الشباب اللى فى ميدان التحرير دول عايزيين ايه

[amado ibrahim]

على فكرة منظر الناس فى الجنينة حلو أوى

كانهم طالعين رحلة

ربنا يفرحهم

[ahmed_oth]

ان شاء الله هيجى يوم والجيش هيصفيهم كلهم واحد واحد

[amado ibrahim]

ان شاء الله هيجى يوم والجيش هيصفيهم كلهم واحد واحد

هو حضرتك دخلت جيش قبل كدة

والا شوفته فيديو

ولو دخلت

عمرك صفيت حد قبل كده

مع كامل احترامى وتقديرى

[wesam_salom]

ان شاء الله هيجى يوم والجيش هيصفيهم كلهم واحد واحد

ممكن تحدد انت بتتمنى الجيش يصفى مين بالظبط

[ahmed_oth]

ممكن تحدد انت بتتمنى الجيش يصفى مين بالظبط

انت مقلق كده ليه,,,مش انت مقتنع باللى بتعمله استحملو بقى ايه اللى هيحصل قريبا

[wesam_salom]

انت مقلق كده ليه,,,مش انت مقتنع باللى بتعمله استحملو بقى ايه اللى هيحصل قريبا

كلامك ميقلقنيش فى حاجه

انا بس كنت فاكر انى فهمتك غلط

عامه

ربنا يقدم اللى فيه الخير

[amado ibrahim]

الى الاخ وسام

شكرا على ردودك

على فكرة

حضرتك هاتتطلع امتى بره البطيخة

[amado ibrahim]

افاد مراسلنا

ان هناك ناس لابسة حاجات سودة ورايحين على البيت الكبير

ربنا يستر ويجيب العواقب سليمة

قولو امين

[amado ibrahim]

هناك اخبار ان المتظاهرين منعو الراجل ابو موتوسكل منوالوصول لمجلس لمقر رئاسة الوزراء

[amado ibrahim]

فيه اخبار عن تشكيل مجموعة من اللجان

هى اللجان دى ورانا ورانا

ربنا يستر

[jojajo]

والله انا شايف انهم زودوها اوى وبكرة محدش هيعرف يكلمهم وهيحسوا نفسهم حربوا اسرائيل وخرجونا من حرب انا مش عارف عايزين اية تانى كفاية بقى انا راى الشخصى الجيش لازم يتدخل انشاء الله حتى لو بالضرب علشان الناس اللى فى التحرير دية الل هى عايزة ديمقراطية هى اصلا مش بتقدمها يعنى برة المظاهرات ليها وقتها ومكانها مش فى اى مكان كدة انت لو شوفت منظر التحرير هتحسوا انك داخل على معسكر اية الهبل والعبط ده وعاملين خيام ومش عارف اية فا بجد كدة مش هينفع شوية شوية هيقولوا الشعب ده مش عاجبنا ارحل يا شعب
والمفروض ان الرئيس عمل انجازات كتيرة جدا بغض النظر عن اخر كام سنة تانى حاجة المفروض يكون فى احترام شوية لواحد حارب فى حرب ولا واحد فيهم ولا ابوهم شاركوا فيها ولا يعرفوا حتى يمسكوا سلاح فيها فا كفاية يعنى وبعدين جايين دلوقتى ويقولوا لا رئيس الوزراء مش عاجبنا يعنى بجد مش هينفع وانا اراهن ان لو الرئيس مشى الناس دية هتفضل قاعدة وهتقولك لا اسم الوزارة مش عاجبنا وهكذا وهكذا فا انا شايف محدش يديهم اهتمام اكتر من كدة

[amado ibrahim]

والله انا شايف انهم زودوها اوى وبكرة محدش هيعرف يكلمهم وهيحسوا نفسهم حربوا اسرائيل وخرجونا من حرب انا مش عارف عايزين اية تانى كفاية بقى انا راى الشخصى الجيش لازم يتدخل ان شاء الله حتى لو بالضرب علشان الناس اللى فى التحرير دية الل هى عايزة ديمقراطية هى اصلا مش بتقدمها يعنى برة المظاهرات ليها وقتها ومكانها مش فى اى مكان كدة انت لو شوفت منظر التحرير هتحسوا انك داخل على معسكر اية الهبل والعبط ده وعاملين خيام ومش عارف اية فا بجد كدة مش هينفع شوية شوية هيقولوا الشعب ده مش عاجبنا ارحل يا شعب
والمفروض ان الرئيس عمل انجازات كتيرة جدا بغض النظر عن اخر كام سنة تانى حاجة المفروض يكون فى احترام شوية لواحد حارب فى حرب ولا واحد فيهم ولا ابوهم شاركوا فيها ولا يعرفوا حتى يمسكوا سلاح فيها فا كفاية يعنى وبعدين جايين دلوقتى ويقولوا لا رئيس الوزراء مش عاجبنا يعنى بجد مش هينفع وانا اراهن ان لو الرئيس مشى الناس دية هتفضل قاعدة وهتقولك لا اسم الوزارة مش عاجبنا وهكذا وهكذا فا انا شايف محدش يديهم اهتمام اكتر من كدة

مع احترامى لكلام حضرتك

ان المظاهرات بره ليها اماكن واوقات محددة

الا ان الدول اللى حضرتك بتتكلم فيها بالفعل فيها ديموقراطية بجد

فاهمنى حضرتك ديموقراطية بجد

يعنى مظاهرات بعدة الالالف بتشيل حكومة

مش محتاج تموت 300 شهيد

مش محتاج تجرح الالاف

مش محتاج مقرات الحزب الحاكم و امن الولة واقسام الشرطة تتحرق كلها

مش محتاج مظاهرات مليونية

عشان الدولة تحس بيك

اما بالنسبة بان الراجل الكبير بطل من ابطال اكتوبر
فدى حقيقة لاجدال فيها

لاكن هل كان بيحارب لوحده

فين سعد الدين الشاذلى
( اللى الراجل الكبير سجنه ورفض وساطة جميع الملوك والروساء العرب فيه)
على فكرة سعد الدين الشاذلى دوره فى الحرب اكبر من الراجل الكبير بمراحل
وعلى الرغم من كده فالرجل الكبير لم يرحمه
وكما تقول الحكمة
من لا يرحم لا يرحم <حط ضمة على الياء فى يرحم الثانية>

فين المشير ابو غزالة
(مين اللى سمح بتشويه صورته بالشكل البشع اللى تم على صفحات المصور)

فين كمال الجنزورى

فين عمرو موسى

فين اسامة الباز

وبعدين بعيدا عن القيادات الكبيرة

انا والدى وعمامى و اولاد عم والدى كانو فى الجيش جبهة امامية لمدة ست سنوات

يعنى كل واحد منهم والده أو حد من اقاربه حضر حرب اكتوبر

يعنى الحرب ملك كل الشعب مش ملك الراجل الكبير

واخيرا حضرتك دخلت جيش

تعرف معنى العسكرية

كل من خدم فى الجيش يدرك جيدا انه ممكن يقتل نفسه ولا انه يطلق طلقة واحدة على اهل بلده

ده اللى علموهولنه فى الجيش

الا اذا كان عند حضرتك معلومات اخرى

يا ريت اعرفها
عشان ابقى على علم بالحديث فى الجيش المصرى

اللى كل اللى حضرتك شايفهم فى الجنينة خدم فيه

ويعرف يعنى ايه جيش

واخيرا تقبل احترام جندى سابق

[amado ibrahim]

حد شاف عقيد الجيش اللى جه هو ومراته و وزعو اكل على الناس

[amado ibrahim]

الناس عاملة معسكرات فى الجنينة

[amado ibrahim]

محدش يعرف العدد اللى بات فى الجنينة كان كام