صور من دمنهور....لا حول ولا قوة الا بالله

[XPYOUSEF]

السلام عليكم

اليكم بعض الصور من دمنهور

[XPYOUSEF]

[XPYOUSEF]

[pedooooo]

يا خساااااااااااااااااااااره انا كنت بحب البلد دى اوى بجد

[MOUSTAFA_SAAD]

للاسف بلدنا الصغيره كمان ولعت

[amir]

السلام عليكم و رحمه الله و بركاته

انا بكتب المشاركه دي و دي اول مشاركه بعد عوده الانترنت

يا شباب مصر

مسلمين و مسيحيين

اصحاب الرسالات السماويه كلها

للاسف الشديد

كلام الناس الكبار اللي كنا اوقات بنفتكر كلامهم للارهاب طلع واقع و واقع شديد القتامه و العبوس

ادي التغيرات شديده السرعه للاحداث شاهده بوضوح علي وجود خيوط نتنه بتربط بينها و بين مؤامره علي مصر

مؤامره علي مصر كلها سواء شعبها او وجود مصر نفسه

يا جماعه كل واحد فينا ليه اصحاب

بسرعه شارك و كون ايجابي و اتصل باصحابك و بسرعه و قولهم يرجعو بيوتهم فورا قبل ما الوقت يفوت

اعداء البلد سواء من بره او جوه انتهزو فرصه غضب الناس من الفساد و في لحظات سقطت الاقنعه و بان الوجه القبيح ليهم

انا مش هدافع عن الرئيس مبارك

انا ساخط علي النظام و بعلنها بصراحه

يمكن كان هو مخطيء كرئيس او ممكن يكون علي صواب

لكن سخطي او عدم سخطي و كونه علي صواب او خطأ مش هيغير الواقع المأسوي البشع

اللي عايز البلد تنتهي بحرب اهليه تبدء في ميدان التحرير ولن تنتهي هناك

و الله لو بدئت مش هتنتهي في موقع ميدان التحرير و اتمني اكون مخطيء و ييجي اليوم اللي نقعد نضحك علي اوهام واحد زيي

لكن لو اليوم ده جه و طلعت غلطان دلوقتي و انا بكتب هكون في قمه السعاده

لان بلدي هتفضل موجوده من غير حروب و فتنه من غير مجاعه هتحصل بعدها لا محاله

مجاعه بدئت تلهب بطون الناس المظلومه و المكبوته زي الناس اللي نزلو المظاهرات

و وقتها هيكون الصدام بين الطرفين و ان اختلفت الاسباب

انا ناديت بنبذ الخلافات بين المسلمين و المسيحين و العيش بأمان و سلام في بلدنا مصر من قبل كده و موقفي كان واضح من انه مخطط من مخططات الصهيونيه القذره للقضاء علي مصر تماما

و حاليا بنادي و اتمني ان من يسمع النداء يعمل عقله في الكلام و الوضع الحالي

لو شايف ان في قنبله في منتهي الخطوره هتنفجر في وجه البلد و ستحرق الاخضر و اليابس يبقي بلاش تنزل المظاهرات و قول لاصحابك و قرايبك برضو

شويه شويه الاكل و الادويه هتقل

و الناس هتجوع

و هيكون مجاعه و اوبئه

الله يكرمكم احنا ممكن نوصل لدرجه اكل لحوم البشر و دي حصلت في التاريخ قبل كده للاسف

احنا مش بلد غني و الناس معظمها تحت خط الفقر

الصوره في منتهي القتامه و السواد

ارجو العقل و العقل و العقل

استعيذو بالله من الفتنه و الخطر المحيط بها

تعالو نهدي شويه و ادي الناس كلها في الحكومه بتعاني و بتحاول في الساعات الاخيره قبل الكارثه بيحاولو منع حدوثها

ارجوكم الله يرحمكم و يرحمنا بلاش نهد بلدنا

نصبر و نمسك نفسنا و ندي فرصه لالتقاط الانفاس

مصر في خطر رهيب

و الله احنا في خطر رهيب

هنموت من الجوع و الاوبئه و مش بعيد اللي هيتبقي لما مش هيلاقي حاجه ياكلها هنتقاتل علي الاكل او ما تبقي منه و بعدها نبدء ناكل في بعض

=============================

بعد اذن الاداره انا هاغرق كافه الموضوعات بنفس المشاركه و اتمني ان ربنا يرحمنا و اقرو الفاتحه لارواح الشهداء و لارواحنا و ارواحكم و ادعو ربنا من قلوبكم يزيح شبح الفتنه و الدمار عن مصر

مصر اللي ربنا كرمها و ذكرها في القران

مصر اللي ملناش بلد غيرها

الله يخليكم ارجعو البيوت و بلاش حرب اهليه

هنموت بعض يا جماعه و الصهاينه واقفين علي حدودنا كمان

في اول غفله هيحتلو سينا و يدخلو مصر يحتلو جزء من ارضها او ارضها كلها

هنرجع تاني بلد محتل؟!!!!

ارجوكم الموضوع في منتهي الخطوره

بلاش تخونو دم شهداء حرب اكتوبر

و افتكرو ولادهم اللي اتيتمو علشان ارض مصر بلدنا تحرر من المحتل الصهيوني القذر

ارجوكم انبذو الخلاف و اهدو

يارب ارحمنا يا رب ارحمنا يا رب ارحمنا

[sedyrohy]

عليه العوض و منه العوض

[elassar2010]

العربية المصفحة دى الى كانت بدوس فى المتظاهرين وكانت بتحمى امن الدولة

وبعدين امناء شرطة عرفوا يسرقوها وحملوها اسلحة وكانوا راكبينها وماشين فى الشارع يضربوا رصاص حى فى الهوا بطريقة مرعبة
وبعدين كانوا عايزين يسرقوا البنك الاهلى والجيش وظابط فى الامن العام تصدوا ليهم وانقذوا البنك والظابط (استشهد)

[XPYOUSEF]

العربية المصفحة دى الى كانت بدوس فى المتظاهرين وكانت بتحمى امن الدولة

وبعدين امناء شرطة عرفوا يسرقوها وحملوها اسلحة وكانوا راكبينها وماشين فى الشارع يضربوا رصاص حى فى الهوا بطريقة مرعبة
وبعدين كانوا عايزين يسرقوا البنك الاهلى والجيش وظابط فى الامن العام تصدوا ليهم وانقذوا البنك والظابط (استشهد)

متهيألى يا باشا الظابط الى كان فى الدبابه مجراش ليه حاجه لاكن المساعد بتاعه الى هو المعمر اخد رصاصه فى كتفه ونقلوه المستشفى وكان لسه حى

لاكن الظابط الى كان فى العربيه المسروقه مات

انا كنت هناك لما الدبابه كانت بتجرى ورا العربيه لاكن ملحقتش اشوف ايه الى حصل بالظبط بس الناس حكيتلى

ربنا يستر علينا وعلى مصر كلها

[osama.m]

[youtube]http://www.youtube.com/watch?v=TZ8EOa6kL6E[/youtube]

[Dr.Karim Emam]

http://www.nilemotors.net/Nile/199393-a.html