إعـــــــلان

**i_Am_Legend** · 03-02-2011, 04:16 AM

طبعا دة غير محلات الدهب اللى اتقلبت...........

والبنك اللى اتكسر فى شارع خلوصى...........

**dr-mohamed** · 03-02-2011, 04:19 AM

في شارع القصر العيني يوم الجمعة والمظاهرات شغالة اتسرق الحزب الوطني اللى في شارع القصر اللى جنب بنزينة مصر للبترول
اتسرق ماكينة بنك في نفس المكان تقريبا بس الناحية التانية باللى فيها

شارع احمد ماهر في اول فيصل اتقلب

**i_Am_Legend** · 03-02-2011, 04:26 AM

الثلاجة ال16 قدم...........

بيبعوها ب500 جنيه...........!!!!!!!!!!!!!!!!!!!!!!!!!!!!

والطبنجة الميرى...........ب200 جنيه!!!!!!!!!!!!!!!!!!!!!!!

والله اسعارهم حلوة...........

**artyboy** · 03-02-2011, 04:27 AM

أولاد رجب فى شارع بورسعيد السيدة زينب وحاولوا مع خيرزمان بس طلعلهم شباب سوق الأثنين قطعوهم

**نور القمر** · 03-02-2011, 04:45 AM

فرح بنت عمي كان المفروض الاتنين اللي فات في مينا بلاس
رايحين يوم السبت نفرش شقتها خطيبها قالنا ارجعوا الاوتيل خلاص كل سنة وانتم طيبين حتى اللمض اتسرقت
وبالتالي العروسة والعريس فرحهم اتأجل لاجل غير مسمى والاوتيل معندوش استعداد يرجع الفلوس المدفوعة بالكامل مقدما
والله انا بحمد ربنا الف حمد وشكر ليك يارب
عشان اليوم ده كنت عايزة انزل المول اكمل شوية حاجات استعداد للفرح ومنزلتش واجلتها للسبت وبعدين بنت عمي اتصلت قالت نفرش السبت قلت طيب بعد الفرش انزل
طبعا كل مولات الهرم اتنهبت والفنادق والمحلات وقسم الطالبية معرفش قسم الهرم اخباره ايه
انا مشوفتش بنفسي بس كل اللي خرج قال كدة

**aymanay32** · 03-02-2011, 04:46 AM

حسبنا الله و نعم الوكيل

**karim fathy** · 03-02-2011, 04:47 AM

شارع الهرم .. اللى انا متاكد منة ان كل الكازينوهات بقت على الارض - موبيل شوب - راديو شاك - رينج - راية - ومحلات ملابس - فندق اوروبا كانو طالعين شايلين المراتب و المخدات و خلو على الارض لدرجة انهم شالو الالمونتال من الشبابيك وولعو فى الفندق فى الاخر و سمعت انة حصل اغتصاب للبنات اللى كانو جوة بس مش متاكد - صيدليات بقت على الارض .. دة اللى انا شوفتو بعينى فى ناس بتقول التوحيد والنور و دارى و محلات تانية

**karim fathy** · 03-02-2011, 04:50 AM

قسم الطالبية

ولعوا فيييية دة كان لسة بيتعمل بيتهيئلى

**نور القمر** · 03-02-2011, 04:51 AM

يعني اصحاب المحلات اللي بيوتهم اتخربت دي ذنبهم ايه ومين هيعوضهم
خطيب بنت عمي بيقول في الاوتيل كانوا كلهم بيعيطوا رجالة وستات على الخراب والرعب اللي شافوه
الواحد يرجع يقول الحمد لله على كل شيء المهم الارواح
حسبي الله ونعم الوكيل

**نور القمر** · 03-02-2011, 04:54 AM

المشاركة الأصلية كتبت بواسطة karim fathy مشاهدة المشاركة

ولعوا فيييية دة كان لسة بيتعمل بيتهيئلى

قسم الطالية كان قسم العمرانية في الاول
فلو فيه شغل هايبقى تجديد
محدش عنده فكرة مستشفى الهرم اخبارها ايه

**M.Osama** · 03-02-2011, 04:55 AM

بنها

استراحة المحافظ بقت علي السيراميييك .. كل حاااجه حتي الاكل اللي جوا التلاجات .. والملااابس .. والتكييفــات .. دا حتي عربية المحافظ ملاكي قليوبية 1 خدوها وجريــو بيها .. هههههههههههه

مضبوطـات المرور .. ودي بقي كـارثه .. كل الموتسيكلاات اتسرقت .. والعربيـات السوزوكي الاجره كذلك .. كمان فكو جنوط وكاوتشات العربيات اللي معرفوش يسحبووهـا .. وكان في عربيه BMW 525i موديل 2008 .. معرفوش ياخدو منها لا حق ولا باطل .. فكو الفوانيس وحاولو يفتحو الباب معرفوش .. كسروا الازاز برده معرفـوش ... ههههههههه BMW بقي

**A7MED_PHARMA** · 03-02-2011, 04:56 AM

أنا كنت فارش على الرصيف يوم السبت في ميدان التحرير ..ومعايا مساعدات طبية للإسعافات الاولية
وكان معايا شباب أطباء
جه واحد مصاب ..إتشغلنا بيه دقيقتين
هوبااااا
الجاكت إلي كنت قالعه ...وحطه جمبي ع الرصيف وفيه الفلوس
راااااااااااااااااااااااح
وإستلفت 20 جنيه من طبيب كان واقف معايا علشان أعرف أروح ..مكنتش واخد العربية
وقبلها
كنا محتاجين محاليل وسالين وخيوط جراحة..واحد معاه موتوسيكل شكله محترم واقف
قولتله ممكن خدمة...قالي إتفضل يادكتور(كنت لابس البلطو الابيض)
كتبت له ورقة فيها محاليل وشوية حاجات عاوزنها من أي صيدلية ..وإديته 50 جنيه يروح يجيبها
راح
وأديني مستنيه يرجع لحد دلوقتي

Comment

Comment

إعـــــــلان

.

ايه اللى اتسرق واتحرق واتقلب عندك فى منطقتك ومحافظتك...

ايه اللى اتسرق واتحرق واتقلب عندك فى منطقتك ومحافظتك...

Comment

Comment

Comment

Comment

Comment

Comment

Comment

Comment

Comment

Comment

Comment

Comment