العهد الجديد

[dr-mohamed]

الاول كلمة واحدة يا احمد بيه انت متفائل زيادة عن اللزوم اوي
وما نسير اليه الان سواء برحيل مبارك او ببقائه حتي نوفمبر اسوا مليون مرة مما تتوقع واسوا مما يتوقع الكثيرين

تبا لك
مفيش عندنا شنوري
امشي يا واد من هنا مش عاوز اعرفك تاني
وابقي افتح موبايلك يا فارماوي علشان كل ما اتصل بيك الاقيه مقفول
ههههههههههههههه

يا عم ما انا بتصل بيك بالليل اطمن عليك في اللجان الشعبية يا اما الاقيك تحت البطانية يا اما متردش عليا

وأبو إياد يركب الفيورا ...ويغير على اسرائيل من البر

بلاش ابو اياد احسن يحلف يروح اسكندرية المرة الجاية بالبسكلتة

و الله معظم الناس اللي بتطالب ببقاءه و متابعه تنفيذ الاصلاحات دي بمنتهي الصرامه لحد ما يمشي و تنزاح الغمه دي معظمها شايفيين الناس برة بقوا بيتكلموا ازاي و شايفيين حتي لعابهم اللي ابتدي يسيل علي فمهم و مش عارفين يداروه و مش قادرين يستنوا

شايفيين تلميح لقطع المساعدات العسكريه و شايفيين اوامر ان التغيير يتم الاااااااااااااااااان و شايفيين و شايفيين

ابشروا مصر بيتفصلها الحاكم بتاعها دلوقتي و بيتم اختياره بمباركه السادة في الخارج و جاهز في اي وقت و للاسف الشباب اللي زي الورد اللي دمهم روي ميدان التحرير لحد ما اجبروا الحكومه علي مجموعة تغييرات محدش كان بيحلم باي جزء منها ممكن دمهم يروح هدر لو متمش ادارة الازمه دي بمنتهي الذكاء و بدون اندفاع

دي مباراة شطرنج ممكن الواحد يفضل كسبان طول الماتش و فجاة يلاقي حركه مش متوقعه و كش مات

خلوا بالكم ممكن فجأة برضة مجموعه المتظاهرين في ميدان التحرير ممكن يتحولوا حسب النظرة العالميه الجديدة لمجموعه من الارهابيين الساعين لزعزعة نظام الحكم في مصر في موقف تاني

يعني بعبارة اوضح لو تم اختيار الريس الجديد و طلع في الاخر الامر كله خدعه كبيرررررررررررررة و اكتشفنا انه تابع و منفذ لسياسات تانيه بس هو بجنسية مصريه هيتحول المتظاهرين لارهابيين و كلام الجزيرة كله هيتقلب للعكس

محدش شايف كله بيجري زي القطيع ومحدش بيبص للمستقبل مش البعيد والله
والله المستقبل القريب اسود مما نتخيل ونحلم

[samcar]

الله ينور عليك يا دكتور احمد
بس ان شاء الله من غير فوضى

الفوضى - اللى بيخلقها اعوان النظام - معلش اللى حصل فى يوم الجمعه اللى فاتت ممكن تبقى تقراه كله فى كتاب مايلز كوبلاند - لعبة الامم - لما الامريكان - الله يخرب بيوتهم ادوا عم ناصر ارشادات لكيفية حكم البلد والقضاء على معارضيه

باستخدام - حكم الغوغاء- زى البلطجيه اللى سرحوهم من السجون والجماله والخياله اللى كانوا نازلين يفتحوا عكا

معلش نسيت اقول الكتاب صدر بعد هزيمه 67 مباشرة - يعنى من اكتر من 40سنه

ابقوا شوفوا الامريكان بيفكروا ازاى - وازاى بيلتفوا حول الراى العام لو مش على مزاجهم

[A7MED_PHARMA]

يادكتور محمد
خسرنا فلوس كتير ....من الأحداث الأخيرة ....وقبلها من الفساد المنظم
بس البلد فيها رجالة كتير شرفاء
ناس كتير فاكره إن المنظومة على بعضها بايظة
المنظومة فيها ناس شريفة ..لكن إيدهم مغلولة بحكم فاسد أو رئيس مرتشي
عندنا لسه ناس كويسة
والبلد بكره أحسن إن شاء الله

[aymanay32]

و عندنا مياه النيل او ما بقى منها بعد ان اضاعها الوزير السابق و عضو مجلس الشعب حاليا محمد نصر علام اضاعه الله كما اضاع مياه النيل و الزراعة و الصناعات القائمة على المياه و عطش اراضى المزارعين فى الفيوم و بنى سويف

[أبو عبدالله]

بزغ فجر العهد الجديد
لقد سقط الحمار و الجمل و الكرباج و العصاية تحت أرجل شباب التحرير
سقطت أدوات آتية من عصر أبو لهب أمام ضغطة و كليك من فيس بوك و تويتر
عزيمة هؤلاء الشباب التي لم تنكسر أمام البلطجية و الحجارة و الرصاص الحي .. هذه العزيمة و الشجاعة هي أدوات مصر الحقيقية للنهوض

فعلا والله كلامك صح
وفعلا احنا دلوقتي امام فئتين من الشعب فعلا ده مش سمعته او حسيته ده فعلا شوفته امامي من اراء الناس
الشباب بتوع الفيس بوك لا يعلم عنهم اي احد من الشعب غير بعض شباب النت
وده اللي خلى الكثير يصدق اعلامنا بأن من قام بتلك المظاهرات والمحرض لها الاخوان المسلمين
لأنهم مش متخيلين ان فيه شباب منظم ومثقف ممكن يعملوا اللي حصل ده
هما كل فكرتهم عن شبابنا انه هو اللي واقف في الشارع صايع مش وراه حاجه الا الصياعه في الشوارع
واللي بيقعد على النت بيقعد علشان الشات والمواقع الأباحية فقط
محدش متخيل ان فيه شباب بيدور على مصلحة البلد ومثقف وجرئ

فيه ناس لحد الآن بتقول ان الشباب دول شوية صايعين وبتوع نت وشات ومش وراهم شغلانه علشان كده مش هاممهم ان البلد تقع
وعلى فكره الفئة التانيه اللي هيا مش متخيلة اللي حصل دي مسئولين وليس على المعاش يعني اعمارهم من 45 الى 60 سنة ولهم مناصب عليا
ولكن ليس لهم علاقة بالنت ولا بالفيس بوك
وللاسف فعلا معركة شباب الفيس بوك اذهلت وفاجأت العقلية القديمة لمجتمعنا اللي هيا عايشه في النظام الفاسد بقالها كتير وليس لها القدرة على المنع او الأعتراض لا في انتخابات ولا غيره
علشان كده انا برد عليهم بحاجه واحده
انه اي واحد لم يشارك الشباب في التغيير اللي وصلنا له لحد الآن ليس له الحق في انه يتحدث الآن لأنه لم يكن يتحدث من قبل في اي حاجه فبالتالي ليس له الحق انه يعترض الآن

لو مش هنتفائل النهاردة ،،، هنتفائل إمتي

مصر مش بقالة و الريس مش صاحب بقالة

لو مات صاحب البقالة ،،، البقالة هتقفل

والله اكننا بنقول
عجزت ارحام المهات ان يلدن مثل مبارك
ولا حول ولا قوة الا بالله
محسسني ان عمرو موسى واحمد زويل وغيرهم من قيادتنا وعلمائنا مش هيعرفوا يمشوا المركب اكنها خلقت لمبارك

طيب سؤال بيطرح نفسه
مبارك لو مات فجأه كنا عملنا ايه
الهمني الصبر يا رب

عدت عليا إزاي
طبعا عندنا القرصان شنر
نعمل جماعات قرصانية جهادية ...ونطلع نغير على إسرائيل من ناحية البحر
وأبو إياد يركب الفيورا ...ويغير على اسرائيل من البر
ونطوقهم
وناخد منهم سندوشتات الكنتاكي بتاعتهم ...ونرجع منتصرين

لسه على فكره فيه ناس كتير بتقولك دول عملاء علشان بياكلوا كنتاكي والله بجد
يعني بيجيلهم وجبات من كنتاكي جاهزة

يا اخواني احنا الآن في حرب فعلا بين جيلين والله بجد
جيل قديم اتعلم انه ميتكلمشي ولا يعترض وماشي ورا النظام او واقف وخلاص او قاعد وخلاص واتربى على كده واخره انه يتكلم في غرفته بحيث لا احد من الخارج يسمع كلامه
وبين الشباب المثقف بتاع الفيس اللي قام بالثورة دي وجرئ بقدر لم يتخيله ابائنا فعلا

[A7MED_PHARMA]

بالظبط ياأبوعبدالله
ناس كتير كل أحلامها في الحياة ..إنها تصحى الصبح تلاقي رغيف عيش ..وطبق فول ..وكباية شاي
بسسسسسسسس
وللأسف
النظام الحالي هوا إلي عودهم على تحجيم الأحلام
يعني طالما بياكل ويشرب ...يبقا الحياة بمبي بمبي وزبادي في الخلاط
الجيل الجديد
عاوز يتنفسسسسسسسسسسسس

[mazagngi2000]

حته فرفشه

[م.احمد زكريا]

في كل الاحوال لو وعود الرئيس والحكومة الجديدة اتنفذت يبقى اكيد العهد القادم هو عهد جديد ورائع بكل المقاييس

بس ربنا يستر والموضوع ينتهي على خير خايف نطلع من حكم عسكري إلى حكم اكثر ديكتاتورية

[د.أحمد سمير]

الفيصل في كل هذا هي المبادئ
من النهاردة مايهمنيش مين يحكمني
المهم اتحكم ازاي
أي حد مش مهم
المهم إنه ييجي بطريقة ديمقراطية وضمانات دستورية تحمي هذه الديمقراطية
القضية سهلة جداً والله

[A7MED_PHARMA]

وياريت ياجماعة
كل المصريين

من النهاردة مفيش حاجة إسمها (مشي حالك)
واحد عاوز منك رشوة ..ماتديلوش
زعق وإفضحه
واحد إستغل سلطته عليك
قدم فيه بلاغ
فيه إنتخابات بإشراف قضائي
تروووح تنتخب
مش عاوزين سلبية تاني.........
وبلاش كلمة مشي حالك دي إلي بتفقع المرارة

[م.احمد زكريا]

وياريت ياجماعة
كل المصريين

من النهاردة مفيش حاجة إسمها (مشي حالك)
واحد عاوز منك رشوة ..ماتديلوش
زعق وإفضحه
واحد إستغل سلطته عليك
قدم فيه بلاغ
فيه إنتخابات بإشراف قضائي
تروووح تنتخب
مش عاوزين سلبية تاني.........
وبلاش كلمة مشي حالك دي إلي بتفقع المرارة

لازم نشر الروح دي بين الناس

اكيد بعد الحصل ده البلد هاتتغير كتيير

بس يا ريت الامور تهداء بدل ما تتكعبل ونخسر كل حاجة

[medo_2060]

اتمنى ذلك فعلا... ربنا يستر وان شاء الله مستقبل افضل
----------
واحى الاستاذ ابو عبد الله على كلامه بخصوص الحرب بين الجيلين القديم والجديد...انا فعلا بلاقى دا فى كلامى مع الناس
ودا شىء محبط جدا لما نلاقى ناس بتتكلم كدا وبيشتموا كمان فى الناس الى اتظاهرت والى ماتت ...لان عقولهم خلاص اتطبعت بالنظام القديم