عاجل: خديعة المظاهرات المليونية.... الرجاء المساعدة

[ahmed4000]

موضوع بقى ممل اوى والناس كل متتزنق يقولك مدام انت قاعد فى البيت متتكلمش وانت مش راجل..

يعنى اما معنا او مش راجل..

ميعرفوش ان نص اللى ببيهاجموهم النهاردة كانوا اصلا موجدين وقت الجد يوم 28 لما كانت الحرب قدام مدرعات وعربيات امن مركزى مبترحمش وبترمى اطنان غاز يحرق الصدر والعين وبتضرب رصاص مطاطى وحى واللى كان يتمسك فى اليوم ده مكنش ليه دية مش زى دلوقتى اللى الجيش واقف بيتصور معاهم...الناس بتوع 25-28 هما دول الرجالة بجد وهما دول اللى عملوا الثورة وهما دول اللى زحفوا على التحرير لغاية لما فتحوه قدام ناس كتير كانت نايمة فى بيوتها ودلوقتى نازلة بتعزف موسيقى وتقول شعر

[algaleed]

كنت لسه بفكر في الموضوع دا الصبح وانا جاي الشغل وانت كمهندس قولتها بطريقتك وانا كمهندس برمجيات كنت هاعملها برنامج جرافيك بالنسب مخصوص عشان اللي مش مصدق يجرب
هي اعداد كبيره اه وماله لكن لو وصلت نص مليون يبقي كتر خير الدنيا

[ahmed ismail]

لا نصف مليون و لا ربع مليون هما خمس الاف
احنا حنخسر ايه لما الحكومة تبقى مرعوبة منهم و تبقى فاكراهم مليون ولا اتنين
بالعكس كل ما الحكومة تشوفهم اكتر الضوط عليها بتبقى اكبر و تقدم تنازلات اكبر
انتو فاكرين لو الدنيا هديت تانى فى تنازلات حتتقدم تانى

[ahmed4000]

طيب سؤال

جبل عرفات بيأخد اكتر من 3 مليون حاج
والسنة اللي فاتت أخد في حدود 6 مليون حاج

انا ما اعرفش مساحة جبل عرفات لمساحة الميدان قد ايه

بس اللي اقدر اقوله ان منطقة جبل عرفات مش كبير قوي ومع ذلك بيسع 6 مليون حاج

مداخلة جانبية عرفات مش جبل عرفات دى منطقة وشوارع يعنى كانها حى صغير الجبل ده اسمل الرحمة لكن الناس بتعتقد انه هو جبل عرفات..وبالتالى ال6 مليون مبيقفوش على الجبل وانما بيبقوا موجدين جوا منطقة عرفات ودى مساحتها كبيرة جدا ورغم ذلك كان ممكن من زحمة الناس تمشى 100 متر فى نص ساعة -ربنا يكتبها للجميع-