رأي أخر

[cheetos_892005]

يا جماعه فكروا
لما احنا بنخسر كل يوم مش عارف كام مليون جنيه ؟؟؟؟
كانت فين الفلوس ديه بتروح غير جيوب المسئولين؟؟؟؟؟
((مع العلم ان قناه السويس شغاله))
خسائر وزاره الاعلام لوحدها الاعلاااااااااام يعني مش بترول ولا الحاجات الجامده ديه 11.5 مليار جنيه السنه اللي فاتت
ولسه الوزير هو هو خدو بالكو ....
يبقي النتيجه ايه؟؟؟
ان اي خسائر تعاني منها البلد خلال الاعتصامات ديه لا تساوي ابدا الخسائر اللي كانت حاصله من قبل يوم 25
مقابل ان شاء الله مستقبل و مكاسب افضل قدام

[ahmed1981]

حسبنا الله ونعم الوكيل في كل من أيد هؤلاء الخونة حتى ولو بجلوسه في منزله وصمته ومداهنته للنظام

شكراً على حماسك
لكن لا يصح أن كل من يختلف معنا نهينه وندعو عليه
إنزل بنفسك وادعوا غيرك للنزول لكن لا تتدخل فيما لايعنيك من أفعال الناس
ولا تفرض فكرك على أحد بأن من يعارضك تهينه وتدعو عليه

[د.أبونضال]

شكرا على التحليل الرائع
أنا مريح دماغي بقاعدة ذهبية
أنا كمصري ثائر وظيفتي هي الثورة والضغط على اعصاب النظام حتى ينهار ويرحل، النظام أيضا يضغط على أعصابي لكي أنهار واستسلم، إذا استسلمت أنا سأخسر كل شيء، أما النظام فسواء انهار أم بقي فلن يخسر شيئا لأنه مأمن نفسه وشايل الخميرة بره.

[wael3m]

مينفعش وأنا فى موقف المنتصر أنسحب وللأسف
فى ناس كتير إنسحبت من الميدان بناء على خطاب الريس
( ممكن يتصدق لو فى دولة ديمقراطية ودى طبعا مش الحالة اللى بنعيشها)


العملية حرب أعصاب وحرب نفسية يكسب فيها الطرف الأقوى
بثباته وإصراره على مطالبه .... إحنا كسبنا تعاطف العالم لأن كان معانا إعلام دولى ومازال فى صفنا بس
الخطة اللى إتعملت
خطة إبليس نفسه يقف قدام مبارك ويقوله أستاذ اهو دا الشغل ياوديع
خطة قدرت تقسم الشارع اتنين مع وضد
مبارك فى حرب 73 استخدم الطيران لهزيمة اسرائيل
زى ما عملت معانا فى 67 وهو وأعوانه ونظامه وحزبه
استخدم معانا نفس السلاح الانترنت والاعلام علشان يحاربنا بيه


الناس اللى بتدعوا للتهدئة مكانوش متوقعين إن العملية هتطول أوى
كدا :...... هى الناس كانت فاكرة ايه الليلة هتخلص فى ٣ أيام
دا لو فرح ابن العمدة حدانا فى الكفر كان هياخد اكتر من شهر توضيب فتخيلوا إنتوا بقى انكم عايزين تسقطوا النظام وتحاكموا رموزه فى مدة صغيرة


المثل بيقولك ان خفت متقولش
وإن قولت متخافش


عايز أقول فى الأخر ...... أول مرة من 6 سنين فى ايطاليا
أحس إنى فخور أوى انى مصرى
شكرا للرجالة اللى خلتنى مرفوع الراس فى بلاد الغربة بعد ما بلدى خلتها فى الأرض
وألف رحمة على روح الشهداء اللي ماتوا علشان أولادى وأولادكم
يعيشوا مرفعوين الراس وياريت لاننساهم بقرأة الفاتحة على روحهم فى كل صلاة

[الصيداح]

شكراً على حماسك
لكن لا يصح أن كل من يختلف معنا نهينه وندعو عليه
إنزل بنفسك وادعوا غيرك للنزول لكن لا تتدخل فيما لايعنيك من أفعال الناس
ولا تفرض فكرك على أحد بأن من يعارضك تهينه وتدعو عليه

أعتذر عن الإنفعال الزائد لكن والله الواحد دمه محروق
فأنا أقصد الذين يعلمون الحقيقة لكنهم مراؤون للنظام لكن خانني التعبير
فعذرا للجميع إن بدر مني أي شئ أزعجكم فوالله كانت من غير قصد
وحسبنا الله ونعم الوكيل في النظام وعملائه

[Everlasting]

كفيت ووفيت

[M7amD_7amDy]

ياريت الناس تقرأ الموضوع ده

الناس خلاااااااااااص نست اللى فات والعواطف لعبت دورها

حسبى الله ونعم الوكيل

[medo_2060]

والله أنا دمي محروق لأبعد الحدود
سبحان الله
سنين قاعدين نشكي من حالنا وإن إحنا جبناء ومحدش بيقدر يفتح بقه بكلمه
وكله خايف على أكل عيشه وووو...إلخ
وبعد ما تحصل المعجزة والناس تتحرك نرجع نلاقي ناس رجعت للخلف
الإعلام الفاسد بتاعنا له دور في غسل مخ الناس بالكلام الباطل

بس فعلا اللي مصدق أن الناس اللي في التحرير دي متدربين في إيران أو هما إخوان أو فيه
عناصر أجنبية أو أو.....دول فعلا مش معانا خالص
وبعدين كل حاجة عناصر أجنبية
مظاهرات يقولك عناصر أجنبية
تفجير أنبوب الغاز عناصر أجنبية
تفجير الكنيسة يقوللك عناصر أجنبية
أمال أنتوا كنتم قاعدين في الحكم بتعملوا إيه....والباشا عمر سليمان اللي مطلعينوا السماء
اللواء راح اللواء جه أمال مدير إستخبارات ايه بس
إذا كان هناك عناصر أجنبية كما تقولون فأنتم المدانون وحدكم يا حكومة لأنكم لم تستطيعوا حماية الأمن القومي للبلد من العناصر الأجنبية والدخلاء وووو........

وبعدين مبارك اللي قعد 30 سنة في الحكم يكذب علينا بالوعود وغير علينا 8 حكومات وكلهم أقذر من بعض
لسة فيكم حد في أمل أنه ميكدبش علينا الفترة اللي جاية والمفروض أن إحنا نديلوه فرصة
بعد كل الفساد ده

يا إخوانا بيع الغاز لإسرائيل بأسعار مخفضة كفيل بإن إحنا نحاكمه مش نشيله
بغض النظر عن إحنا بنصدره لدولة عدوة طيب حد يفهمني ليه بأسعار مخفضة بتخسرنا 3مليارات في السنة
يعني يا رييتنا بنكسب فيه لأ بنصدره للعدو وكمان بنخسر فيه
والناس اللي تقوللك أصله صعب علينا في الخطاب الأخير
وهو يعني كان قعد ال30 سنة يخدم ببلاش
ماهي ثروته بتقدر ما بين 40-70مليار دولار
جابها منين
يمكن من المرتب؟

مبارك فسد وأفسد

وبالنسبة لمن يقولون أصلها هتبقا فوضى لو مشي
طيب وهي الدولة إيه غير شوية أنظمة
ولما إنهارت الدولة في ظرف 5ساعات مع إنسحاب الشرطة وهروب المساجين
وإستدعاء البطجية ليسرقوا الناس في بيوتهم
ألم تكن فوضى؟
ألم تكن هذه هي الفوضى مع إنه موجود
لكن يا سادة الشعب هو من نزل وحمى البلد من الفوضى
فارحل يا أخي وإن لم تحم الدولة أجهزتها الأمنية فسيحميها الشعب ولن تكون فوضى
إنها الحجج الواهية

وبالنسبة لمن يقول إن في ناس كل همها إضعاف دور مصر الخارجي
والله العظيم نكته رهييييييبة لأ وإحنا دورنا بسم الله ما شاء الله فعال بدرجة لا يعلى عليها
حد فيكم ليه كرامة لما بيخرج برة مصر إذا كان كرامته ضايعة وهو جوة البلد هيبقى ليه كرامة وهو برة
وبعدين دورنا الإقليمي والخارجي أصبح مع العدو في كفة إسرائيل وأمريكا
دورنا الخارجي المؤثر هو أن تضرب غزة وليفني كانت قبلها بيوم واحد هنا في مصر تصافح الرئيس ووزير الخارجية
وتعلمهم بالنية المبيتة للضرب ولا أحد يأخذ على يدها
دورنا الإقليمي هو لما تضرب غزة نقفل معبر رفح الحدودي ونمنعهم المساعدات
دورنا الإقليمي هو أن توسع الحفريات تحت الأقصى ولا نبالي
دورنا الٌإقليمي هو أن تؤكل ما تبقى من فلسطين بالمستوطنات في الضفة والقدس وكأن شيئا لم يكن
دورنا الإقليمي هو أن نهادن الأمريكان في إحتلال العراق
هذا هو دورنا الفعال
وكأننا ولاية من ولايات أمريكا



حسبنا الله ونعم الوكيل في كل من أيد هؤلاء الخونة حتى ولو بجلوسه في منزله وصمته ومداهنته للنظام

كلمة أقولها لمبارك

قبل حرب العراق أنت قلت لصدام ونصحته بأن يترك الحكم من أجل البلد وهو داخل على حرب
فبالله عليك يا أخي إقبل دعوة شعبك وارحل فنحن لسنا على أبواب حرب إنما هو شعبك يطالبك بالرحيل

متفق معاك فى كل كلمه قلتها
الناس بقالها 30 سنه عايزه تغيير ولما يتفتح موضوع عن مصر فى المنتدى كل يدخل يحكى لنا الظلم الى بيتعرضله فى البلد
ولما جه وقت التغيير ناس ضحت بحياتها وناس لما لقوا راتبهم هيتقطع شهر او مش هيعرف يروح النادى ولا يحط بنزين ولا بيشترى كارت لشحن غالى قالوا لأ يفتح الله كنا الاول احسن..وكمان بيحملوا كامل المسؤليه للمتظاهرين
لاحول ولا قوه الا بالله

وبالمناسبه الحزينه دى احب اهديكم احدث فيدوهات جرائم الحرب لاخواتكم الى اتقتلوا بدم بارد
YouTube - ‫ظ‚طھظ„ ظ…ظˆط§ط·ظ† ظ…طµط±ظٹ ط§ظ„ط§ط³ظƒظ†ط¯ط±ظٹط© 28 ظٹظ†ط§ظٹظٹط±‬‎

حسبى الله ونعم الوكيل فى الظالمين والمتخاذلين فى حق الشهداء

[eslam_wega]

ارحل يا مبارك كلنا بنكرهك والله العظيم
يارب حقق مطالب الشعب السبعة

[الصيداح]

شكرا يا رجالة على المرور ويا ريت الناس تفوق كدة وتعرف المصلحة الفعلية للبلد
وتسيبها من الإعلام الفاسد بتاعنا ده

[الصيداح]

للرفع..........