وثائق من الداخلية قولولى صحيحة ولا مفبركة

[om mohammed]

جالى ميل فية وثائق سرية مصورة من الداخلية
حد يقوللى الكلام دة صح ولا مفبرك
مش عارفة ارفع الصور
الرابط
الموضوع لو فية مشكلة ارجو حذفة بس خلاص انا هموت من القلق زى ملايين المصريين ومش عارفة اعمل اية والأراء المتناقضة توهتنا

يارب نصحى من الكابوس اللى احنا فية

اللهم إرفع مقتك وغضبك عنا

تم حذف الرابط لعدم صحته
مشرف
18ب

[dr-mohamed]

طبعا مفبركة
بذمتك كلام زي ده هايبقي مكتوب ومتاح كدة لاي حد في الشارع انه يوصله
وكمان مختوم بختم الوزارة ؟؟؟؟؟؟؟؟

[om mohammed]

الحمد لله
بس ارجوك ممكن توضح لية الانقسامات الرهيبة دى فى الآراء ما بين مؤيد لبقاء مبارك المدة الباقية وما بين معارض بشدة
بصراحة انا بثق بشدة فى آراء بعض الأعضاء ومنهم حضرتك ودكتور أحمد عبد الغنى وللأسف رأيكم مش زى بعض
المواضيع كتيرة جدا ومتابعتها أرهقنى خاصا فى الايام العصيبة اللى بنمر بيها ومبقتش عارفة أصدق مين أو مين

عندى كلام كتير بس اعتقد خلاص مفيش وقت للكلام
دة وقت الدعاء ان ربنا ينجينا من شر فتنة احنا على ابوابها

[dr-mohamed]

الحمد لله
بس ارجوك ممكن توضح لية الانقسامات الرهيبة دى فى الآراء ما بين مؤيد لبقاء مبارك المدة الباقية وما بين معارض بشدة
بصراحة انا بثق بشدة فى آراء بعض الأعضاء ومنهم حضرتك ودكتور أحمد عبد الغنى وللأسف رأيكم مش زى بعض
المواضيع كتيرة جدا ومتابعتها أرهقنى خاصا فى الايام العصيبة اللى بنمر بيها ومبقتش عارفة أصدق مين أو مين

عندى كلام كتير بس اعتقد خلاص مفيش وقت للكلام
دة وقت الدعاء ان ربنا ينجينا من شر فتنة احنا على ابوابها

حضرتك كل واحد فينا بتحركه مجموعة من الاراء والمعتقدات
انا اللى بيحركني حاجة واحدة بس هي حبي لبلدي
لا عمري كنت في يوم من الايام عضو في الحزب الوطني علشان طمعان في مميزاته
ولا عمري كنت عضو في الاخوان طمعا في الجنة الموعودة او مغرر بيا او مقتنع بارائهم
انا بحب مصر وبس
انا مؤيد لبقائه الشهور الباقية حرصا على انتقال سلمي للسلطة ومنع الحرب الاهلية وتدخل امريكا وكلاب الغرب وان يحكمنا من يكمل مسيرة عدم مراعاة ربنا فينا ولاني والله لو شعرت ولو للحظة ان مغادرة مبارك لمقعده حالا هاتنهي الازمة دي كنت اول واحد طالبت بيها لكني متاكد انهالن تنهي الصراع الان بالعكس هاتنقلنا لصراع اكبر بين المتحفذين لخلافته اما تاجيل هذا الصراع لشهور فكفيل بتهدئة الاوضاع بعض الشئ عن الان
اريد ان يغادر رئيس دولتي الحكم وهو على قيد الحياة حتي تكون قاعدة
لا اريد ان يتهم رئيسي بالخيانة ويذبح كالخراف يوم عيد الاضحي
لا اريد ان تتمزق دولتي الي دولتين كالسودان او تعاني حرب اهلية كالعراق ولبنان

وفي كل الاحوال مبارك لن يستطيع ابدا البقاء بعد نوفمبر من الضغط الداخلي والخارجي لكن خروجه الان فعلا سيخلق حالة فوضي لان العنجهية عند الجالسين على تلها في التحرير الان يتزيد وتتضخم ولن تتوقف مطالبهم ابدا وسندخل في حلقة مفرغة من الاحتجاجات لن تنتهي

عرفتي ليه مؤيد لبقائه الشهور الباقية ؟؟؟؟؟

[om mohammed]

عرفت ... بس مش عارفة لية مش مطمنة
وخايفة جدا جدا جدا
عودونا منفرحش وأقرب دليل الأيام اللى فاتت ما بين ترقب وحذر وألم وفرح باللى عملوة الشباب وملحقناش نفرح لقينا نفسنا فى رعب أول مرة أعيشة فى حياتى وبعدين هدينا شوية وقلنا خلاص الحمد لله فرجت وابتدينا نتنفس صحينا امبارح على كابوس تانى كئيب وحزين من ساعتها حسيت ان فى تمن لازم هيتدفع بس مش عارفة من مين
يارب اكون غلط واحساسى يكون غلط

[dr-mohamed]

عرفت ... بس مش عارفة لية مش مطمنة
وخايفة جدا جدا جدا
عودونا منفرحش وأقرب دليل الأيام اللى فاتت ما بين ترقب وحذر وألم وفرح باللى عملوة الشباب وملحقناش نفرح لقينا نفسنا فى رعب أول مرة أعيشة فى حياتى وبعدين هدينا شوية وقلنا خلاص الحمد لله فرجت وابتدينا نتنفس صحينا امبارح على كابوس تانى كئيب وحزين من ساعتها حسيت ان فى تمن لازم هيتدفع بس مش عارفة من مين
يارب اكون غلط واحساسى يكون غلط

انا مش خايف انا مرعوب علي البلد وعلى مراتي وولادي
مرعوب من المستقبل القريب والبعيد
كله من اصرار اللى قاعدين في التحرير لو كانوا اتنيلوا روحوا بعد الخطاب بتاعه مكناش رجعنا للحلقة المفرغة دي
والله حاسس ان فيه ناس بتدفع لهم علشان يستمروا

[SunSet]

مصر في مرحلة مخاض