سيناريو فى دماغى انا كمان

[samo9992003]

طبعا كلنا بيدور فى دماغنا سيناريوهات بعد الموضع ده
طبعا انا مش مع النظام وانا كنت من الناس اللى خرجت يوم 25 بس فى حاجه فدماغى من امبارح عاوز اراء تشاركنى
الناس اللى بتقول لازم الريس يمشى وكده وبعدين لقيتهم بيقولوا لازم يتحاكم
فكرت لحظه كده وتخيلت ان الريس اتحاكم وعملوا فيه زى صدام مش دى تبقى اهانه لينا وللامه العربيه كلها
اصل شئنا ام ابينا هو يعتبر رمز الامه العربيه فده يعتبر رمز لينا بغض النظر عن سياسته
فبقيت محتار جدا ودماغى عماله تودى وتجيب
ياريت حد عنده افكار يقولى انا محتاار
انا اسمع ان صدام مثلا كان ظالم وكده وناس بتقول كان كويس بس بصراحه زعلت عليه جدا كونه يعتبر رمز لينا ازاى امريكا تشنقه كده وامتى اول يوم عيد الاضحى انا مش قادر انسى اليوم ده اتصدمت بصراحه للدرجادى الاهانه انا حسيت باهانه كبيره الصراحه بغض النظر هو ظالم ولا لا
بعدين مش ملاحظين ان كل الحكام العرب الكبار بيخرجوا بفضيحه وبمحاكمات وملاحقات انتربول وكده
هو فى نيه للاهانه ولا انا من كتر نظريه المؤامرات اللى معيشينا فيها بقيت اهيس

[A7MED_PHARMA]

عفوا
ليست إهانة أو إعدام
محاكمة عادلة ....مش هقول فلوس البلد إلي راحت ولا كرامتنا المهدرة
دماء الشباب إلي راحوا في كل حتة..بصفته القائد الأعلى

[تامر.محمد]

صدام كانت مشكلته ان اللي اعدموه كانوا الأمريكان , حتى لو اللي مسك المقصلة عراقي عميل لهم

اما في الحالة اللي بتقول عليها دي فده هايبقى فخر اصلا , اقرا الصحف العالمية و شوف سمعته في العالم كله زفت ازاي

و حتى شوف المظاهرات اللي قامت في الدول العربية دعما لثورة مصر و لا بص في اي حتة و شوف الشعوب العربية بتكرهه ازاي

بس حتى دي الناس مش طالبينها كلهم , الغالبية بتقول يمشي و خلاص

بص هاقول لك حاجة
اكبر خطأ ترتكبه في حق نفسك انك تحط نفسك في خانة واحدة مع ظالم

[Samah AbdAllah]

بلاش مبالغة يا فارما فى الطلبات الرئيسية
لان كده بناكد للناس ظنونها ان الطلبات مش هتخلص وكل مدى بتتصاعد
اللى يهمنى اكتر من محاكمة مبارك
واللى هيرضى الشهداء
هو تحقيق مطالبهم اللى خرجوا عشانها
تحية للرئيس مبارك على ما قدمه من خير او شر وليرحل فى هدوء بعد انتهاء مدة حكمه مفيش مشكلة
ولكن ليضمن لنا تحقيق مطالب هؤلاء الشباب والشهداء

[Dr Zezo]

اخي الحاكم اجير و ليس رمزا

و رمزيته تكون طالما في السلطة
و تسقط عنه بالاستقالة او بثبوت ارتكابه للجرائم
فتسقط رمزيته
و يصير فردا لابد من عقابه

و اربأ بك ان تتعاطف مع ظالم فتحشر معه يوم القيامة

ارجو ان تتعاطف و تتذكر 1500 مصري اخوة لك في الوطن ابتلعهم البحر و اكلتهم اسماك القرش في 2 فبراير 2006
اي في مثل هذه الايام

و مازال المجرم طليقا

هؤلاء اولي بالتعاطف
و القائمة طويلة

[samo9992003]

يعنى لو امريكا مسكته دلوقتى واعدمته زى صدام ده يبقى عادى؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!

[samo9992003]

على فكرة انتوا فهمتوا قصدى غلط انا مش عليه ومش موضوع تعاطف
انا علينا احنا وعلى شكلنا ومنظرنا

[dr-mohamed]

ارفض تماما محاكمة الرئيس او اعدامه ده تهريج طبعا
اولا الجيش لا يمكن يوافق
ثانيا اي حاكم بعده هايبقي عامل حساب يوم زي ده وبالتالي هايبقي فيه قمع رهيب علشان محدش يفكر يعمل فيه زي اللى قبله
ثالثا الناس اللى بتقول دماء شهداء العبارة وكانت فين لما كانت مصر كلها بتحتفل بكاس الامم
رابعا مستحيل معظم الشعب المصري يوافق علي الاقل عاطفيا

[تامر.محمد]

ترفض يا دكتور محمد ؟؟؟؟

[merooo56]

انا بس هعلق على جزئية انه رمز ودا هيتسبب في اهانه لحضرتك فا لو فصصناها براحة هنلاقي ان الرمز ممكن يكون صالح زي الملك فهد مثلا الله يرحمه وممكن يكون فاسد زي شارون مثلا او جورج بوش المفروض بقى من وجهة نظري انك لما تحاكم الرمز الفاسد الشعب نفسه هيبقى رمز صالح والعكس لو حاكمت رمز صالح هيبقى الشعب بعد كدت رمز فاسد واحنا لو جينا حسبنا لمبارك حسناته من سيئاته طبعا كلنا عارفين النتيجه هتبقى ايه فا متهيالي يبقى فخر لينا احنا الشباب بزات الي الناس كانت مستهيفانا وبيقولو علينا شباب النت والفيسبوك وووووو كل الكلام دا قدرنا نثبتلهم العكس اننا ممكن نحاكم رجل مصايبة لا تعد ولا تحصى يكفي انه خلى شغبه المركز الثالث على مستوى العالم من اكثر الشعوب بؤسا وانا بردو مع الناس الي بتقول انه يكمل فترته ويمشي لانه اصلا لو مامشيش اكيد المظاهرات ساعتها هتبقى في قصر الرياسة نفسه وبردو لان البلد ماينفعش تفضل في الظلروف دي من غير رئيس لحد ما الناس تنتخب رئيس تاني وياريت كلنا ندهي ان ربنا يوجد الحل من عنده و ييسر للمسؤلين العمل بيه

[dr-mohamed]

ايوة ارفض للاسباب اللي قلتها واقراها تاني وانت هتعرف ان عندي حق ومن غير شعارات
نحاكم كل الرجال الفاسدين حول الرئيس اه
نحاكمه هو لا
اقرا الاسباب خاصة الاول والرابع

[dr-mohamed]

انا بس هعلق على جزئية انه رمز ودا هيتسبب في اهانه لحضرتك فا لو فصصناها براحة هنلاقي ان الرمز ممكن يكون صالح زي الملك فهد مثلا الله يرحمه وممكن يكون فاسد زي شارون مثلا او جورج بوش المفروض بقى من وجهة نظري انك لما تحاكم الرمز الفاسد الشعب نفسه هيبقى رمز صالح والعكس لو حاكمت رمز صالح هيبقى الشعب بعد كدت رمز فاسد واحنا لو جينا حسبنا لمبارك حسناته من سيئاته طبعا كلنا عارفين النتيجه هتبقى ايه فا متهيالي يبقى فخر لينا احنا الشباب بزات الي الناس كانت مستهيفانا وبيقولو علينا شباب النت والفيسبوك وووووو كل الكلام دا قدرنا نثبتلهم العكس اننا ممكن نحاكم رجل مصايبة لا تعد ولا تحصى يكفي انه خلى شغبه المركز الثالث على مستوى العالم من اكثر الشعوب بؤسا وانا بردو مع الناس الي بتقول انه يكمل فترته ويمشي لانه اصلا لو مامشيش اكيد المظاهرات ساعتها هتبقى في قصر الرياسة نفسه وبردو لان البلد ماينفعش تفضل في الظلروف دي من غير رئيس لحد ما الناس تنتخب رئيس تاني وياريت كلنا ندهي ان ربنا يوجد الحل من عنده و ييسر للمسؤلين العمل بيه

اتفق معاك في كل ما قلته ما عدا جملة ان الملك فهد الله يرحمه كان صالح
الله يرحم الجميع ومش هقول اللي عندي لاني من اتباع نظرية اذكروا محاسن موتاكم

[mahmoudysf]

والله انا مش قادر ابلع حكاية انو رمز دي ولا يصح محاكمتة دي لو كانت ممكنة اصلا
وازاي تقولو كدة وده يخالف الناحية الشرعية
الرسول صلى الله علية وسلم قال
لو فاطمة بنت محمد سرقت لقطعت يدها
وانتو صعبان عليكوا رئيس دولة

[A7MED_PHARMA]

والله انا مش قادر ابلع حكاية انو رمز دي ولا يصح محاكمتة دي لو كانت ممكنة اصلا
وازاي تقولو كدة وده يخالف الناحية الشرعية
الرسول صلى الله علية وسلم قال
لو فاطمة بنت محمد سرقت لقطعت يدها
وانتو صعبان عليكما رئيس دولة

يوم الحشر
ربنا هيقول ده رمز للمصريين ..مش هنحاسبه وندخله الجنة على طوول
مش معنى إنه رمز
إنه يعمل الي هوا عاوزه من غير رقيب..ويستبيح دم الناس والشباب
ومحاكمته عدل
ومحاكمة كل من سفك دماء ..عدل
محدش فوق القانون...ومحدش فوق العدالة
ودي مش شعارات
دي حقايق

[A.Saad]

اللى بيقول انه يتحاكم ويرفض تشبيه ذلك بصدام
مش صدام برده كان طاغية
ايه المشكلة ان امريكا حاكمته
محدش فوق القانون
لكن بكلام محدد
مش يكون مسئول عن كل حاجة حصلت فى البلد