سؤال لخبراء البنوك

[wael17]

أنا عايز اعرف من حد بيشتغل في البنوك الاجنبية
دلوقتي لو عندي حساب بالجنيه المصري في hsbc و البنوك اشتغلت يوم الاحد زي ما بيقولوا...هل ينفع اعمل تحويل بنكي wire transfer
لبنك خارج مصر
انا قبل كده حولت فلوس من حسابي لبنك في امريكا عن طريق الانترنت من غير ما اروح البنك
ينفع أحول مبلغ كبير 200 الف جنيه مثلا لحد من اقربائي في دولة اوروبية و اتحاسب علي الدولار بالسعر الرسمي 5.85 و بكده فلوسي تبقي بالدولار و خارج مصر في الكم شهر اللي فاضل لحد الدنيا ما تهدا
هل التحويل في الظروف دي ينفع و هل في حد اقصي و لو الحساب بالمصري يتحول بالدولار عادي و الفلوس تتبعت علي بره

[som3aa]

المشكلة لو كل مصر حولت لدولار الجنيه هينهار جامد جدااااااا
مش عارف الصح فين دلوقتى , الاسوا ان الناس تسحب فلوسها من البنوك اول ما تفتح

[ahmed1611]

[الاسوا ان الناس تسحب فلوسها من البنوك اول ما تفتح؟؟؟؟؟؟؟؟؟

لية نسحب فلوسنا يا سمعا باشا؟

[dr.amr]

انا حاسس ان الدولار في خلال اسبوع هتلاقيه معدي ال 7 جنيه ويمكن اكتر

واليورو هيوصل 10 جنيه وهتبقي معجنه

[elassar2010]

اعتقد ان البنوك هتحط شروط للى عايز يسحف فلوس

مبلغ معين مثلا لكل شخص شروط زى كدة

[dramir1]

طيب الصح اييه؟؟؟ ؟؟

[أحمد كمال]

بص اللي حضرتك بتقوله ينفع و انا عملته قبل كده ...... بس بمبلغ اقل شوية (3000 دولار حولتهم من حسابي بالمصري للخارج)

المشكلة دلوقتي ان لازم نفكر في المصلحة العامة .....

1- لو كل واحد سحب كل فلوسه او مبالغ كبيرة هو مش محتاج لها ..... هنخرب البنوك و الاقتصاد و هتتطربق على نافوخنا كلنا

2- لو كل واحد فكر يحول لدولار او يورو...... عرض الجنيه هيزيد ...... طلب الجنيه هيقل ...... الجنيه هينهار ..... الاستيراد هيغلى ..... كل حاجة هتغلى ..... الاكل و الشرب و البنزين و الحديد و غيره ...... و هتتطربق على نافوخنا كلنا


يا ريت كلنا نعمل لصالح بلدنا ...... كل واحد يروح يشوف محتاج كام لنفسه و اهل بيته و مصالحه و اعماله و يسحبه ...... بس ..... لا اكتر و لا اقل ...... ارجوكم ...... انا يووم الحد هاسحب الف جنيه اخليها في البيت بالظبط ... لا اكتر و لا اقل ..... و ايجار الشقة و الالتزامات الثابتة الشهرية فقط ..... مش هاسحب اكتر من كده ....

[som3aa]

بص اللي حضرتك بتقوله ينفع و انا عملته قبل كده ...... بس بمبلغ اقل شوية (3000 دولار حولتهم من حسابي بالمصري للخارج)

المشكلة دلوقتي ان لازم نفكر في المصلحة العامة .....

1- لو كل واحد سحب كل فلوسه او مبالغ كبيرة هو مش محتاج لها ..... هنخرب البنوك و الاقتصاد و هتتطربق على نافوخنا كلنا

2- لو كل واحد فكر يحول لدولار او يورو...... عرض الجنيه هيزيد ...... طلب الجنيه هيقل ...... الجنيه هينهار ..... الاستيراد هيغلى ..... كل حاجة هتغلى ..... الاكل و الشرب و البنزين و الحديد و غيره ...... و هتتطربق على نافوخنا كلنا


يا ريت كلنا نعمل لصالح بلدنا ...... كل واحد يروح يشوف محتاج كام لنفسه و اهل بيته و مصالحه و اعماله و يسحبه ...... بس ..... لا اكتر و لا اقل ...... ارجوكم ...... انا يووم الحد هاسحب الف جنيه اخليها في البيت بالظبط ... لا اكتر و لا اقل ..... و ايجار الشقة و الالتزامات الثابتة الشهرية فقط ..... مش هاسحب اكتر من كده ....

بالظبط كدا

[elassar2010]

طاب فى بنوك كتير اتسرقت

دى هتدفع فلوس للمودعين بتوعها ازاى؟؟؟

[أحمد كمال]

طاب فى بنوك كتير اتسرقت

دى هتدفع فلوس للمودعين بتوعها ازاى؟؟؟

1- السرقات كانت محدودة جداً لبعض ماكينات الصرف الآلي

2- خزائن الفروع مؤمنة جدا (حديد فولاذ سمك 70 سنتيمتر) يعني الخزن ما اتسرقتش

3- الخزائن الرئيسية لكل بنك مؤمنة ضد الحرائق و السيول و القنابل اصلا و حراسة مسلحة مدربة مستعدة للضرب في المليان !! يعني انسى يكون حد عرف يهوب ناحيتها

4- حضرتك اما بتحط الف جنيه في البنك ما بيتحطوش في درج مكتوب عليه اسمك و لا ما بيعلمش الباكو باسمك يعني مش هييجي يقول لك انت فلوسك اتسرقت و انت لأ ....

ما تقلقش خالص ....... و يا ريت يا جماعة بلاش نشر للذعر لان الذعر اول خطوات انهيار الاقتصاد عن طريق السحب الجماعي للمبالغ

[elassar2010]

1- السرقات كانت محدودة جداً لبعض ماكينات الصرف الآلي

2- خزائن الفروع مؤمنة جدا (حديد فولاذ سمك 70 سنتيمتر) يعني الخزن ما اتسرقتش

3- الخزائن الرئيسية لكل بنك مؤمنة ضد الحرائق و السيول و القنابل اصلا و حراسة مسلحة مدربة مستعدة للضرب في المليان !! يعني انسى يكون حد عرف يهوب ناحيتها

4- حضرتك اما بتحط الف جنيه في البنك ما بيتحطوش في درج مكتوب عليه اسمك و لا ما بيعلمش الباكو باسمك يعني مش هييجي يقول لك انت فلوسك اتسرقت و انت لأ ....

ما تقلقش خالص ....... و يا ريت يا جماعة بلاش نشر للذعر لان الذعر اول خطوات انهيار الاقتصاد عن طريق السحب الجماعي للمبالغ

ربنا يطمنك

[د.محمود صلاح]

التحويل عليه عمولة جاامدة وبحد أقصى يوميا

انا هنا في عمان سحبت مبلغ بسيط من حسابي في بنك مصر واخذوا عمولة كبيرة تقترب من ربع المبلغ

[ahmedsql]

في الأيام الجاية دي بالذات البنك المركزي عامل حد أقصى للسحب 50 الف جنيه و اعتقد ان نفس الكلام يسري على التحويل للخارج

[أحمد كمال]

في الأيام الجاية دي بالذات البنك المركزي عامل حد أقصى للسحب 50 الف جنيه و اعتقد ان نفس الكلام يسري على التحويل للخارج

و الصراحة ده عين العقل ...... الأنانية ممكن تدمرنا كلنا .... و صدقني اللي هيسحب فلوسه كلها ساعتها مش هينفعه حاجة لان لو انهار الاقتصاد الجنيه هيبقى بقيمة القرش او بالكتير الشلن ...... اسحب على قدك و سيب عجلة الاقتصاد دايرة .....