النقل المباشر لاحداث الاضراب

[mailo]

R.n.n | شبكة رصد إطارات متولع فيها في ش الجلاء قرب ماسبيرو، و عربيات مطافي متجهين هناك ، والأمن يجرى للهجوم على متظاهرين التحرير المتواجدين تحت كوبرى اكتوبر حاليا بالمصفحات

الكلام ده على cnn برده

[aly_hosny]

موقع الدستور الاصلي تجدد المظاهرات في ميدان التحرير لليوم الثاني على التوال

[KHALED AYMAN]

شبكة رصد القاهرة : مؤكد | سقوط إمرأة تبلغ من العمر "52" سنة ، مغشيا عليها نتيجة الإعتداء المباشر عليه

[aly_hosny]

موقع الدستور الاصلي 5:05 عدد المظاهرين يصل لخمسة آلاف ويتجهون إلى ميدان العتبة والجماهير تزداد بعد خروج الكثير من المتظاهرين من الشوارع الجانبية

موقع الدستور الاصلي تفريق المتظاهرين في منطقة أبو سليمان بالإسكندرية

[om mohammed]

[overline] يا جماعة انا لسة جاية من التحرير كنت هركب المترو لكن قفلوة قبل ما اركبة وقالوا للناس اللى عايز يروح من محطة محمد نجيب او الاوبرا الناس طلعت من على سلم المترو تهتف عايزين نروح وابتدى العدد يكبر بعدين الهتافات تحولت الى المطالبة بخلع النظام وفى خلال 5 دقايق بالظبط وكان حواليهم كوردون عساكر أمن مركزى لدرجة متقدرش تشوف الناس اللى جوة المظاهرة طبعا أخدوا شباب كتير جدا فى العربيات الكبيرة وبنات كمان وانا سامعة كبيرهم بيقول عايزين عربية تانى عشان دى اتملت وابتدو يبعدو الناس عن اى تجمع وكان هيحصل تجمع تانى فى الشارع اللى قدام شركة بنها اللى قدام محطة المترو ونفس الموضوع كوردون أمن وصفوهم فى 5 دقايق
وسامعة الضباط بيقولوا لبعض اى تجمع نروح فوورا يعنى مستعدين جدا ( مش عارفة على اية هما مش حاسين ان البلد يوم ما تقع هتكون علينا وعليهم )
الطريف بقى ان لما حبوا يمشونى مرضتش اتحرك وقلت لهم انا مش همشى من مكانى وبالفعل مقدروش يعملوا معايا حاجة يمكن كانو فاكرنى من الجماعة المحظوظة عشان يعنى اختكم منتقبة بس اللى عملوة معايا انهم جابولى 3 ضابطات ستات عشان يكلموا معايا وانا بردو فضلت واقفة وبردو محدش قدر يكلمنى قلت يعنى لو كل واحد فينا قدر يثبت فى مكانة مش هيقدرو يكلموة بس للاسف خوف الناس خلاهم يفتكرو ان العصايا بس هى اللى تنفع معانا
اعذرونى على كلامى الملغبط بس بجد انا كانت نفسيتى فى الارض من معاملتهم للناس واعتقادهم ان الشعب بيدلع وان الشباب اللى فى الظاهرات دى مش رجالة وجايين يهرجو ولسة بياخدوا مصروفهم من اهاليهم

ملحوظة : شفت عساكر مكتوب على لبسها قوات أمن الرئاسة دول مين ( أعذروا جهلى )

أستغفر الله العظيم
[/overline]

[mahmoud_afifi]

الحمدلله البلد لسه فيها رجاله

[KHALED AYMAN]

شبكة رصد

القاهرة : عاجل | مظاهرة في طلعت حرب الان ومتجهه الي شارع قصر النيل ومحاولات من الأمن لمحاصرتهم

[icehearted girl]

حسبنا الله ونعم الوكيل

حسبنا الله ونعم الوكيل...

المصيبة مش ف اللي حصل...المصيبة اني مش عارفة انا بتحسبن علي مين.. بسبب كل نقطة دم شفتها بتنزل من شبابنا امبارح...

ومين السبب فيها؟؟ اخويا واخوك وعمك وخالي....


شرذمة من الكلاب...اللي بتجري ورا العضم...

مش هنسي منظر العسكري عن مطلع اكتوبر لما لقيته مطلع بندقية من عربية الامن المركزي ولقيت الناس بتجري علي العربية...بصدر مفتوح للرصاص اي كان نوعه...لدرجة ارهبت الكلاب وخلتهم يجروا خائبين

مش هسامح فمنظر كل ست مسنة سيبة بيتها ونازلة تدافع عن حقها وحق ولادها من كلاب فوسط الوشارع....باختصار ولا حرب العصابات

شوية كلاب بيطعموهم سم هاري واطلقوهم علي اهلهم...كانوا ماشيين بالصواعق بغل فوسط الناس مش مفرقين كبير ولا صغير..دا غير اجسام صلبة مش عارفة اي هي خدت شوية منها ف قورتي

القنابل المسيلة للدموع حلت محل الاوكسجين لساعات...قفلوا الخناق علي كل منازل اكتوبر وبقم يضربوا من فوق

اللي حسسني فعلا ان الناس دي خيفة ع البلد دي...انهم مكنوش بيسمحوا باي عبث بممتلكاتنا ف الشوارع من بعض السوقة من المتظاهرين

للاسف مقدرتشش اتوصل لخويا..غير لما طلعوا ورانا كوبري اكتوبر وابتدوا الضرب من فوق كله بقي ينط من ع السللالم باتجاه ماسبيرو...ووقفوا الطريق تحت لحد مجت قوات امنمركزي تاني بالاضافة لسيارات المطافي لفض الناس بالقوة...وقتها هربت من شوارع جانبية وقدرت اوصل لميدان التحرير الساعه 2 الا ربع تقريبا

.....مكدبش عليكم انا اول مسمعت صوت الرصاص حسيت برعب فظيع...بس نسيت كل دا لما لقيت الناس بتصرخ من نحية ف كلاب السلطة...ومن نحية تانية بيصرخوا فلناس اللي متربعين جوا عربياتهم علشان ينزلوا ويفهموهم انهم متمرمطين فلشوارع علشانهم
ومن نحية تالتة مش مخليين اي عربية ظابط تعدي غير لما يوقفوه ويفهموه ...

مش قادرة اقول اللهم أخرجني من هذه البلد الظالم أهلها...لانهم اهلي..ودي بلدي ومس هسيبها

مقدرتش اوصل لاخويا غير باتصال 8 صباحا كان في نفس المكان وموجود حتي الآن

بس كان صوته رايح وكان تقريبا بيتكلم بالاشارة وفهمته بالعافية

ربنا يستر

[medo_2060]

[KHALED AYMAN]

شبكة رصد عاجل : سيارات الاسعاف تهرع من التحرير الى الاسعاف ... تودى المصابين الى المستشفيات . ومراسل الرصد لا يستطيع التحصى من عددهم
والامن يقوم بالهجوم على المسيرات بالمصفحات

[AHMEDCAR]

موقع الدستور الاصلي
6:23 تحركت مسيرة من أمام نقابة الصحفيين بعد كسر الكردون الأمني الذي فرض على مقر النقابة، وطاردتهم قوات أمن ترتدي زي مدني، وسارت جموع المتظاهرين في شارع محمد فريد، حتى وصلوا لميدان الأوبرا، والأمن يفرقهم ويضرب عليهم قنابل مسيلة للدموع

[KHALED AYMAN]

شبكة رصد الان السويس | القاء قنابل مسيله للدموع ورصاص مطاطى على المواطنين المعتصمين امام المشرحة فى انتظار اخراج جثمان شهيد الحرية وفى وجود د صفوت حجازى والشيخ حافظ سلامه

[KHALED AYMAN]

شبكة رصد الأمن يطوق مبنى جريدة الأهرام، والصحفيين ينضمون للمظاهرات

[eto_cairo]

قناة العربية : عاجل : البيت الأبيض يدعو لرفع حظر التظاهر فى مصر

[aly_hosny]

موقع الدستور الاصلي 6:23 تحركت مسيرة من أمام نقابة الصحفيين بعد كسر الكردون الأمني الذي فرض على مقر النقابة، وطاردتهم قوات أمن ترتدي زي مدني، وسارت جموع المتظاهرين في شارع محمد فريد، حتى وصلوا لميدان الأوبرا، والأمن يفرقهم ويضرب عليهم قنابل مسيلة للدمو