إعـــــــلان

Collapse

.

,
See more
See less

جمعه رحيل الفساد بدل رحيل مبارك

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة nabaster مشاهدة المشاركة
    الحمد لله شباب مصر اثبتوا انهم رجاله

    شباب مثقف واعي مسمحش لحد يركب او يتسلق علي اكتافه

    في اسبوع واحد عملنا الي مكناش نحلم بربعه

    احنا لسا باقيلنا يومين علي يوم الجمعه الجايه

    ومش عايزين ننسي دم الشهداء الي راحوا ضحايا في تغيير مصر

    اكتر من 380 شهيد راحوا فداكي يا مصر

    الجمعه الجايه ننزل الشارع بس المره دي مش علشان نطالب برحيل مبارك

    المره دي علشان نطالب القصاص لهؤلاء الشهداء

    نطالب بمحاكمة الناس الي قتلتهم بدم بارد

    نطالب بادراج الماده 88 ضمن التعديلات الدستوريه لضمان نزاهة الانتخابات

    ونحاول نقول فيها ونثبت ان شبابك يا مصر متحضر

    وبيمارس حقوقه بدون تخريب او دمار

    سلميه .. سلميه

    a.yakout
    + حل مجلس الشعب والشورى
    محاكمة حبيب العادلي واحمد عز
    القضاء على مراكز القوى (صفوت الشريف - زكريا عزمي + ........)
    الإعتراف بحدوث خياااانه من الشرطه وتوضيح من المتسبب فيها ومحاكمته
    [CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
    [/COLOR][/SIZE][CENTER]
    [/CENTER]
    [/CENTER]

    Comment


    • #32
      يا جماعه لو سمحتوا اتجمعوا في موضوع واحد عشان نسمع بعض ونوصل لحل عملي
      http://www.nilemotors.net/Nile/199177-a.html

      Comment


      • #33
        المشاركة الأصلية كتبت بواسطة sara2001 مشاهدة المشاركة
        + حل مجلس الشعب والشورى
        محاكمة حبيب العادلي واحمد عز
        القضاء على مراكز القوى (صفوت الشريف - زكريا عزمي + ........)
        الإعتراف بحدوث خياااانه من الشرطه وتوضيح من المتسبب فيها ومحاكمته

        مينفعش نحل مجلس الشعب والشوري

        هتبقي مجزره في الانتخابات

        كفايه الاعضاء المطعون فيهم

        المطلب التاني لسا هيجي شويه بشويه

        المطلب الاخير اول مطلب نوهت عليه في المشاركه

        A.Yakout
        [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

        Comment


        • #34
          إذا أردت أن تطمئن للحياة فأقطع رأس الحية لا ذيلها
          [SIZE=4]سبحان الذى سخر لنا هذا وما كنا له مقرنين وإنا إلى ربنا لمنقلبون [/SIZE]
          [CENTER][SIZE=4]سعيد خالد[/SIZE][/CENTER]

          Comment


          • #35
            المشاركة الأصلية كتبت بواسطة nabaster مشاهدة المشاركة
            مينفعش نحل مجلس الشعب والشوري

            هتبقي مجزره في الانتخابات

            كفايه الاعضاء المطعون فيهم

            المطلب التاني لسا هيجي شويه بشويه

            المطلب الاخير اول مطلب نوهت عليه في المشاركه

            a.yakout
            طب وهيعدلوا الدستور ازاي وهما فاسدين؟
            المطلب بتاع العادلي لو كان هو بادر بيه كان ناس كتير هديت صعب انه يتأجل
            المطلب الأخير المقصود مش بس الأوامر بقتل المتظاهرين
            مقصود بيه من المتسبب في احراق السجون وخروج البلطجيه وتسليحهم
            واختفاء الأمن بكل طوائفه وانتشار الحرائق في كل مكان
            [CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
            [/COLOR][/SIZE][CENTER]
            [/CENTER]
            [/CENTER]

            Comment


            • #36
              دماء المئات إلي راحوا دوول ..في رقبة مين
              وإلي قتلهم يأحمد
              كان بيدافع عن مين؟؟؟؟وضربهم بأمر مين؟؟؟؟؟؟؟


              ولله الأمـــــــــــر
              [rmade]http://im58.gulfup.com/qswdwL.jpg[/rmade]

              Comment


              • #37
                المشاركة الأصلية كتبت بواسطة mera11 مشاهدة المشاركة
                إذا أردت أن تطمئن للحياة فأقطع رأس الحية لا ذيلها
                الرأس الحقيقي !
                شبه مستحيل وطبعا الرأس الحقيقي أبعد من مايدور في فكرك
                دي سياسة دولية يابيه بلاش نبص تحت رجلينا السياسة أن ماتراه أمام عينك ليس بالضرورة الحقيقة!!!!!!!!!!!!!!!!
                السياسة هي بمعناها البسيط رؤية ما أوريدك أن تراه
                إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
                م/محمد

                Comment


                • #38
                  المشاركة الأصلية كتبت بواسطة A7MED_PHARMA مشاهدة المشاركة
                  دماء المئات إلي راحوا دوول ..في رقبة مين
                  وإلي قتلهم يأحمد
                  كان بيدافع عن مين؟؟؟؟وضربهم بأمر مين؟؟؟؟؟؟؟


                  ولله الأمـــــــــــر
                  يا دكتور احمد

                  ما دي من اولي مطالبنا ان شاء الله

                  الموضوع مش موضوع خروج مشرف لمبارك

                  الموضوع عايزين شوية استقرار لحد لما نستقر علي بديل (يعني عايزينه مصلحه مش اكتر)

                  A.Yakout
                  [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

                  Comment


                  • #39
                    سؤال بسيط ياجماعة ...
                    هل برحيل مبارك ترحل معة جميع ازمات ومشاكل مصر حتى نعلق الحل على شماعة رحيل مبارك ؟؟
                    هل لتغيير نظام بلد تستطيع بظغطة زر هدم كل شئ وبظغطة زر اخر تشيد كل ماهو جميل فى البلد ؟؟
                    هل السياسة هى فرض الرأى وعدم سماع الرأى الاخر .... اذا كان احد اهم اسباب المظاهرات عدم الاستماع لمطالب الشباب والتحاور معهم اذن لما تيجى الفرصة اننا نتكلم ونتسمع لا نرفض الحوار بدورنا بل بالعكس نسعى لة للوصول لمقترحات وحلول مرضية .
                    لو مبارك تنحى النهاردة .. تشوف ازاى الفترة اللى جاية لحين تعيين رئيس اخر ازاى فى بلد الحياة فيها واقفة من اكتر من اسبوع وفى ظل وجود احزاب منقسمة تتصارع لأخذ قطعة من التورتة ؟؟
                    مين ترشح خلفا لمبارك ؟؟

                    اعتقد قبل اى حاجة نجاوب على الاسئلة دى وبعدين نقرر نعمل اية مع ملاحظة ان الفتنة الداخلية اشد من الحروب واعتقد العراق خير دليل

                    ملحوظة انا غير مؤيد للنظام ولكن مؤيد لاستقرار البلد ... النظام كأى نظام فى الدنيا لة مساوؤة ومميزاتة وان كانت المساوئ طاغية فى الفترة الاخيرة ولكن وصلنا لمرحلة لابد من استخدام العقل والتحاور

                    Comment


                    • #40
                      الي كل من يقول يرحل مبارك الان ويتولي عمر سليمان .....دستوريا
                      اللي يتولي حكم البلاد بعد استقاله او اقاله او موت الرئيس هو رئيس مجلس الشعب
                      ويدعو لانتخابات رئاسيه خلال 50 يوم........
                      واخدين بالكو .......ساعتها حيتم ترشيح الرئيس بناء علي الفقره 74 في الدستور
                      الي كلنا بنصوت وعايزين نغيرها.....مش بس هيا لا الدستور كله......
                      يعني من الاخر لما حنمشي حسني دلوقتي حندي شرعيه لكن الاشياء الخطأ اللي احنا موحلين بسببها بقالنا سنيين
                      وساعتها الحزب الوطني حيرشح واحد اسوء منه وحينجح بفضل الماده88
                      حتقولو نلغي الدستور
                      قانونا للالغاء الدستور لازم قرار جمهوري من رئيس الجمهوريه
                      وحل مجلس الشعب قرار جمهوري لرئيس الجمهوريه
                      من الاخر ....دخلنا في متاهه الفرخه ولا البيضه
                      ..........................
                      منكم حيقول طب يعمل حكومه ائتلافيه
                      الكلام ده لما يكون في ائتلاف اصلا
                      الناس اللي علي الساحه السياسيه كلهم ميسوش حاجه وميفرقوش عن مبارك شئ
                      .......................
                      منكم حيقول طز فيهم كلهم كله يمشي ونعمل كل حاجه من الاول....حقوله كلامك فعلا هو الصح لازم كل شى يتعدل ..الرئيس ...الحكومه ...الدستور ....النظام كاملا
                      بس للاسف بلد زي مصر بكل المتربصين بيها من بره ....ولكن المنتفعين بيها من الداخل .....حينهب ويخرب ويبهدل فيها وفي ناسها ...قبل من حقق اي شئ .....
                      لو كان فيه احزاب قويه في البلد الواحد يعرف اهدافهم وتوجهاتهم ....كان الواحد تقدم لهذه الخطوه بلا تفكير
                      البردعي.....اللي يشوف تاريخه في الطاقه الذريه واللي عمله في العراق وباكستان ......وانه كان تحت يد الامريكان ....يلطم لو وحيقول ماسخم من ستي الا سيدي
                      حزب الوفد اللي بلاتفاق مع الحزب الوطني سحب مرشحيه امام مرشحي الوطني ......لا يستحق اي احترام
                      الاخوان ...اللي لحد الان كل يوم براي في هذا الموضوع بالذات يجعلك تتسأل حيديرو البلد ازاي
                      والباقي لم يقدر ان يقنع معظم الشعب
                      رجاااااااااااء حار من ام واخت لكم ......... فرحت ودعت للشباب انه يقدر يغير حكمو عقلكو لكي نخرج من هذه المرحله بكل مكاسبها
                      فرحت لما اخير نطقها وقال انا ماشي
                      والي كل من يشكك انه مش حيعمل حاجه وان وعوده كلها معملهاش
                      حقوله قبل كده هو كان بيتكلم ومبيسمعش الشعب
                      دلوقتي هو وعد بعد ما الشعب اجبره علي هذه الخطوه.....مش بمزاجه هو وحزبه
                      وان معملش ميدان التحرير وكل ميداين مصر موجوده
                      واللي بيقول اللي الشعب مش حيقوم تاني.......حقوله بعد اللي حصل اليومين اللي فاتو
                      الشباب اللي في التحرير واللي في اللجان الشعبيه عند كل شارع اللي مينفعش بعد كده نقول عليه ميقدرش يعمل حاجه

                      Comment


                      • #41
                        ننزل الجمعة ولا نصبر لحد شهر 10 ؟

                        يا جماعة لازم نحدد موقفنا
                        لا شك ان الرئيس لازم يمشى
                        لكن متى ؟
                        لو مشى الفوضى ستعم البلد اكتر ما هى ولعة
                        و ممكن تتقلب زى العراق
                        و لو قعد الواحد يضمن منيين صدق الوعود ؟و الدستور و سرور و اعوانه
                        احنا مجربيينه 30 سنة و مفيش فايده
                        ايه الحل ؟
                        عايزين استقرار
                        بس عايزين حرية ............

                        Comment


                        • #42
                          أتفرج على حلقة منى الشاذلى على دريم

                          Comment


                          • #43
                            انا نازل علشان مش عايز اتهان يوم تانى بعد يوم الجمعة

                            Comment


                            • #44
                              اخي الكريم
                              لا تقلق من الفوضي ابدا راجع تاريخ مصر 7000 سنة

                              بل اقول لك ان
                              امريكا و اسرائيل لا تريد لمصر الفوضي نهائيا
                              هل تصدق .. اكيد تستنكر كلامي
                              لا يريدون الفوضي لمصر لان ده حيكون بوابة دخول القاعدة الي مصر و يتحرك الالاف من الشباب للجهاد ضد اسرائيل

                              هم يريدون نظام علماني يعيش معه الشعب في الفته في قنوات الاغاني و الافلام و الموبيل و البلايستيشن و رفاهيات الحياة من شتي الاشكال كما هو الحال في امريكا و اوربا
                              نظام كمبارك لكن من دون ان يثير الشعب عليه
                              فلا تقلق من الفوضي ابدا

                              يعني من يخشي علي امواله و تجارته و حياته الدنيا
                              ااكد له ان تغير النظام فيه مكسب كبير له
                              [CENTER][shfaf2]http://img69.imageshack.us/img69/7283/0286t.jpg[/shfaf2][/CENTER]

                              Comment


                              • #45
                                لا احنا ننزل عشان نطالبه انه يرجع في كلامه ويرشح نفسه في الانتخابات الجاية. دا راجل مهنينا ومدلعنا ومشخلعنا.
                                مدد يا مبارك مدد ربنا يطولنا في عمرك.
                                [CENTER][img2]http://img24.imageshack.us/img24/3706/brd3i.png[/img2]


                                [/CENTER]

                                Comment

                                Working...
                                X