معركة الإبل...ماذا بعد؟؟؟!!

[maka]

وهو مبارك لغي احكام الميراث والزواج وحرم الحجاب
يا اخي اتقي الله
والنار التي تحرق البلاد والعباد لا اريدها لعن الله الفتنة ومن اشعلها

احفظ هدوءك يا سيد ويوجد وسيلة افضل للخطاب

و اتقى الله و لا تفرض ارئك على غيرك و تشخصن الحوار

و بدلا من اللعن الزائف ادعى الله ليحمى البلاد

لالا سيبك من ابن على وخليك فى مصر دلوقتى ..... واحد قالك هنفذلك مطالبك .... خلاص ارجع بيتك استريح وشوف الدنيا هتمشى ازاى ... متحولش مشاكل مصر كلها فى شخص مبارك .... هو اه شخص فاسد ... بس يعنى لو مسكناه علقناه فى ميدان عام مصر هتتصلح ؟؟ .... ابدا والله ده هيا ده هتبقى بداية الخراب .... كله هينقض ساعتها على الكعكة وابقى قابلنى لو العملية اتلمت ... بس لو العملية كانت طبيعية وانتخبنا الرئيس القادم فى ظل شرعية كاملة محدش هيقدر يتكلم وبرضه هيكون وصلنا لمطالبنا بس بذكاء وباقل قدر من الخساير .... بس الفوضى اللى احنا عاوزين نوصل ليها ده مش هتنولنا حاجة

ياريت يا جماعة التعقل .... بجد البلد على صفيح ملتهب الان وليس لنا الا الله

ماشى نسبنا من تونس

راجل طلع قال وعود كما معهود عنه و محاولش يقدم السبت حتى بالغاء قانون الطوارى مثلا و لا الامر بتشكيل لجنة لتقصى الحقائق ولا حتى عزء الشهداء اللى ماتوا

لكن بعد ساعات من وعوده يدور الضرب فى المتظاهرين بابشع الطرق و بدون رحمة ولا انسانية مين يقدر يلم الكل العدد ده من البلطجية ؟؟؟ , وزارة الداخلية معندهاش علم بتكتلات الصيع ؟؟؟ , الجيش ممنعش ركبى الخيل و حاملى العصا من دخول التحرير ليه ؟؟؟ الجيش محاولش يفرق بين الجانبيين ليه ؟؟؟؟
كل دى اسئلة منتظرة اجابتك عليها

و هل انت ضامن شرعية يعنى واحد فضل 30 محققش الشرعية هيحققها فى 6 اشهر .......... انا بدعى ربنا انه يحققها علشانى و علشانك

انا بعد خطابه استريحت لكن بعد ضرب الناس حسيت بمرارة و عرفت ان لو ناس انسحبت هيبقى هنشوف ايام اسود من قرن الخروب

[jisso82]

اقرأ ده و اتن تعرف

http://www.nilemotors.net/Nile/199302-a.html

[mahmoudselim]

شعب غريب سبحان الله.. قبل ال بيحصل دا كان تقريبا كل الشعب اجمع انة كارهة لمبارك وتسمع ناس بتقول امتا يغوور ويريحنا كنا بنسمعها كتيييييير جدااا .. اظاهر انهم عاوزين كل حاجة تجيلهم علي طبق من ذهب . عاوزين حرية وديموقراطية وتعديلات دستورية ورئيس جديد وهما قاعدين في بيوتهم.. لا يا اساتذة كل حاجة وليها تمن واعتقد ان اغلب الناس بتقول الجملة دي في حياتها اليومية علي مسائل تافهة .. فما بالك بقي بحرية اولادك وكرامتهم والامل انهم يعيشوا حياة افضل هما واحفادك..الريس طلع قال كلمتين ناس كتير عيطت واتأثرت وانا كنت واحد من ال اتأثرو مع اني كنت بطالب برحيلة في المظاهرات.. بس فاجئة حسيت اني غلط لما افتكرت كل المهازل ال كنا عايشين فيها والذل والمهانة وحسيت بلانانية لاني جورت علي حق الاجيال القادمة انها تعيش حياة مستقرة لان عمر النظام دا علي مدي 30 سنة كان لية وعود صادقة كلة كان كذب اذاي دلوقتي عاوزني اصدقة ( فاستخف قومة فأطاعوة) ابداااا انا مش من ال ممكن تلبسهم السلطانية ياريس .. وكلنا شوفنا النهاردة اسلوبهم القذر في التفكير ودي مش حاجة جديدة عليهم دايما كان بيصدور البلطجية علي المواطنين المحترمين لعبة قذرة بيلعبوها ديما وريحتهم فيها وياما كلنا اتعرضنا بشكل مباشر او غير مباشر لبلطجية النظام سواء كان في الانتخابات او في المصالح الحكومية بلطجية الرشوة المسمين بالموظفين ودا شكل تاني من البلطجة ادفع علشان تخلص حاجة من حقك اصلا .. انتا فاكرني من اياهم ال بتنيمهم الساعة السحرية ال بتتحرك يمينا وشمالا زي ما بيحصل فيالافلام العربي القديمة.. وال بيقول ان اتحقق 90 % في الحقيقة دا كذب لانة لم يتحقق من المطالب اكتر من 50% بأي حال من الاحوال وبعيد كمان عن مطلب رحيلة.. التلفزيون المصري وقناة المحور وعملاء الحزب الفاسد خلوني اكرة النظام اليوم اكتر من اي وقت اخر خلوني اعرف معني تاني للكرة مكنتش عارفة..

[Samah AbdAllah]

2 قتلى و10 مصابين بالرصاص الحى الآن فى التحرير

[misoalex]

للاسف عرفو يوصلو للى هما عاوزينه

[تامر.محمد]

http://www.nilemotors.net/Nile/199327-a.html

ده السبب ان فيه ناس بتضحي بأرواحها في التحرير دلوقت
:(

[أبو صلاح]

2 قتلى و10 مصابين بالرصاص الحى الآن فى التحرير

الرقم ده مش صحيح بالمرة
محدش هيقدر يقول حاجة صح دلوقتي
كل مصدر وليه رأي حسب مكان تواجده في ميدان التحرير

بالنهار هنصحى على فاجعة
هنصحى على كارثة


كفاية بجد يا ناس حرام كده

الناس بتوع اللجان الشعبية زهقوا خلاص وروحوا بيوتهم
وبعد لما كان كمين كل 10 متر بقى كمين كل 2 كم

فين الشرطة لحد دلوقتي
مش عايزين ينزلوا ليه

يا جماعة قسم الشرطة بعد ماضربوه احتلوه ضريبة المخدرات عايشين حياتهم جواه

فيه خراب ايه بعد كده


والله انا حاسس اني في كابوس عايز افوق منه مش عارف

[dr-mohamed]

والله يا ابو صلاح انا معاك في نفس الكابوس المرعب
استغفر الله العظيم
يا رب انت الملجأ والملاذ
انقذنا يا ارحم الراحمين من الجميع

[أبو صلاح]

والله يا ابو صلاح انا معاك في نفس الكابوس المرعب
استغفر الله العظيم
يا رب انت الملجأ والملاذ
انقذنا يا ارحم الراحمين من الجميع

ياباشا في خد ان في دولة زي مصر يحصل فيها كده

اقتحام لاقسام الشرطة وهروب ظباطها وماجينها
هروب المساجين من اكبر السجون بمضر وبطريقة بدائية جدا
قطع الانترنت
قطع الاتصالات (دي بالذات كنت هموت من الرعب بسببها لاني كنت راجع من مطروح ومش عارف اتصل باهلي واعرف هم فين ولا حد فيهم عارف يوصلي)
انك تعيش ايام زي دي بدون حكومة وامن ويتحكم في الشوراع لجان شعبية
انك متلاقيش المقومات الاساسية للحياة من اكل وشرب وعلاج
والبقية تأتي

انا بجد خايف جدا
والله حاسس اني قلبي هيقف من الرعب اللي انا فيه

[SunSet]

لو النظام استمر الناس اللي في التحرير واللي اتظاهرت حتتسحل وتتعذب ويهتك عرضها في معتقلات النظام الحاكم

او حتختفي

او حتموت في حوادث غريبة

الانسان الوطني ما يبيدش المعارض ليه و يجوع شعبه ويروع الامنين فقط وفقط من اجل ابقاءه وسلطته في المنصب لمزيد من نهب الشعب

لا يمكن ان يبقى حاكم غير امين ولم يكن ابدا امين على شعبه

[factorialx]

اللي بقالوا 30 سنة مش بيصلح مش هيصلح

و إنت مش شايف البلطجه و القتل اللي بيحصل في الميدان

قولوا الحق

[wawoo]

لو النظام استمر الناس اللي في التحرير واللي اتظاهرت حتتسحل وتتعذب ويهتك عرضها في معتقلات النظام الحاكم

او حتختفي

او حتموت في حوادث غريبة

الانسان الوطني ما يبيدش المعارض ليه و يجوع شعبه ويروع الامنين فقط وفقط من اجل ابقاءه وسلطته في المنصب لمزيد من نهب الشعب

لا يمكن ان يبقى حاكم غير امين ولم يكن ابدا امين على شعبه

يا عزيزى ميدان التحرير الان يجمع افراد من معظم فئات الشعب ..قد يختلفون كتير فى انتمائاتهم او افكراهم و علامهم ولكنهم يتفقون فى شىء واحد فقط و هو انهم سوف يضحون بالغلى و الرخيص فى سبيل تحقيق مطلبهم

هناك مؤمرة حقيقية من اعوان النظام المنهار مازالت تحاول تدبير اى مؤمرات جديدة للقضاء على اعتصام الشعب فى التحرير

و اهم مؤمرة هى ما يقدمة وزير الاعلام من صورة كاذبة عن ما يحدث على ارض الواقع ..اعداد المصريين بالالاف فى ميدان التحرير و لكن لا يوجد قناة واحدة تستطيع عرض ما يحدث بالفعل من ميدان التحرير لان المنظر سيكون مفاجئا للجميع

تكتفى كل القنوات بتصوير جزء صغير من ميدان عبد المنعم رياض حتى تصور المعتصمين على انهم قلة قليلة لا تمثل كل المصريين ..

ارجوكم تنبهو لابعاد المؤمرة لنها تدبر بعناية و خبث شديد لانة يشارك فيها مذيعين و مخرجين و مصورين مستمرون فى تزوير الواقع و تزيف الحقيقية على معظم القنوات التى تنقل ما يحدث و تقوم بتزييف الواقع بشكل محترف و منظم

[factorialx]

حرااااااااااااام عليكم شوفوا حضارة و حب الشباب لمصر

قارنوهم مع زبانية مبارك

حسبي الله و نعم الوكيل

YouTube - Egypt: A New Spirit of National Pride

[aly_72200]

بعد مقتل شباب مصر بالرصاص الحى ليلة امس ربما

ربما الماء يروب

ربما الزيت يذوب،

ربما يحمل ماء في ثقوب ،

ربما الزاني يتوب ،

ربما تطلع شمس الضحى من صوب الغروب ،

ربما يبرأ شيطان من الذنب ، فيعفو عنه غفار الذنوب،

.إنما لايبرأ الحكام في كل بلاد العرب من ذنب الشعوب

[swimmer25]

لعبة مبارك الداهية نجحت...تخيل القصة الواقعية معايا..وتخيل الحل

السلام عليكم وعلي اهل مصر وعلي مصر

انا بدات استوعب ايه اللي بيحصل وايه اللي حصل...ياريت تقروا بالتفصيل عشان نفكر في اللي حصل مع بعض ......مع بعض .....مع بعض ..........مع بعض
مبارك زي ما قلت مليون مرة ثعلب ماكر جدا...ولكن "و يمكرون ويمكر الله والله خير الماكرين"...ونسال الله ان ينصرنا ويكون في صفنا ولا يخذلنا ولا يذلنا ويذل الظلمة والفاسقين

تعالو نشوف ونحلل وده رايي وارد الخطا ووارد الصواب

1- علي غير توقع تخرج مظاهرات يوم الجمعة وتكون الشرطة في الشارع والامن المركزي علي اساس يعني علي حسب فكر مبارك واعوانه "مين دول يعني دول شوية عيال تافهه..رشقلهم عربيات الامن المركزي في الشارع يرعبوهم ويصفوهم وشوية قنابل غاز علي علي.......هتدبر"

2- فجاة الشعب والعيال اللي هو استهزأ بيهم صمدوا صمد رهيب لدرجة انهم عملوا رعب للامن المركزي نفسه..رجالة من ظهور رجالة.....مبارك "ايه ده ايه العيال دي ايه اللي بيعملوه ده...وكمان الاحزاب انضمتلهم...ده انا هبهدلهم ولاد ال.....وكمان الاحزاب اللي سايبهم شفقة مني عشان شكلنا امام العالم طلعوا عن طوعي........يا ولاد ال..........."

3- مبارك للشرطة والداخلية كالعادة..."ايه يا ولاد ال......مش عارفين تلموا شوية عيال.....اعملولي قرد بس العيال دي تتفرق حالا...."

4- مبارك....."واضح انكوا خوفتوا وانا لازم اتدخل....تعالوا يا وزراء...اجتماع....هنعمل معاهم ايه...(بدا مبارك ذو الخبرة العسكرية والدهاء الكبير يخطط...راجل عسكري يا جماعة مش سهل..ده غير انه مصري برده محدش ينكر)

5- "العيال دي عملوا شوشرة ولازم يتفرقوا.....احنا هندي نفسنا وقت نكسب فيه ارض..انا ولا هرد علي مظاهرات ولا اللي حصل...خليهم الفار يلعب في عبهم وياكلوا في نفسهم"

6- وبعدين ياريس "اخلوا الشوارع خالص سيبكوا منهم....وافتحوا الاقسام للمساجين وهددوهم كلهم وارعبوهم انهم يهجموا علي الشعب ويعملوا اللي هم عايزينه ومحدش هيتعرضلهم...وشوية المخبرين بتوعنا كمان طلعوهم علي الناس ارعبوهم واسرقوهم...خلينا بقي نشوف الناس اللي في التحرير ديهترجع بيوتها ولا ايه"

7- "يا ولاد ال..........العيال دول عملوا ايه ....عملوا شرطة ذاتية اقوي من اي شرطة في العالم....نظموا امن وسلام في بيوتهم بشوية عصا وسكاكين...انتوا طلعتولي منين"..الشباب:.."الحمد لله ربنا هو الناصر"

8- مبارك.."خليهم كده شوية اهم في الاخر المجرمين دول المخبرين والامناء دول مالهمش دية عندنا....ولما يشوفوا شوية ميتين علي مصابين هيخافوا ....وكمان عشان نكسب وقت كمان والناس تتعب وحظنا حلو بقي احنا اخر الشهر وكل الناس مقبضتش"..(للاسف مكنش فيه ترتيب استراتيجي للثورة..كان لازم تستني المرتبات والناس تعمل حسابها في اكل وشرب وبنزين..معلش فاتت علينا ما نا برده مش عسكريين..تتعوض ان شاء الله)

9- المعارضة تبدا تظهر والبرادعي ووووو..........ومبارك هيشكمهم وفعلا قعدهم خلاص في بيوتهم ده ان مكنش خلاهم يؤيدوه..هنكمل..

10- مبارك يقول خطاب اهبل عشان يستفذ الشعب زيادة وميتكلمش فيه عن اي حاجة خلاص من اللي حصلت عشان الشعب يفهم انه لسه في السلطة وانه بكده بيتعامل مع خيانة عظمي في الدولة لا يهم ان يتكلم عنها لانه بيتعامل معاها حاليا...شوية الناس الميتين دول شوية خونة لا يستحقوا الكلام عنهم

11- كل اللي يتكلم عنه مبارك تغيير حكومة ثلاثة ارباعها من الحكومة القديمة....منظر يعني...عشان برده يدي نفسه وقت ويبين قادم العالم انه هيبدا اصلاحات

12- الشعب واعي وعارف ان مبارك مسيطر تماما بكل جوارحه علي مصر وعلي كل ذرة رمل فيها ومش هيسيبها غير بطلوع الروح فيرفض الشعب

13- يبدا مبارك ينزل الجيش عشان يبدا يهدي الناس شوية...كر وفر.. معلم...عشان الناس تقول الجيش هيحمينا...ولا اعتقد ابدا ان الجيش كان له اي دور غير بسيط جدا .......منظر بس

14- الشعب بدا يتطمن وفجأة زاد الهجوم من البلطجية....ايه ده ازاي بقي...هما مش خايفين من الجيِش..خليكوا اذكياء بقي وكملوا بذكاؤكم...ما اصلا الجيش لسه مع مبارك...وقال ايه الجيش بيمسك المجرمين شوية صور كده علي الماشي والجيش ماسكهم ومعاهم مسروقات وكده...فيلم عربي يعني

15- الامور هديت شوية والشباب اعلنت عن مظاهرة سلمية تماما....الوقت بيعدي والناس مش عارفة تاكل ولا تعيش...والشباب اعلن كمان عن مسيرة جمعة الرحيل...

16- مبارك....يا ولاد ال..........انتوا عاوزين تيجوا القصر كمان ..........لا ده انتوا دستوا في الطين........ده انا هوريكم العين الحمرا اللي عمركم ما شفتوها

17- مبارك يقول خطاب عشان يخلي الناس تعيط...مش عارف عيطوا علي ايه...خطابه كله تهديد ووعيد...

18- الناس تكمل مظاهرات وترفض....

19- اوباما يطلع يقول انا كلمت مبارك وقلتله غير النظام حالا...ميعرفش ان الراجل عدي جدا...ومش هيسمح ولا يسمعكلام اوباما...عنده حق مين ده الي طالع يقول كلام مالوش لازمة..وانت مالك انت يا اخي ما الشعب بيقول انت مين دخلك...بس مبارك علي حق من وجهة نظره...هو عارف ان امريكا ولا اسرائيل هيقدروا يعملوا حاجة لان مصر مش زي العراق ولا تونس ولا فلسطين...مصر ليها كيانها وجيشها وشعبها واستقلالها...فهو ولا هامه كلام اي حد بيتكلم معاه يقول ابدا التغيير..دي عالم ولاد ......

20- رجال بلطجية او متظاهرين يؤيدوا الرئيس هاجموا المتظاهرين...........هما الاتنين بلطجية النظام اللي مش هيخلصوا لانهم كتير جدااااااااااا...ومتظاهرين ابرياء اتبلفوا واللعبة خالت عليهم لان الراجل لعبها صح...وكمان فيه منهم عايز يعيش وخلاص ادينا بناكل ونشرب وعايزين نرجع بقي لحياتنا الطبيعية وننزل نتفسح...واهو مبارك هيعمل تغيير وهيبدا يصلح...واهي امريكا والعالم في صفنا ومش هيقر يرجع في كلامه

21- الجيش اختفي

22- الناس بتقول انهم لاقوا هويات شرطة سرية مع المهاجمين...ازاي ناس بتهاجم ومعاهم بطايق عشان الناس تعرف انهم شرطة سرية...(ده تهديد واضح وصريح من مبارك للشعب..بيقولهم انتوا لوحدكم...عشان ينخوا

23- مبارك ساكت ومطلعش قال الناس دي مش تبعي ولا اي حاجة ولا اتكلم باي كلمة علي قتلي الشعب المصري...قتلهم بدماء باردة..حسي الله ونعم الوكيل

24- الجيش ساكت ومفيش اي اخبار عنه

25- الحكومة ساكتة..ومن هو مشاع عنه انه راجل تمام كل اللي قاله...."يا حبايب قلبي عرفنا انتوا عايزين ايه..متوجعوش دماغنا بقي"

26- الجزيرة كل كلامها مع المظاهرات

27- لا لا استنوا...فيه ناس خلاص هبطت وبدات تزهق وتتعب والاحزاب المعارضة اتظبطوا الظبطة الصح من مبارك.. وبقوا بيايدوه....الراجل واااااااااصل ومدقدق مش فرفور...ده رجل جيش

28- لعبها مبارك صح...وقع الشعب في بعضه...من اول ما بدا يخرج مظاهرات صغيرة جدا للاسف الشباب استهزأ بيها وقالوا دول ميكملوش 100 واحد حد هيبصلهم

هي دي اللعبة اللي بدات في النجاح من الان والشعب بدا يضرب في بعضه.......يا ناااااااااااااااااااااس في حد يامن منه بعد كده....

كملوا بقي قراية التوقعات هنا لاني مع الراجل ده:

http://www.nilemotors.net/Nile/199327-a.html

عايزين بقي نبدا نفكر نحل....بدلا من اللي بدا يؤيد يقول خلاص وينزل يضرب في اخوه...وبدل ما المتظاهر الرافض يضرب في اخوه اللي اتضحك عليه...لازم الشعب يتجمع تاني.......

مبارك صاحب العقل الماكر لعب ابسط لعبة عرفها الوجود ودخلت علي الشعب المصري....التفريق وذرع الفتنة