نفسي أفهم بجد والله

[madyyuri]

الكل شغال يقول الأخوان .....الأخوان ....... الأخوان ............. الأخوان

نفسي أفهم بجد، هما الأخوان ليه وحشين؟

علي فكره انا انتمي لحزب الأغلبية في مصر

حزب المشي جنب الحيطة

[ConDoR]

حضرتك الاخوان بغض النظر هما وحشين او حلوين ما كل حزب فيه الحلو او الوحش بس الحكومه متبعه اسلوب اسمه عصا موسى كل حاجه تحصل في البلد لازم كبش فدا وعلشان البلد تبقا ديموقراطيه لازم يكون فيها اخوان دي سياسه يا فندم الاخوان في مصر علشان دايما يشيلو الليله وعلشان الديموقراطيه برده وانا لا انتمي لاي حزب سياسي ودي وجهه نظر متواضعه

[أحمد كمال]

هما كانوا طول عمرهم كارت ارهاب

الحكومة للغرب : انا و لا الاخوان
الغرب للحكومة : لا لا لا لا لا ...... مش عايزين ايران تانية ..... و لا دولة دينية تانية ..... لا لا لا لا ارجوكم بلييييييييييز .....
الحكومة للغرب : طيب سيبونا عليهم بقى
الغرب للحكومة : They're all yours .... have fun
الحكومة للغرب : Thanks a lot ...... hehehehehehehe (devilish smile)


المصيبة ان دلوقتي بقم بعبع للشعب كمان اللي مصدق الاعلام المصري اللي اخر امكانياته هي التارابات تات تييييييييت

[factorialx]

الإخوان فزاعه و مالهومش التأثير الشعبي اللي يخليهم يمسكوا السلطه

[Jato.33]

هما كانوا طول عمرهم كارت ارهاب

الحكومة للغرب : انا و لا الاخوان
الغرب للحكومة : لا لا لا لا لا ...... مش عايزين ايران تانية ..... و لا دولة دينية تانية ..... لا لا لا لا ارجوكم بلييييييييييز .....
الحكومة للغرب : طيب سيبونا عليهم بقى
الغرب للحكومة : They're all yours .... Have fun
الحكومة للغرب : Thanks a lot ...... Hehehehehehehe (devilish smile)


المصيبة ان دلوقتي بقم بعبع للشعب كمان اللي مصدق الاعلام المصري اللي اخر امكانياته هي التارابات تات تييييييييت

الكلام ده محصلش خالص
إنتا بتألف

الأخبار الواردة بكل القنوات الفضائية
بتقول عكس كده
وإن على الرغم من أن الإتهامات التي كانت توجه لينا لما نزلنا يوم 25 وحتى يوم 1/ فبراير كانت لا يعيرها أي أحد من الدول الغربية أي إهتمام
وبتزداد حده الإتهامات الموجهة للحكومة المصريو النظام بالعنف
وحتى بعد قيام خامنئي بتأييده صراحة للإحتجاجات المصرية
مفيش دولة أوروبية ولا أمريكا حتى أظهرت أي تعديل في موقفها بل بالعكس
كان فيه أخبار إمبارح بإن في مشروع قرار في الكونجرس بإلزام الرئيس بتسليم السلطة

والله أعلم ممكن بكرة يكون في قرار من مجلس الأمن بفرض عقوبات على مصر

عشان المحتجين يميدان التحرير وإنتوا كلكوا تنبسطوا

وبعدين بعد كل الأخبار دية

يجي واحد زيك يألف من دماغة

عشان يوصل للناس ويشحنهم ويوصلهم إن النظام البائد يريد قمع المظاهرات

وهتنزل الداخلية عليهم في بيوتهم لما يروحوا بالأسلحة عشان تقتلهم

والكلام ده يصدقه الناس وفعلاً ينزلوا الشوارع يتظاهروا عشان يزودوا المصايب إلي إحنا فيها

[mostafa3000]

لية الحكومة والرئيس معتقدين انهم لو سابو الحكم الاخوان هينطو علية
كما لو ان المصريين ناس غير مؤهلين لحكم انفسهم
ما احنا اهو بقيلنا اكثر من اسبوع عيشين من غير امن ولا شرطة ومنظمين وزي الفل

[أبو عبدالله]

لية الحكومة والرئيس معتقدين انهم لو سابو الحكم الاخوان هينطو علية
كما لو ان المصريين ناس غير مؤهلين لحكم انفسهم
ما احنا اهو بقيلنا اكثر من اسبوع عيشين من غير امن ولا شرطة ومنظمين وزي الفل

بالظبط
المشكلة ان الناس بتصدق حاجه تهبل بجد
اكن الناس المحترمه اللي في الميدان دلوقتي بهايم مش هيعرفوا يمشوا البلد لا وكمان التدخلات الخارجية هتخليهم يمسكوا البلد لحد من الخارج علشان هما هبل او خونة
حاجه تهبل بجد
وكمان ايه الناس نسيت ان مبارك ونظامه اكبر معاون لليهود والأمريكان في مصر
غاز لأسرائيل
معاونة في حصار غزة اللي خلى كرامة كل المصريين بالخارج زي الزفت
معاونة الأمريكان في تعذيب واستجواب الافغان والعراقيين
مرور حاملات الطائرات الأمريكية في قناة السويس
نسينا الشباب اللي كانو في مركب صيد واضرب عليهم رصاص وماتو من قبل حاملة طائرات امريكية
نسينا و نسينا ونسينا ونسينا

حسبي الله ونعم الوكيل