النقل المباشر لاحداث الاضراب

[AhMeD EzZ]

استر يا رب استر يا رب
مدام نور طمنينا علي ضحي كل شوية و انا هتابع مع فارما

[dr-mohamed]

ماشاء كل اللى اتظاهروا دول إخوان؟
وبيقولو عليهم أقلية مندسة؟
دا على كده الشعب كله إخوان

والله يا دكتور احمد ما اخوان ولا احزاب ولا اي حداللى شفته بعيني ناس عادية معظمهم شباب وبنات شكلهم ولاد ناس لا بلطجية ولا متشردين وشوية رجالة كبار وبعض السيدات لكن لا فيه احزاب ولا اخوان ولا اي جهة منظمة والوضع لغاية المغرب كان عشوائي مفيش تنظيم ومفيش قيادة موحدة مجرد اعداد ضخمة جدا بتنادي كل مجموعة فيها باي هتاف يقوله اي حد موجود زي الهتاف الموجود دلوقت حرية حرية وباطل باطل وارحل ووووووو

[otefa]

شبكة رصد صحفى نرويجى يتصل بوحده الرصد لينبه على الراصدين ومتابعى شبكه الرصد الاخباريه على الانترنت .. يمكنكم فتح شبكه الرصد الاخباريه من على متصفح اوبرا حيث ان هذا المتصفح يمكنه فتح اى موقع يتم حجبه فى اى منطقه فى العالم

Opera browser | Faster & safer internet | Free download

[nonetta]

يا ترى بكرة هيبقى النظام ايه
هنعرف نروح اشغالنا؟
وللا ننزل ننضم لهم ونخلص بلاها شغل
لاننا مش هتعرف نوصل اصلا

[yoko]

أستاذ أوتيفا بس لازم تدوس على أخر زرار من اليمين في الزراير الي تحت شمال عشان ده بيديك بروكسي

[Dr Ahmed]

والله يا دكتور احمد ما اخوان ولا احزاب ولا اي حداللى شفته بعيني ناس عادية معظمهم شباب وبنات شكلهم ولاد ناس لا بلطجية ولا متشردين وشوية رجالة كبار وبعض السيدات لكن لا فيه احزاب ولا اخوان ولا اي جهة منظمة والوضع لغاية المغرب كان عشوائي مفيش تنظيم ومفيش قيادة موحدة مجرد اعداد ضخمة جدا بتنادي كل مجموعة فيها باي هتاف يقوله اي حد موجود زي الهتاف الموجود دلوقت حرية حرية وباطل باطل وارحل ووووووو

منا عارف يافندم وبتريق على اللى بيقول كده
الموضوع شعبى وتلقائى للغاية
وبكره ان شاء الله هتكون منظمة أكتر

[dr-mohamed]

يا ضحي يا ريت تكلمي نور تقولي لها ترجع فوراواحد من اصدقائي كان رايح دلوقت معرفش يوصل من عند كوبري قصر النيل وبيقولي كان مقفول وهو راجع شاف عريبات امن مركزي بس الغريب ان فيها ناس لابسين مدنيطبعا هو مش عارف ان دي قوات مكافحة الشغب اللى بيلبسوا مدني وبينزلوا وسط المتظاهرين وبيضربوهم او يخطفوا منهم

[nonetta]

نقلاً عن اخ من ميدان التحرير

هام يا جماعة :
قولوا لكل المصريين ييجو ميدان التحرير
مفيش أى مشاكل هنا
...بس لازم العدد يفضل كتير
......لو العدد قل ممكن الأمن ينفرد بيهم
...الثورة تبدأ من ميدان التحرير
أنشر في كل مكان

[Ralliart]

يا ترى بكرة هيبقى النظام ايه
هنعرف نروح اشغالنا؟
وللا ننزل ننضم لهم ونخلص بلاها شغل
لاننا مش هتعرف نوصل اصلا

والله مش عارف الناس اللي وراها شغل واللي وراهم امتحانات هيعملو ايه
مقر شغل اخويا احتلوه
ومش عارف الناس هتيجي الامتحانات ازاي

[remomemo]

على فكرة ضحى نزلت وكلمتنى وباتقولى انقل لاى حد عايز ينزل معلومة ان مدخل القصر العينى من شارع القطر الفرنساوى مقفول معمول كوردون قافله عشان اللى رايح بعربيات

[ahmed1981]

وبيقولو عليهم أقلية مندسة؟

يبدو إن الشعب كله مندس

[M.Mostafa80]

ياجماعه نفسى انزل بجد بس مش قادر لأن مراتى ممكن تولد فى اى لحظه فى شهرها التاسع وظاهر عليها اعراض الولاده
والله لولا الظروف دى لكنت نزلت

[amir]

الاصوات الرنانة اللي كانت بتنادي بالتغيير في المنتدى ياترى هم في المظاهرة دلوقت ولا فيييييييييييييييييييييين مش باينين ليه

ياريت بلاش النبره دي في الكلام لأنها مسيئه للاعضاء كلهم علي الاقل ادينا في بيوتنا قصاد الكمبيوتر بنشارك

حضرتك انا امبارح باليل نقلت في عربيتي في وقت متأخر خامات و مستلزمات جراحيه علشان المصابين النهارده

انا للاسف في رهن جواب ورقه واحده و اروح استدعاء كوني في فتره الاحتياط

بتمني من الله ان ده ميحصلش مش لأني هسيب الدننا و ارجع عسكري من تاني بس لأن الجيش لو نزل و الناس مصممه علي موقفها هتحصل كارثه انسانيه

[أبو عبدالله]

بث حي للتحرير

[youtube]http://www.ustream.tv/channel/cairodowntown[/youtube]

cairodowntown on USTREAM: .

[أبومعاذ]

نهار أبوه وسيده طين لو بدأ بإطلاق النار
حسبنا الله ونعم الوكيل

لو عمل كدا يبقى عبيط وهو مش عبيط
دا كلام مقصود تسريبه لتخويف المتظاهرين و تثبيط عزائمهم والناس تمشي عشان يقللو عددهم شوية