فاكر مدرستك؟

[mokhtar]

انا حضانه وابتدائى واعدادى فى مدارس الايمان الاسلاميه اما ثانوى فى دمياط الثانويه العسكريه والفرق بين شخصيتى فى المدرستين من السما للارض الاولى مدرسه اسلاميه بتزرع القيم والمبادىء والتانيه فيها كل الشعب بجميع اشكاله ..فى الثانويه كنت ..مزوغاتى كبير ..وكنا فاتحين فرع لمدرسه المشاغبين فى المدرسه والشغب كان على مستوى عالى ..تقريبا اللى عملناه فى المدرسين يتوع ثانوى بيطلع علينا لحد دلوقتى ..واكيد كان نفسى استمر فى المدرسه الاسلاميه بس للاسف مافيهاش ثانوى

..mokhtar..

[emadkamel]

يااااااااة ايام المدرسة بص يا معلم دية زكريات هستربع واحكى فى الابتدائى كنت فى مدرسة اسلامية اسمها ابو بكر الصديق وفاكر ابلى هيا كانت زنجية بس عسل والله كان بييجى حنطور يضربلى بالكرباك انزل هواياتى المفضلة كنت انا وواحد صحبى نقعد نكعبل العيال فى الفسحة طول الفسحة نخلى الناس تجرى واحنا نكعبل اة وكنا ههه فاتحيم حساب مع محل جمبنا كنت كل يومافضى الزمزمية بتاعتى من المية واحط كوكاكولا كان ب 40 قرش :) فى الاعدادى كنت فى مدرسة الحديثة وكنت كل يوم اتشاكل مع الناس وكنت بقدس تحية العلم وكنت بقف زى الاسد اصلى كنت عاوز اطلع ظابط بس مكنتش بعرف ازوغ اصلى كنت تخين فى سنة 3 بدأت ازوغ وانط السور وفى الثاناوى كت فى مدرسة العسكرية ماكنتش بحضر وكنت علطول بزوغ ولما كنت بخش كنت بأخد الوجبات بتاعت التغزية ديو واقعد اضربها فى السبورات بتاعت الفصول انا والعيال اصحابى ولجبنة على اللوح كنت عامل انقلاب فى المدرسة هههههه ومرة كانوا بيلعبوا ماتش نهائى كأس مدرسة العسكرية كورة واتشاكلت فى نص الملعب والمتش باااظ بسببنا كانت ايام هبلة والله :) وكنت غاوى اروح اقف للبنات فى فسحتهم اصل مدرستهم جمبنا واقد اظبطهم بقا والى يظبط اكتر يبق صايع اكتر يالهوى ايام ومن ثم الى الكلية وما ادراكم ما الكلية عاوزة مقالات لواحدها :)

ايه يابنى ده ؟؟؟!!!!! انت ليك تاريخ مشرف !!! يضعك فى الصفوف الاولى مع آل كابونى :) :)

[emadkamel]

انا اخدت بالى دلوقتى بس انى ماكتبتش حاجه عنى انا :) :) منهى الفضول!!!!

المهم انا من حضانه لثانوى فى سانت فاتيما الحجاز .... كنا لغايه اعدادى كده شباب فرافير أخرنا نادى الشمس وشويه خناقات على خفيف مع طبرى الحجاز وكنا بنقطعهم ( ..... دى جمله استفزازيه فقط علشان نشجع اى حد من طبرى الحجاز يتكلم :) :) )

فى ثانوى الموضوع اتطور شويه وخصوصا فى ثانويه عامة لما المدرسين بقى مالهمش لازمه من وجهة نظرنا (مافيش اعمال سنه وكلنا بناخد دروس خصوصية) ... انا فاكر مره مدرس "اتضايقنا" منه حطيناله سكر فى تنك البنزين ونيمناله الاربع عجلات وكسرنا الازاز وفكينا الدركسيون !!!

[hamedo0]

ابتدائي واعدادى في مدرسه الحريه وثانوى عام في المدرسه ابن خلدون
ابتدائي كنت هادى معاده حصه الالعاب كنت باقف جون
اعدادى برضو هادى مع ذباده الرخمه شويه كنت بحب ارخم الاساتذه بتعوعي وبرضو جون الفصل ومدرسه في تالته اعدادى
في ثانوى حدث ولا حرج كنت بزيط في الزيطه في مره كنت مزوغ ورحت العب طاوله علي القهوه واقدامي كوب الثحلب ولاقي الوالد الله يرحمه بيخبت علي كتفي يقوللي معاك تحاسب ولا احسابلك:D

[Nile_Storm]

في ابتدائي كنت في اسباتس بالهرم و ما ادراك ما اسباتس :)
و اعدادي و ثانوي كنت في مدرسه الفاروق الخاصه مع واحد حبيبي هنا من المنتدي :)

[محمد عز]

كم كنت اتمنى انا اجد زميل دراسه قديم من ايام المدرسه او حتى الجامعه
لكن للاسف ملقيتش
انا اصلا من السويس
الابتدائي مدرسه أمون الخاصه
الاعدادى مدرسة السويس الاعدادية بنين
الثانوي مدرسه السويس الثانويه بنين (العسكريه)
الجامعه هندسه القاهرة قسم مدني

لكن اول يوم ليا فى الحضانة كنت بعيط ومكنتش عاوز اروح انا وا خويا التؤام هشام
بس بجد ايام المدرسه الله لا يعيدها (ايام الجامعه كانت حلوة)

[Nader]

حضانة فى الكريت
إبتدائى فى مدرسة عمر بن الخطاب - مصر الجديدة
إعدادى فى الكويت
ثانوية عامة - مدرسة طبرى الحجاز - مصر الجديدة

اية يا شاركي دة، دة احنا كنا زمايل:) يا محاسن الصدف:)

انا في حضانة كنت في مدرسة الاورمان وستحملتش ومكملتش:) دلع بقى

وبعدين عيدوني تاني KG1 في مدرسة عمر بن الخطاب التجريبية لغات

وكنت بتريق على الةلاد والبنات اللي كانوا مقطعين نفسم عياط عاوزين ماما

ههه ماشافونيش في الاورمان:D كنت مبهدل الدنيا وكنت لاجئ على طول

في فكتب المديرة ويجيبولي لعب وهدايا وانا ابداً زي الاسد متراجعتش عن

عياطي ..ا.. اقصد موقفي لحد ما والدي الله يرحمة قال الولد لسة صغير

نسيبة السنة دي:( .... بس في الاخر الاستفدتة اني عدت اولى حضانة:(

بعد انتقالي لمدرستي الجديدة.... وضاعت عليا سنة:(

وكملت فيها لحد ماخلصت ثانوي.

[محمد المشد]

طبعا كل مراحل التعليم كانت حكومية والحمد لله 000
ابتدائى : الانجيلية الابتدائية
اعدادى : غمرة الاعدادية
الثانوى : الحسينية الثانوية ( فؤاد الاول سابقاً) مدرسة الراحل انور السادات
الشىء الوحيد الذى اتذكرة وبشدة اننى لم اتعامل مع الدروس الخصوصية فى حياتى إلا مرة واحدة وكان على حساب المدرسة ، لان الطلبة اللى كانوا بيلعبوا فى بعض الفرق بيتم اعطائهم دروس خصوصية لتعويضهم عن دروس الحصص ( لاننا كنا بنلعب فى دورى المدارس ومنتخب المدارس ) كرة قدم طبعا مش شيل حديد
عموما ايم وذكريات منها ما نرغب فى استعادتة ومنها ما نرغب فى نسيانة

[tmz9111]

والله فكرتنى بأيام جميلة

أبتدائى قاسم أمين بالجيزة (أتهدمت)
أعدادى الطلائع بالجيزة (أتلغت)
ثانوى السعيدية (لسه موجودة)

[Chicco]

ما ينفعش أنساها.... هي مدرسة واحدة: الجزيرة للغات في الزمالك من حضانة لثانوي.... قبلها سنة واحدة في دار التربية (البيبي هوم) KG 1 و بعدها سنة واحدة برضه في دار التربية GCE
أحلى أيام (نقول كدة دلوقت انما ساعتها كنت ما بصدق الاجازة تيجي)
العبد لله كنت دودة كتب أصلي..... لدرجة إن جالي مرة إستدعاء لولي أمر و أنا في تانية إعدادي اديته لابويا الله يرحمه و كان مش مصدق نفسه
لما راح طلع مدرس الانجليزي بيشتيكي مني لأني بجاوب على كل الاسئلة و مش مدي فرصة لحد في الفصل ....تصوروا :o

[Sharky]

اية يا شاركي دة، دة احنا كنا زمايل:) يا محاسن الصدف:)

انا في حضانة كنت في مدرسة الاورمان وستحملتش ومكملتش:) دلع بقى

وبعدين عيدوني تاني KG1 في مدرسة عمر بن الخطاب التجريبية لغات

وكنت بتريق على الةلاد والبنات اللي كانوا مقطعين نفسم عياط عاوزين ماما

ههه ماشافونيش في الاورمان:D كنت مبهدل الدنيا وكنت لاجئ على طول

في فكتب المديرة ويجيبولي لعب وهدايا وانا ابداً زي الاسد متراجعتش عن

عياطي ..ا.. اقصد موقفي لحد ما والدي الله يرحمة قال الولد لسة صغير

نسيبة السنة دي:( .... بس في الاخر الاستفدتة اني عدت اولى حضانة:(

بعد انتقالي لمدرستي الجديدة.... وضاعت عليا سنة:(

وكملت فيها لحد ماخلصت ثانوي.

إنت دفعت كام يا نادر ؟

[ams]

لغاية 3 ابتدائى==> مدرسة الانوار الخاصة المشتركه(دير الملاك) :اتعلمت اخد جوايز
4 ابتدائى الى 3 اعدادى==>مودرن سكول الحلمية(اكيد فى الحلمية) :اتعلمت اشتغل زى الحمار
ثانوى==> مدرسة المتفوقين الثانويه بنين(داخلى-عين شمس) :اتعلمت افهم
اعدادى هندسة==>هندسة الفيوم(أكيد فى الفيوم) : وما نيل المطالب بالتمنى ولكن تؤخذ الدنيا غلابا
لغاية 2 ميكانيكا حاليا==>هندسة عين شمس(اهى دى بقى اللى فى العباسيه وجنب قسم الوايلى) : اتعلمت انه مهما فهمت و ذاكرت و كنت عبقرى لازم تتمرمط وان كل شىء نصيب و يا بختك يا فاعل الخير و حسنه قليله تمنع بلاوى كتيره

[emadkamel]

[COLOR=darkorange]
لغاية 2 ميكانيكا حاليا==>هندسة عين شمس(اهى دى بقى اللى فى العباسيه وجنب قسم الوايلى) : اتعلمت انه مهما فهمت و ذاكرت و كنت عبقرى لازم تتمرمط وان كل شىء نصيب و يا بختك يا فاعل الخير و حسنه قليله تمنع بلاوى كتيره

قصر وقول اتعلمت وعرفت البلد ماشيه ازاى :) :)

[ams]

قصر وقول اتعلمت وعرفت البلد ماشيه ازاى :) :)

للأسف صح :)

[emadkamel]

والله فكرتنى بأيام جميلة

أبتدائى قاسم أمين بالجيزة (أتهدمت)
أعدادى الطلائع بالجيزة (أتلغت)
ثانوى السعيدية (لسه موجودة)

ماشاء الله ..... فى واحده فلتت :) :)