عاجل: خديعة المظاهرات المليونية.... الرجاء المساعدة

[dodino2006]

قسموا المساحة لمربعات او مستطيلات مع اخد المقياس فى الاعتبار و الشوارع المؤديه للميدان و عمر مكرم و الناس اللى جوة الجامع و الشارع الواصل لعبد المنعم رياض
و الناس بتبقى عاملة زى الاتوبيس الساعة 8 الصبح
الكلام ده عن يوم التلات و النهارده

يا فندم انا ماروحتش علشان انا خارج مصر.

بس انا التلفزيون عندي مفتوح 24 ساعة علي الحقيرة (للأسف هي اللي عندي هي و المحور و شوية قنوات ملهاش لازمة)

و شفت التصوير من اعلي نقطة سواء كان النهاردة او يوم المليونية (الوهمية) ..

الشوارع المؤدية كان فيها ناس فعلاً, بس مش واقفين, كانوا يا اما طالعين يا داخلين الميدان..

و لكن العدد في الشوارع كان لا وزن له بالنسبة للاعداد الموجودة في الميدان...

و زي ما حسبناها لحضرتك العدد لا يمكن حتي يوصل ل 400 الف حتي...



.

[م.احمد زكريا]

واضح انكم مروحتوش
و بتحسبو تقريبيا المساحة بدون خبرة او تدريب و بتاعت الميدان بس
بدون مداخلة اللى مش صغيرة ابدا

يا غالي المقاسات على جوجل حقيقية وانا لما حسبت اخدت في حسابي الشوارع

[D . a .\ AYMAN]

هوة المظاهرة المليونية التي تم الدعوة ليها يوم الثلاثاء الماضي ... دي فعلا وصلت لحوالي من 5 لـ 7 مليون فرد في عموم أنحاء الجمهورية

يوم الثلاثاء لم يكن ميدان التحرير فقط ولكن الجيزة وعبد المنعم رياض والهرم بكل الشوارع المؤدية اليهم سواء الجلاء أو رمسيس أو القصر العيني أو قصر النيل أو ماسبيرو ... مساحة هائلة وتستوعب عدد يقدر بحوالي 2 أو 3 مليون .... بصراحة ما حسبتهاش ولكن يمكن حسابها بنفس طريقتك للوصول للعدد الأقرب للحقيقة

أضف بقى على كده مدن إسكندرية والسويس والإسماعيلية وبورسعيد ومطروح والمنصورة والشرقية والمنوفية والغربية والعديد من مدن الصعيد ... ودي من أكبر مدن مصر وتقريبا كلها خرجت

صراحة أعتقد إن رقم 7 مليون شوية لما نبص للمدن دي كلها

ولو حسبنا إن نصف هؤلاء الشباب تركوا بيوتا فيها أزواجا وإخوة ووالدين يصبح كل فرد منهم يساوي 5 أفراد على الأقل لم يستطيعوا النزول للإنضمام معهم ... أي أنه كان رأي ما لا يقل عن 30 مليونا من المواطنين المصريين مجتمع على هدف واحد وهو إسقاط النظام القائم

والعدد الرهيب ده كان هوة المؤثر في الأحداث بشكل نهائي وهو السبب الرئيسي في خطاب الرئيس الأخير بعدم الترشح مرة أخرى وتعديل الدستور وما الى ذلك

العدد الرهيب ده أصاب العالم كله بالذعر من مصر ومن شعبها الذي إستطاع أن يوحد كلمة 7 مليون شاب على هدف واحد

إنتوا متخيلين إن أكبر جيش في العالم وهو جيش الصين لا يتعدى تعداد أفراده 2 مليون جندي ... تخيلوا لما العالم يشوف قدامه 7 مليون جندي واقفين في الشارع متحدين كل ما مروا به من صعاب ورغم إنهم على مدار 4 أيام بسهرون ليلا لحماية بيوتهم وأسرهم ونهارا لقضاء حوائجهم اليومية المعتادة وفي ذات الوقت يقفون لتحقيق ثورتهم

إنها صورة مذهلة بالفعل لم تتكرر في التاريخ من قبل



أما بالنسبة لميدان التحرير نفسه والذي إنحصرت به تظاهرة اليوم الجمعة فلم يكن يتعدى بأي حال من الأحوال المائة الف وفقا لحساباتك وهذه أيضا حقيقة ... مع ملاحظة أن نسبة من الواقفين كانت عبارة شباب وبعض رموز الدولة يحاولون إقناع الرافضين العودة الى بيوتهم .. بالعودة .. بعد أن إستجاب الرئيس لطلباتهم .. أي أنهم حتى لم يكونوا كلهم على رأي واحد

[ams]

طالما متاكدين من حساباتكم ... يبقى انتم ادرى

[dr-mohamed]

لو كانوا 100 الف مكانتش الحكومه سمعه اى كلام ولا وصلنا للى احنا فيه

ولو نزل لهم مليون من اللى حالهم واقف الحكومة بردو هاتسمع كلامهم ؟؟؟
وهلم جرا مش هنخلص من التظاهرات

يعنى ال 155 فرد اللي كانو في مصطفى محمود هما دول ملايين المؤيدين

حضرتك عديتهم بنفسك اصل الرقم محدد اوي
وبردو مكانوش يتعدوا الاف
لكن اللى في التحرير لا يمكن يكونوا مليون ابدا ولا حتي نص مليون

العدد في الليمون

هي دي الخلاصة

بص يا سيدي ناخد الحديقة المدورة الفي الميدان

نصف قطر الحديقة 35متر ( الابعاد من google earth) - يعني مساحتها = 3,848 متر مربع

بفرض كل شخص بياخد مساحة 60 × 30 سم يعني الفرد هاياخد مساحة 0,18 متر مربع

يبقى جنينة الميدان بتاخد 21,377 فرد طبعا دي ناس لزقة في بعض زي الاتوبيس

طيب مساحة الميدان تعمل كام جنينة زي دي أنا هافترض المساحة × 6 خلينا بحبوحين شوية قول 10 مرات

يبقى الميدان شامل حديقة المجمع وحديقة مسجد عمر مكرم وامام المتحق والشوارع ياخد بأقصى تقدير

213,770 فرد


وياريت لو غلطان حد يصححلي

ويقولك مليونية

نحن في زمن الصوت الاعلى في الاعلام


وشكرا

الله ينور عليك يا باشمهندس اذا تكلم العلماء سكت الاخرون
وانا ساصمت على تحليلك الرائع
بس المهم ان الصوت العالى هو اللى بيبقي صح

أنا مش مقتنع بحكاية الملايين دي..لأن ببساطة سكان القاهرة 19 مليون قول نصهم في سن يسمح بالخروج للميدان يبقي 1 من كل 5 من السكان خرجوا النهاردة..انا مفيش حد من عيلتي ولا زمايلي في الشغل و الا الجيران اللي جنبي خرجوا

طيب لو كان الشارع بتاعي كله محدش منه شفته خرج او رايح على التحرير الكل صلي الجمعة ورجع على البيت ومفيش اي مظاهر ان اي حد رايح التحرير

واضح انكم مروحتوش
و بتحسبو تقريبيا المساحة بدون خبرة او تدريب و بتاعت الميدان بس
بدون مداخلة اللى مش صغيرة ابدا

يعني مهندس يحسبها وبالارقام ويبقي معندهوش خبرة ؟
مين اللى يبقي عنده خبرة او يقدر يحسب صح في راي حضرتك ؟

[hussein]

رغم انى من المعارضين لكن انا عارف المعلومة دى من كذا يوم و كنت حاسب ان العدد لن يتعدى 212 الف فى احسن الاوقات بل بالعكس يقل عن كده ( بفتراض ان المتر المربع بيكون فيه 4 اشخاص ) لكن انا محبتش اتكلم فى الموضوع علشان ميكونش له تأثير سلبى
بس برده فيه حاجه مهمة اوقف على مداخل و مخارج الميدان هتلاقى دخول و خروج اعداد كبيرة فى كل الاوقات و دا معناه ان العدد اللى بيشارك اكبر من المساحة بكتيير

[تامر.محمد]

و الله اللي راح و شاف مش هايقول خديعة ولا حاجة

[BassamHafez]

أرقام عمالة تتضرب ببلاش...

في اقل من 5 دقايق سمعت تقديرين لنفس المظاهرة من نفس المكان, مرة 10 الاف و مرة مليون...

يوم المظاهرة المليونية الارقام كانت بتضرب بسرعة من الافات لملايين...

و النهاردة الرقم اتضرب من نص مليون لاتنين مليون....

هو حد يعني هيعد ورانا, انشالله نقول 200 مليون, ما كله ببلاش....


جربت اني اعمل حاجة, بالرغم اني غير متخصص, يا ريت الاخوة المهندسين يبدوا رأيهم...

باستخدام جوجل ايرث و قياس مساحة ميدان التحرير من اوله لأخره, وجدت ان مساحته لا تتعدي 20 الف متر مربع بسلطاته ببابا غنوجه...

لو افترضنا ان الناس واقفين في كل متر فيه...

و كل متر شايل 6 اشخاص (يعني الناس لازقة فوق بعض)

يبقي العدد لا يتعدي 120 الف علي اقصي تقدير....

قول 200 الف بالشوارع المؤدية للميدان...

طيب خليهم 300 الف علشان خاطر الحبايب....

ولاد التيت حسبوها ازاي مليون و اتنين مليون....

طيب جربوا تقارنوا مساحة ميدان التحرير بعماراته و شوارعه بالحرم المكي, اللي بيشيل 3 مليون مصلي و متعدد الطوابق...

يبقي برضه جابوا منين الملايين دي ؟؟؟




.

ما هو اصل الراجل المصري بقى بعشر رجاله دلوقتي

[ams]

يعني مهندس يحسبها وبالارقام ويبقي معندهوش خبرة ؟
مين اللى يبقي عنده خبرة او يقدر يحسب صح في راي حضرتك ؟

ربنا يهديك

[amado ibrahim]

طب يا شباب المهندسين (اللى بيستخمو خرائط جوجل ايرث للحساب)

احسبولنا كمان

المساحة الممتدة من امام دار الحكمة الى الجامعة الامريكية (طولا) x عرض شارع القصر العينى

و يا ريت تقولولنا تعمل كام

لأن اللى انا فاكرة ان المنطقة دى كانت هى مسرح المناورات يوم 25 يناير لما تحتويه من اماكن حيوية

فاكرين الفديوهات اللى كانت بتيجى يوم 25 كانت كلها من المنطقة دى (انا لسة منستش الراجل اللى وقف امام العربة المصفحة واجبرها هلى التوقف< ده ايام مكانت المظاهرات سلمية و قبل ميشتغلو فى موضوع الدهس >

[dr-mohamed]

ربنا يهديك

ويهديك

طب يا شباب المهندسين (اللى بيستخمو خرائط جوجل ايرث للحساب)

احسبولنا كمان

المساحة الممتدة من امام دار الحكمة الى الجامعة الامريكية (طولا) x عرض شارع القصر العينى

و يا ريت تقولولنا تعمل كام

لأن اللى انا فاكرة ان المنطقة دى كانت هى مسرح المناورات يوم 25 يناير لما تحتويه من اماكن حيوية

فاكرين الفديوهات اللى كانت بتيجى يوم 25 كانت كلها من المنطقة دى (انا لسة منستش الراجل اللى وقف امام العربة المصفحة واجبرها هلى التوقف< ده ايام مكانت المظاهرات سلمية و قبل ميشتغلو فى موضوع الدهس >

يعني هما اللى كانوافي التحرير يومها مكانوش في مسرح المناورات ده الطحن كله كان هناك

[Ralliart]

اياً كان العدد فالناس استجابت ودا معناه ان العدد مكانش قليل
لو تفتكر الاربع طيارات الفايتر اللي كانو طايرين فوق ميدان التحرير دول كانو بيأمنو هليكوبتر الريس وهو طلع شاف بنفسه محدش قاله واكيد هو مبيتفرجش عالجزيره ولا على التلفزيون المصري

[د.أبونضال]

في العلوم السياسية إذا قام 5% من الشعب بالاحتجاج على الحاكم في وقت واحد تُصبح هذه "ثورة". وعلى طول التاريخ الإنساني هؤلاء ال 5% هم من يقوم بالثورة، أما بقية الشعب فهم إما يعترضون أو يتفرجون أو يجادلون بلا فائدة.

[fadod]

تحليل مظبوط ....ميدان التحرير لازم يتمنع عنه دخول الاكل والشرب والامن كمان ..ذي ما الناس اللي في ميدان التحرير وبعلمهم وقصدهم مانعين الناس اللي قاعدين في بيوتهم انهم يلقو أكل وشرب وأمن

[M.almaghraby]

تحليل مظبوط ....ميدان التحرير لازم يتمنع عنه دخول الاكل والشرب والامن كمان ..ذي ما الناس اللي في ميدان التحرير وبعلمهم وقصدهم مانعين الناس اللي قاعدين في بيوتهم انهم يلقو أكل وشرب وأمن

حضرتك اكيد اكيد بتهرج بجد؟؟

صح ؟؟
بعلمهم و قصدهم كمان

انا مش عارف اضحك ولا اعيط والله

حسبي الله و نعم الوكيل

في العلوم السياسية إذا قام 5% من الشعب بالاحتجاج على الحاكم في وقت واحد تُصبح هذه "ثورة". وعلى طول التاريخ الإنساني هؤلاء ال 5% هم من يقوم بالثورة، أما بقية الشعب فهم إما يعترضون أو يتفرجون أو يجادلون بلا فائدة.

الله ينور عليك يا فندم