تحيا مصر وبنحبك ياريس

[Boost]

[justify][overline]السلام عليكم
دي أول مشاركه ليا في المنتدى
أنا مش قادر أفهم الناس اللي بتنادي بقاء مبارك على أي أساس
30 سنة حاكم مصر بقانون الطوارئ لو مالكش ظَهر تضرب على بطنك لازم الواسطة وال كوسة عشان تخلص مصلحتك
كام واحد فيكم دفع رشوة كام واحد فيكم اتهان من امين شرطة أو ظابط كام واحد فيكم اتعامل باسلوب كله قلت اداب لي مجرد إنه مصري
عمري في حياتي ماكنت فخور إني مصري الي يوم 25 نزلت وشاركت في مظاهرة سلمية قدام السفارة المصرية اطلب حقي اللي اتاخد مني من ساعة ماتولدت عشان اتولدت في مصر
اللي بيقولك الفوضى وال خراب هيعم في مصر لو مشي دلوقتي 30 سنة مصر عايشة في خراب وفوضى وقلت كرامه ومهانه بصو على الشباب اللي كان بينضف ميدان التحرير وال بنات اللي كانوا بيلموا الزباله ( ربنا يكرمهم ويجزيهم خير)
أسبوع ثورة من شباب زي الورد مفيش قلت أدب ولا بلطجه ساعتين نزلوا بتوع الحزب اللي كلهم بلطجية وخارجين علي القانون وكل واحد فيهم واخد 50 جنيه شوفو عملو إيه.
اسلوب حسني مبارك اللي كله تعالي وغطرسه ومعاملة الناس على انهم عبيد عشان هو كان قائد الضرب الجوية يا سيدي متشكرين بس لو كان عند ذرة وطنية مكنش حط اديه في ايد اليهود وبعنا ليهم عشان الكرسي
اللي بيحصل دلوقتي من دعاء الناس اللي مش لاقية قوت عيلها والأمهات اللي ولادهم ماتوا من تعذيب الشرطة ليهم
سؤال لأ خواتي المسحيين ليه محصلش تفجيرات ولا اعتداء على الكانيس في الفتره الي مكنش فيها أمن في الشارع
نفسي بلدي تكون أحسن من كده وهتكون أحسن ان شاء الله من غيره



[/overline][/justify]

[AHMED REFAT]

احبتى فى الله .. ان والله ما يحدث الان هو مسرحية هزلية ابطالها همج وبلطجية الدولة بسيناريو مكتوب من هذا النظام الفاسد واخرجه وانتاجه .. كيف تقولون اننا مع استمراره لامن البلد ... وهو نفسه قال اننى سأمكث من اجل الامن فى هذه الدولة وهو منذ قولته والامن فى انحدار الى انحدار فقبل قوله كان يتظاهر ضده ملايين فى مظاهرة مليونية شهدها العالم كله ولم يبدر منهم مشكلة واحدة فقط ولو حتى تحرش لفتاة .... وان من يؤديوه بعد الخطاب خرجوا بالاحصنة والجمال والسيوف والمطاوى وقنابل الملوتوف والناس اتدبحت فى ميدان التحرير وضربوا بالنار وهناك الى الان 1500 جريح غير 3 قتلى والبقية تاتى فكيف يكون الامان فى الشهور القادمة وهؤلاء هم مؤيدوه هم شعبه ومن يريدونه ... سبحان الله معارضون سلميون ومؤيديون قتلة .. فكيف الشهور القادمة .. يا رجال ستكون شهور اعتقال ومحاكمة عسكرية وقهر وقمع واغتيال كل رؤوس المعارضة وكل الرؤوس التى يتوقع ترشيحها ولم يجد الشعب من هو امامه للترشيح غير من يقدمه الحزب كما فعلوا من قبل .. ومن فى رايكم من سيقدمه الحزب للانتخاب ؟؟؟؟؟؟؟

[mmffor]

احبتى فى الله .. ان والله ما يحدث الان هو مسرحية هزلية ابطالها همج وبلطجية الدولة بسيناريو مكتوب من هذا النظام الفاسد واخرجه وانتاجه .. كيف تقولون اننا مع استمراره لامن البلد ... وهو نفسه قال اننى سأمكث من اجل الامن فى هذه الدولة وهو منذ قولته والامن فى انحدار الى انحدار فقبل قوله كان يتظاهر ضده ملايين فى مظاهرة مليونية شهدها العالم كله ولم يبدر منهم مشكلة واحدة فقط ولو حتى تحرش لفتاة .... وان من يؤديوه بعد الخطاب خرجوا بالاحصنة والجمال والسيوف والمطاوى وقنابل الملوتوف والناس اتدبحت فى ميدان التحرير وضربوا بالنار وهناك الى الان 1500 جريح غير 3 قتلى والبقية تاتى فكيف يكون الامان فى الشهور القادمة وهؤلاء هم مؤيدوه هم شعبه ومن يريدونه ... سبحان الله معارضون سلميون ومؤيديون قتلة .. فكيف الشهور القادمة .. يا رجال ستكون شهور اعتقال ومحاكمة عسكرية وقهر وقمع واغتيال كل رؤوس المعارضة وكل الرؤوس التى يتوقع ترشيحها ولم يجد الشعب من هو امامه للترشيح غير من يقدمه الحزب كما فعلوا من قبل .. ومن فى رايكم من سيقدمه الحزب للانتخاب ؟؟؟؟؟؟؟

تصدق انت كلامك فوقني على حاجة واحده! والله لسه حالا واخد بالي منها! لو الرعاع اللي شوفناهم النهاردة هما نسبة كبيرة في مصر......
ازاي مصر حتبقى دولة حضارية او ديموقراطية؟؟؟؟؟؟
اعتقد ان الافضل نبقى دولة عربجية علشان الخيول و الجمال ترمح في ربوعها براحتها

[bisoolover]

في حاجه عاوز اقولها انتو كل مرة تقولو ان حسني مبارك وحش تجيبو سيرة ال300 شهيد اللي مات في المظاهرات..نسيتو ان الراجل ده حمانا من الحروب 30 سنا يعني لو الراجل ده مكنش موجود مكنش هيبقي فيه 300 شهيد وبس كان هيبقي اكتر من 30 الف شهيد..يعني نفسي تبصو للنعمه اللي قدامكو وسيبوه يكمل مدته في سلام

[ashouhdy]

اول مرة اعرف ان فى حد بيحب مبارك !

[Boost]

[youtube]http://www.youtube.com/watch?v=7hBV0ApIh_4[/youtube]

[AHMED REFAT]

في حاجه عاوز اقولها انتو كل مرة تقولو ان حسني مبارك وحش تجيبو سيرة ال300 شهيد اللي مات في المظاهرات..نسيتو ان الراجل ده حمانا من الحروب 30 سنا يعني لو الراجل ده مكنش موجود مكنش هيبقي فيه 300 شهيد وبس كان هيبقي اكتر من 30 الف شهيد..يعني نفسي تبصو للنعمه اللي قدامكو وسيبوه يكمل مدته في سلام

حماك من من الحروب 30 سنة بتصدير لتر الغاز بسعر اقل من سعر لتر المياعه التى تدفعه فى بيتك .. حماك 30 سنة على حساب ارواح المسلمين فى فلسطين .. والله العظيم هم يبكى وهم يضحك ... لو عندك شهيد واحد من شهداء نظام مبارك لما كنت قلت هذا واذكرك

1 _ شهداء غرق العبارة ومقتل اكثر من 1300 مصري

2_ شهداء قطار الصعيد

3_ شهداء حوادث السيارات بسب الطرق المصرية رغم ارتفاع الضائب الجبرية على السيارت والتى تذهب لاصلاح الطرق ده غير بوابات الطرق الرئيسية

4_ شهداء حصار غزة والحجز المانع واغلاق الانفاق

5_ شهداء الخدمة الصحية

6_ شهداء المعتقلات السياسية واقسام الشرطة واخرها خالد سعيد وشهيد الاسكندرية بعد احداث كنيسة القديسين

7_ لسه كتير والله ... يا اخى الواحد قرف من التذكر نفسه ... حسبنا الله ونعم الوكيل

[husseinsalah]

في حاجه عاوز اقولها انتو كل مرة تقولو ان حسني مبارك وحش تجيبو سيرة ال300 شهيد اللي مات في المظاهرات..نسيتو ان الراجل ده حمانا من الحروب 30 سنا يعني لو الراجل ده مكنش موجود مكنش هيبقي فيه 300 شهيد وبس كان هيبقي اكتر من 30 الف شهيد..يعني نفسي تبص5و للنعمه اللي قدامكو وسيبوه يكمل مدته في سلام

فعلا كان لازم يموت 30 الف واحد فى المظاهرات علشان نبتدى نكرة مبارك لكن اقل من كدة يبقى احنا مش حاسين بالنعمة اللى احنا فيها ...... يبقى لازم نقول بالفم المليان بنحبك يا مبااااارك هنموت من غيرك يا مبااارك احنا مستعدين كلنا نمشى بس انت تفضل يامباااارك

[mmffor]

بيسولوفر نقطنا بسكاتك!!
بعد المجزرة اللي حصلت امبارح مفيش حد ليه عين يدافع عن الطاغية!
اقسم بالله العظيم لو كان الطاغية ده جدي (اكبر بكتير في السن من ابي رحمة الله عليه) لكنت اتبريت منه براءه لا رجعة فيها و كنت اول واحد اطالب باعدامه!!!!
دا انا لو بيدوني ميت الف جنيه علشان اقول كلمه واحده حلوة في حقه في التلفيزيون !! كان ممكن عقلي يقبل لكن لساني كان حيرفض ينطق

[i_Am_Legend]

لو كان جدى الله يرحمة عايش_ودة كان رجل دين وكان صديق شخصى للشعراوى_لو جدى سمع خطابة او شاف كلامة على التليفزيون كان ملا الشاشة تفافة ولعنة فى كل كتاب_دة وجدى غنيم دة رااااجل_مش منافق _وعمار الشريعى رااااجل_وإحنا كمان رجالة قوى_وماحدش فينا عايزوا_يستنى فى الحكم شهر واحد بس البلد تهدى_ويغور فى ستين سلامة جنب إبن على يلعبوا سوبر ماريو سوا

[cayman69300]

بحبك يا مصر
و ابوس ترابك

[mmffor]

يا ريت كلنا نحب مصر

[bishoy02010]

بنحبك يا مصر