عمرو موسى

[som3aa]

الناس اللى بتقول ايه البديل و مين هيجى بعد الرئيس لما يمشى؟

الاجابة عمرو موسى , مين متفق و مين معترض؟

[hookyelyak]

انا متفق

[Mohamed_Ayman]

مواااااااااااااااااااااااااافق

[abo_anas]

انا من زمان بسمع عن اللزقه الانجليزى لكن اول مره اعرف معناها اليومين دول

[biomedo]

انا معاك

بس كنت تعمله استطلاع راي احسن

[AmAhmed]

اللي يختاره الشعب في انتخابات شفافة
و عمرو موسي راجل محترم جدا و له مواقف تشهد له

[hossaam]

مش عارف ليه كل ما اسمع اسم واحد من وزراء مبارك السابقين والحاليين
بيجيي حالة انقراف...خصوصا اولئك الذين كانوا في الوظائف الحساسة الاتية:
1- رئاسة الوزراء
2- وزارة الخارجية
3- الداخلية

[som3aa]

انا بتكلم على حد حتى يتكلم باسم الشعب (الناس تفوضه ) او يمسك فى اى وقت سواء بعد رحيل مبارك فى شهر 9 او اى وقت قبلها فترة انتقالية يظبط الدستور (حتى لو تم تظبيته قبلها) و علشان فى اى وقت ميحصلش فراغ سياسى اللى الناس خايفه منه و علشان واحد زى أيمن نور ميتكلمش باسم مصر و متبقاش حاجة تحزن , يا ريت admin يخليه استطلاع راى

[abo_anas]

موسى: شباب التحرير طالبونى بالترشح للرئاسة

كشف أمين عام جامعة الدول العربية، عمرو موسى، أن الشباب المعتصمين فى ميدان التحرير بوسط القاهرة طالبوه بالترشح لمنصب رئاسة الجمهورية فى مصر.

وقال موسى فى حوار لصحيفة الشرق الأوسط "التقيت ببعض منهم وقد طلبوا منى الترشح لرئاسة الجمهورية".

ولم يحسم موسى الأمر وقال فى حواره "كمواطن مصرى لى الحق الكامل فى الترشح، أما القرار فسوف أفكر فيه مليا خلال الأسابيع والشهور القليلة القادمة"، وأضاف "أستطيع المساهمة بجانب إنما لا أستطيع فرض نفسى على أحد ولم أدع أو يدعونى أحد للحوار مع أحد والأمر الثانى أن مدتى سوف تنتهى كأمين عام للجامعة العربية خلال الشهور والأسابيع ومنطق الأمور أصبح يدعو إلى أن أغادر هذا المنصب كى أتمتع بحرية أكبر والتصرف كمواطن مصرى عادى".

ونفى موسى وجود أى اتصال مع اللواء عمر سليمان، نائب الرئيس حسنى مبارك، وقال "لاوقت الآن لتعديل كامل للدستور إنما فى رأيى لابد من تعديل كامل للدستور فى مرحلة قادمة وعلى المدى القصير أرى أن مصر فى حاجة لتعديل كامل للدستور نستند فيه إلى الدساتير التى نجحت فى حكم الحياة المصرية من قبل ونضيف إليه مايقتضيه العصر الجديد والتطور فى القرن الواحد والعشرين"، مؤكدا أن أهم شىء الآن تعديل المادتين 77و76وإشراف قضائى.