الشباب اللى فى ميدان التحرير دول عايزيين ايه

[human]

بالراحة يا باشمهندس ... ما سيادتك قاعد فى بيتك برضه
وأنا مش ضدهم ولا مع الحكومة
أنا عاوز اسمع منهم جملة مفيدة
وعاوز أى حد يشرح لى هم شايفين الأمور ها تمشى ازاى
ومش سيادتك اللى تقول لى لى حق أو ماليش حق
أنا مصرى ... وباشتغل فى البلد دى من 30 سنة و غيرى كتير اشتغلوا فى البلد وساهموا بمجهودهم وعرقهم فيها
ولا يرضى أحد اللى بيحصل ده غير دعاة الهدم

قاعد فى البيت عشان مصاب فى ركبتى
و مقدرتش انزل بعد الاربع

و الجمله المفيده انه يرحل

مصر اكبر من ان ناس توهمنا ان هيه تقف عشان واحد مشى
عيييب جدا

[ams]

بالراحة يا باشمهندس ... ما سيادتك قاعد فى بيتك برضه
وأنا مش ضدهم ولا مع الحكومة
أنا عاوز اسمع منهم جملة مفيدة
وعاوز أى حد يشرح لى هم شايفين الأمور ها تمشى ازاى
ومش سيادتك اللى تقول لى لى حق أو ماليش حق
أنا مصرى ... وباشتغل فى البلد دى من 30 سنة و غيرى كتير اشتغلوا فى البلد وساهموا بمجهودهم وعرقهم فيها
ولا يرضى أحد اللى بيحصل ده غير دعاة الهدم

يا استاذى ربنا يكرمك
انا بكلمك على الايجابية
اللى عاوز حاجة يتحرك و يعملها
الكلام وحده غير مجد
و انا قعدت فى البيت بعد يوم التلات
و عارف ان الفاتورة كبيرة
و انا برضه اللى هدفعها

[Khaled_Nowaihy]

قاعد فى البيت عشان مصاب فى ركبتى
و مقدرتش انزل بعد الاربع

و الجمله المفيده انه يرحل

مصر اكبر من ان ناس توهمنا ان هيه تقف عشان واحد مشى
عيييب جدا

عفوأ أستاذى ... لم أكن أقصد حضرتك فى هذا الرد
أنا سؤالى يتلخص فى (ما الذى سوف يحدث لو )

[hosar]

بس ياريت نغير عنوان الموضوع علشان مستفز للى مش حيقرأة للآخر

[mmffor]

اتفق مع اغلب الشباب اللى قالو ان استمرار المظاهرات بهذا الشكل قد اصاب البلد بالشلل

و اتفق ايضا ان هناك فئات كتيرة لها مصالح قد تعطلت ووظائف على كف عفريت (وف وظائف العفريت نفسه زهق ور اح يدور على عقد عمل فى دبى <خاصة العاملين فى قطاع السياحة ننظرا للهروب الكبير اللى بيقوم بيه السياح معقول مليون سائح يغادرو البلد فى 11 يوم زى مقال النائب عمر سليمان >

بالمناسبة ايه حكاية الملايين اللى شغالة فى البلد واحتاجوا كم طيارة و كم يوم عشان يسافرو (باسلوب الحساب اللى ماشى فى مصر اليومين دول احنا ممكن نفضى البلد تماما ( جوا) فى خلال 800 يوم

او يمكن العفريت يركب جمل او حصان ويهاجم ميدان التحرير دفاعا عن مركزه

ما علينا

المهم فى وجهة نظر سمعتها من مجموعات من الشباب المختلف التوجهات

1- شباب 25 يناير ( الجماعة بتوع كلنا خالد سعيد- 6 ابريل -وفيس بوك و تويتر و الكلام العنكبوتى ده)
دول رايهم انهم هم المحرك الرئيسى للمظاهرات
وهم يريدون ان يطبقو السيناريو التونسى بحذافيره(للامانة هم قد نجحوا فى تطبيقه فى مواجهتهم الامنية على مدار 11 يوم لدرجة انهم خلو الشرطة يقلعو هدومهم الميرى و يلبسو ملكى و ينسحبو من الميدان فى صورة مخذية تماما ادت لاقالة حبيب العادلى افندى( اه تخيل افندى بعد مكان باشا ) واصبح ظابط الشرطة بيخاف حد يعرف انه ظابط شرطة او ياخد باله من العربية المتفيمة تماما او من اى ستيكر يشير من قريب او بعيد لوزارة الداخلية(مش عارف حاسس ليه كانى بتكلم عن الحزب النازى فى المانية بعد سقوط الرايخ الثالث وهزيمته فى الحرب العالمية الثانية<حلو شوية الحركات الامريكانى وهولوكوست وستيفن سيللبيرج و قائمة شلندر>

المجموعة السابقة تريد اسقاط النظام (الشعار اللى بقيت بسمعو وانا صاحى و كمان وانا نايم كأننى ندهتنى النداهه)
هذه المجموعات تتميز بالتنظيم - الاصرار العجيب على الاستمرار على السيناريو التونسى (لدرجة ان الموضوع بقى عامل ذى نكتة اختبار للعمد <العمدة الأول دخل قاللو ايه الحاجة اللى بنلبسها فى رجلينا و سودة و برباط العمدة قال الجزمة قاللوه ناجح
خرج للعمد بره يقلهم الامتحان فى جزم
دخل العمدة الثانى سالوه ايه الحاجة اللى من بره ابيض و من جوه اصفر و بتتاكل
قالهم برباط و الا من غير رباط
(هما دول المصريين على موضوع الرباط قصدى التنحى)
صباح الخير يا عمد (باين موضوع الرباط بدأ ينتشر بين باقى العمد (اليمن - الاردن - الجزائر -سوريا) والفضل فى ذلك يرجع للعمدة الاولانى بتاع الجزمة و الرباط (قصدى التنحى)


2- الاخوان المسلمون (دول انتم عارفينهم كويس امال كنتم بتتفرجو على مسلسل الجماعة على ايه)

3-التيارات السياسية المختلفة بما فيهم المعارضة و الاحزاب السياسية الاليفة اللى بيربيهيم النظام فى الجنينة(على حد تعبير الصحفى ابراهيم عيسى <بالمناسبة محدش يعرف راح فين عشان انا مشفتوش بقالى فترة(يمكن العفريت شافله فرصة عمل فى دبى او سلفه جمل او حصان مع كرباج محترم>

4- ودول الاكثرية ودول جميع طوائف الشعب المختلفة اللى حاسة انها مش واخدة حقها فى البلد
ودول ناس كانت مطالبهم بسيطة (حرية-عدالة اجتماعية- فرصة عمل زيادة مرتب - كرامة فى المعاملة)
ونتيجة العنف البشع اللى مورس ضدهم انقلبت شعاراتهم هما كمان الى (الشعب يريد اسقاط النظام) لكن بصورة اكثر حدة لان الموضوع اصبح فيه دماء 300 شهيد و الالاف الجرحى (التى لم يعتذر عنها النظام حتى الان <باستثناء الراجل المحترم اللى اسمه احمد شفيق الذى اشار الى الموضوع باستحياء وكان اللى ماتو و اللى استشهدو شوية كلاب او قطط او خيل او جمال او اى كائن ممكن يذبح عادى فى ميدان التحرير
بدون اى اعتذار مسئول او صرف معاشات لاسرهم ا و حتى تعويضات عما لحق بهم
و كأن مسلسل العنجهية فى لغة الحوار الحكومى ما زال مستمر (على الرغم من اللى الاخ احمد شفيق عمال يعيد ويزيد فيه ويلف بيه على كل الفضائيات بموتوسكل كأنه جاى يعمل لقاءت و حورات مش يحل ازمة(الفريق شفيق يكرر
ويزيد
و يعيد
و ينتشر
ويستمر
ويستمر
ويستمر( كفاية يستمر كدة و لااكمل لا كفاية احسن تنامو منى )
قال ايه الراجل يجماعة
قال ايه الاب الرئيس اللواء الركن الحكيم(اه والنبى لحسن احنا بقالنا 30 سنة مشيين جنب الحيط عشان حكمة السيد الرئيس < طب والنبى يا ريس متشوفلنا 3000 جنيه سلف بحكمتك دى (الله يرحم ال 3 جنيه بتوع على الكسار)
الرئيس الحكيم المؤتمن حقق90 % من مطالب الشعب
(بالمناسب فكرتونى فى قصيدة حلوة جدا خاصة بالرئيس المؤتمن كان كتبها الشاعر العراقى الكبير احمد مطر عن وعود الروساء (المؤتمن منهم ) فما بالك بالحكيم اللى عمال يخبط وعود و تصريحات من 30 سنة(خاصة التصريحات من عينة محدوددى الدخل فى عينى- مشاكل الشباب فى ودنى - و مشاكل الشعب بسلك بيها سنانى)

5- ودول بقى اشكال غريبة اجانب على عرب على خواجات و دول باين اللى ساكنيين فى الفنادق المطلة على ميدان التحرير (ذى الاخ اللى مبسوط اقوى اللى طلع فى اغلب الفضائيات انه اتضرب بالقنابل المسيلة للدموع فى المظاهرات وشايف ان دى خبرات لا تنسى(بقى انت جاى من بلدكو عشان تنضرب بالقنابل المسيلة للدموع المنتهية الصلاحية عندنا لا يا عم خليك فى بلدك احن متفرسناش وا حنا نبعتلك اللى انت عيزة ديلفرى لحد بلدكو

واخيرا تنصهر مطالب التيارات المختلفة التوجهات فى بوتقة واحدة (حلو الكلام الشيوعى الحنجورى ده) تحمل شعار
الشعب يريد اسقاط النظام
ليتجمع عليها الشباب و الشيوخ و الاطفال
المسلمين و الاقباط (لاول مرة يجتمعو بجد مش زى فيلم حسن و مرقص) <كأن الواحد عايش ايام ثورة 1919
المجدودين و المحدودين (الاغنياء و الفقراء ما انالازم اتنطط انا كما بالكلمتين بتوع المنفلوطى فى النظرات و العبرات)

اتكلم جد شوية
اول مرة فى حياتى اشوف الشعب المصرى متجمع على حاجة و احدة ( غير الساحر المستديرة اللى كلو دماغنا وخدرونا بيها لفترة طويلة من عدالة السماء ال اليوم)
واحس ان الملايين (مش القاهرة بس لا كل محافظات مصر ليها نفس الطلب (بس مش عارف ايه سر الكره العجيب لمبارك الى هذه الدرجة (على الرغم انه مش وحش للدرجة دى)

واخيرا
حدوتة الصباح

قابلت راجل عجوز على المعاش امام مكتب البريد المغلق عمال يبص للمكتب بحيرة
اكتشفت انه قاعد امام البوسطة من الفجر مستنى البوسطة تفتح عشان يقبض المعاش ليلبى احتياجات اسرته البسيطة
اتكلمت معاه و قلتلو ربنا يجازى العيال اللى تعبت البلد كلها معاها
بصلى باستغراب و قاللى ايه الكلام اللى بتقوله ده
دحنا اتحسرنا فى كبريت اكتر من شهر
وكنا عشان نقدر نواصل الصمود امام حصار الصهاينة كنا بنفكر بعض دايما
ان النبى صلى الله عليه و سلم و الصحابة اتحاسروا فى شعب ابى طالب 3 سنين
حتى اضطروا ان يأكلو ورق الشجر

ومع ذلك لم يغيروا دينهم و لم يستجيبو لاغراءاتت الكفار من (الملك - المال )

استمعت الى الرجل باستغراب وا ندهشت
دحنا بقى على كدة عيال .....................................
كملو انتو بقى

فعلا لازم نقرأ و نعي و نفهم قبل ما نتكلم
انا كنت داخل اقول عيب لفظ ىعيال على رجالة مصر كلها
و لما قرأت كلامك!
انا اسف على سوء ظني! و نفسي اقابل الراجل العجوز اللي انت شوفته قدام البوسطة علشان ابوس ايده و اقوله ان مع العسر يسرا ! ان ربنا فرجه قريب ولكننا لا نعلم

[otefa]

كفاية حرام كفاية حرام


المره دي كفاية مظاهراااااااااااااااااااااااااااااااااااات



ولكل مقام مقااااااااااااااااااااااااااااال

[om mohammed]

الغريب ان كل الناس او معظمهم كانوا بيدعوا عليه ليل نهار و يسبوا فى اليوم اللى جه فيه و زعلانين ان مافيش حد عارف يقفله

ولما جه اليوم كل واحد فضل مصالحه الشخصيه

حاجه تقرف

الله يكرمك

مش دة اللى خلانا نمشى نكلم نفسنا والناس مبقتش طايقة نفسها ولا بعضها عشان كل واحد يلحق يجيب لقمة العيش اللى مش بتكفى لحد 3 فى الشهر

إعتبروا اللى احنا فية ضريبة اجبارية (زى بتاعة حكومتة الله لا يعيدها ) لازم ندفعها عشان نلحق نعيش حياة كريمة فيها كـــــــــــــــــرامــــــــــــــة مش فلوس بس

وولادنا يدعولنا مش يدعو علينا ان إحنا مكملناش عشان زهقنا وعايزين نرجع الشغل بأة

مرة واحدة فى حياتنا نقول لأ ونكملها ودى مش أى لأ
دى لأ اللى هتشيل شجرة الفساد من جذورها وهتبقى عبره للى جاى بعدة لو مزرعتش شجرة طيبه بثمار طيبة بردو هنشيلها من جذورها

أرجوكم إعـقلـوها

[amado ibrahim]

الرد اللى انا هقوله دلوقتى
قولته قبل كده فى موضوع منفصل
ومتزعلوش منى مش قادر
اعيد صياغته
اعييد كتابته
انقله بتصرف (على راى ابن المقفع (بتقول ايه ياعم انت عبيط والا ايه)

خلاصه ما اريد ان اصل اليه
ان فتحى سرور لا خوف منه (فهو اصبح مجرد ترزى قوانين فى السبعين كما ستعرفون من المقال (اللى مغيرش فيه حاجة
ولا اتعمله

paraphrasing

مكتوبة كدح و الا قعدتى مع البلطجية (قصدى اللجان الشعبية اثرت عليا

اترككم مع الموضوع

ادينى قولت اهو علشان محدش يزعل منى

كان يا مكان (والنبى حد يشغل مزيكا الف ليلة وليلة لرامسكى كورسكوف<شوفتو انا عارفه و انتو لا اه>




ما اشبه الليلة بالبارحة
فمنذ عدة سنوات طالعتنا وسائل الاعلام بفضيحة المبيدات المسرطنة
و المسئول الأول عنها هو يوسف عبد الحمن الرجل الاقوى فى وزارة الزراعة و اخرون
فمن هو يوسف عبد الرحمن
هو ابن عبد الرحمن يوسف احد الضباط الاحرار الذين كان منوط بهم تنفيذ قوانين الاصلاح الزراعى على الاقطاعيين لتصبح اقصى حيازة ارض زراعية هى 200 فدان تم تعديلها لتصبح اقل فيما بعد
وحينها تجاوز الضابط عبد الرحمن يوسف عن اراضى اسرة والى بالفيوم مبررا انهم راسمالية وطنية
فتحفظ اسرة والى الجميل و يقوم يوسف والى وزير الزراعة بتعيين يوسف ابن عبد الرحمن فى ديوان الوزارة
ثم يبدأ فى فى اثبات جداراته نظرا لنشاطه و حيويته
ثم يبدأ مجموعة المنتفعين الالتفاف حول الفتى المدلل لوزارة الزراعة ليبداء الفساد ينتشر ويتوغل فى وزارة الزراعة
الى ان ينتهى الأمر بفضيحة المبيدات المسرطنة
الا ان امر تقديم يوسف عبد الرحمن للمحاكمة ارتبط بنية يوسف والى لترشيحة للجنة السياسات بالحزب الوطنى ليبدأ الصراع بين
الحرس القديم فى الحزب و الذى اتى الرئيس مبارك الى السلطة وهم قيادات بارزة منذ عهد الرئيس السادات (يوسف والى-كمال الشاذلى - صفوت الشريف- احمد فتحى سرور- مفيد شهاب- مصطفى الفقى - اسامة الباز) [يقال ان هذه المجموعة هى التى كانت مسئولة عن ادخال مبارك من شرف العسكرية الى دهاليز السياسة بأمر من السادات ليتم تأهيل مبارك لأمور السياسة و الحكم
و الحرس الجديد المدعوم باموال رجال الأعمال من الداخل و الخارج ( احمد عز - المغربى- جرانة- رشيد- ابراهيم كامل - ابو العنين) وهم مدعومين بتوجهات امريكية و راسمالية لا تعرف غير الأحصات و الأرقام التى لا ترحم
لتدخل مصر فى دوامة
وينتهى الامر بانتصار الحرس الجديد باقصاء كل من(يوسف والى وكمال اشاذلى و العظيم أسامة الباز الذى تم ابعاده من مستشارى الرئيس) ومن تبقى من الحرس القديم فقد تم تقليم اظفاره و يصبح مستانسا يظهر فقط عندما يتعلق الامر بالقوانين والتشريعات و الموافقة (احمد فتحى سرور - مفيد شهاب - صفوت الشريف)


الأمر نفسه تكرر مع جمال مبارك
الشاب المتعلم المثقف اللبق
الذى تجمع حوله الافاقين الكبار
ثم يذهبون للرئيس الرافض لانخراط اى من عائلته بامور الحكم قائلين له
(هو يعنى عشان هو ابنك يا ريس تمنعه من السياسة)
ويوافق الاب على انخراط ابنه اولا فى اعمال الغرف التجارية
ومنها الى امانة السياسات كعضو
ثم تنشأجمعية جيل المستقبل بتمويل من القطط السمان
و تبدأ سطوةجمال مبارك تزداد ليصبح امينا للسياسات مدعوما برؤوس اموال تطمح فى التزاوج مع السلطة
وبالفعل ينجح هذا الزاوج وينجم ابنا غير شرعى هو وزارة احمد نظيف او ما عرف بوزارة رجال الاعمال
ليبداء فتح ابواب الفساد على مصراعيه
انتهاء بتعديل المادة 76 من الدستور
و كانت القشة التى قصمت ظهر البعير هى انتخابات مجلسى الشعب و الشورى 2010
لينتهى الأمر بكارثة برلمانية
انتهت الى ما نحن عليه من احتقان وغليان
ليأتى موضوع تونس و يثبت ان التغيير ممكن و لكن يحتاج لارادة و هى لا تنقص المصريين ابدا الذين غاروا من اشقائهم بتونس
وتندلع شرارة الغضب الت لم تنطفى الى الان


السوال الاهم هل يتحمل الأب حسنى مبارك (احد ابطال حرب أكتوبر و العسكرى الذى لا يشق له غبار الذى افسدته السياسة
كما كان يقول المشير الجمصى عن قيادات الجيش المصرى قبل 67 بان دخولهم السياسة وهم غير مؤهلين لها افسدهم)

هل يتحمل اخطاء جمال مبارك

كما اصاب العار اسم عبد الرحمن يوسف (احد الضباط الأحرار) نتيجة لاعمال ابنه يوسف

هذا ما سيجيب عنه التاريخ

[modyverna]

هما مش خلاص حققوا إلي هما عايزينه مايمشوا بقى عايزين إيه تانى
بس ديه كدة قلت أدب وفي حل للمشكلة ديه : نفتح خراطيم المية بتاعت المطافى والجيش عليهم عشان شكلهم كدة لزقوا في المكان

[M.almaghraby]

واحد بيقولك افتح فيهم النار و التاني بيقولك خراطيم مية .................................... !!!

[mmffor]

للي بيقل ادبه على اللي موجودين في التحرير! انا اصدقائي و اقاربي هناك! و اللي بيقول يفتح نار و ميه ان شاء الله ربنا حيفتح عليه ابواب ما هو اشد وطأه!

[medo_2060]

كلام جميل مع تحفظى على كلمه عيال ياريت تغيرها عشان دول ارجل ناس فى مصر...
ولازم نعمل غسيل مخ للناس الى اتأثرت بارهاب انس فقى لدرجه انهم بيدعوا عالعيال دى وعايزينهم يغوروا ولا بيقدروا حتى الشهداء الى ماتت..... للمره المليون الى مستنى حاجه من نظام زى دا يفكر تانى وتالت ورابع وكفايه كلام عنه كله عارف

[otefa]

هما مش خلاص حققوا إلي هما عايزينه مايمشوا بقى عايزين إيه تانى
بس ديه كدة قلت أدب وفي حل للمشكلة ديه : نفتح خراطيم المية بتاعت المطافى والجيش عليهم عشان شكلهم كدة لزقوا في المكان

أنا مش مع قاعدتهم ولا أستمرار المظاهرات بس فيه حاجة أسمها أحترام طلبات المواطنين ومحاولة التحاور معهم للوصول لنقطة تلاقي
ماهو مش معقولة الأنتفاضة كانت تطالب بتحسين االحريات ومستوى المعيشة ونيجي دلوقتي نطالب بقمع متظاهرين سلميين ........ده حتى يبقي منتهي التناقض ونستاهل ألي يجرى لنا
وجادلهم بالحسنى............تقبل تحياتي

[hobiko]

الغريب ان كل الناس او معظمهم كانوا بيدعوا عليه ليل نهار و يسبوا فى اليوم اللى جه فيه و زعلانين ان مافيش حد عارف يقفله

ولما جه اليوم كل واحد فضل مصالحه الشخصيه

حاجه تقرف

+111111111111111111111111111111111111

[medo_2060]

الله يكرمك

مش دة اللى خلانا نمشى نكلم نفسنا والناس مبقتش طايقة نفسها ولا بعضها عشان كل واحد يلحق يجيب لقمة العيش اللى مش بتكفى لحد 3 فى الشهر

إعتبروا اللى احنا فية ضريبة اجبارية (زى بتاعة حكومتة الله لا يعيدها ) لازم ندفعها عشان نلحق نعيش حياة كريمة فيها كـــــــــــــــــرامــــــــــــــة مش فلوس بس

وولادنا يدعولنا مش يدعو علينا ان إحنا مكملناش عشان زهقنا وعايزين نرجع الشغل بأة

مرة واحدة فى حياتنا نقول لأ ونكملها ودى مش أى لأ
دى لأ اللى هتشيل شجرة الفساد من جذورها وهتبقى عبره للى جاى بعدة لو مزرعتش شجرة طيبه بثمار طيبة بردو هنشيلها من جذورها

أرجوكم إعـقلـوها

1+

هما مش خلاص حققوا إلي هما عايزينه مايمشوا بقى عايزين إيه تانى
بس ديه كدة قلت أدب وفي حل للمشكلة ديه : نفتح خراطيم المية بتاعت المطافى والجيش عليهم عشان شكلهم كدة لزقوا في المكان

احترم الناس الى بتطالب بحقك وماتت قنص وتحت عربيات الامن وانت قاعد عالكمبيوتر تتكلم بكل سهوله...
فعلا الكلام ببلاش