النقل المباشر لاحداث الاضراب

[halawa10001]

يا جماعة ممكن متابعة الاحداث من الموقع ده ظ…ط¨ط§ط´ط± - ط¨ط§ظ„ظپظٹط¯ظٹظˆ طھط؛ط·ظٹط© ط«ظˆط±ط© 25 ظٹظ†ط§ظٹط± ظ…ظ† ط´ظˆط§ط±ط¹ ظ…طµط± - PROGS MANIA

[medo_2060]

قبل ما امشى يا جماعه شوفوا المخرج عمرو سلامه..بيحكى تجربته لما خرج فى المظاهره النهارده واتهرس ضرب
اقرأو للاخر بس....
-----------------
أنا حاسس إن واجب عليا دلوقتي حالا إني أنقل كل اللي حصلي في مظاهرات يوم الغضب التاريخي، منعا للمغالطات و منعا إن الناس يوصلها معنى و درس مستفاد خاطىء من اللي حصلي أو حصل لغيري.

و واجب على أي حد إتعرض للعنف أو للإهانة أو للتعذيب أ للإعتقال إنه يقول قصته بشفافية للناس عشان يعرفوا تجربته و اللي إستفاده منها.

مش عشان يفضح إنتهاكات جهاز الشرطة بس، بالعكس عشان كمان يقول لو كان فيه قصص و معاني إيجابية حصلت و يدي أمل للناس و يعرفهم إن في معنى ورا اللي حصله و بيحصل لمصر دلوقتي.

أنا هحكي القصة بإختصار للي مايعرفهاش.

إحنا كنا متظاهرين أمام دار الحكمة في شارع القصر العيني، و كان في كردون من العساكر و الظباط محاوطنا، و كان نفسنا نروح للناس الثانية اللي واقفين في ميدان التحرير.

على الساعة إثنين أو ثلاثة العصر قررنا إننا نحاول نروحلهم بأي شكل و اللي يحصل يحصل.

بدافع الإندفاع كنت من أوائل الناس اللي بيزقوا العساكر و فعلا إخترفنا العساكر و جرينا في إتجاه التحرير و مجلس الشعب.

و كان الشارع فاضي تماما، و في الأفق شفت بشر كثير، كنت فاكرهم متظاهرين لحد ما خدت بالي إن كلهم لابسين إسود و جايين نحيتنا و معاهم عصيان سودا، و إفتكرت مشاهد أفلام الحروب زي بريف هارت و جلادياتور، و عرفت إحساس الحروب القديمة، و لقيت نفسي بجري عليهم في طليعة الناس، و لقيت ناس بتحاول تهرب منا إحنا في الشوارع الجانبية بس واضح إنهم حاصروهم فرجعوا ثاني، لحظة من البلبلة ثم الإنقضاض منهم علينا.

و كان معايا الآي فون بتاعي العزيز بحاول أصور كل ده.

إلى أن إجتمع حولي عدد لا بئس به من العساكر، و عملوا حواليا دايرة و بدأوا الضرب بعصيانهم على دماغي و وشي و بطني و رجليا.

و دخل قائدهم الظابط المحترم المغوار اللي مش هنسى وشه ليوم الدين و بدأ يضربني بالبونيات على وشي بشكل لم أكن أتخيل أن جسم البني آدم ممكن أن يتحمله، و خد الآي فون العزيز الله يرحمه و داسه على الأرض و قعد يتنطط عليه ثم فاق لنفسه و قالهم "سيبوه، بطلوا ضرب" قلت الحمد لله ضميره صحي، فأكمل "عشان الكاميرات" و خدني و دخل بيا شارع جانبي و لقينا في سكتنا شاب ملقي على الأرض و دماغه نازل منها كمية مرعبة من الدم، و قال باللفظ "أهه واحد إبن..... مات أهه، و الله لموتك زيه يا إبن....." ثم دخل مدخل عمارة، و دخل العساكر اللطاف معاه و قفل عليا باب العمارة و بلغة الحواري "قصني" و جابني أرضا و بدأ بالضرب بشكل مبرح.

شلاليت في وشي، و في بطني، و العساكر بالعصيان، و واحد منهم كسر حاجة خشب غريبة و جاب الخشبة و قعد يضربني بيها في كل حتة في جسمي، و كلام شبه "يا ولاد ال.... يا ….. ده إحنا في الشارع من بليل يلعن د....“ و أنا بقوله "ربنا يكون في عونكوا، إنت عارف بقى إنت واقف ليه و بتمنعنى ليه؟" فيستفز فيضربني أكثر "عامل فيها مثقف يا إبن.....“ و أنا أرد عليه "مش مثقف و لا نيله، أنا هنا عشانكوا، أنا مصري زيك" طبعا كلامي وسط الضرب كان أكيد مبهم، و هو وسط شتايموا كلامي كان في أهمية برنامج "طبق اليوم" بالنسبة له.

و بعد ما زهق، قالهم "عايزكم تموتوه زي الواد الثاني يا إما هرجع أموتكم إنتوا، و لو جاعنين كلوه" و مشي، و لمدة لا تقل عن عشر دقايق ضرب مبرح بجد و أنا مستغرب هو أنا إزاي لسة ما متش، و أهه بعد ستة و ثلاثين ساعة أقسم بالله حاسس بالوجع في كل سنتيميتر مكعب في جسمي.

الغريب إني وقتها و وسط الحدث وصلت لمرحلة إني فعلا مش حاسس تماما بالضرب، و إستشهدت، و بدأت خيالات تراودني، عن أهلي بعدها هيحسوا بإيه و عن فيلمي اللي ماكملتش مونتاجه، و عن الصفحة اللي هتتعملي على الفيس بوك، و يا ترا هنبقى "كلنا عمرو سلامة"؟ و الأهم تصريح وزارة الداخلية اللي هيطلعوه إني أكيد بلعت الآي فون بتاعي.

و قعدت ساعتها أصرخ للعساكر و أقول كلام أفلاطوني ثاني زي: "أنا هنا عشانكم، إنتم عارفين إنتم بتضربوني ليه؟ أنا معايا موبايل، و معايا فلوس، و معايا عربية، و مستريح، إحنا هنا عشانكوا، عشان إنتم تلاقوا تاكلوا و تأكلوا عيالكم"

و لسبب إلهى سمعوا كلامي، و لقيت واحد فيهم إتأثر فعلا و بعدهم عني، و جابلي كرسي، و قالي "أستاذ، هتعرف تمشي؟" بعد لحظة صمت قلتله "هحاول" قالي "طب إجري بسرعة قبل ما الظابط يرجع، لو رجع هيموتك" فحاولت أهرب بسرعة و لكن الظابط رجع، و إفتكرني بهرب طبعا، و هما عملوا كإنهم بيجيبوني، فخدت علقة تجعل العلقة الأولى فيلم كارتون إنتاج والت ديزني في الأربعينات.

و بعدها ركز مع صيد تاني كان جايبه من الغابة شوية، فجه ظابط ثاني سألني عن شغلي و إسمي و شاف بطاقتي و قالي "إجري بسرعة قبل ما يركز معاك ثاني".

جريت، و بعد شوية بدأت الآلام تظهر، و بعدها آلام الرأس و الدوخة و الزغللة، و بدأت عنيا تدمع بلا توقف، مش عياط، بس يمكن عشان أعصابي سابت تماما و فقد السيطرة و صوتي كان بتطلع كإنه طالع من بير.

وصلت لواحد صاحبي في وسط البلد، إستضفني في مكان عمله، و قعدت و جابلي حاجات أشربها.

و سابني شوية، و لقيت نفسي ببكي بحدة لم أبكيها منذ لا أتذكر متى.

لم أبكي من الألم، و لا حتى من الإهانة، و لا من الرعب، بس بكيت لسبب واحد، لسبب إني لقيت نفسي بدأت أكره مصر، و حسيت إن ظباطها اللي حامينها كرهوني فيها، و حكومتها اللي ظالمانا كرهتني فيها، و شعبها السلبي – كان سلبي – ماكنش معانا و كرهني فيها، و الفساد و القمع و إلخ إلخ، و إزاي ممكن أعمل في كائن بشري ثاني مقلب و أجيبه و أخلفه في البلد ديه، إزاي هقنعه يحبها و يحاربلها و ينتميلها!؟

و قلت طب ليه ماسبهاش لو جالي الفرصة، مش يمكن كما قال صديق عزيز فعلا "مستقبل مصر الوحيد في الهجرة لكندا"؟

بس بعد دقايق، رجع صوت العقل – هو مش أكيد صوت العقل بس هو صوت طول عمره موديني في داهية – و فكرت نفسي بمعتقاداتي اللي بكتب المقال ده عشان أشاركها معاكوا.

إفتكرت إن إنتمائى لمصر مش إجباري، ده إختيار مني، أنا إختارته لإن إحساسي بالإنتماء مفيد ليا مش مفيد لمصر، مفيد ليا إني أعرف أنا منين و فين، فين المكان اللي أنه منه، و هو بتاعي، اللي بيتي فيه، و سريري فيه، اللي بحس فيه إني وصلت خلاص مش مستني إمتى هروّح.

إفتكرت إني لازم أبقى إيجابي تجاه أي مكان إخترت أنتميله، و أتفائل مهما كان، إن المكان ده هيكون أحسن بسببي و بسبب اللي حوليا.

من غير إنتماء و أمل أنا فعلا أفضل إني أموت، و لو بقيت عايش بدون سبب له معنى هتحول لحيوان عايز ياكل و ينام و يتمتع بمتع لحظية عمرها ما هتغذي روحي، و ده إختيار نهائي مش محتاج أراجعه مع نفسي.

حتى لو شاف العالم إني رومانسي زيادة أو حالم أو رومانسي، في ستين ألف داهية، أنا هبقى مبسوط بأختياري ده حتى لو حصلي اللي حصلي.

و إكتشفت إن أهم حاجة في الدنيا إني عارف الكلام ده، إني عارف أنا ليه إتضربت، إني عارف أنا ليه نزلت، إني أبقى عارف إن بدون شعارات و مطالبات سياسية معصلجة الفهم أنا نزلت و إتضربت عشان عايز مصر أحسن، عايز مصر مافيهاش سلطة أبدية مطلقة لأي من حكامها، عايز مصر بفجوة إجتماعية أقل، الفقير حتى لو فضل فقير يكون له الحد الأدنى من الكرامة و الإحتياجات الإنسانية، عارف إن إبني لما أخلفه في يوم من الأيام يتعلم صح، يتعالج صح، يبقى عنده أي أمل و طموح مهما كان، حتى لو عايز يبقى رئيس جمهورية، عايز مصر الشرطة فيها بتحمي الشعب مش بتعمل فيه اللي إتعمل فيا و في غيري، في كل قسم و شارع، مش زي اللي إتعمل فالشهداء، خالد سعيد و سيد بلال، لو حد حاول ينهب حقه مايخفش يروح القسم و يبقى عارف إن حقه حيرجعله لإن الظابط عايز يرجعله حقه، و هيلاقي الظابط ده موجود في القسم، مش واقف في تشريفة من صباحية ربنا، و لا بيقمع معارضة و لا مهمته الوحيدة حماية نظام فشل يديه حقوقه أصلا من مرتب محترم و عيشة كريمة، و مخليه واقف في وش المدفع يتكره بداله.

عرفت لما إتضربت إني خايف أقل، إني عرفت أنا ليه هنزل ثاني و ثالث و رابع، عرفت إني لو مت هبقى شهيد و أكيد هبقى في مكان أحسن.

و عرفت إن اللي بيضربني مش عارف هو بيضربني ليه، حاسس إن أسبابه مش منطقية حتى لو سهر الليالي يمنطقها لنفسه، ده يمكن يكون متعاطف معايا، و خايف أكثر مني، من جزا أو عقاب أو تكديره.

و الأهم عرفت إن فيه أمل، أمل أشوف مصر مش زي تونس بس، أشوفها في يوم مكان أجمل من تخيلي مكان أتمنى أخلف فيه عيال عشان ينعموا فيه بحياة كريمة و يعمروه أكثر.

أنا لا أدعي بأي شكل البطولة، و شفت ناس إتضربوا أكثر مني بكثير، و ناس أعتقلت، و في ناس ماتت أحتسبهم شهداء، بس الناس ديه كلها لو إتكلمت معاهم، أغلبهم فخورين بنفسهم، خوفهم بقى أقل، تحديهم بقى أقوى، حاسين إنهم على حق، الناس ديه معظمها طلعت من معتقالاتها أقوى، حاسين إن الفرج جاي مهما إتأخر، و عارفين إنها مهما ضاقت و إستحكمت حلقاتها مسيرها تفرج.

أهم إكتشاف إني إكتشفت إن في أمثال مش مجرد أمثال و خلاص، و فعلا معناها حقيقي، زي "الضربة اللي ماتومتنيش هتقويني"

[halawa10001]

انا مش عارف الموقع مش بتكتب صح ليه
(ظ…ط¨ط§ط´ط± - ط¨ط§ظ„ظپظٹط¯ظٹظˆ طھط؛ط·ظٹط© ط«ظˆط±ط© 25 ظٹظ†ط§ظٹط± ظ…ظ† ط´ظˆط§ط±ط¹ ظ…طµط± - PROGS MANIA)

[amir]

من التعليقات بالغه القوه في الياهو نيووز

what the egyptians are doing here is the only way we as the people can truly let our government know that we are serious, too many people in this country are the ones crying in their homes, if we ALL got together and stood up and FOUGHT for what should be ours and no longer let the rich and elite run our country and our lives, we would win! Washington will not take our threats seriously until 100,000 people are marching upon capital hill screaming for this corruption to end! this moment is coming guys, I can feel it, there are millions of people in this country that have these exact feelings, we just need to organize, the government plants the media and other misleading propaganda in our faces to keep us in line, i know this sounds like the plot to a stupid movie, but we need to wake up and realize that its true, do you think the american elite are the first to do this, NO! The Roman, Ottoman, Byzantine, and many other great empires placed the same ideas upon their masses, great civilizations has only been about the rich and powerful ruling over the lesser people, it is the same thing in America only the times have changed, history does truly repeat itself to teach us not to let the same things that destroyed our ancestors, destroy us. WE MUST FIGHT! i only hope that ill be alive to see the true evil that is capitalism BURN!


Egypt on edge as demonstrations turn violent - Yahoo! News

[amir]

فعلا فين اخبار المحلة؟
امبارح 10 الاف ومظاهرات رهيبة النهاردة مفيش؟

و الله العظيم و من خلال ازدياد شراسه النظام و استقوائه بصمت امريكا عنه في الوقت الحالي مقدرش انفي اني شاكك ان المحله الكبري بتتعرض لاعتي انواع الفتك و التنكيل

الحسره ان اللي بينفذ انتقام جبروت النظام و طغيانه عساكر و ظباط مصريين

هو فين الظباط الاحرار دلوقتي يشوفو احفادهم بيعملو ايه في الشعب المصري

و فين شهداء الشرطه البواسل اللي واجهو المستعمر البريطاني بدباباته و صواريخه ببنادق بدائيه

انها الحرب ضد الظلم و الفساد و الافساد

علي مستوي العالم الحكومات اوقات بتكون هي مصدر الكره و الخلاف

و ده ناتج من حب السيطره و التملك

فدايما يحاولو يلهو الشعب بأي شيء و لو حروب خارجيه و اوهام حروب داخليه و ارهاب (كمثال لما يحدث في امريكا)

[undercover]

ان شاء الله مصر حترجع مصر تعليق تاني من yahoo
Egyptians should not give up.The wind of change has come. Go for broke !! DO OR DIE !! or you will have to wait another 30 years for the next oppurnity.
It may be difficult as Housni Mubarak was very well protected by the CIA of US n MOSSAD of Israel.
He has betrayed the Egyptians, his Arab brothers n the Palestinians for such a very long time for the wealth he got from foreign sources n accumulated for himself n let the majority Egyptians to remain poor.But God is great. Go ahead n make it your days!! for a NEW EGYPT

[casperinoo]

ياسلام بقينا قدوه للأمريكان...
It's good to see people revolting! It means they care and are not lazy. Unlike Americans who sit back and do nothing.
They will raise gas to $5.00, then raise retirement age to 70, and then tax the hell out of our food. Will the Americans do anything? Ha! Of course not! Apparently Americans do not mind having to work 2 full time jobs to support the corruption in their government.
تصدق صعبوا عليا

[amir]

طيب مادام المشاركين قل تواجدهم احب اشارك بقرايه شخصيه في الاحداث بناء علي ما توراد من مشاركات الاعضاء

حاليا النظام يسبب حرج لامريكا خصوصا كونها بين نارين نار ضغط اللوبي الصهيوني لدعم نظام الرئيس مبارك او علي الاقل اتاحه الفرصه للتوصل لبديل في الوقت الراهن
و في نفس الوقت امريكا بتتعرض لنار الضغوط الدوليه لفك الحصار عن الشعب المصري و اتاحه الفرصه له للتعبير عن ارادته

و في جانب اخر ان لم تفعل امريكا ذلك فهي تحت رهن تهمه النفاق السياسي من قبل المجتمع الدولي

لأن الشعب المصري يرفض حكم مبارك و له مطالب شعبيه واسعه المدي

و عدم دعمه و هي في نفس الوقت الداعمه لما تسميه الديمقراطيه في بلدان مثل افغانستان و العراق و ايران هو النفاق الدولي بعينه و بوضوح تام

و لذا فالخيار المتاح لامريكا ارضاءا لاسرائيل هو السماح لنظام مبارك بالتصرف بخصوص المظاهرات كما يحلو له

و هو الواضح الجلي في قراءه ما يحدث الان بالفعل من تدخل الجيش في مدينه السويس و التعتيم الاعلامي الشامل هناك

و منه يتبادر للاذهان سؤال بسيط
ماذا عن المحله الكبري خصوصا انها لها سابقه تاريخيه في الخروج الشعبي و التنديد بحكم مبارك

ولا ننسي انتقام النظام الحاكم من المحله الكبري من قبل باطلاقه المسجلين و المحتجزين بالاقسام علي الشعب في مدينه المحله الكبري من قبل و القيام باوسع عمليات ارهاب منظمه رسميه تجاه شعب في المنطقه العربيه بالكامل

و هذا ان اكد فيؤكد لكل مواطن مصري انه اي النظام في السويعات الاخيره الباقيه من عمر طغيانه و استبداده

و علينا فقط التمسك بالوقوف و بيان مدي كرهنا و سخطنا من النظام و مساوؤه و افشال محاولاته الاخيره لقمع اراده شعب مصر الحر

[ahmed-moga]

و الله العظيم و من خلال ازدياد شراسه النظام و استقوائه بصمت امريكا عنه في الوقت الحالي مقدرش انفي اني شاكك ان المحله الكبري بتتعرض لاعتي انواع الفتك و التنكيل

الحسره ان اللي بينفذ انتقام جبروت النظام و طغيانه عساكر و ظباط مصريين

هو فين الظباط الاحرار دلوقتي يشوفو احفادهم بيعملو ايه في الشعب المصري

و فين شهداء الشرطه البواسل اللي واجهو المستعمر البريطاني بدباباته و صواريخه ببنادق بدائيه

انها الحرب ضد الظلم و الفساد و الافساد

علي مستوي العالم الحكومات اوقات بتكون هي مصدر الكره و الخلاف

و ده ناتج من حب السيطره و التملك

فدايما يحاولو يلهو الشعب بأي شيء و لو حروب خارجيه و اوهام حروب داخليه و ارهاب (كمثال لما يحدث في امريكا)

دول عمرهم مايكونوا مصريين او احفاد مصريين قاوموا الظلم والأحتلال الا اذا كانوا بيعتبرونا احنا المحتلين والد اعدائهم يادكتور أمير انا عمري ماشفت غل وانتقام في الضرب والقسوه زي اللي شفتها في آخر يوم الثلاثاء 25 يناير ساعة تفريق المعتصمين من ميدان التحرير علي الرغم اننا لم نشارك بأي هتافات مسيئه للرئيس لأنها لن تقدم ولن تأخر بشيئ الا ان اصبنا بضربات موجعه قسمت ظهورنا ولم ينقذنا غير سكان العمارات التي لجأنا اليها جزاهم الله خيرا كان زمنا يااعتقلنا ياحصلنا خالد سعيد وسيد بلا رحمهم الله هؤلاء الظباط ليسوا مصريين بل اعدائنا وعملاء ومرتزقه لقد شاهدنا مآسي يندي لها الجبين ارتكبها هؤلاء ممن يدعون انهم حماة للأمن حسبنا الله ونعم الوكيل لا استطيع الصلاه ولا النوم من كثرة الألم ربنا ينتقم منهم ربنا ياخدهم انا الدنيا اسودت في وشي ويعلم ربنا بعد اللي حصلي وشفته بقي الكره في قلبي قد ايه من ناحيتهم ربنا ينتقم منهم اشد انتقام اللهم انتقم منهم اشد الأنتقام اللهم انتقم منهم اشد الأنتقام

[A7MED_PHARMA]

السلام عليكم

الوضع هناك مأساوي ... وكمية الضرب غير طبيعية
أفراد الأمن منهم الي لابس مدني ..وبيسحبوا الناس على اطراف المظاهرة
والضرب في الناس بغباااااااااء
وكان هناك رصاص مطاطي ...

[amir]

دول عمرهم مايكونوا مصريين او احفاد مصريين قاوموا الظلم والأحتلال الا اذا كانوا بيعتبرونا احنا المحتلين والد اعدائهم يادكتور أمير انا عمري ماشفت غل وانتقام في الضرب والقسوه زي اللي شفتها في آخر يوم الثلاثاء 25 يناير ساعة تفريق المعتصمين من ميدان التحرير علي الرغم اننا لم نشارك بأي هتافات مسيئه للرئيس لأنها لن تقدم ولن تأخر الا ان اصبنا بضربات موجعه قسمت ظهورنا ولم ينقذنا غير سكان العمارات التي لجأنا اليها جزاهم الله خيرا هؤلاء الظباط ليسوا مصريين بل اعدائنا وعملاء ومرتزقه لقد شاهدنا مآسي يندي لها الجبين ارتكبها هؤلاء ممن يدعون انهم حماة للأمن حسبنا الله ونعم الوكيل لا استطيع الصلاه ولا النوم من كثرة الألم ربنا ينتقم منهم ربنا ياخدهم انا الدنيا اسودت في وشي ويعلم ربنا بعد اللي حصلي وشفته بقي الكره في قلبي قد ايه من ناحيتهم ربنا ينتقم منهم اشد انتقام اللهم انتقم منهم اشد الأنتقام اللهم انتقم منهم اشد الأنتقام

الظلم ظلمات يوم القيامه و تأكد ان لكل ظالم نهايه هو ربك حرم علي نفسه حاجه الا الظلم و سبحانه هو خالق كل شيء
فما بالك بعبد ظالم و مصمم علي ظلمه و عتيه

مش هقولك افتح التاريخ

افتح القران هتشوف نهايه كل ظالم ايه

حسبي الله و نعم الوكيل

دورنا دلوقتي اهم من ذي قبل

واجب علينا اعضاء نايل موتورز المشاركه الايجابيه و لنحتسب الضرب و الالم او حتي الموت شهاده في سبيل الله

احنا بنحرر الوطن من الانجاس الطغاه

ربنا يستر علينا

[nonetta]

السلام عليكم

الوضع هناك مأساوي ... وكمية الضرب غير طبيعية
أفراد الأمن منهم الي لابس مدني ..وبيسحبوا الناس على اطراف المظاهرة
والضرب في الناس بغباااااااااء
وكان هناك رصاص مطاطي ...

حمدالله عالسلامة يا احمد عملتوا ايه انا لسة فاتحة طمنا ايه الاخبار

[nonetta]

معلش يا دكتور احمد انا شلت لالقاب من قلقي
بس حمدالله عالسلامة تاني

[amir]

في الجزيره الان في شريط الاخبار

انهيار منزل من 6 طوابق في مدينه الحرفيين


هو في ايه هناك بالظبط؟؟

[nonetta]

انت نزلت انت كمان يا دكتور امير ؟
النت كان قاطع عندي والاخبار راحت مني
حمدالله على سلامتك