استطلاع .. هل توافق على المظاهرات ؟ اذن لماذا لم تشارك؟

[ahmed4000]

و بعدين الشعب عمره ما هيوافق كله على واحد

حضرتك مفهمتنيش انا مبقولش انى ضد انهم يوصولوا للحكم ولا يتداول السلطة مهو الطبيعى ان يبقى فى احزاب وتتداول السلطة
انا بقول انها حيحاولوا يخطفوا التظاهرات لنفسهم علشان يتفاوضوا مع النظام قدام مكاسب (ليهم هما بس مقابل بقاء النظام زى مهو حاليا بنفس وضعه وياما اتعقدت صفقات مع الاحزاب لتبييض وجه الحكومة مقابل مكاسب لرؤوساء الاحزاب وشوية الناس اللى حواليهم) ويبقى انت اتضحك عليك...

[dobyking1]

أنت محسسني إننا عمالين نفكر في السودان ليل نهار و إن الشعب المصري هايكسر الدنيا لو السودان انقسمت و هم بقى بيحاولوا يلهونا بثورة شعبية
يا باشا بص على أوروبا الشرقية كانت بلد تبدأ الإنقلاب و يتبعها باقي الدول .. في حالتنا دي تونس هي اللي بدأت

يا باشا هي بتبدأ كده أمبارح قسموا العراق لاكراد وسنة وشيعة والنهاردة السودان لشمال وجنوب .... ثم ايه المشكلة لما نفكر في السودان علي حد تعبيرك ماهو طول عمرنا لما كل واحد بيفكر هو لوحدوا عايز ايه هنفضل محلك سر . اسرائيل بقت اسرائيل علشان بدات تجمع اشتاتها اوربا بقت اوربا علشان عملت الاتحاد الاوربي امريكا بقت امريكا علشان جمعت الولايات في دولة واحدة. واحنا مش وخدين بالنا اننا بقينا دويلات العراق اتقسمت لتلاتة والسودان اتنين وبكرة مصر لتلاتة الصعيد وبحري وسينا تيجي حضرتك النهاردة تقوللي انك محسسني اننا طول النهار بنفكر في السودان ؟؟؟؟ ماهما فعلنا عيزين كده تفكر بس تاكل منين تلبس منين تعلم العيال منين ودوخيني يا لامونة لكن نكبر ازاي لا نكون شعب واحد ازاي لا تكون امة واحدة ازاي برضوا لا ..... وسلملي علي الترماي

[human]

و تستمر نظريه المؤامره و اتهام الاخر انهم عملا و هبل و بينفذوا اجنده خارجيه

اوربا كل دوله بقت دوله قويه و ديموقراطيه و بعدين اتحدوا

ماكنوش بيحكمهم ملوك و سلاطين و ديكتاتوريين و بعد كده اتحدوا

ارجو التعلم من التاريخ

[mfarag]

انتم مش ملحظين حاجة غريبة ....................قوي انا تونس فيها اضطرابات ومصر والجزائر ولبنان والاردن وفلسطين واليمن !!!!! في نفس الوقت ؟؟؟؟؟؟؟؟؟؟؟؟؟؟ محدش يقنعني انها صدفة ؟؟ أمال ممكن تكون ايه ؟؟؟؟؟؟؟؟؟؟؟؟؟؟؟؟ وياريت محدش يقولني اصل فاض بينا لان كل مع بعض قام وهاج
هل هي :
افتعلت من القوي الخارجية مثل امريكا واسرائيل للتغطية علي تقسيم السودان واللي هما نجحوا جدا جدا فيه محدش الوقتي بيتكلم علي السودان خاااااااااااااااالص ولا اكن السودان ديت مدغشقر مثلا ملناش دعوة بتقسيمها.
ثانيا : هل برضوا توقيت تسريبات الجزيرة عن السلطة الفلسطينة والخيانات وما شابه برضوا توقيتوا وليد الصدفة ...... برضوا علشان الناس تتلهي في حاجات تانية والخيانة وغيروا للثورة برضوا ....... انا مش بقول الكلام دوت علشان اقول انا معارض أو مؤيدة الثورة لكن علشان نخللي بالنا علشان بيتلعب بينا الكورة
ياريت نخلي بالنا فيه مصيدة كبيييييييييييييييييييييرة اوي بتتعمل واحنا ملهيين كلا في بلده .
ربنا يستر

حلوة التغطية على تقسيم السودان دى


تفتكر لوا مفيش مظاهرات كان مبارك عمل اية ؟

طبعا ولا حاجة

دى لو امريكا قسمت مصر مش هيعمل حاجة


اما بالنسبة للشعب و الناس

لمل يبقلهم دور فى بلدهم الاول يبقى يبصوا برة

انت عاجز تعمل حاجة فى بلدك - تفتكر هتقدر تساعد السودان او فلسطين

فعلا لازم نفوق ونفكر

لما نقدر نحرر مصر نبقى نفكر نحرر فلسطين و العراق

[kh_talaat]

مؤيد وبشده

من اجل ابني والأجيال القادمة

من اجل بلدي

والحمد لله ارضيت ضميري وشاركت

http://www.nilemotors.net/Nile/198865-25-2011-a-2.html

[M.Osman]

انا مؤيد للتغيير نحو الأفضل
معارض للتغيير نحو اللامعلوم




...
و بالتالي ..لم اشارك في الإستطلاع

[abdelmessih67]

مؤيد طبعا يا أخ نور القمر شريطة عدم تخريب أي ممتلكات سواء عامة أو خاصة لانها ملكنا كلنا كشعب مصري و لكن المنع كان من السلطات الامنية بالمنزل و هي زوجتي العزيزة التي حلفتني بأغلى ما عندي الا اشارك لان الاولاد الصغار مازالوا في الحضانة و محتاجين لاب يرعاهم و طبعا لو أخذت طوبة أو ضربة من الامن المركزي لضاع الاولاد و لهذا التزمت المنزل

[Car's Sniper]

انا مؤيد المظاهرات وللاسف والدى حبسنى اليوم ده وخد منى الكمبيوتر واللاب توب والموبايل
وباعتبر اى حد رافض المظاهرات دى بمثابة موافقة منه على الفساد وتزوير الانتخابات...المظاهرات كانت سلمية بحتة والامن هو اللى قلبها الحرب...وطالما هما عازينها حرب خلاص...تبقى حرب
شوفوا واحكموا YouTube - Egyptian police beat demonstrators in Tahreer Square
شوفوا قلة الادب والرباية بتوع الشرطة
روحوا اقروا كلام المخرج عمرو سلامة
ياريت الناس اللى بتتريق وبتقلل من اللى بيعملوه شباب البلد...مايجوش بعد مايحصل تغيير ان شاء الله ويقولوا كلمة(احنا) عملنا تغيير...لأ يقولوا رجالة البلد عملوا تغيير واحنا كنا قاعدين فى بيتنا

[khaled_sabry]

مؤيد و شاركت بعنف فى اول يوم فى مظاهرات ميدان المطريه
و اضربت و اتشتمت و 3 مخبرين مسكونى و ماسابونيش الا لما قولتلهم ( مسكتونى ليه .. . انا مش معاهم ) تفتكرو كده ده جبن منى ؟؟؟
ملحوظه : انا متزوج و عندى طفلين و نزلت اصلا من غير ما اقول لزوجتى ... و لما روحت و قولتلها عملتهالى مناحه

[mahmoud_afifi]

مؤيد جدا ولم اشارك عشان اهلي مانعيني من النزول في المظاهرات

[mohabelnegm]

أنا بقى مش بطيق خلاص أسمع مصطلحات زى( وقفة احتجاجية- متظاهرين سلميين- مسيرة- اعتصام- ثوار- ناشط سياسى- حقوقى- ألخ....
الناس لسه مش عايزة تفهم أن لو فضلوا ينزلوا 100 سنة الدايرة هاتفضل زى ما هيا و أى مظاهرة تنتهى أن ناس ماتت و مبانى و ممتلكات أتخربت و خبر جديد للعالم أن ديه بلد على أبواب حرب أهليه أو فيها فعلا حرب أهلية و خراب أكتر للأقتصاد . ما أكثر الجهلة و المخربين و ألأوباش...نسبة كبيرة جدا من الشعب منهم و أى تجمع لازم حيحصل فيه بهدله!!! طيب و الحل؟؟؟ الناس تتنيل و تقعد فى بيوتها و يسلموا أمرهم لله و لأى حد هايمشى الناس كلها فى اتجاه واحد...قريت كلمة هنا فى المنتدى للأخ صدام و عجبتنى جدا" الديكتاتور العادل" اللى ينجح أنه يجمع الناس على قلب رجل واحد و يمشى الناس كلها فى اتجاه واحد. الديموقراطية مش لينا بنسبة الجهل و الفوضوية اللى فيها معظم الناس. أفيقوا يرحمكم الله . لا خير فى أمة منحهم الله الجدل و منعهم العمل.