مطلوب تبرع بالصفائح الدموية ضروري يا مصريين

[icehearted girl]

يا شباب الله يخليكم الشديد القوي اللي خلاني ادخل هنا اليومين دول

دلوقتي كان فيح حملة ضخمة للتبرع بالدم بمستشفي قصر العيني لصالح المصابين لكن التلاجات فعلا

اتملت لتكفي تلات اربع تيام ومفيش تبرع دلوقتي

لكن فيه مصيبة أخري...مرضي سرطان معهد الاورام القومي محتاجين كمية ضخمة من الصفائح الدموية وللاسف التلاجات خالية والحملات كلها متوقفة

الله يخليكم الدنيا مش ناقصة عشان مرضي زي دول يدفعوا تمن اللي بيحصل ويروحوا هدر..

الله يخليكم اللي يقدر يروح يتبرع ببنك الدم هناك بالصفايح في اي وقت ميتأخرش

يشباب الله يخليكم الموضوع مش محتاج توصية..المرضي فعلا هناك هتضيع

[Karim_Monir]

يا مصريين
جاتلي اكتر من رسالة عايزين صفائح دموية لمرضى سرطان معهد الاوارم
لو سمحت يا مسلم
لو سمحت يا مسلمه
لو سمحت يا مسيحي
لو سمحتي يا مسيحيه
فيه مريض بانتظار تبرعك بالصفائح
خد من وقتك وروح اتبرع
الوضع صعب هناك
مش محتاجين دم
محتاجين صفائح
واي شخص اتبرع بالدم من 3 اسابيع يقدر يتبرع بعد مرور 3 اسابيع من اخر تبرع بالدم

واي استفسار تقدرو تسئلو دكتورة ضحى هنا في الموضوع

يا ريت كل اللي يروح يقول انا روحت عشان نحفز بعد
مافيش احسن من الفيرة في العمل التطوعي
واحتسب اكثر من نيه اكرمكم الله
نفسي اشوف رعدد متبرعين فوق ال 100
ده احنا 90 الف مشترك غير الزورا
جزاكم الله كل خير

[sayed911]

طيب سؤال ليس ذو معنى نهائيا مع اني ممنوع من التبرع بالدم وعمري ما تبرعت ولكن ما هو مفهوم التبرع بالصفائح مش هوة هوة مفهوم التبرع بالدم العادي ؟ (سؤال غبي وليس في وقته ولا محله ولكن الفضول يقتلني منذ اكثر من 3 ساعات حتى الآن ولم اجد له اجابة )

[a_samy]

الصفائح الدموية platelets من مكونات الدم الرئيسية ووظيفتها الرئيسية هي تكوين الخثرات (الجلطات) لوقف النزف. تنتج الصفائح من قبل خلايا نواء في نخاع العظم.و الصفيحات ليست خلايا بل هي أجزاء مفلطحة من السيتوبلازم، بقطر ٣ نانو متر تقريباً. وهي ذو شكل غير منتظم ولا تحتوي على نواة أو عضيات. ويتراوح عمرها المتوسط من سبعة إلى عشرة أيام. و تلعب الصفائح الدموية دوراً هاماً في عملية التخثر بسبب قدرتها على الالتصاق والترابط فيما بينها نتيجة تحريض لإشارات التحريض التخثري. وهي من المواد الأكثر تواجدا بالدم بعد الخلايا الحمراء حيث يتراوح عددها 150000 إلى 400000 الف في مم المكعب.

وتتكسر الصفائح الدموية عند ملامستها للهواء لتجلط الدم حتى لا يتسبب النزيف بضرر وليست لها شكل محدد تنزلق انزلاقا طبيعا في الدم مادام سرعتة الدم ثابتة لا تتغير وتوجد في الشخص الطبيعى بنسبة ربع مليون لكل مم3 فدورها الأساسي هو تحويل المادة البروتينية السائلة الموجودة في الدم وهي الفبيرونجين إلى مادة صلبة تسمى الفبيرين وهي خيوط متصلبة تتجمع حول السطح الجلدى لتمنع خروج الدم من الجلد.
كيس يحتوي على 250 مل من الصفائح الدموية

وهناك أيضا تساؤل: لماذا لا يتجلط الدم داخل الاوعية الدموية؟ الإجابة: لان الدم يسرى بصورة طبيعية وأيضا مادة الهيبارين التي تفرزها الكبد والتي تقف عمل الصفائح الدموية وللعلم فان الصفائح الدموية تتكسر من الكبد والطحال كل 10ايام لتتجدد باستمرار ويمكن القول بانها اجسام غير خلوية لانها تتكسر باستمرار.
ما هي أعراض نقص عدد الصفائح الدموية؟

يتسبب نقص الصفائح الدموية فى عدم حدوث الجلطات اثناء الجروح مما يؤدى الى حدوث نزيف لفترة اطول وفقد كمية اكبر من الدم حتى ولو كان الجرح بسيط .
هل يمكن نقل الصفائح الدموية من شخص لاخر؟

نعم يمكن نقل الصفائح الدموية من شخص لاخر ويمكن التبرع بالصفائح الدموية باستخدام جهاز طبى يقوم بسحب الدم وعزل الصفائح الدموية منه ثم ارجاع الدم مرة اخرى الى الشخ المتبرع. ويستطيع الشخص الطبيعي ان يقوم بالتبرع ب200 مل- 400 مل في المره الواحده وتستمر عملية التبرع حوالي ساعه كامله ويعوض الجسم النقص خلال 8-10 ايام ويستطيع المتبرع اعادة التبرع خلال اسبوعين بسلامه تامه .

باذن الله هحاول أروح فى أقرب وقت ممكن.

[sayed911]

متشك للغاية يا استاذ سامي للمعلوماتالقيمة للغاية وفعلا عاجز عن الشكر ..

[Moh.Abdelbaset]

مكان المعهد فين؟

[ahmed-moga]

طيب انا عندي سكر ياايس وعارف انه ماينفعش بالنسبه للدم بس هل ينفعلي للتبرع بالصفائح الدمويه

[Karim_Monir]

المعهد عالكورنيش جنب القصر الفرنساوي

[mohamed_selim]

انا رحت مره زمان و كان فى اختبار كده علشان الجهاز اللى بياخد الصفايح محتاج مواصات جسديه خاصه بالنسبه للشرايين و الدكتور قالى ان مش هينفع ... هل الكلام ده لسه موجود ولا فى حاجه جديده بتقبل اى شخص؟

[icehearted girl]

لا يفندم لسه موجود لازم تكون الاوردة باينة وواضحة عشان تستحمل وكمان في اختبار سريع للفيروسات قبل التبرع

المعهدموجود ف فم الخليج علكورنيش اول ش القصر العيني

التبرع متاح من 9 صباحا لحد 2 بعد الضهر والتبرع هياخد حوالي ساسعه ونص

استاذ احمد موجة...في ناس بترفض متبرعين ن مرضي السكر لكن فلمعهد بيبقبلوا التبرع لو مكنتش حضرتك بتاخد انسولين بس...

الله يكرمكم يجماعة انتو فعلا مش متخيلين الوضع هناك ازاي

بنحاول نتصرف ف تلات اربع متبرعين يوميا نمشي نفسنا بيهم

واسعار الصفايح غالية جدا علي اهل المرضي

والامهات مترصيين علي باب وحدة الصفايح بيعيطوا علشان ولادهم

بعد جرعة الكيماوي بيتعرضوا لنزيف بشع ولازملهم كمية كافية من الصفايح

والظروف اللي كانت فيها البلد اليومين اللي فاتوا مكنتش بتسمح لمتبرعين كتير يروحوا

[E30power]

معلش سؤال بس ....

هو ينفع اتبرع بالدم عادى وهمو ياخدو الصفايح منة بمعرفتهم لحد الكمية الى محتاجنها....يعنى بمعنى اصح مش عايز اقعد فى ايدى ابرة ساعة وساعة ونصف لانى بتوتر جداااا من الابر للاسف ...

[icehearted girl]

لا يفندم للاسف مينفعش غير ف حالة البلازما بس

انما صفايح مينفعش

[Tarek Gen 2]

انا دمى o موجب

واخر مرة اتبرعت فيها بالصفايح كان من 4 شهور كدة تقريبا
انا معنديش مانع اتبرع بالصفايح بس عايز اعرف وصف تفصيلى يا ريت للمكان هل خو فى مستشفى القصر العينى ؟ و المواعيد المتاحة و هلى يجوز بليل بعد الساعة 7 كدة انى اتبرع ولا لا
وهل اتبرع لصالح حاجة معينة ولا اقول جى اتبرع بالصفايح و خلاص ؟

[icehearted girl]

فصيلة الدم مبتفرقش ف التبرع بالصفايح...

مكان البترع بنك الدم داخل معهد الاورام هو ف ش القصر العيني لكن مش جوا القصر العيني

هو اول ش القصر العيني ف فم الخليج علكورنيش

وولاسف التبرع اخره الساعه 2

حضرتك مش هتتبرع لحد معين..لصالح المعهد وبس.. وغالبا قبل متخلص تبرع هتلاقي اهل المرضي وقفين مستنيين ..وربنا يكرمك لو فعلا قدرت تروح

[ahmedbasto]

thanks for your feelings