Tweet
أنا الصراحة شايف ان الشعب المصرى ميستحقش غير حسنى مبارك و اتمنى ان يتحقق ما اشك فيه و تطلع مظاهرات شهر 6 تقول ارجوك يا ريس متسبناس و يكمل ان شاء الله علشان ينحاز للفقراء اكتر و اكتر لان ناس بتفكير كتير من الشعب المصرى مينفعهاش غير مبارك هو اللى فاهم احتاجاتهم كويس .
شعب غريب , بيضحك عليه بمنتهى السهولة يقولوله الحق المتظاهرين دول من أيران يقولك "يا نهار اسود!! , الخونة فى ميدان التحرير "
التليفزيون المصرى بيقول اللى بيتظاهروا أخوان و اللى بيحدفوا مولوتوف على المتظاهرين امبارح اخوان برده , الناس تقولك يا خبر الحق الاخوان بيتظاهروا و بيولعوا فى البلد و نفسهم فى نفس الوقت!!!
يقولك المتظاهرين من اسرائيل و من حماس و تطلع واحدة على قناة المحور اللى بتذيع "مؤتمر الحزب الوطنى حصرى " تقول انا اتدربت فى اسرائيل علشان اقلب نظام الحكم و الناس تصدق ان اسرائيل تدربها علشان تخلص من النظام علشان هى زهئت من كتر الغاز اللى بنصدرهولها بثلث تمنه.
ناس تهين الشعب المصرى كله و يقولك مين هيمسك مصر لما مبارك يمشى فى شهر 9 و بكره و لا بعد يوم حتى و يقولك مفيش حد كويس , طيب يعنى مبارك مش هيموت؟ يقولك هيمسكنا أيمن نور؟ هو مفيش غيره يعنى؟ مش فى ناس محترمة كتير فى مصر زى عمرو موسى و منصور حسن و جودت الملط و ناس كتير اوى اوى , الكلمة دى اهانة لشعب مصر كله
ناس تقولك اسرائيل و امريكا عايزينه يمشى دلوقتى مش بعد 8 شهور , يعنى امريكا و اسرائيل مكانوش متوقعين انه يموت؟؟؟ مكانوش حطين بديل؟ طب ايه الجديد؟ الجديد انهم مكانوش يتوقعوا ان ممكن النظام كله يقع بالراجل بتاعهم اللى عيزينه يمسك بعد وفاة الرئيس مبارك بحكم سنه اللى يعدى ال83؟؟
ناس تقول مين هيغير الدستور لو الرئيس و مجلس الشعب اتحلوا , يعنى اللى هيغير الدستور المجلس المزور؟؟
انا متوقع اساسا انهم هيدوا 40% من الكراسى لحزب الوفد و الغد و مصطفى بكرى و الناصرى و التجمع اللى هى اساسا احزاب لا تمثل غير نفسها و بيتحكموا فيها اساسا بصباع رجليهم و هما دول اللى هيغيروا الدستور!!!!
طيب دلوقتى عايزين نعرف هل هيحصل تغيير فعلا و لا ﻷ ؟
نسال نفسنا سؤالين من اول خطاب الرئيس حصل حاجة ايجابية تؤكد ان هيحصل تغيير حقيقى مش كلام , طيب حصل حاجة سلبية؟؟ اسال نفسك السؤال دا و فكر فيه كويس
هل الاعلام الحكومى بالذات اصبح محايد؟ هل ظاهرة البلطجة انتهت فى مصر و الحزب الوطنى اتحل ؟
هل تم القبض على واحد حتى من رجال الاعمال المحتكرين علشان يهدوا الشعب؟؟
هل من الممكن ان ناس باصحنة و جمال تتحرك من الهرم لميدان التحرير فى وجود كماين للجيش فى كل مكان؟؟؟
لو انت شايف ان اللى بيحصل دا تخريب فى البلد , هل المتظاهرين هما اللى بيسرقوا و بيخربوا و هما اللى انسحبوا من كل المحافظات فجاة فى نفس الوقت و فتحوا السجون ؟؟
هل بيتم تخويف الناس بالتخريب و الكلام دا علشان ترضخ؟؟؟؟؟؟؟؟؟؟؟؟
هل مفروض اننا متنزلش الشغل اسبوعين تلاتة او اربعة و كفاية ان فى ناس ماتوا اساسا علشان خاطرنا (كانوا سلميين باعتراف الحكومة و الرئيس) و لا كفاية علينا الوعود اللى خدناها؟
هل الشعب المصرى انقسم؟ ليه و ازاى؟ فكر كدا انت صح و لا غلط؟ هل فعلا متظاهرين يوم 25-28 مشيوا و حل محلهم متظاهرين من ايران؟؟؟؟؟؟
هل فتح الfacebook ليه معنى بعد الانقسام و لا مصادفة؟؟؟
انا مش عارف افهم بجد راى الناس , لما هما كانوا مبسوطين ليه نزلوا فى الاول و بعدين الموضوع لما دخل فى اسبوع قالوا لا خلاص كدا احنا نرجع الشغل؟؟؟؟؟؟ طيب ليه نزلتوا اساسا .
حد يقولى ارجوكم اجابة علشان انا مش عارف احدد رايى اساسا
انا رايى ان احسن حد يمسك البلد دلوقتى و فى المستقبل هو الرئيس مبارك و من بعده جمال مبارك علشان خدمة شعب مصر
شعب غريب , بيضحك عليه بمنتهى السهولة يقولوله الحق المتظاهرين دول من أيران يقولك "يا نهار اسود!! , الخونة فى ميدان التحرير "
التليفزيون المصرى بيقول اللى بيتظاهروا أخوان و اللى بيحدفوا مولوتوف على المتظاهرين امبارح اخوان برده , الناس تقولك يا خبر الحق الاخوان بيتظاهروا و بيولعوا فى البلد و نفسهم فى نفس الوقت!!!
يقولك المتظاهرين من اسرائيل و من حماس و تطلع واحدة على قناة المحور اللى بتذيع "مؤتمر الحزب الوطنى حصرى " تقول انا اتدربت فى اسرائيل علشان اقلب نظام الحكم و الناس تصدق ان اسرائيل تدربها علشان تخلص من النظام علشان هى زهئت من كتر الغاز اللى بنصدرهولها بثلث تمنه.
ناس تهين الشعب المصرى كله و يقولك مين هيمسك مصر لما مبارك يمشى فى شهر 9 و بكره و لا بعد يوم حتى و يقولك مفيش حد كويس , طيب يعنى مبارك مش هيموت؟ يقولك هيمسكنا أيمن نور؟ هو مفيش غيره يعنى؟ مش فى ناس محترمة كتير فى مصر زى عمرو موسى و منصور حسن و جودت الملط و ناس كتير اوى اوى , الكلمة دى اهانة لشعب مصر كله
ناس تقولك اسرائيل و امريكا عايزينه يمشى دلوقتى مش بعد 8 شهور , يعنى امريكا و اسرائيل مكانوش متوقعين انه يموت؟؟؟ مكانوش حطين بديل؟ طب ايه الجديد؟ الجديد انهم مكانوش يتوقعوا ان ممكن النظام كله يقع بالراجل بتاعهم اللى عيزينه يمسك بعد وفاة الرئيس مبارك بحكم سنه اللى يعدى ال83؟؟
ناس تقول مين هيغير الدستور لو الرئيس و مجلس الشعب اتحلوا , يعنى اللى هيغير الدستور المجلس المزور؟؟
انا متوقع اساسا انهم هيدوا 40% من الكراسى لحزب الوفد و الغد و مصطفى بكرى و الناصرى و التجمع اللى هى اساسا احزاب لا تمثل غير نفسها و بيتحكموا فيها اساسا بصباع رجليهم و هما دول اللى هيغيروا الدستور!!!!
طيب دلوقتى عايزين نعرف هل هيحصل تغيير فعلا و لا ﻷ ؟
نسال نفسنا سؤالين من اول خطاب الرئيس حصل حاجة ايجابية تؤكد ان هيحصل تغيير حقيقى مش كلام , طيب حصل حاجة سلبية؟؟ اسال نفسك السؤال دا و فكر فيه كويس
هل الاعلام الحكومى بالذات اصبح محايد؟ هل ظاهرة البلطجة انتهت فى مصر و الحزب الوطنى اتحل ؟
هل تم القبض على واحد حتى من رجال الاعمال المحتكرين علشان يهدوا الشعب؟؟
هل من الممكن ان ناس باصحنة و جمال تتحرك من الهرم لميدان التحرير فى وجود كماين للجيش فى كل مكان؟؟؟
لو انت شايف ان اللى بيحصل دا تخريب فى البلد , هل المتظاهرين هما اللى بيسرقوا و بيخربوا و هما اللى انسحبوا من كل المحافظات فجاة فى نفس الوقت و فتحوا السجون ؟؟
هل بيتم تخويف الناس بالتخريب و الكلام دا علشان ترضخ؟؟؟؟؟؟؟؟؟؟؟؟
هل مفروض اننا متنزلش الشغل اسبوعين تلاتة او اربعة و كفاية ان فى ناس ماتوا اساسا علشان خاطرنا (كانوا سلميين باعتراف الحكومة و الرئيس) و لا كفاية علينا الوعود اللى خدناها؟
هل الشعب المصرى انقسم؟ ليه و ازاى؟ فكر كدا انت صح و لا غلط؟ هل فعلا متظاهرين يوم 25-28 مشيوا و حل محلهم متظاهرين من ايران؟؟؟؟؟؟
هل فتح الfacebook ليه معنى بعد الانقسام و لا مصادفة؟؟؟
انا مش عارف افهم بجد راى الناس , لما هما كانوا مبسوطين ليه نزلوا فى الاول و بعدين الموضوع لما دخل فى اسبوع قالوا لا خلاص كدا احنا نرجع الشغل؟؟؟؟؟؟ طيب ليه نزلتوا اساسا .
حد يقولى ارجوكم اجابة علشان انا مش عارف احدد رايى اساسا
انا رايى ان احسن حد يمسك البلد دلوقتى و فى المستقبل هو الرئيس مبارك و من بعده جمال مبارك علشان خدمة شعب مصر
Comment