If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إلى كل شاب يقدر يأثر على مجموعة من الشباب ولو واحد بس كلمه وقوله إن إقتصاد البلد وأمانها وإستقرارها في كفة والمظاهرات في الكفة التانية
خلى بالك كل غلى إنت بتعملوا هايرجع عليك بالسلب
Keep on Egypt
المصرى عنيد بطبعة .. و يمكن هو ده سبب استمرارا الاضراب لحد دلوقتى .. اللى نزل يوم 25 و الأمن تعامل معاه بحدة .. واخدها مسألة كرامه .. و مصر ميمشيش الا لما يحقق اللى فى دماغه .. صح أو غلط خلاص مش فارقه .. هو عاوز ينتقم من اللى حصل فيه و خلاص.
ده غير الناس اللى معمول لها غسيل مخ .. فعلا أنا قريت تعليقات لناس و سمعت من ناس دماغهم مغسولة فعلا .. و تقول له انت ممكن تموت هناك .. يقول لك أكون شهيد و مت فى سبيل قضية.
اللهم أرنا الحق حقا و ارزقنا اتبعه و أرنا الباطل باطلا و ارزقنا اجتنابه.
[CENTER][B]القران الكريم بجودة صوت عاليه جدا[/B]
http://www.nilemotors.net/Nile/230790-a.html[/CENTER]
اتمنى من قلبي ان يتجاوب الجميع واتمنى من الله ان يهدىقلوبنا وعقولنا لما هوا خيرا لينا
فى السرعه الهلاك و بيعلى الاستهلاك و يا فتى كفياك انك بتتنفس هواك
و ربك هداك للبعد عن الهلاك و اللى مش شايفاه عنيك الهى رب العرش يحميك<!-- google_ad_section_end -->
فى وقت الفتنة .. الزم بيتك .. ودى ليست سلبية
.... الحل الواجب علينا أننا ندعو الله ونتضرع إليه سبحانه وتعالى أن يختار لنا الخير لنا والمناسب لنا أيا كان هذا الاختيار فيجب علينا الرضا بما يقسمه الله لنا وتنتهى هذه الأحداث وكفانا خسائر .. فما لا نرضاه لأنفسنا لا نرضاه لغيرنا
.... وياريت تكون كل تصرفاتنا فى خلال الأخلاق التى دعت إيها كل الأديان .. ومع اختلاف مواقفنا توجد مبادئ يجب ألا نتخلى عنها وهى قيم ديننا أيا كان هذا الدين أى مسلم أو مسيحى فكل تعاليم الأديان دعت للأخلاق والإصلاح
.... وربنا يعديها على خير اللهم آمين
حسبى الله ونعمة الوكيل
استرها يارب على بلدنا
واحمى شبابنا
[SIZE=4][COLOR=DarkRed]سبحان الله وبحمده ..... سبحان الله العظيم
[/COLOR][/SIZE][shr71=http://www.herosh.com/download/4374119/18062010760.jpg.html]مثلا : هذه صورة سيارة 127[/shr71]
ربنا يعدي الايام دي على خير
والله يا استاذ كريم من يوم ما النت رجع و مش عايز اشارك عشان مش عايز ادخل في مشاكل مع اي حد .. انا مقتنع بفكرة معينة غيري مش مقتنع بيها دا عادي بس اللي مش عادي اني افرض رأيي على الآخر و اهاجمة لمجرد انه مختلف معايا
ربنا يستر على البلد
اتفق معاك يا كريم، ربنا يسترها على بلدنا و عاوز اققلكم اني تقريبا مبقتش انام بالرغم من وجودي في السرير و الدنيا امان عندنا بسبب اللجان اللي انا كنت فيها و عارف الدنيا بتبقى عاملة ازاي بس قلقان
قلقان على بلدي اللي اتخربت للأسف و بطبيعة دراستي عارف الاقتصاد ده ايه اللي جراله كويس قوي و عارف محتاج قد ايه علشان يرجع تاني
قلقان على اهلي اللي ممكن في اي لحظة الاقي حد منهم جراله حاجة
قلقان على اخواتي و اصحابي
قلقان على مستقبل اولادي اللي لسة مجوش
كل واحد دلوقتي عده هدف بيحققوا على حساب الرجالة بتوع 25 يناير بس هما لما لقيوا الموضوع جاب نتيجة و لقيوا شوية الرعاع دول بيشجعوهم اتمادوا في موضوع المظاهرات
انا مش عارف الفلوس لما تخلص هجيب منين و مش عارف الاكل لما يخلص هجيب منين النهاردة نزلت علشان اجيب شوية خضار للبيت الحاجة اسعارها مستفزة و مفيش انسان معندوش مصدر دخل غير مرتبو او على قد حاله انو يشتري
البنزين بقى بالطوابير، الناس بتضرب بعض على العيش اللي ارتفع سعر الرغيف من 25 قرش الى 50 قرش يعني علشان اسرة من 4 كل واحد ياكل رغيف واحد بس في اليوم محتاج 2 جنيه عيش بس و مين هيعيش على رغيف واحد بس
كل كلب عاوز يبقى مشهور - مبقصدش هنا الرجالة بتوع 25 يناير الاكثر من محترمين - يتصل على اي برنامج talk show و يديها كلمتين مكتوبين ليه بشكل مقنع جدا و يشحن في الناس
اول امبارح والدتي بتتفرج على التلفيزيون و شافت منظر الناس بتضرب في بعضها ضغطها ارتفع و كنت خايف عليها جدا مكنش مني غير اني مسكت ريموت التليفزيون و طفيتو و خليت البيت كلوا يدخل ينام
ارحمونا ارحمونا ارحمونا
كلنا مش عاجبنا النظام و كلنا مش عاجبنا اللي بيحصل في البلد من فساد و رشوة و محسوبية و قلة ادب بس في الاخر كلنا بدون استثناء حتى الناس اللي كانت عاوزة تهاجر و تسيب البلد عاوزين الخير ليها دلوقتي و مستعدين انهم يحطوا نفسهم جوة النار علشان البلد دي تبقى حاجة كبيرة احسن من عهد مبارك 100 الف مرة و كلنا عاوزين نرفع راسنا و نقول اننا مصريين متحضرين قلنا لأ و في نفس الوقت حكمنا عقلنا علشان بلدنا تنهض و تبقى حاجة
ايه يعني لما نمشي دلوقتي و نشوف ايه اللي هيحصل
مبارك على قد ما غلط على قد مانا متأكد انو مش غبي ولا متخلف في انو يبعت بلطجية تاني يوم علشان يضربوا الناس و يضيع وعوده
شفيق بني ادم محترم جدا و كلنا شايفين ايه اللي حاصل في المطارات بتاعتنا و الخدمات اللي بقت بتتقدم فيه حاجة تدعوا للفخر بجد يعني الراجل ده بيشتغل بجد مش بيلعب و سمعته سابقاه في المجال بتاعو ليه مندلوش فرصة
هو مش من حقنا اننا زي ما مبارك استلم البلد سليمة منتصرة خارجة من حرب و اراضيها متاخدة من العدو يسلمهالنا سليمة و مستعدة انها تختار الرئيس القادم ليها؟!!!!!
ابوس ايديكم ارحمونا و حطوا مصر قدامكم متبصوش تحت رجليكم
المشاركة الأصلية كتبت بواسطة icehearted girl
مشاهدة المشاركة
بس امبارح لنا هنا وقفة...طول النهار بشوف حاجات غريبة فلشوارع..شراذم بشرية بتتحرك كالقطيع من كل مكان شايلين ورق زبالة مقطع عليه بعض الهتافات بغضالنظر اكانت مع ام ضد..دي مش قضيتي دلوقتي...الغريبة انهم كانوا كلهم من نفس الفئة تقريبا..دا بالاضافة لانذار احد جيراننا بيشتغل في مكان أمني معين وحذرنا من نزول اخويا نتيجة اوامر محددة بإبادة تامة لكل متظاهري التحرير في تمام الساعة 3 صباحا...وفعلا في الساعات الاولي من الليل..بدأت تندع زي مبيقولوا..وكل شوية تيجي حالات بلطجية فعلا من طريقتهم وسالوبهم لدرجة اني لما كنت بسالهم هم تبع مين كانوا بتلجلجوا شوية قبل ميقولوا الاسم اللي هما ناسيينه اصلا
وف تمام الساعة3 ونص صباحا..حصلت المجزرة..اعذروني ف الكلمة بس هي مجزرة بكل المقاييس...وكأن واحدة دخلت علي عشة فراخ ودبحت فيهم كلهم...لكم أن تتخيلوا عربية اسعاف كانت بتدخل بمعدل كل دقيقتين بتلات اربع حالات...وقبل متوصل لباب الخروج كانت بتدخل غيرها..سيل من الحالات المصابة باحترافية شديدة سواء بطعنات مؤدية الي الوفاة..او برصاص او بتهشيم تام للرأس تقريبا الحالات مخرجتش من الاطار دا غير بعض الرصاص الحي في الاقدام...طول الليل مشتمتش غير ريحة الدم ومشفتش غير لون الدم...دم مختلط..وتضاربت الافكار..مبقيناش عارفين دا دم شبابنا الظاهر ولا دم البلطجية القذر...اللي خلقتهم ظروفنا اللي بنعيشها برده
حد قرا كلام د. ضحى كويس خصوصاً الجملة دي ؟؟؟؟؟؟
ليه محدش بيكلم عن مين إلي جايب البلطجية و المجرمين دول المحترفين ؟؟؟؟؟؟؟
منين الظباط عرفو إن فيه أوامر بإبادة المتظاهرين ؟؟؟؟؟
مين ادى الأوامر دي ؟؟؟؟
هو أنا لم أبقى طالع أتظاهر سلمياً و اعتصم في ميدان التحرير و يطلع علي واحد بسلاح قاصد يقتلني ..... فاضطر أدافع عن نفسي ..... أبقى أنا إلي غلطان ؟؟؟؟
حد يرد علي من دعاة عدم الذهاب لميدان التحرير ؟؟؟؟
أقسم بالله أنا كنت مع التهدئة ....... بس الناس إلي بتموت دي دمها عند مين ؟؟؟ مش عند النظام ؟؟؟ مش عند رأس النظام ؟؟؟
ما هو حاجة من اتنين ..... يا مبارك مش هو إلي ورا إلي بيحصل في المتظاهرين في التحرير و إلي بيحصل من غير علمه ..... يبقى مش قادر يسيطر على البلد ...... يبقى ذي قلته ..... تبقى قاعدته مش حتفيد في حاجة
أو إنه عارف إلي بيحصل في التحرير و موافق ..... و إنه بيتعامل معانا بسياسة العصاية و الجزرة..... يبقى دة ملوش أمان ولا وعد ولا كلمة يمشي في ستين داهية
أنا لا أخون أحداً من زملائي في المنتدى من دعاة عدم الذهاب إلى ميدان التحرير و أثق في وطنيتهم و حبهم لبلدهم
بس دم الشهيد ما يرحش هدر أبداً ..............
أنا واحد من الناس متمزق من جواية ما بين دم الناس الي ماتت و الثأر لهم و ما بين خوفي على بلدي و خوفي من الفتنة
Comment