممكن أعطل نفسي عشان أعلمه شوية أدب
بس للآسف كله بثمنه و الثمن هو حرقة أعصاب و أكتشفت أن أغلبية سائقي مصر ( ميكروباصات و تاكسيات ) ناقصين تربية و ليس لديهم أخلاق .......... و لكن أحيانا لا أستطيع أن أتوقف عن الإنتقام ...........

والله يا توت فطستني من الضحك

الموضوع دة جه على الجرح عندك انا عارفة :D:D:D:D

بس دعوتك على الللى بيعملو غرز مش تقييييلة حبتييييين؟؟:D

[HESHAM AMIN]

اةةةةةةةةةةةةةةةةةةةةةةةةةةةةة
خلتنى قليل الادب
وتحس انى عربجى
مع ان طبعى هادى الاعصاب
بس شوارع بلدنا ما ينفعش فيها المتربى

[tutankhamoun]

هو طبعا المفروض العكس...يعنى المفروض الواحد اخلاقه هى اللى بتأثر على اسلوبه
فى السواقه...مش العكس...
بس للاسف زى ما حبيبى الاستاذ توت قال..الواحد كره السواقه بسسب اللى بشوفو

.الشوارع والمرور والزحمه والسائقين
المعتوهين والناس التنحه اللى بتعدى الطريق والاشارات .....انا شخصيا..بالنسبالى
العوامل دى كلها مش مجرد هتحولنى لانسان عصبى.....ممكن تحولنى
لقاتل محترف !!

و الله العظيم أنت عسل ............... فطستني من الضحك ........... معندكش رشاش للبيع و لا حتى مدفع ;) ;)

[tutankhamoun]

والله يا توت فطستني من الضحك

الموضوع دة جه على الجرح عندك انا عارفة :D:D:D:D

بس دعوتك على الللى بيعملو غرز مش تقييييلة حبتييييين؟؟:D

و الله أنا نفسي أركب مدفع نووي على سطح العربية
و كل بني آدم تنح معندوش دم ( و منهم كتييييييييييييييييييييير ) أروح دايس على الزرار و أقذفه بقنبله تجيب آجله علشان يروح بقى يقابل ربنا و يحاسبه على آذيه خلق الله في الدنيا و خصوصا بتوع الميكروباص و التاكسي و شباب الغرز الله يحرقهم

و نزولاً على طلبات الأخوة الزملاء و الزميلات فقد غيرت توقيعي و غيرت الدعاء و ربنا هو اللي يجازيهم
و شكرا يا نهى على المداخلة

[theking2690]

اتصدقوا يا جماعه انا فرحت اوى لما لقيت ان انا مش لوحدى اللى كده اصل اهلى مبقوش يحبو يركبو معايا قد كده علشان ببقى عصبى و انا سايق دول حسسونى انى كائن فضائى

اةةةةةةةة
للاسف بقيت اغلط في سري
بس المشكلة فعلا من سلوك الناس حواليك والمشكلة الاكبر لو انت ماشي صح . ودايما بتخانق مع واحد صاحبي يقولي انت ماشي روتيني امشي زي الناس اكسر عليهم وخش فيهم ولا يهمك
واضح ان دة المبدا عندنا في السواقة في مصر. ربنا يرحمنا. وفعلا انا بدات اتخنق من السواقة

في مقولة دايما بتتقال لي( تجنب خطا الغير )
بس مش عارف ازاي

موضوع تجنب خطأ الغير ده خلاص مبقاش ليه فاعليه لأنك ببساطه مش هتقدر تتفادى غلط كل اللى حواليك مره واحده

الحقيقه انا مش عارف اقول ايه ولا ايه

انا باسوق يوميا 150 كم وبقى لى 6 سنوات على هذا الحال

انا حاسس انى بقيت سواق ميكروباص

انا صحيح مش باتخانق ولا بشتم اى حد ولما اكلم حد ممن اهزأه بالزوق

بس فى نفس الوقت بقت عندى قابليه للانتقام من الناس اللى بتستهبل او تضايقنى وانا ماشى

لدرجه انى ممكن اغلس عليهم واقفل عليهم واعمل معاهم مشكله طول الطريق يعنى الموضوع بيتحول الى حرب مش مشوار

وده له تاثير سىءر على اى شخص يتعرض للضغوط دى لمده 3 ساعات يوميا

اخر المطاف بدات اكبر دماغى لو الموضوع بسيط واطنش

بس ساعات مش باقدر امسك نفسى

وربنا يكرم ويهدى النفوس

انت بقى حضرتك الله يكون فى عونك 150 يوميا فى السيرك المصرى:D

للأسف بتعامل مع كل الناس على انهم اغبياء حتى يثبت العكس و لو حتى واحد مدي اشارة انه رايح يمين او شمال بشك في قواه العقلية لغاية لما يعمل اللي اشارته بتدل عليه
و ده للأسف بيخلليني مشدود طول ما انا سايق عمال اراقب الناس و حتى الناس اللي ماشية ورايا
اصل اخوكو مبيطيقش حتى الحكة في العربية
بس صوت العدة المرعب بيخللي الناس تجري بعيد عني على طول و بيفتكروا اني شاب مجنون و هطيح فيهم تكسير بالعربية اللي مامي جايباهالي
ميعرفوش ان ده اسلوب ارهابي بس على حساب وداني:)

المشكله ان الناس مبقاش بياكل معاها اللون بتاع تعلية الصوت ده قد كده ده بيفرق مع الناس اللى خايفه على عربياتها و على فكره انا زيك برضه فى انك بتخاف على عربيتك

أنا بقى السواقة حولتني من إنسا ن هادئ جدا جدا
إلى إنسان عصبي جدا جدا و خصوصا و أنا سايق
أنا كرهت السواقة و السواقين و اللي بيسوقوا
و زمان كنت دائما أسامح الناس لو غلطوا فيا
دلوقتي اللي بيستعبط ......... بغلس على اللي جايبينه
و ممكن أعطل نفسي عشان أعلمه شوية أدب
بس للآسف كله بثمنه و الثمن هو حرقة أعصاب و أكتشفت أن أغلبية سائقي مصر ( ميكروباصات و تاكسيات ) ناقصين تربية و ليس لديهم أخلاق .......... و لكن أحيانا لا أستطيع أن أتوقف عن الإنتقام ...........

اتصدق يا استاذ توت انا قلت ان حضرتك اكتر واحد هيكون متفق معايا فى الموضوع ده و فعلا الحمدلله ربنا ماخيبش ظنى

و الله أنا أحيي صاحب الموضوع عليه لأني فعلاً بعاني من الموضوع ده و كان نفسي نتكلم عنها في المنتدى.. فعلاً أنا بره العربية عكس جوه العربية 180 درجة ... أنا في العادي هادي جداً و باخد بالي جداً من سلوكي و كلامي أما السواقة أنا نفسي ساعات باتخض من العصبية اللي بكون فيها.. و طبعاً القولون العصبي بعد 18 سنة سواقة ده أساسي.
و اللي بيعصبني أكتر البرود و البلادة عند الناس اللي بتغلط و الناس الللي بتغلطك و تبصلك كأنك مجنون علشان واقف قبل الخط الأبيض في الإشارة.
في لندن التاكسي كان بيبتدي يتحرك من الإشارة من غير ميبص شمال و لا يمين لما الإشارة تدي أصفر، طبعاً هنا لازم تستنى بعد اللون الأخضر شوية لحد الناس حنفية العربيات اللي ماشية تبطل تنقط و إنت و حظك لو لحقت إشارتك أساساً.
الموضوع ده عنه أبحاث في الدنيا كلها يعني إعملو بحث عن كلة Road-Rage في جووجل هتلاقوا 3.8 مليون نتيجة... و كل المواقع و المؤسسات المتخصصة بتقول نفس الكلام إن فعلاً سلوك الشخص العدواني في السواقة لا يدل إطلاقاً على سلوكه الطبيعي بره العربية و ده الحقيقة اللي بيريحني بعض الشيئ و هداني شوية.. لما أشوف واحد بيسوق بغباوة أو طريقة مستفزة شوية أقول أكيد راجل محترم و إبن ناس و له زوجة و أطفال بس السواقة كدة... مش عارف رأيكو إيه متفقين معايا و لا لأ؟

اهلا ابو زمل مش هقولك اكتر من join the club

هو طبعا المفروض العكس...يعنى المفروض الواحد اخلاقه هى اللى بتأثر على اسلوبه
فى السواقه...مش العكس...
بس للاسف زى ما حبيبى الاستاذ توت قال..الواحد كره السواقه بسسب اللى بشوفو

.الشوارع والمرور والزحمه والسائقين
المعتوهين والناس التنحه اللى بتعدى الطريق والاشارات .....انا شخصيا..بالنسبالى
العوامل دى كلها مش مجرد هتحولنى لانسان عصبى.....ممكن تحولنى
لقاتل محترف !!

ايه يا عم هانى انت هتبقى رئيس عصابه و قاتل محترف سيبلنا حاجه نسترزق منها احنا:D

هل السواقة اثرت فى اخلاقي ؟؟؟

اى نعم !!!!!!!!!!!! و بلا شك

بقيت اولا : رديييييحة

ثانيا : بلسانين

ثالثا : بلطجية و وش اقسام

الليستا مليانة يعني لو تحب اكمل P:

حتى البنات السواقه هتبوظ اخلاقهم و كمان بقيتى وش اقسام ده انت على كده اتحولتى و هتنضمى لجيش العدو:D

اةةةةةةةةةةةةةةةةةةةةةةةةةةةةة
خلتنى قليل الادب
وتحس انى عربجى
مع ان طبعى هادى الاعصاب
بس شوارع بلدنا ما ينفعش فيها المتربى

ده حضرتك الكلام ده قليل بالنسبه للى عملته فيا السواقه انا كمان و شوف لما الكلام ده يبقى من سواقه لمدة سنه واحده بس امال كمان 5 سنين هعمل ايه

و الله أنا نفسي أركب مدفع نووي على سطح العربية
و كل بني آدم تنح معندوش دم ( و منهم كتييييييييييييييييييييير ) أروح دايس على الزرار و أقذفه بقنبله تجيب آجله علشان يروح بقى يقابل ربنا و يحاسبه على آذيه خلق الله في الدنيا و خصوصا بتوع الميكروباص و التاكسي و شباب الغرز الله يحرقهم

و نزولاً على طلبات الأخوة الزملاء و الزميلات فقد غيرت توقيعي و غيرت الدعاء و ربنا هو اللي يجازيهم
و شكرا يا نهى على المداخلة

ده ايه توارد الافكار الريب ده يا استاذ توت انا برضه بفكر اعمل كده

[fiatmomo]

أيوه وأنا كمان معاك وبقول نفس كلامك ده إن السواقة وسط الظروف دى علمتنى قلة الأدب وخلتنى أشتم حتى لو فى سرى..

لكن بصراحة لقيت إن الذوق أكثر فاعلية من الشتيمة
يعنى العتاب والكلام الصح بأسلوب حازم وغير مهين غالبا يأتى بمفعول أفضل من الشتايم

ربنا يبارك فيك ويكتر من امثالك يا دكتور احمد ..........

كلامك مظبوط ...انا دلوقتى لما حد بيعملى حاجة بقيت بنزل اكلمة من غير قلة ادب ... لانى انا كمان سعات غصب عنى ممكن اريح على حد او اخبط فى حد ومحبش ان حد يغلط فيا ..

بس فعلا السواقة شى غبى جدا جدا جدا جدا ... انا امبارح من كتر الارهاق الذهنى الى جالى من كتر الزحمة الى فى المهندسين .. خبطت امبارح فى عربيتين مرة وانا برجع بضهرى ( بالرغم من انى كنت شايفها بس هيست مش عارف ازاى ودخلت فيها ) والمرة التانية الاشاره قفلت وانا مخدتش بالى وكنت ببص على سواق التاكسى الغلس الى كان عمال يكلكس .. قمت داخل فى عربية قدامى ...

صحيح علاشان محدش ياخد عنى فكرة انى غشيم سواقة ولا حاجة ... انا دايما بسوق بطريقة دفاعية وبتوقع خطأ الغير وبفادى الناس الغشم الى بيجو من ورايا ... بس الموضوع كلة كان قلة تركيز وعصبية .. وانى مكونتش كلت الصبح ومكونتش نايم كويس .. وكنت بفكر فى كذا حاجة ... ودة نتاج المشاكل دية كلها .

الحمد لله انى كنت سايق الفيات والى كنت رجعت البيت بتشوهات فى العربية

صحيح دة غير التاكسى الى خبط فيا ... وبيقولى عادى دية بوسه .

الحقيقة شوارع مصر عوزالها دودج رام .

[theking2690]

ربنا يبارك فيك ويكتر من امثالك يا دكتور احمد ..........

كلامك مظبوط ...انا دلوقتى لما حد بيعملى حاجة بقيت بنزل اكلمة من غير قلة ادب ... لانى انا كمان سعات غصب عنى ممكن اريح على حد او اخبط فى حد ومحبش ان حد يغلط فيا ..

بس فعلا السواقة شى غبى جدا جدا جدا جدا ... انا امبارح من كتر الارهاق الذهنى الى جالى من كتر الزحمة الى فى المهندسين .. خبطت امبارح فى عربيتين مرة وانا برجع بضهرى ( بالرغم من انى كنت شايفها بس هيست مش عارف ازاى ودخلت فيها ) والمرة التانية الاشاره قفلت وانا مخدتش بالى وكنت ببص على سواق التاكسى الغلس الى كان عمال يكلكس .. قمت داخل فى عربية قدامى ...

صحيح علاشان محدش ياخد عنى فكرة انى غشيم سواقة ولا حاجة ... انا دايما بسوق بطريقة دفاعية وبتوقع خطأ الغير وبفادى الناس الغشم الى بيجو من ورايا ... بس الموضوع كلة كان قلة تركيز وعصبية .. وانى مكونتش كلت الصبح ومكونتش نايم كويس .. وكنت بفكر فى كذا حاجة ... ودة نتاج المشاكل دية كلها .

الحمد لله انى كنت سايق الفيات والى كنت رجعت البيت بتشوهات فى العربية

صحيح دة غير التاكسى الى خبط فيا ... وبيقولى عادى دية بوسه .

الحقيقة شوارع مصر عوزالها دودج رام .

اولا حمدلله على سلامتك وانا موافق دكتور احمد طبعا على رأيه بس المشكله ان بيبقى فى ناس مستفزه زياده عن الزوم و المشكله بقى ان دول فئة الاغلبيه

و الدودج رام هى فعلا اكتر عربيه مناسبه ليكى يا مصر الواحد لما بيبقى و يشوفها وراه من غير ما صاحبها يكلكس و لا يدى نور حتى الواحد بيوسعلوا لأن ملامح العربيه اساسا تحسها بتقولك اوعى بدل ما ادوس عليك

[محمد المشد]

انا بصراحة شايف ان بعض الاخوة اصبح عندهم انفصام فى الشخصية 000 خارج السيارة هادىء الطبع خلوق ، صبور 000 الخ داخل السيارة عصبى ، متقلب المزاج ، رديح ، بيشتم 000 الخ

اعتقد بكل صدق ان غالبيتنا لديهم هذا الانفصام فى الشخصية ، واعتقد ان ذلك يرجع اى الضغوط النفسية الرهيبة عى الشعب المصرى وخاصة خلال هذه الفترة فالبعض يخرج من بيتة اما ناعى هم مدارس الاولاد ومصاريفهم او مصروفات البيت اللى زادت ولا طلبات المدام اللى لاتنتهى او خطيبته اللى مدوخاة بطلباتها او المدير فى العمل اللى مورية الويل ، او الحكومة اللى كاتمة نفسة ومش قادر يعبر عما يجيش فى صدرة وبيطلع قرفة بعد ذلك فيمن يقابلة ، والانكت من كل دة لما يتخانق يقول
انت مش عارف انتى بتكلم مين ؟ لذا اقول للجميع معكم حق فى بعض ما تسردونه ولكن قال الرسول الكريم 000 لاتغضب ، وهذا خلاصة القول 00 فتذكر هذا القول بقدر الامكان لان الغضب سوف يؤدى بك الى ما لاتحبة ولا ترضاة على نفسك وسوف يؤنبك ضميرك على انك شتمت هذا ولعنت ذاك وضربت من هو اضعف منك حتى وان اخطأ ، ولن تعرف طعم النوم وهلما جرة 000
اما سائقى الميكروباص والتاكسيات والاجرة والنقل فأتمنى ان يتم الكشف عليهم قبل اعطائهم اى ترخيص او رخصة لان اغلبهم سبب البلاوى الموجودة بالشارع

[M.Mokhtar]

انا اكتر حاجة بتغظنى جدا انك تبقى ماشى وجانبك عربيه وفجاة تلاقيه بيدى اشاره يمين او شمال وداخل فيك
ولو كلمته انت بتعمل ايه يقولك مش انا مديك اشارة
طيب ما انا جنبك يا عم البطيخة اروحلك فين يعنى

انا بصراحه طبعى هادى جدا حتى وانا بسوق بيكون هادى جدا مع انى سواقتى مش فيها رعونه لا دى هى عبارة عن رعونه فيها سواقة :)
بس بعمل كل حاجة وانا هادى ومبتسم ( الواد المتمكن بقى )

انا فاكر مره كنت مروح مش الشغل من المهندسين ورايح الهرم وعند نفق الهرم لاقيت تاكسى ابن حلال بيعمل غرزة من بين الميكروباص اللى قدامه وبينى بس مكنتش تعديه لولا انى فرمت جامد فجاة لدرجة ان اللى ورايا فرمل هو كمان بس فرامله ملاحقتوش لولا انى طلعت بسرعه امريكانى بقا كان زمانه خبط فيا

ومقولكوش عملت فيه ايه
التاكسى طبعا كان مركب ناس معاه
انا رحت طالع قدامه ولامم عليه وهديت على الاخر
لاقيته راح قارص على الموتو وطلع قدامى وقال ايه عايز يعمل فيا نفس الحركه

طبعا انا قولت اللى بنعمله فى الناس هيطلع علينا ولا ايه
رحت جايله يمين جالى يمين جيتله شمال جالى شمال قولت ما بدهاش بقى
رحت مديله حته يمين فى شمال ملهاش حل مع كيك داون (طبعا اللى عارف الفكترا CDX عارف يعنى ايه كيك داون بتاع ال 2000cc )
طبعا هو جه ينطلى يمين لقانى جنبه فى الشمال ورحت لامم عليه اوى دخلته فى العربيه اللى جنبه وتكرر نس الموضوع بقى هو ورايا وانا قدامه

بس اللى زعلنى اوى انى فجاة لاقيت شاب وبنت بيعدوا الطريق طبعا انا فجأة لاقيتهم فى نص العربيه بتاعتى بس الحمد لله ربنا ستر وعرفت اتفاداهم بس هم طبعا كان شعرهم وقف خلاص

انا اسف على التطويل بس كنت عايز اقول ان اكيد السواقه بتأثر علينا بس اللى بيضايقنى فعلا انى بزعل من نفسى بعد ما بطلع عين اللى ضايقنى

[M.Mokhtar]

بس اللى زعلنى اوى انى فجاة لاقيت شاب وبنت بيعدوا الطريق طبعا انا فجأة لاقيتهم فى نص العربيه بتاعتى بس الحمد لله ربنا ستر وعرفت اتفاداهم بس هم طبعا كان شعرهم وقف خلاص

طبعا هنا عرفت معنى الحب بجد
هم طبعا بيعدوا وماسكين ايد بعض (سبيه يمسكها يا فوزيه)
اول ما الواد شاف العربيه جاية صاروخ عليهم ساب اديها طبعا ورجع لورى شويه :) :)

هو ده الحب الحقيقى

[tutankhamoun]

أنا مرة غلست على سواق تاكسي شوية غلاسة تمام
كان سايق هو على شمالي و أنا في النص
و بعدين في مطب صناعي و كان فيه عربية شمال في نص المطب
فأخينا راح كابس على يمينه ( عليا أنا ) رحت دايس بنزين و زمرت ووصلت جنبه ......... و فتحت الشباك و بقوله مش تبص في المرايا و تشوف إن كان فيه حد جنبك و لا لاءة قبل ما تحدف يمين أو شمال !!!
راح قايلي أنت حد لمسك و لا جيه جنبك
فقلتله يعني أنت عايزني أستنى لما تخبطني و بعدين أتكلم
راح قايلي يا عم روح أنت مش فاهم حاجة !!!
و عينه ما شافت إلا النور

طبعا خليته ورايا حوالي 3 كم ماشي على سرعة 30 أو 35 حاجة زي كدا و هو هايجن و عمال يعلي صوته و يقول عديني أحسن اخبطلك العربية من ورا
فطبعا كلامه شعللني زيادة ........... قلتله لو راجل وريني هاتخبطها ازاي .......... شوية بلجطة بقى :D
بس بيني و بينكم كنت خايف ليخبطها و خصوصا أنها كانت الجين 2 بس لو كان خبطها كان وديته في ستين داهية
المهم جينا في مفارق طرق و كنت أنا رايح يمين و هو رايح شمال .......... و أول ما أنا دخلت يمين راح دايس بنزين و جري يبرطع ............ :D :D :D
بس فرحت قوي إن أنا أنتقمت من غباؤه

و كل يوم بلاوي من دي