بعد الثورة ..كيف نبنى دولة مصر من جديد

[wawoo]

لا يخفى على احد الاحداث الجارية و التى عصفت باقتصاد مصر و سياسية مصر و قدرة مصر ..انها مرحلة المخاض و مرحلة الولادة اللتى دائما ما تكون مؤملة و لها ظروفها ...

و لكن دعونا نفكر بهدوء حتى نبنى مصر من جديد مصر حديثة لها مؤسسات قوية لا تسمح مرة اخرى لمراكز القوى بان تسيطر على الحكم و تقمع الحريات و تنهب ثروات مصر

بناء هذة المؤسسات سيحتاج راى كل حكماء و مفكرين و مثقفين مصر لانة يسحدد مستقبل هذا البلد لعقود قادمة

ما هى التحديات التى ستواجة بناء هذة المؤسسات ..ولا يخفى على احد التحديات الخارجية و الاعداء المتربصون بمصير مصر و يسعون بكل قوتهم الى تحيد قومة مصر و استاناسها لمصلحهم الخاصة

هذة الحقبة تحتاج تكتف الجميع ابناء مصر و ذلك لبناء المؤسسات المحايدة و قوية التى سوف تكون قادرة على حماية الحريات و تحقق الديمقراطية الحقيقية و تمنع اى طغيان او استبدد مرة اخر ...

دعونا نفكر بهدوء عن كيفية تنفيذ ذلك من المرحلة الحالية و لكن ياريت نتجنب الجدال الحالى الخاص بمن مع او ضد الثورة الان

[human]

اصلا انت فى الدرك الاسفل
اتوقع ان فلوس مصريين هتستثمر فى مصر وموضوع الخيال العلمى بتاع الاستثمار الاجنبى هيجى بالراحه
انا عايز مصريين شرفاء مش عايز اجانب يهربوا ويبيعوا البلد اول منعطف

كمان كل حاجه لازم تبقى شفافه ارض المتر بنص جنيه ماينفعش توصل لل 7 الاف جنيه مبنيه

[احمد ابراهيم]

بسم الله الرحمن الرحيم

لك كل التحية على الموضوع الرائع و فعلا كنت بفكر ازاى الموضوع ده يتعمل

الفكرة اللى فكرت فيها

ان يتم عمل لجان من مختلف المجالات على ان تكون هذه اللجان من الشباب

لجنة من الشباب تقوم بدراسة الموارد الموجودة فى المنطقة المقيمين فيها و ما حولها و تقرير ما يجدوه من الموارد مستغلة بشكل جيد او غير مستغلة او مهدرة و كيفية الاستفادة من هذه الموارد و يتم تقديثم هذه الدراسة الى الجهة المختصة وزارة المالية مع وجود مجموعة لتمثيل هذه الدراسة و توضيحها و مناقشتها مع المسؤولين طبعا كل مجموعة تمثل منطقة معينة و خصوصا المناطق الغير راقية و بعد ذلك يمكن اختزال المناطق القريبة و تكوين مناطق اكبر لتقليل عدد الدراسات و التشتييت بين الاهداف

يتم عمل دراسة من شباب خريجى كلية الحقوق لدراسة بنود الدستور الحالى و وضع النقاط المراد تغييرها او تعديلها و دراسة تبعات هذه التغيرات او التعديلات و تقديمها للجه المختصة مع وجود شباب لتمثيل هذه الدراسة و مناقشتها مع المسؤولين

و هكذا فى كل المجالات


ملحوظة مهمة : اللى يعرف طريق ازاى نوصل لحد من المسؤولين عشان نوصلهم الدراسات دى و كمان عشان هيبقى فى دراسات ميدانية و هنحتاج لتصريحات ان لزم الامر لو حد يعرف يا ريت يقول على الطريق

[احمد ابراهيم]

محدش عنده افكار و لا ايه يا رجالة

انا عن نفسى اتصلت باصحابى اللى فى المنطقة عندى و هقولهم على الفكرة اللى عرضتها و ربنا يسهل و نقدر نعمل حاجة

يا ريت اللى عنده افكار يقولها و يشارك
مينفعش نقعد نتفرج و نبقى ملناش دور فى بناء بلدنا

[mazagngi2000]

هتتبنى لوحدها بس يمشى الاول

[SHNORY]

نبدا نغير ثقافات الشعب من جديد
نحاول نقضي علي ظواهر الغلاء بالمقاطعه السلميه
لما سلعه تغلي منشتريهاش
نحاول نقضي علي ظواهر الفهلوه والرشوه والغش
وهي فعلا زي ما مزجانجي قال حتبتدي لوحدها

[احمد ابراهيم]

يا جماعة مفيش حاجة بنطلع كده من غير مجهود ..... مينفعش نقعد حاطين ايدنا على خدنا و نقول هتتغير

لازم الناس تشتغل و تفكر فى التطوير و ازاى نكون متماشيين مع التطور الخارجى و الداخلى و الا مش هنعمل حاجة و الصين هتفضل تصدرلنا زبالة الانتاج بتاعها
احنا لازم نجتهد و ننتج عشان نعيش
يا راجل دا احنا اكبر دولة مستورده للقمح عشان نعمل بيه عيش يعنى حتى مش عارفيين ناكل نفسنا

لازم كل واحد فى مجاله يطور و يدرس ازاى التطوير ده يحصل و يجتهد و يطلع عينه عشان يعلى
من طلب العلا سهر الليالى
ان الله لايضيع اجر من احسن عملا
ان الله لا يغير ما بقوم حتى يغيرو ما بانفسهم

[ams]

هاحرق نفسى فى شغلى و دراستى
بس كده

[Ralliart]

-أهم حاجه نزرع اكلنا ودي اخطر حاجه في مصر لان لو حد من بلد ارياف هيشوف الناس كلها بتبور الاراضي الزراعيه وتبني عليها ودي ثروه حقيقيه بتضيع ومخلينا نستورد قمح من كل دول العالم

- لا يمكن من النهارده ادي لحد رشوه ولو غلطت وخدت مخالفه ادفعها حتى لو ممكن ادفع رشوه او اجيب واسطه لان دي من اخطر الحاجات اللي كانت بتواجه الناس

- زي ما قال شنوري باشا اللي يغلي حاجه نقاطعها لحد ما يتربى واولها العربيات

- من اهم الحاجات اللي هتحدد مستقبل البلد هي الانتخابات الجايه ودي لازم متتزورش من حرامية الحزب اللي خاربينها والمفروض تتعمل لجان شعبيه زي اللي معموله حالياً بس اكتر تنظيماً ومش بأسلحه لاننا مش بلطجيه ونقف قدام اي لجنه انتخابيه لمنع البلطجيه والمزورين والصناديق المزوره ومرافقتها لحد الفرز

- ولسه في افكار كتير هتتولد من الشباب اللي تسبب في التغيير ده

[احمد ابراهيم]

هاحرق نفسى فى شغلى و دراستى
بس كده

ممتاز جدا ان حضرتك هتبذل اقصى جهد فى شغلك ... و لكن ارجوك حبا فى مصر لو تقدر تطور تطور فيه يكون افضل
شكرا ليك

[SHNORY]

-أهم حاجه نزرع اكلنا ودي اخطر حاجه في مصر لان لو حد من بلد ارياف هيشوف الناس كلها بتبور الاراضي الزراعيه وتبني عليها ودي ثروه حقيقيه بتضيع ومخلينا نستورد قمح من كل دول العالم

- لا يمكن من النهارده ادي لحد رشوه ولو غلطت وخدت مخالفه ادفعها حتى لو ممكن ادفع رشوه او اجيب واسطه لان دي من اخطر الحاجات اللي كانت بتواجه الناس

- زي ما قال شنوري باشا اللي يغلي حاجه نقاطعها لحد ما يتربى واولها العربيات

- من اهم الحاجات اللي هتحدد مستقبل البلد هي الانتخابات الجايه ودي لازم متتزورش من حرامية الحزب اللي خاربينها والمفروض تتعمل لجان شعبيه زي اللي معموله حالياً بس اكتر تنظيماً ومش بأسلحه لاننا مش بلطجيه ونقف قدام اي لجنه انتخابيه لمنع البلطجيه والمزورين والصناديق المزوره ومرافقتها لحد الفرز

- ولسه في افكار كتير هتتولد من الشباب اللي تسبب في التغيير ده

العربيات برضه يا اقطاعي ههههههههههههههههههه
هي فعلا من الحاجات اللي لازم تتقاطع
بس انا رايي ان المقاطعه تبدا من حاجات الاستغلال فيها بيكون علي كافه افراد الشعب
زي اللحوم والدواجن والخضروات اللي بتوصل لاسعار جنونيه
وكافه اوجه الاستغلال عموما
ويكون فيه حملات توعيه لحد ما نوصل اننا ننمي تفكير الشعب نفسه
والا حنبقي زي اللي بطل يزرع برسيم وبيزرع تفاح وفي النهايه اللي بياكل مش بيستطعم
علي فكره انا متشرفتش بمعرفه اسمك ؟؟؟

[احمد ابراهيم]

-أهم حاجه نزرع اكلنا ودي اخطر حاجه في مصر لان لو حد من بلد ارياف هيشوف الناس كلها بتبور الاراضي الزراعيه وتبني عليها ودي ثروه حقيقيه بتضيع ومخلينا نستورد قمح من كل دول العالم

دى كارثة يا باشا انك تبور الاراضى الزراعية و عايز تصتصلح الصحرا دا جنان رسمى و هبل

- لا يمكن من النهارده ادي لحد رشوه ولو غلطت وخدت مخالفه ادفعها حتى لو ممكن ادفع رشوه او اجيب واسطه لان دي من اخطر الحاجات اللي كانت بتواجه الناس

يا ريت كل الناس تعمل كده احترامنا لنفسنا و للقوانين المنظمة للحياة عشان نكون بنى ادمين يستحقوا الحياة و ناس عندها كرامة
- زي ما قال شنوري باشا اللي يغلي حاجه نقاطعها لحد ما يتربى واولها العربيات

بص يا باشا انا ساكن فى امبابة اللى حصل فى الايام اللى فاتت ان الناس بتاعه الخضار و الاكل و المحلات غلت اول يوم البضاعة بتاعتها و لكن فى تانى يوم الناس اللى كانو واقفين فى اللجان الشعبية و اللى واقفين يحموا اهلهم و كنت بفضل الله واحد منهم طلعو على كل اللى مغلى البضاعة بتاعته و خلوه يبيعها بالاسعار الطبيعية بالعافية بس طبعا بدون خناقات اصلا البياعين كانو بيشوفو الناس داخلين عليهم و بيكلموهم باحترام و فى نفس الوقت بحزم كله كان بيحترم نفسه و يبيع بالاسعار العادية
- من اهم الحاجات اللي هتحدد مستقبل البلد هي الانتخابات الجايه ودي لازم متتزورش من حرامية الحزب اللي خاربينها والمفروض تتعمل لجان شعبيه زي اللي معموله حالياً بس اكتر تنظيماً ومش بأسلحه لاننا مش بلطجيه ونقف قدام اي لجنه انتخابيه لمنع البلطجيه والمزورين والصناديق المزوره ومرافقتها لحد الفرز

النقطة دى مهمة جدا جدا فعلا لازم يكون فى اشراف قضائى و يتعمل لجنتين من اللجان الشعبية
الاولى لجنة تتسم بعدد كبير من المشاركين لمنع اى بلطجى من الدخول فى عملية النتخابات او عمل اى تخريب او هرجله و اللجنة التانية هتتابع عملية النتخاب و التامين على الصناديق داخل اللجان و التاكد من انه لم يحدث تزوير و متابعة عملية الفرز
- ولسه في افكار كتير هتتولد من الشباب اللي تسبب في التغيير ده

ربنا يبارك فينا كشباب و يبارك فى بلدنا و يبارك فى اهلنا اللى علمونا و يبارك فى كل من يريد الخير لبلدنا مصر

[Ralliart]

العربيات برضه يا اقطاعي ههههههههههههههههههه
هي فعلا من الحاجات اللي لازم تتقاطع
بس انا رايي ان المقاطعه تبدا من حاجات الاستغلال فيها بيكون علي كافه افراد الشعب
زي اللحوم والدواجن والخضروات اللي بتوصل لاسعار جنونيه
وكافه اوجه الاستغلال عموما
ويكون فيه حملات توعيه لحد ما نوصل اننا ننمي تفكير الشعب نفسه
والا حنبقي زي اللي بطل يزرع برسيم وبيزرع تفاح وفي النهايه اللي بياكل مش بيستطعم
علي فكره انا متشرفتش بمعرفه اسمك ؟؟؟

اهي من السلع المستغله واللي بنتعب في فلوسها وكل سنه ييجي واحد كان بجلبيه واتحول لرجل اعمال يغليها 10 الاف بمزاج اهله كأن الفلوس دي لقيناها جنب الحيط
وطبعاً الفيس بوك موجود لأي ظالم يغلي أي سلعه وان شاء الله هنشوف افكار لتثقيف الشعب
أنا اسمي مصطفى يا باشا

[SHNORY]

اهي من السلع المستغله واللي بنتعب في فلوسها وكل سنه ييجي واحد كان بجلبيه واتحول لرجل اعمال يغليها 10 الاف بمزاج اهله كأن الفلوس دي لقيناها جنب الحيط
وطبعاً الفيس بوك موجود لأي ظالم يغلي أي سلعه وان شاء الله هنشوف افكار لتثقيف الشعب
أنا اسمي مصطفى يا باشا

ماهو المفروض ان لو مستوي البلد ارتفع الجمارك تقل ساعتها
واتشرفت بمعرفه اسمك يا مصطفي باشا

[mohamed_mohsen]

-المواصلات تكون نظيفه و حضاريه و نعمل bus lane مخصوص عشان الاوتوبيسات تمشي فيها
-نرجع نظام التسعيره الجبريه للخضروات و الفاكهه و الاسعار تبقي معروفه كل يوم علي الاذاعه و التلفزيون و موقع الحكومه علي الانترنت و اللي يغلي يتبلغ عنه و يتقبض عليه
-تجريم البناء علي الاراضي الزراعيه و الاهتمام بزراعة السلع الاساسيه مثل القمح عشان محدش يتحكم فينا
-الاهتمام بالتعليم اللي بينمي مواهبك و يتبني قدراتك و مايعتمدش علي الحفظ فقط
-نبتدي من حيث انتهي الآخرون مش نجيب حاجات اي كلام و قديمه من بره و نقول احنا بنطور
-التعليم و الصحه تبقي من اولويات الحكومه
-الحكومه تعمل موقع علي الانترنت الناس تسيب فيه اقتراحاتها في التطوير و يتم النظر فيها و مدي جدواها
-عمل خط ساخن و موقع أيضاً للتبليغ عن الفساد و المحسوبيه و الكوسه
-الاهتمام بنظافة الشوارع و عمل قانون يطبق علي جميع المواطنين بدون كوسه و غرامات باهظه للمخالفين بعدم رمي القمامه في الشوارع
و عندي افكار تانيه كتير بس ده اللي قدرت افكر فيه دلوقتي