يوم الرحيل و خدعة الفتنة

[Dr Zezo]

ممكن سوال اعزرونى
هو المظاهرات الان بتطلب بايه
برحيل مبارك حالا ....
ولا فى بدايل اخرى .... هى ايه

ولو افترضنا انه رحل .... ايه المرحله القادمه ... ياريت بلتفاصيل

عايز حد يجاوبنى ..ويطمنى على مستقبل مصر

انا معرفش حضرتك اكبر مني و لا اصغر
بس هاتعتبرني مثل اخيك الصغير و نتناقش بهدوء

و نطرح الرؤي بوضوح دون تحيز او اتهام - التزم بالامر الاخير من طرفي خاصة اني لا اعرف عن محدثي شيئا لأتهمه-
اذا اتفقنا علي ما سبق
اجبت لك بما سألت
تحياتي لشخصك الكريم

[eng_volto]

انا معرفش حضرتك اكبر مني و لا اصغر
بس هاتعتبرني مثل اخيك الصغير و نتناقش بهدوء

و نطرح الرؤي بوضوح دون تحيز او اتهام - التزم بالامر الاخير من طرفي خاصة اني لا اعرف عن محدثي شيئا لأتهمه-
اذا اتفقنا علي ما سبق
اجبت لك بما سألت
تحياتي لشخصك الكريم

مصطفى 21 سنه
مفيش تحيز ولا اتهام ان شاء الله
يريت حضرتك تفهمى

[otefa]

شوفوا علي المصرية بيناقشوا البدائل الدستورية للأزمة

[dr-mohamed]

كلام ليس له أساس من الصحة الناس بدأت تهدأ وتشوف الحقيقة أن الثورة حققت ماقامت من أجله ولن تحقق أفضل من كده مهما أستمرت
مش النهاردة المفروض مليونية برده!!!!!!!!!!...............لا لا لا للمظاهرات
ربنا يهدي لما فيه الخير

لا هتحقق
خراب البلد اكتر واكتر

هي مؤامرة بعقل ؟
مؤامرة اسمها اضغط عليهم بحظر التجوال عشان الناس تطق
و اديهم اكاذيب لما يغرقوا عشان الناس تتلخبط فتطق اكتر

يا استاذ مبقاش الحظر بس
الحظر اترفع اصبح من 7 مساء ل 6 صباحا
دلوقت البهوات اللى في التحرير بيقولوا هننقل التظاهر ونبقي في كل الميادين

اللي بتطلبه دلوقت هو نفس الكلام اللي الطغاة بيطلبوه , لو عايز تحقق لهم اللي هما عايزينه نفذ اللي بيطلبوه منك ايا كانت نيتك :)

يعني يا اما الناس تتفق معاك وتسلم بكل اللى بتقوله يا اما يبقوا بيرددوا كلام الطغاة
منتهي الطغيان بالراي المختلف

لو تعرف اي حاجة عن ميدان التحرير كنت شفت الاعداد الرهيبة اللي كانت هناك النهارده ما كنتش قلت كده
و لو مسكت خطاب مبارك بالهداوة و قريته برده ما كنتش قلت كده :)

الاعداد مكانتش مليون ولا كام مليون زي ما الناس بتروج احد الزملاء هنا مهندس وعمل تحليل هندسي واثبت ان العدد ل ومفيش سم فاضي في الميدان مش هيزيد عن 200 الف
متهيالي فيه 80 مليون كمان منهم على الاقل 40 ميون ضد التظاهر تاني
مش هنعملها مسلسل يوم الاحد والثلاثاء والجمعة

كلامك بخصوص الناس اللي مش لاقية تاكل صحيح
بس المظاهرات مالهاش دعوة بحظر التجول , حظر التجول هو اللي عامله عشان الناس دي فعلا تتزنق كده و تقوم زي ما بتقول على المتظاهرين , هو بيعمل فتن بين الناس زي ما فرعون كان بيعمل بالظبط

راجع كلامي عن كلام البهوات في التحرير عن استمرار التظاهر ولو البلد رجعت لحياتها الطبيعية ويفضلوا هما في الميدان قال لا هنقف في كل الميادين ونتظاهر

بخصوص التلميح اياه , اه انا مأجور و باخد وجبات كوك دور لأني مفاطع كنتاكي و عصير بيست لأني مقاطع بيبسي

وانا كمان ماجور بس مش لاقي حد يبعت لي اي حاجة

أنا شايف ان المشكله انك صعب تأمن وتثق في وعود نظام عصابات المافيا الذي قاده مبارك 30 سنه ويريد ان يستمر بزعم الاستقرار

عندك حق لكن البديل ان المظاهرات تستمر والبلد تتخنق اكتر ؟
الناس قربت تتقلب نهائي على المظاهرات والمتظاهرين مش حبا في مبارك ولكن رغبة في الحياة
ومبارك لن يستمر بعد نوفمبر هو اعلنها والنائب اعلنها ورئس الوزراء اعلنها مطلوب ايه تاني

مش عارف له عندي احساس جامد
ان هيحصل في مصر اكبر عملية قرطسة في التاريخ...

حصلت خلاص يا باشا
دلوقتى بتتنفذ بس

ممكن سوال اعزرونى
هو المظاهرات الان بتطلب بايه
برحيل مبارك حالا ....
ولا فى بدايل اخرى .... هى ايه
ولو افترضنا انه رحل .... ايه المرحله القادمه ... ياريت بلتفاصيل
عايز حد يجاوبنى ..ويطمنى على مستقبل مصر

لا يا بيه
ده اصبح الحد الادني لمطالبهم دلوقت
بعده رحيل النظام كله ممثل في النائب ورئيس الوزارة والوزارة وحل مجلس الشعب والشوري وتشكيل حكومة اءتلافية من غير ما يحددوا مين اللى هيشكلها وبعد ده كله هايقعدوا مع بعض ويحددوا عايزين ايه تاني علشان ينهوا التظاهر في ميدان التحرير
مستقبل مصر عليه العوض ومنه العوض

دكتور زيزوووووووووووووو
كعادتك تحليلك رائع

و الله يا دكتور انا بقى لي اسبوع كل ما ادخل النت الاقي نفسي قاعد افند في اكاذيب لما جت لي تخمة :)))))))))))

هو اي حد بيقول راي مخالف دلوقت بقة بيقول اكاذيب وعميل للحزب الوطني ولا الامن ؟
مش ملاحظين انكم بقيتوا تتهموا الناس بنفس الطريقة اللى الحكومة كانت بتتهم بيها معارضينها بانهم فئة مندسة

[ashouhdy]

الموضوع دلوقتى مش مبقاش مظاهرات و حظر وبتاع

الموضوع أزمة ثقة من الطرفين .... الطرفين مخونين بعض

[otefa]

الموضوع دلوقتى مش مبقاش مظاهرات و حظر وبتاع

الموضوع أزمة ثقة من الطرفين .... الطرفين مخونين بعض

أتفرج بس ياباشا علي المصرية نقاش بناء أيجابي

[أبو عبدالله]

مش عارف له عندي احساس جامد
ان هيحصل في مصر اكبر عملية قرطسة في التاريخ...

بالظبط كده
وبعد ما بقى الشباب هما اللي شباب
هتبقى الحكومة هيا الأبطال

حضرتك غلطان

لانوا مش احساس دى حقيقة

و مش هيحصل دا تقريبا حصل

انا خايف اقول كده

حمدا لله علي سلامتك يا بشمهندس

و اعذر الناس
فالخوف و الجوع و قلة الاموال لدي الكثير
عطل العقول
خاصة مع توالي الشائعات و المعلومات المغلوطة من كل جانب عن عمد
حرب نفسية علي اعلي المستويات تدار من قبل اجهزة سيادية منذ مساء الجمعة بلغت ذروتها بعد خطاب الثلاثاء
مستلهمة تجارب سابقة لدول اخري
و الناس اعتادوا الركون للاستقرار و لم يكن كثير منهم حديثي عهد بالحروب التي كانت تستخدم فيها الحروب النفسية من العدو
و تقابل بالحرب النفسية المضادة لتأمين الجبهة الداخلية ضد العدو
و بظني هي المرة الاولي التي تستخدم هذه الحرب بكثافة من مصريين ضد مصريين

المبادئ واضحة و لا تتجزئ
و الفكر لا يدحضه الا فكر بالحجة و البرهان
الافكار المعلبة الجاهزة عن ان الاخر حزب وطني - بلطجي - حماس و ايران و امريكيين و عملاء للصهاينة
هذا لمن لا يريد اعمال عقله و يركن الي الافكار المعلبة

مرة اخري حمدا علي سلامتك و ليس لنا في هذه اللحظة الا الدعاء
------

بلاغ الي الله

معتز بالله عبدالفتاح

يا رب لا ملجأ منهم إلا إليك. يا رب عجزنا عن الذود عن أنفسنا.

اللهم إنا نشكو إليك ضعف قوتنا وقلة حيلتنا، يا رب المستضعفين إن أهل مصر مستضعفون. اللهم إنك وصفت نفسك بأنك الجبار وها أنت ترى الجبار العنيد يتجبر فى الأرض وينشر فيها الفساد والطغيان، اللهم إنك قلت وقولك الحق: «وخاب كل جبار عنيد» اللهم عليك بكل جبار عنيد. اللهم أرنا فيهم آية يا رب.

اللهم إنك قلت وقولك الحق: «فقطع دابر القوم الذى ظلموا والحمد لله رب العالمين». اللهم اقطع دابر كل ظالم جبار متكبر عنيد، أنقذنا يا رب. أنقذ شبابنا من فرعون وهامان وجنودهما.

يا رب إنك قلت وقولك الحق: «إن فرعون علا فى الأرض وجعل أهلها شيعا يستضعف طائفة منهم يذبح أبناءهم ويستحيى نساءهم إنه كان من المفسدين». لقد تحالف المفسدون ضد شبابنا اللهم أنقذنا من المفسدين. إن فرعون وهامان وجنودهما كانوا خاطئين، اللهم لا تتركنا نهبا للخاطئين.

يا رب لقد جاءوا شبابنا من فوقهم ومن أسفل منهم وزاغت الأبصار وبلغت القلوب الحناجر، اللهم أرسل عليهم ريحا وجنودا لا يرونها وانصر شبابنا نصرا عزيزا.

اللهم إنا نجعلك فى نحورهم ونعوذ بك من شرورهم ومن شر كل من يريد بأهل مصر شرا.

اللهم أنقذ مصر من فرعون إنه كان عاليا من المسرفين.

اللهم إنك أبلغتنا أن من قتل نفسا بغير نفس أو فساد فى الأرض، فكأنما قتل الناس جميعا. يا رب إنى أبلغك أن عبادك قد قتلوا بغير نفس أو فساد فى الأرض.

اللهم عليك بكل من قتل أو أمر بالقتل أو سكت على القتل أو برر القتل أو تواطأ على القتل. اللهم أرنا فيهم جميعا آية تشفى بها صدورنا وتذهب بها غيظ قلوبنا.

يا رب إنك قلت وقولك الحق: «وكرمنا بنى آدم» يا رب إنهم يقتلون شبابا عزلا ما خرجوا إلا بحثا عن تكريمك لهم ورفضهم أن يكونوا مهانين فى أرضك التى جعلت لهم.

يا رب لا تجعل مصر كنانتك التى يدخلها الناس آمنين ساحة يقتل فيها المفسدون المصلحين.

يا رب إن دماءنا رخيصة رخيصة جدا جدا عند فرعون ورجاله، يا رب لكننا أعزاء عندك لأنك أنت الذى خلقتنا ووهبت لنا نعمة الحياة وحب الكرامة والأمل فى غد أفضل.

يا رب عجزنا عجزنا عجزنا. يا رب هذا بلاغ.

ربنا يفتح عليك

[تامر.محمد]

هو اي حد بيقول راي مخالف دلوقت بقة بيقول اكاذيب وعميل للحزب الوطني ولا الامن ؟
مش ملاحظين انكم بقيتوا تتهموا الناس بنفس الطريقة اللى الحكومة كانت بتتهم بيها معارضينها بانهم فئة مندسة

رجاء لا داعي لتقويلي اللي ما قلتوش
انا قلت ان اللي بيقول نفس الكلام اللي بيقولوه الطغاة ياخد باله لأنه مهما كانت نيته هو بيقول نفس اللي هما بيقولوه بالظبط , و اللي بينفذ طلبات الطغاة بينفذ طلباتهم برده ايا كانت نيته
:)

دعني انقل اليك ما كتبته

مش ملاحظين انكم بقيتوا تتهموا الناس بنفس الطريقة اللى الحكومة كانت بتتهم بيها معارضينها بانهم فئة مندسة

الموضوع دلوقتى مش مبقاش مظاهرات و حظر وبتاع
الموضوع أزمة ثقة من الطرفين .... الطرفين مخونين بعض

بص هو انا شخصيا مش مخون حد معين
فيه حاجة اسمها اللجنة الاكترونية ولا الامانة الالكترونية في الحزب الوطني و دي معروف من فترة قريبة انها اتعملت للترويج للنظام و مهاجمة اي صورة للمعارضة
دي حقيقة موجودة و اللي مش عايز يصدق وجودها هو حر
و فيه ناس للأسف اتخدعت
و فيه ناس عايزة تعيش زي ما كانت عايشة و خلاص , مخدوعين بس بمزاجهم

[ashouhdy]

مش ملاحظين الكارثة اللى بتحصل

الحرب النفسية الرهيبة

دلوقتى الشارع كلة تدريجيا بقى بيؤيد الحكومة و بيدعولها اذاى يفركشوا شوية العيال اللى فى التحرير

خلاص بقت الحكومة البطل والشباب هم المخربين و المفسدين

لاااااااااا والنبى وعوا الناس على قد ماتقدروا

هنا الناس مثقفة و واعية لكن فى الشارع لأ

ارجوكم متفسدوش الثورة ....

.................................................. .............................................

ومن ناحية شباب التحرير انا كان اخر دعمى جمعة الرحيل او الخلاص او وات ايفر

طالما مجبتش نتيجة خلاص يبقى فاعلية التظاهر بقت فشنك ... نتجمع بقى ونعمل حزب او متحدث رسمى بأسمنا

لكن نحافظ على انجاز الثورة

والله والله الناس فى الشارع بتدعى عليهم وبقم واحدة واحدة بيؤيدوا الحكومة

اللهم بلغت اللهم فأشهد

[ashouhdy]

والجرايد اشتغلت

[Dr Zezo]

اهلا يا باشمهندس مصطفي

عمرك - اطال الله فيه و ملئه بركة و عطاء للدين و الامة - 21عاما

اي ان مبارك كان قد اتم حوالي العشر سنوات حينما جئت الي الدنيا

انظر يا اخي الشاب

مصر قبل 25 يناير 2011 لديها مشكلة كبيرة تتفاقم يوما بعد يوم - من لا يراها او ينكرها اظن انه بحاجة الي ما هو اكثر من نقاش علي الانترنت كي يقتنع -
مشكلة تبدو عويصة و بسيطة

رجل "افتراضي "وثب الي الحكم بالصدفة و يقال بالمؤامرة - لا مجال للتحقيق في الامر الان ربما فيما بعد -

يفتقر الي الطموح و الرؤية
اقرب الي موظف روتيني مكتبي لا رجل طموح يقود امة

لأن الرجل -الافتراضي الذي نتحدث عنه - يحكم بلا شرعية من شعبه
وجب عليه ان يستمد شرعيته من الخارج
من القوي الكبري في المنطقة - اسرائيل -
و القوي الكبري في العالم - امريكا -
صار تابعا و تحولت معه امة كانت كنانة الله - و الكنانة يا اخي الصغير الشاب هي الجعبة التي توضع فيها السهام -
اي ان امتنا مصدر للسلاح و المدد لبلاد الله و خلق الله

امدوا الرجل بكل ما يثبت دعائم حكمه و يغيب به شعبه

الا ان شبابا اخي الحبيب من نفس جيلك
اتيحت لهم القدرة - و بشكل لم يتح لاباءهم و اجدادهم - ان يتواصلوا مع العالم بفضل تكنولوجيا الغرب
علموا ان هناك حياة و مستقبلا افضل يمكن ان ينعموا به و يأمنوه لابناءهم من بعدهم

هؤلاء يا صديقي هم شباب المنتديات و الفيس بوك - الذين طالما هزأ الجميع بهم كما هزأوا بمن هم مثلك يا قرة عين مصر - و ظنوا انه لا يخرج من بينهم من يرفع صوته بقول لا للظلم و الطغيان

جاء يوم الثلاثاء 25 يناير ليتوافد الناس علي الميادين مذهلون بكثرتهم
ما ظنوا ان فيهم العزة و الكرامة
و قد بح صوتي - اخي الحبيب علي صفحات هذا المنتدي منذ ان خططت فيه منذ سنوات لا اذكرها الان انهم موجودين و ان من يحاول ايهامكم بأن العزة و الشجاعة ليست من صفاتكم هو كاذب فاجر

كانت مطالب الناس واضحة

الشعب يريد اسقاط النظام

هم بفطرتهم ادركوا ذلك
ادركوا ان المشكلة ليست في شخص بل في نظام افسد البلاد و العباد

من خرج هم من مثلي و مثلك في نفس طبقتنا
مستورين

هكذا يا اخي تبدأ الثورات
من الطبقات المدركة للظلم الواقع علي شعبها
من الطبقات التي يكون ايلام كرامتها مثل تجويعها

يلتحق بهؤلاء فيما بعد الطبقات الفقيرة المعدمة
الذين يرون و يدركون بالفطرة عدالة ما تقوله الفئة الاولي

انت الان تري ان من خرج ممن يطلق عليهم النظام شباب مصر" الواعي " الذي خرج في 25 يناير

هل حقق لهم مطلبهم ؟

اخي ربما لم تعش ثورة سابقة مثلي

و ربما لم تقرأ عن ثورات

لكني قرأت

و ما قرأته و اعلمه
انه لا توجد ثورة تتفاوض مع نظام

الثورات تملي شروطها

اخي الحبيب لو كان الموضوع مجرد اصلاح سيجدي
لما احتاج الامر لثورة يقتل و يجرح فيها الناس
فالاصلاحات لا تحتاج الي تلك التضحيات

المطالب واضحة جدا

اسقاط النظام " شعار 25 يناير ",, هل حدث؟

حل المجالس النيابية المزورة " الشعب و الشوري "

عقد لجنة من حكماء و فقهاء في الشريعة و الدساتير و القوانين لكتابة دستور جديد يجعلنا ننعم بحريتنا و ثروات بلادنا

و يا اخي الدستور كتاب به قوانين ليس كتاب الله - و العياذ بالله و لا صحيح البخاري حتي نقول انه لا يجوز تعديله

ينشئ دستور جديد و تطرح مواده للاستفتاء الشعبي - كما كان يحدث قبل التعديلات الدستورية الاخيرة عام 2005 ام اننا نسينا ؟!

تفويض قيادة من الحكماء من المشهود لهم و يكونوا ثلاثة ليراقبوا اعمال الحكومة في فترة انتقالية يضمن فيها الجيش المصري الانتقال الامن و السلس للسلطة بحيث لا يثب احد علي السلطة فينتزعها او يخل بالشروط السابقة

اخي الشاب اننا لا نريد ازاحة رجل ليأتي رجل
و لا اريد منك ان تسألني بتحب عمرو موسي و لا البرادعي
اريدك ان تسأل و نفسك و من حولك عن ماهية النظام و الالية التي سنضعها كمصريين كي نسير ادارة الحكم فيما بعد
بحيث ان اضمن لك و تضمن لي انه اذا جاء احد و اساء نخرج سويا الي صندوق شفاف لنزيح من لا نريد لا لنخرج في مظاهرات انا و انت فأموت انا و تعود انت كاسف البال حزينا
ما سبق ليس ابتكارا بل امور حدثت في دول عديدة

ما يجول بذهني الان هو البرتغال كمثال

هل مصر تختلف؟

لا و الله

لكن البعض لم يفهم الدرس و يحاول الالتفاف عليه

و ليس لنا الا الله كي يزيح عنا ما ابتلانا به من ولاة قساة القلوب دهاة في التفكير و التدبير
و ليس لنا الا الله نلجأ اليه نستغيث به ان يرحمنا و يلهمنا الصبر و الثبات
اسئل عن ما يجول ببالك
و اجيبك عنه في حدود ما اعلم
و الله شهيدي

[dr-mohamed]

مش ملاحظين الكارثة اللى بتحصل
الحرب النفسية الرهيبة
دلوقتى الشارع كلة تدريجيا بقى بيؤيد الحكومة و بيدعولها اذاى يفركشوا شوية العيال اللى فى التحرير
خلاص بقت الحكومة البطل والشباب هم المخربين و المفسدين
لاااااااااا والنبى وعوا الناس على قد ماتقدروا
هنا الناس مثقفة و واعية لكن فى الشارع لأ
ارجوكم متفسدوش الثورة ....
.................................................. ............................................
ومن ناحية شباب التحرير انا كان اخر دعمى جمعة الرحيل او الخلاص او وات ايفر
طالما مجبتش نتيجة خلاص يبقى فاعلية التظاهر بقت فشنك ... نتجمع بقى ونعمل حزب او متحدث رسمى بأسمنا
لكن نحافظ على انجاز الثورة
والله والله الناس فى الشارع بتدعى عليهم وبقم واحدة واحدة بيؤيدوا الحكومة
اللهم بلغت اللهم فأشهد

هو ده اللى بقوله يا شهدي
ومن غير حرب نفسية ولا حاجة الناس العادية المتضررة من استمرار التظاهر اتخنقت ومش الناس العادية بس حتي الناس الفاهمة لكن اعمالها متعطلة اتخنقوا بشكل رهيب ضد المظاهرات والمتظاهرين والحرية والديمقراطية ناس كتير بتقابلني دلوقت وتقولي شفت اللى كنت بتقول عليه ديمكراتية اهي خربت بيتنا حسبونا الله ونعم الوكيل في العيال ال....... والمتفقين اللى خربوا البلد
الناس قربت تطالب برجوع مبارك رئيس مدي الحياة يا شهدي من الخنقة اللى هما فيها
واللى بيجننهم اكتر انهم شايفين المتظاهرين بتوع التحرير هما الشباب الل ىبيطلعوا في القنوات الخاصة وبيقولوا عليهم شوية عيال صيع عواطلية ولو عندهم شغلانة كانوا اتنيلوا روحوا
وكلما الشباب بتوع التحرير بيتنفذ لهم طلب بيطلبوا حاجة تانية
والدتي الله يديها الصحة مالهاش في السياسة نهائي ولما عرفوا اني نزلت المظاهرات هاجمتني بشدة
دلوقت بتقولي شفت الدلع المرئ اللى العيال دي فيه بحاول اقنعها بس طبعا مفيش وناس كتير جدا زيها دلوقت
الاستمرار في التظاهر هيضيع كل المكاسب ومحدش يقولي ان الاستمرار هايحقق مكاسب لان مفيش اي حاجة هاتتحقق بعد اللى اتقدم وعمر سليمان واحمد شفيق قالوها نهائية ان الرئيس باقي لاسباب تشريعية يعني مش هايمشي فورا زي ما بتوع التحرير عايزين

[تامر.محمد]

مش ملاحظين الكارثة اللى بتحصل
الحرب النفسية الرهيبة
دلوقتى الشارع كلة تدريجيا بقى بيؤيد الحكومة و بيدعولها اذاى يفركشوا شوية العيال اللى فى التحرير
خلاص بقت الحكومة البطل والشباب هم المخربين و المفسدين
لاااااااااا والنبى وعوا الناس على قد ماتقدروا
هنا الناس مثقفة و واعية لكن فى الشارع لأ
ارجوكم متفسدوش الثورة ....
.................................................. .............................................
ومن ناحية شباب التحرير انا كان اخر دعمى جمعة الرحيل او الخلاص او وات ايفر
طالما مجبتش نتيجة خلاص يبقى فاعلية التظاهر بقت فشنك ... نتجمع بقى ونعمل حزب او متحدث رسمى بأسمنا
لكن نحافظ على انجاز الثورة
والله والله الناس فى الشارع بتدعى عليهم وبقم واحدة واحدة بيؤيدوا الحكومة
اللهم بلغت اللهم فأشهد

كلامك صحيح يا شهدي , بس على فكرة , الحرب النفسية شغالة على النت و هنا و في الشارع و في التليفزيون و في كل مكان
حتة نوعي الشباب , الواحد بيحاول و يا ريت الكل يحاول

حتة دعمك
بص انت حر تدعم ازاي , بس حتة حزب دي مش نافعة
الحاجة الوحيدة اللي نجحت في هزهم هي التظاهرات الكبيرة , اما حزب او حركة
فجربوها و ما نجحتش لوحدها او اقول ان مجرد وجودها لوحده مش كفاية
ستة ابريل و كفاية و الجمعية الوطنية للتغير و حزب الجبهة و حزب الغد و حزب الكرامة و الاخوان , شفت قائمة طويلة ازاي ؟

انا معاك ان الثورة يجب تطورها , لكن ده مش بحزب ولا حركة

[ahmed1981]

الجرايد هتبدأ تستفز الناس
لعنة الله على الكاذبين

لكن سيرد الله كيدهم في نحورهم

[Dr Zezo]

د احمد الجرائد و وسائل الاعلام تؤكد صدق ما نتوقعه

لن يرحل احد يا سيدي

هذه ليست بوادير رحيل
ربما سنرحل نحن اما الي العالم الاخر حيث عدالة الخالق و اما الي خارج بلادنا اذلة
الرئيس اليمني فعلها من قبل في 2009 و خرجت الجماهير " المملينة " للشوارع تطالبه بالبقاء فعدل عن رأيه

بعد الالحاح الجماهيري

فعلها يلتسن في روسيا اعوام 1991 و 1993
و في العام الاخير 1993 داهم بدبابات جيشه مبني البرلمان الذي كان يضم معارضيه في مذبحة دموية لا مثيل لها

الناس تحسن الظن بالشرفاء

اما ان تحسن الظن بالطغاة و تعتمد علي وعودهم و كلمتهم

فهذا لا استطيع فهمه ابدا
ماذا اقول ؟
هل اقول انه بعد حادثة الاغتيال الجلل - و يشبه في تأثيره ما يحدث الان - ان البعض قال
ان الكفن ملوش جيوب
و اتضح ان له جيوب و عروش و كروش
ام اقول انني سأظل فترتين رئاسيتين فقط
ثم اظل بها الي اخر نفس في صدري كما اعلن في مجلس الشعب منذ سنوات
لنا الله