النقل المباشر لاحداث الاضراب

[dr.hazem]

ياجماعه حد يطمني اخبار الشوارع ايه
انا لازم انزل القصر العيني ومش عارف الدنيا هناك فيها مشاكل ولا انزل عادي وكله تمام؟

[amir]

ياجماعه حد يطمني اخبار الشوارع ايه
انا لازم انزل القصر العيني ومش عارف الدنيا هناك فيها مشاكل ولا انزل عادي وكله تمام؟

i went from nsr city to nasser institute though hadayk el kobba and til i reached the hospital the streets were empty, the guys here are sleeping for a little while cause they have been dealing with alot last night i am sitting outside their room waiting for any emergency but even till now my rage didnt cool off i guess if nothing happened here i may come back home in an hour or so and then see if i am going to join the revolution in nsr city in it's second day of pride

[osoliman88]

أنا حاسس إن أقل مكسب من هذه التظاهرات حتى لو لم تتحول الى ثورة بالمعنى الحقيقي ..... هو التخلص من جمال مبارك وفكرة التوريث بنسبة 99% وأنا متأكد إن مبارك بيراجع نفسه حاليا في موضوع الترشح لفترة رئاسية (مش فاكر رقم كام) .
يا مسهل الحال يا رب.
الى الأمام يا شباب ... ليس في يدي الا الدعاء ..
وفقككم الله لما في خير العباد .

[Xander2010_Evo]

التليفزيون المصرى بيقول 2 بس + مجند

آخر حاجة 3 ودول من السويس خبر ال7 ده مش متأكدين منه رسميآ
والمجند إللي إتوفي ده فالقاهرة فالتحرير تقريبآ

[evram]

بسم الله
وأنا رايح على الزراعي ..وعلى مشارف القليوبية
لقيت قافلة من سيارات ملاكي لوحات الغربية..مليانة حماسة يحملها شباب.,,وأعلام مصر
وطبعا هتافاااااات سب للنظام ولــ .......إلي مايتسماش
لاوجود لأي فرد أمن على مدخل القاهرة...
دخل على نفق العجوزة...دخاااااااان رهيب
والعربيات كلها بتجري في شوارع الجيزة بجنون...كل العربيات كانت بتجري
تحركات متوترة لسيارات الشرطة..هنا وهناك









سمعت شتيمة من الظباط...إرجع يابن الــ #%^#^#^#%#





وكان من نصيبي شلوت ..من أحد ظباط الأمن المحترمين
وماقدرناش نكسر الطوق وندخل للناس إلي جوه


سفالة..وقلة أدب غير مسبوقة
وكان نصيب كل من يحاول عبور الكوبري..شلاليت وركلات ولكمات من رجال الأمن الشرفاء
وأناكان من نصيبي شلوت(ولله الأمر)
أخدت العربية تاني






وخصوصا لما سمعت ضرب النار




والله المستعان....وأديني رجعت بخفي حنين ..وشلوت مؤلم لكرامتي

انا لو مكانك في حتت الظابط اقسم بالله لاكنمت هرسته بعربيتي حتي لو خسرته و العسكري شرحو انا نازل و حالف النهارده لو ظابط كلمني و قايل بطاقه ولا رخصه هرسوة هدوسه انا ليا قريبي ظباط والله ما عايز اكلمهم

[injection]

أنا حاسس أنى %$# علشان منزلتش:(, بس مكنتش أقدر ولاحتى هاقدر أنزل النهارده.

لو المظاهرة دى مانجحتش فى عمل تغيير كبير, فهى نجحت فى أنها كشفت خوف النظام وضعفه, لدرجة أغلاق مواقع التواصل الأجتماعى وشبكات المحمول وتعتيم أعلامى يدل على البلاهة والتخلف, و حربه ضد مظاهرة سلمية بالرصاص والقنابل.

وأكيد اللى منزلش النهاردة وكان خايف, بقى أسهل عليه ينزل أى مظاهرة تانية, وعرف النظام ماشى أزاى.

الطريقة الوحيدة اللى الوقفة دى تقدر تنجح بيها أنها تستمر, وتكسب ود عساكر الأمن المركزى وظباط الشرطة, العسكرى الغلبان مش هيقف فى الشارع 3 أو4 أيام ورا بعض ويضرب فى مواطنين مصريين بصفة مستمرة, هييجى عليه لحظة ويدرك أن اللى بيعمله ده غلط وهيقع فوق دماغه ودماغ أولاده بعد كده.

لو الجيش نزل, ده حوار تانى, بس ساعتها هتبقى الداخلية خسرت وعرفت مكانها, ويبقى النظام ضعف بصورة كبيرة, وبقى تعاطف العساكر والظباط مع الشعب.

بس برضه محدش راضى يقول الموضوع ده لو أنتهى نهاية جيدة, هينتهى أزاى, رحيل مبارك, تعديل وزارى, مظاهرات تدميرية تجبر الجيش على التدخل؟

وياريت اللى فى مقدرته ينزل ويعمل حاجة ينزل, الموقف ده مش هيتكرر فى حياة حد مرة تانية أبدا, والناس اللى فى الشارع واللى هتنضم للمظاهرة محتاجين أعداد بشرية كتير علشان يقدروا يصدوا الأمن, يعنى كفاية الواحد يقف جنبهم.

وتحياتى للدكتور أحمد فارما الشهم, ودكتورة ضحى ودكتور أمير على تصرفاتهم, ياريت نص المصريين زيكم, وتحية لكل الناس اللى نزلت وزرعت الرعب فى قلب النظام.

[النوبي]

شبكة رصد الشعب... يريد...إسقاط النظامانا لسة راجع من المظاهرة، تعبان جدا و عندى برد من المية اللى رشوها علينا ، ده كله مش مهم ، اللى شفته لازم يتحكى ، و يتنقل بين الناس كمان. انا مش هاكتب بالفصحى، مافيش حيل. اللى شفته النهاردة كان سلسلة من المفاجآت العظيمة ، العظيمة بجد. المفاجأة الاولى: عدد الناس كان كبير جدا زى ما شفتوا على التليفزيون ، كله كان فاكر انه رايح لوحده ، و الباقى كالعادة قاعد فى البيت ، بس لأ، مش ده اللى حصل. المفاجأة التانية ان معظمهم شباب، و فرافير، بتوع الفيسبوك ، شكلهم يدل على راحة مادية نسبيا ، وناس كتير من مهن كتير، شفت زملاء فى الكلية ماشفتهمش من عشر سنين فى المظاهرة دى ، غريبة ان دول اللى نزلوا مع انهم فى معظم الاحوال مش مطحونين أوى زى بقية الناس. المفاجأة الثالثة: على الرغم من ان معظم الناس شباب بس كان فيه كبار و ستات فى الخمسينات و ما شيين على مهلهم كده، و مش قليلين ، كتار، و كان فيه ناس ماشيين بولادهم. المفاجأة الرابعة، كان فيه بنات معانا ، أو عشان أكون دقيق كانوا اكتر مننا فى الجروب بتاعنا ، و بنات فرافير من اللى تشوفهم فى الشارع تقول دول متربيين فى شرنقة دهب ، و مايعدوش الشارع لوحدهم ، بس ايه رجالة ، و جدعان ، بنات بس رجالة ، مش عارف ازاى. المفاجأة الخامسة، كنا خايفين على البنات ان حد يتحرش بيهم ، ما حدش ، كله كان محترم ، و خايف عليهم اكتر مننا ، ده دليل ان التحرشات اللى بتحصل من مدسوسين من الداخلية. المفاجأة السادسة: ما فيش عنف، خالص خالص ، و لما ناس بدأوا يهاجموا عربيات الامن المركزى اللى رشوا علينا مية، بدا كله يهتف: سلمية، سلمية ، سلمية. المفاجأه السابعة: لما و صل الاعتصام التحرير و قعدنا فى التحرير، فيه ناس بعد كده بدأوا ينظفوا الميدان من المخلفات عشان الناس تعرف اننا متحضرين. المفاجأة الثامنة: بصيت على الحتة اللى كنت فيها فى الميدان لقيتها نضفت فعلا! المفاجأة التاسعة: بنت معانا ماكنتش اعرفها بتحلف بالمصحف و بالنبى عرفت انها مسيحية ، الغريب انه مابانش!!! ليه؟ عشان كلنا بنحب بلدنا و بنهتف عشان تبقى احسن ، فما بانتش الفروق الطفيفة دى. المفاجأة العاشرة: مقدار النشوة و الفخرة و انت يتهتف باسم مصر باعلى صوتك "مصر...تصفيق قوى..مصر...تصفيق فوى"، البلد اللى المفروض انه وطنك، و بتحلم طول عمرك انك تعيش فيه بقية عمرك، من غير ما حد يتهمك أو تتهم نفسك بالعاطفية و الحمق ، أخيرا بتعلن انك بتحبه ، ومن غير خجل. المش مفاجأة الحادية عشر: فى و سط الخوف و القلق من اللى ممكن يعمله الامن ، تبص للسما و تهتف مع عشرين أو تلاتين الف و تقول الله أكبر و ياااااااارب، و تطمن ، لانك نصرته ، فهو أكيد هاينصرك، وقد فعل و له الحمد و الشكر. المفاجأة الثانية عشر: جميل منظر الناس و هم فى وسط ده كله يتجمعوا و يصلوا جماعة. المفاجأة الثالثة عشر: شباب مصر شباب زى الفل، من غير مبالغة، و بكل ما فى الكلمة من معان: شهم، جدع، بيحب بلده، واعى و فاهم جدا ، وربنا فى قلبه. المفاجأة الرابعة عشر: أقوى هتافات كانت بتجمع الناس كانت هى الموجهة لمبارك ، و النظام ، الشباب فاهمة أوى و عارفة فين المشكلة ، الهتافات التانية ماكانتش بتلاقى نفس الحماس. المفاجأة اخامسة عشر: شفنا ابراهيم عيسى و الناس بتشيلوا على الاكتاف، و حبهم ليه ظاهر وواضح، و قابلت نوارة نجم، و سلمت عليها، و كانت مدمعة من الفرحة من جمال و بهاء اللى شايفاه، فعلا، المحترم محترم فى كل حاجة ، و اللى بيرضى ربنا مش نفسه، ربنا بيديله كتير ، كتير أوى. المفاجأة السادسة عشر: احنا بفضل الله خيطنا الجيزة، و كل ما يحاولوا يوقفونا يلاقوا العدد كبير و يفتحوا، مصطفى محمود، شارع جامعة الدزل ذهابا و ايابا، البطل احمد عبد العزيز ، ميدان الدقى، ، شارع التحرير، الاوبرا، ميدان التحرير.. كتير كنت باحس انى خايف و مش عابز اتضر، بس مافبش خيار آخر، ده باطل و ظلم ، ولازم نحاربه، ربنا أمرنا اننا نحاربه ، لانه مش خالقنا اعتباطا، لو كان خالقنا عشان نعبده و نستمتع بنعمه، و خلاص، يبقى فين الفايدة ، ربنا خالقنا عشان نعمر الارض، و نستعمل نعمه فى ان احنا نحارب الظالمين و ننشر العدل، و هو قالنا من الاول ، عمرك و رزقك بايدى مش بايد حد تانى ، انطلق انت بأه ولا يهمك. اكسر خوفك و انضم للي بيدافعوا عن الحق ، مسلمين أو مسيحيين، مش بتحلم ان ولادنا يكبروا فى وطن؟ يكون همهم اختراع كبير بيعملوه فى جامعة محترمة، أو كتاب معقد بيألفوه، بدل ما احنا مستهلكين فى العيشة و اللى عايشينها، و الشغل التافه اللى كلنا بنعمله، ايوه تافه، انت يا الا دكتور عارف انك اتعلمت اى كلام و بتوع بره احسن منك بمراحل او مهندس زيي ما يحلمش انه يعمل شىء معقد، كل اللى بيعمله اتعمل قبل كده خمسين مره مع فرق التفاصيل الغير مهمة، و لو عايز فلوس اشتغل فى البيع واللا التسويق ، أوتلاقيك بتعلم فى جامعة و عارف ان اللى بتعلمه مضى زمنه و حتى لو كان كورس كويس انت متأكد ان تلاميذك مش هايشتغلوا بربعه، لانهم هايتخرجوا يشتغلوا فى الكلام الفاضى اللى احنا بنشتغل فيه (ده لو اشتغلوا)، ما عندناش ناسا و لا هارفارد و لا كليفلاند و لا ام أى تى، انسى. انا لما بابص لابنى اللى عنده شهر بافكر لو ربيته كويس هل ينتهى زيى، مشغول بالقرف اللى بيحصل، و غالبا هاينضم لاى حركة، عشان يطلع الغل اللى جواه، و الله أعلم ايه اللى هايحصله، يا الا اربيه أى كلام فيطلع حرامى أو حزب وطنى، يا الا يسافر و اشوفه كل سنة مرة ، يا الا اتكل على الله و احاول انى اصلحله البلد. الاخبار ان الامن فض الناس فى ميدان التحرير، ما اعرفش ايه اللى هايحصل بكره أو بعده أو بعد شهر، الناس دى زينا ، بيتظاهروا عشان الظلم بيوجع ، و بيئلم، فيه ناس ماتت ، و فيه ناس اعتقلت و لسة هايكملوا ، عشان الحرية و الكرامة طعمهم جميييييييييييييييل ، روح خليك معاهم، خليك مع الحق ، سواء فى ميدان التحرير، أو فى أى حته فى المستقبل، ما تنساش ان كله بايد رب العالمين، رزقك و صحتك و عمرك، و لو ما كانش اللى ماتوا فى المظاهرات ماتوا شهداء النهاردة، كانوا برضه هايموتوا فى نفس المعاد فى حادثة هابلة، أو أى حاجة من الحاجات اللى بتموت الناس فى مصر لاتفه الاسباب. المفاجأة الاخيرة، نسيت أقولها معلش: مصر بلد محترمة شعبها حى و بينتفض عشان كرامته، و ظهر على الجزيرة أخيرا و هو بيصرخ و يقول ،وش كده من غير لف ولا دوران: الشعب...يريد...اسقاااط النظام

[ahmedsamir5edr]

عملوها الرجاله .. يا ريتني كنت معاهم .. يا ريتني كنت معاااهم

انا نـــــــــــــــــــــــازل دلوقتي

[Xander2010_Evo]

افادت بعض المصادر الموثوق فيها عن قيام الرئيس محمد حسني مبارك بتعديل وزاري في الساعات القادمة و بنسبة كبيرة سيكون اقالة اللواء حبيب العادلي وزير الداخلية و سنوافيكم بالاخبار اول بـأول

نقلا عن موقع اخر الاخبار

والله اعلم

[amir]

please dont give me credit i dont deserve at all, its a shame to put my name next to courageous names of doha and ahmed pharma, if i was half of their courage and determination i would have been in tahrir square fighting for freedom, i did only the least courageous thing i could and now i am sitting on the stairs waiting and doing nothing i think i will go back home as soon as the guys here wake up here in about an hour then i will head back home and i will do my best to be in the first lines in nsr city or anyother place, cause the shame of not joining my brothers is really killing me

[osoliman88]

افادت بعض المصادر الموثوق فيها عن قيام الرئيس محمد حسني مبارك بتعديل وزاري في الساعات القادمة و بنسبة كبيرة سيكون اقالة اللواء حبيب العادلي وزير الداخلية و سنوافيكم بالاخبار اول بـأول

نقلا عن موقع اخر الاخبار

والله اعلم

أشك إن ده يحصل في الوقت القريب ، في ظل غطرسة وتكبر النظام الحاكم، وربما يكون متوقعا لو استمرت حالة الغضب اكتر شوية
والله اعلم

[ahmed1611]

مبارك .......لن اجدد تولي الحكم مرة اخري ولن يمسك جمال الحكم بعدي...............الجزيرة
المظاهرات ستبدا اليوم الساعة التاسعة بالاتفاق..............الجزيرة
سيتم تغير في الحكومة اليوم
ربنا يسهل
بس انا حاسس ان الكلام دا تهدات نفوس وارضا لامريكا بعد البيان الامريكي للحكومة المصرية
بضبط النفس وعدم التعرض للمظاهرات
والله اعلم

[evoo90]

المظاهره لو ما ذادت اليوم اعداد وحماس وتقدم هاتموووووت برضه لسه سياسه القمع مستمره ( مواجه المظاهرات بالعنف و اعتراض طريقها و الاعلام المصرى اللى عمال مشغل افلام ومسلسلات وبرامج على قنواته ولا كأن فى حاجه و المواقع اللى بتتقفل على الانترنت وشبكات المحمول اللى عايزين يقفلوها واكيد اللى تحت فى لشارع كمان اعلم منى بحاجات تانيه ) !!!!!! برضه دكتاتوريه وقمع لحريات الشعب برغم انتفاضه والسبب اللى حصل امبارح مش كفايه ولازم يزيد ويتوسع .........

[injection]

please dont give me credit i dont deserve at all, its a shame to put my name next to courageous names of doha and ahmed pharma, if i was half of their courage and determination i would have been in tahrir square fighting for freedom, i did only the least courageous thing i could and now i am sitting on the stairs waiting and doing nothing i think i will go back home as soon as the guys here wake up here in about an hour then i will head back home and i will do my best to be in the first lines in nsr city or anyother place, cause the shame of not joining my brothers is really killing me

don't say that doc, you did what you could do, that's all that matters.

and talk about shame, sitting in front of a pc watching others make the news, making our history and changing our future

good luck doc, wish i was there:(, hope this all really makes a difference

[أبومعاذ]

شبكة رصد عاجل | حركة شباب 6 أبريل

علي الجميع التوجه لميدان التحرير مره اخري المتظاهرين نجحوا في السيطرة عليه مره اخري | الشعب يريد اسقاط النظام