ردا على القول القائل ان المطالب ارتفع سقفها بعد 25 يناير

[A.Saad]

2- حكومة الوفاق ما اعتقدش ان المقصود بيها حكومة من كل الحزاب ، اصلا لو عملنا كدة كل شهر هتغيرها لان الاحزاب بتطلع كتير ، والاسم وفاق يعنى اتفاق عليها مش ائتلاف
3- الانتخابات : معتقدش ان اللى بيحصل بيساعد عليها ، وبعض الاحزاب برده بتطلب تأجيلها
4- دى بصراحة بسمعها كتير ومش لاقى تأكيد ليها ، طبعا ده يكون سجين رأى معبر عن رأيه بصراحة دون تحريض او عنف وياريت يا أ/تامر لو تعرف وقائع تزودنى بيها بجد مش هزار ولا نفى لكلامك
5- فيه فرق بين البراءة وبين الافراج المؤقت ،
6- ماعتقدش الظروف مواتية لالغائه ، لان انت شايف اعداء الخارج اكتر من اى وقت
9- لا تعليف على موضوع ان الموازنة مش قى صالح الفقير لان معنديش عنها معلومات كافية ، لكن الغاء قوانين الضرائب السنة دى مستحيل ، اصلا هما بيزودوا فيها
10- عدم استقلال القضاء يكون بابعاد وزير العدل عنه ، نقطة احترام الاحكام دى من الشعب والمتظاهرين المرة دى الحكومة برة خالص
12- موضوع الحد الادنى لو اتطبق مرة واحدة اعرف ان ضرره اكبر من نفعه
اولا : هيؤدى لتضحم حاد بسبب جشع التجار
ثانيا : تسريح للعاملين فى القطاع الخاص
المفروض يطبق تدريجى
13- دى برده من الشعب ، اغلب التجار دلوقت قطاع خاص وفيه رفع للاسعار دون زيادة فى التكلفة

[human]

انا نزلت يوم 28 و اهم مطلب ليا و لكل الناس اللى شفتهم هو رحيل مبارك
من اول يسقط لغاية ارحل
انا و غيرى كتير كنا بنهتف كده
لما قعدنا فى الميدان مافيش اى حد قال نسيب الا لما يمشى
ده اللى مش محتاج تفكير
هو احنا بنلف و ندور ليه و لا بنلوى الحقايق ليه

اللى مقالش ولا مكتبش ان مبارك يرحل قبل 28 كان خايف طبعا
و اللى كان عايز يشوف كان يشوف سلم نقابة الصحفيين و ازاى الناس اتسحلت

ده الناس اتسحلت و هى بتقول تغيير!! طيب تغيير ده تغيير ايه؟؟ حفاضات مثلا
و حركه كفايه - كفايه ايه؟؟؟؟
مطلب اساسى هو رحيل الريس مانفعش يبقى كلام رسمى الا لما قدرنا نضغط و فى موضع قوة


حلو اوى كل واحد قاعد مدفى نفسه و عمال يشكك و عمال ينقد اللى لا شافوا ولا عرفوا

مين اللى بيقول ان رحيل مبارك مش مطلب؟؟!!!!!

[رزق]

أستاذ سعد ياريت توضيح لرقم 12

ولا قصدك عشان مفيش إنتاج؟

[Amr Axel]

للاسف الكلام ده غير صحيح المطالب كانت محدودة مش كل اللي شايفينه ده
و هي الآتي :
تغيير الحكومة و خاصة وزير الداخلية
حل مجلس الشعب و الشوري
تعديل لمواد الدستور المعيبة ( اللي بعد كده قالك مش عايزين الدستور كله يبقي ازاي سقف المطالب مرتفعش ؟؟؟ )
الغاء قانون الطوارئ
و اطلاح سراح المعتقلين السياسيين
حرية و عدالة اجتماعية
و حد ادني للأجور

هم دول اللي بدأت بيهم و كلنا شوفنها سواء اول ما اتبعتت الدعوات او ع اليفط مكتوبة
و بعدها بقي جت باقي المطالب زي تنحي مبارك و بتوع الاعتصامات و المطالب الفئوية طلعوا بعدهم ( ملهمش نفس يعني ) و خربت الدنيا و كل واحد بقي يفتي و يقول اللي يعجبه و يطلب اللي هو عايزه

[A.Saad]

أستاذ سعد ياريت توضيح لرقم 12

ولا قصدك عشان مفيش إنتاج؟

التوضيح مش انا اللى اقدمه
الموضصوع لو خدت بالك قديم وتم رفعه
للمقارنة بين المطالب الحالية والسابقة
وحد ادنى يعنى اقل اجر يدفع 1200
يعنى لو جبت بواب تديله 1200
لو جبت سايس
تديله 1200
طبعا اما تدى الفئات الوظيفية الدنيا او العاملين الجدد 1200
هترفع القديم
الوضع تطبيقه مرة واحدة هيسبب موجة تضخم عالية جدا وممكن يؤدى لانهيار العملة كمان

[human]

للاسف الكلام ده غير صحيح المطالب كانت محدودة مش كل اللي شايفينه ده
و هي الآتي :
تغيير الحكومة و خاصة وزير الداخلية
حل مجلس الشعب و الشوري
تعديل لمواد الدستور المعيبة ( اللي بعد كده قالك مش عايزين الدستور كله يبقي ازاي سقف المطالب مرتفعش ؟؟؟ )
الغاء قانون الطوارئ
و اطلاح سراح المعتقلين السياسيين
حرية و عدالة اجتماعية
و حد ادني للأجور

هم دول اللي بدأت بيهم و كلنا شوفنها سواء اول ما اتبعتت الدعوات او ع اليفط مكتوبة
و بعدها بقي جت باقي المطالب زي تنحي مبارك و بتوع الاعتصامات و المطالب الفئوية طلعوا بعدهم ( ملهمش نفس يعني ) و خربت الدنيا و كل واحد بقي يفتي و يقول اللي يعجبه و يطلب اللي هو عايزه

ده اللى الناس قدرت تكتبه
عشان كان فيه وحش اسمه امن الدوله لو تفتكره

[تامر.محمد]

أعداد لجنة من الشرفاء هههههههه
معظمهم طلع مش شرفاء على سبيل المثال يحي الجمل ودي أهم ميزة للثورة ورتنا الوجوه الحقيقية لناس كانو عاملين فيها ملايكة علينا

احم
معظم مين ؟؟؟؟؟؟؟؟؟
ما اللجنة ما اتشكلتش لأن الدستور اتأجل !!

2- حكومة الوفاق ما اعتقدش ان المقصود بيها حكومة من كل الحزاب ، اصلا لو عملنا كدة كل شهر هتغيرها لان الاحزاب بتطلع كتير ، والاسم وفاق يعنى اتفاق عليها مش ائتلاف (شايف الناس متفقين ازاي على حكومة الحزب الوطني الحالية ؟ :)))))))))) )
3- الانتخابات : معتقدش ان اللى بيحصل بيساعد عليها ، وبعض الاحزاب برده بتطلب تأجيلها (كده كده معادها ماجاش , و ايا كان اللي بيحصل , افعال المجلس مش افعال حد ماشي كمان شهرين , بس اللي يفكر بدون ثقة شوية)
4- دى بصراحة بسمعها كتير ومش لاقى تأكيد ليها ، طبعا ده يكون سجين رأى معبر عن رأيه بصراحة دون تحريض او عنف وياريت يا أ/تامر لو تعرف وقائع تزودنى بيها بجد مش هزار ولا نفى لكلامك (انا شفت تقارير كتير , احاول اجيبها لك حاضر, بالمناسبة كلمة تحريض دي كلمة مطاطة اوي)
5- فيه فرق بين البراءة وبين الافراج المؤقت ، (سوزان خدت براءة فعلا, و فيه اسمين كمان مش فاكرهم , و بالمناسبة الافراج المؤقت في اغلب القضايا دي بيبقى مقدمة للبراءة على حد علمي)
6- ماعتقدش الظروف مواتية لالغائه ، لان انت شايف اعداء الخارج اكتر من اى وقت (واقعيا هو معمول عشان اعداء الداخل , و هو احد اسباب فساد الداخلية)
9- لا تعليف على موضوع ان الموازنة مش قى صالح الفقير لان معنديش عنها معلومات كافية ، لكن الغاء قوانين الضرائب السنة دى مستحيل ، اصلا هما بيزودوا فيها (معاك , بس زودوها على الفقرا بس , حتى دعم الطاقة لرجال الاعمال اللي بيكسبوا و يحطوا في جيوبهم شغال عادي جدا)
10- عدم استقلال القضاء يكون بابعاد وزير العدل عنه ، نقطة احترام الاحكام دى من الشعب والمتظاهرين المرة دى الحكومة برة خالص (في القلب يا باشا , ما تيجي نسأل عبد السلام جمعة, و افكرك تاني بوكلاء النيابة اللي اتصدموا)
12- موضوع الحد الادنى لو اتطبق مرة واحدة اعرف ان ضرره اكبر من نفعه
اولا : هيؤدى لتضحم حاد بسبب جشع التجار
ثانيا : تسريح للعاملين فى القطاع الخاص
المفروض يطبق تدريجى
(معلومتي انا , انه لو اتطبق و معاه حد اقصى و ظبط اسعار هايبقى نفعه كبير جدا , شريحة واسعة هايبقى معاها فلوس و هاتصرف و صباح الرواج التجاري, بخصوص مسألة تسريح العاملين , فانا عن نفسي ما بحثتش فيها , بس اظن مع الرواج التجاري كل رب عمل هايعين ناس برده , ثم بلاش دي , حط نفسك مكان الفقير اللي مرتبه قليل , كان هايبقى ده رأيك ؟)
13- دى برده من الشعب ، اغلب التجار دلوقت قطاع خاص وفيه رفع للاسعار دون زيادة فى التكلفة
(و الحكومة لازمتها ايه ؟ ما هي الحكومة لازمتها منع جور فئة من الشعب على اخرى)

للاسف الكلام ده غير صحيح المطالب كانت محدودة مش كل اللي شايفينه ده
و هي الآتي :
تغيير الحكومة و خاصة وزير الداخلية
حل مجلس الشعب و الشوري
تعديل لمواد الدستور المعيبة ( اللي بعد كده قالك مش عايزين الدستور كله يبقي ازاي سقف المطالب مرتفعش ؟؟؟ )
الغاء قانون الطوارئ
و اطلاح سراح المعتقلين السياسيين
حرية و عدالة اجتماعية
و حد ادني للأجور

هم دول اللي بدأت بيهم و كلنا شوفنها سواء اول ما اتبعتت الدعوات او ع اليفط مكتوبة
و بعدها بقي جت باقي المطالب زي تنحي مبارك و بتوع الاعتصامات و المطالب الفئوية طلعوا بعدهم ( ملهمش نفس يعني ) و خربت الدنيا و كل واحد بقي يفتي و يقول اللي يعجبه و يطلب اللي هو عايزه

يا باشا شوف التاريخ , و الفيس بوك ما بيكدبش , و على فكرة انا معارضك في باقي الكلام , انا مش مع اي حد بيستهبل , بس نفسي نحس بالفقرا شوية :(

[Amr Axel]

ده اللى الناس قدرت تكتبه
عشان كان فيه وحش اسمه امن الدوله لو تفتكره

لا يا ريس مش صحيح
لو حضرتك كنت نزلت التحرير كنت هتلاقي الكلام ده بس و قدامك ع اليفط و الدعوات اللي كانت مالية الدنيا
و كمان سؤال
يعني هم طلبوا من اول يوم تغيير الدستور كله فجت امن الدولة قالت لأ خلوها الـ6 مواد بس ؟؟؟
اكيد لأ

[Amr Axel]

يا باشا شوف التاريخ , و الفيس بوك ما بيكدبش , و على فكرة انا معارضك في باقي الكلام , انا مش مع اي حد بيستهبل , بس نفسي نحس بالفقرا شوية :(

يا ريس لو قولتلك مش هتصدق ايه رأيك اني شوفت بتاريخ 25 يناير بيطالبوا بمحاكمة قتلي جميع الشهداء بتوع الثورة تصدق ديه ؟
ثانيا : انا قولتلك اللي شوفته و الدعوات اللي جتلي انا و كل زمايلي و اصحابي ده غير القايمة اللي كانت مكتوبة ع اليفط فيها اللي قولتلك عليه

و ثانيا : كلام ايه اللي معارضني فيه

و اكيد اي حد بيستهبل احنا مش معاه بس ده احنا كده هنبقي مش مع ناس كتيييييييير هههههه

و ايه اللي دخل الفقرا دلوقتي في موضوعنا ؟؟؟

[تامر.محمد]

يا ريس لو قولتلك مش هتصدق ايه رأيك اني شوفت بتاريخ 25 يناير بيطالبوا بمحاكمة قتلي جميع الشهداء بتوع الثورة تصدق ديه ؟

لا بصراحة مش هاصدق , اديني اللينك بتاعها :)))

ثانيا : انا قولتلك اللي شوفته و الدعوات اللي جتلي انا و كل زمايلي و اصحابي ده غير القايمة اللي كانت مكتوبة ع اليفط فيها اللي قولتلك عليه
تمام و انا كمان باقول لك اللي انا شفته من اول يوم فعلا

و ثانيا : كلام ايه اللي معارضني فيه

و اكيد اي حد بيستهبل احنا مش معاه بس ده احنا كده هنبقي مش مع ناس كتيييييييير هههههه
ههههههههه, دي اكيدة

و ايه اللي دخل الفقرا دلوقتي في موضوعنا ؟؟؟
ما قيل عنها زورا و تشويها المطالب الفئوية (باتكلم عن المشروع منها ) دي كانت مطالب عادلة و احنا اتضحك علينا واتصور لنا انها مش وقتها , و للأسف اتخدعنا في ده

[Amr Axel]

لا يا ريس كده انت مخدتش بالك من قصدي
لأن فعلا فئوية لكن مقصدش اللي بيطالب بزيادة اجره لأن اجره 300-400 جنيه
انا بتكلم زي الناس اللي بياخدوا الافات 4-5 الاف جنيه و عامل اعتصام و مظاهرة عشان فيه واحد اصغر منه و اعلي منه في الدرجة و بياخد اكتر منه
و لا اللي بياخد 3 الالاف جنيه و مش عجبه المرتب او بياخد اللي يكفيه لكن برده مش بيحمد ربنا و عايز اكتر .... دول يبقوا ايه ؟؟؟ مش برده مطالب فئوية ؟؟ و حاجات كتيير ملهاش لازمة فكل ده اتجمع و وقفوا الدنيا زيادة

3000 جنيه مش عاجبه ده البني ادم يعيش فرداني بالف و لا الف و نص و يفيض منه كمان الا بقي لو مسرف و مبذر و عمال يشتري ع الفاضي و المليان
فيه اسر مكونة من 3-4 و بيعيشوا بـ1000 جنيه و بيقضوا نفسهم و يحمدوا ربنا

قال تعالي
" و كلوا و اشربوا و لا تسرفوا انه لا يحب المسرفين "
" ان المبذرين كانوا اخوان الشياطين "
صدق الله العظيم

[تامر.محمد]

لا يا ريس كده انت مخدتش بالك من قصدي
لأن فعلا فئوية لكن مقصدش اللي بيطالب بزيادة اجره لأن اجره 300-400 جنيه
انا بتكلم زي الناس اللي بياخدوا الافات 4-5 الاف جنيه و عامل اعتصام و مظاهرة عشان فيه واحد اصغر منه و اعلي منه في الدرجة و بياخد اكتر منه
و لا اللي بياخد 3 الالاف جنيه و مش عجبه المرتب او بياخد اللي يكفيه لكن برده مش بيحمد ربنا و عايز اكتر .... دول يبقوا ايه ؟؟؟ مش برده مطالب فئوية ؟؟ و حاجات كتيير ملهاش لازمة فكل ده اتجمع و وقفوا الدنيا زيادة

3000 جنيه مش عاجبه ده البني ادم يعيش فرداني بالف و لا الف و نص و يفيض منه كمان الا بقي لو مسرف و مبذر و عمال يشتري ع الفاضي و المليان
فيه اسر مكونة من 3-4 و بيعيشوا بـ1000 جنيه و بيقضوا نفسهم و يحمدوا ربنا

قال تعالي
" و كلوا و اشربوا و لا تسرفوا انه لا يحب المسرفين "
" ان المبذرين كانوا اخوان الشياطين "
صدق الله العظيم

ما دي الناس اللي بتستهبل , بس لا ننكر ان اصحاب المطالب المشروعة موجودين و بيتم قمعهم

[hobiko]

أنا زهقت من قصة سقف المطالب دى ...... ما حدش بيشوف المطالب دى عادلة ولا لأ

محسسنى ان الثوار طالبين شقة و عربية و مصيف فى مارينا !!!!!!