واحد صاحبى اتثبت

[kar!m]

النهارده أول يوم نرجع فيه الشغل .. طبعا كل الناس ملهاش كلام الا عن اللى بيحصل فى مصر ..

و انا جاى فى الباص الصبح اللى قاعد جنبى طلب منى أرن على موبايله .. قلت له مقفول .. قال لى اه أصله ضاع منى .. قال لى كانو بيجروا ورا حرامى فى الشارع بتاعهم و الموبايل وقع من جيبة .. و قعدنا نتكلم .. المهم لقيتة بيقول لى حاول متاخدش معاك حاجات كتير و انت نازل الصبح و خلى بالك و كده.

المهم االكلام جاب بعضه .. لقيته بيقول لى بص أنا هقول لك على حاجه بصراحه .. انا الموبايل ماضاعش منى .. أنا اتثبتت و الموبايل اتاخد منى .. بس متقولش لحد فى الشركة عشان محدش يضحك عليه و كده.

بيقول لى كان نازل يجيب دوا و بعدين أربعه وقفوه و معاهم سيوف (هو ساكن فى المرج) .. وقالوا له احنا لجنة شعبية انت رايح فين و فين بطاقتك؟ المهم اداهم البطاقة قالوا له طلع الموبايل و الفلوس اللى معاك يالا .. بيقول لى شكلهم شاربين و مش فارق معاهم .. المهم اداهم الموبايل و الفلوس .. حوالى 250 جنية .. و كانوا عايزين ياخدوا الدوا .. كانوا فاكرين انه فيه حاجات من اللى بيشربوها بس بعدين سابوه له .. و سابوا له 15 جنية عشان يروح .. قالهم طيب ممكن شريحة الموبايل .. قالوا له يلا من هنا يالا.

بس أنا عاجبنى أوى انهم سابوا له 15 جنية يروح بصراحه.

ربنا يلطف بينا.

[gebreel]

لا حول ولا قوة الا بالله

فيه ايه بجد انا تعبت

[ahmed-moga]

النهارده أول يوم نرجع فيه الشغل .. طبعا كل الناس ملهاش كلام الا عن اللى بيحصل فى مصر ..

و انا جاى فى الباص الصبح اللى قاعد جنبى طلب منى أرن على موبايله .. قلت له مقفول .. قال لى اه أصله ضاع منى .. قال لى كانو بيجروا ورا حرامى فى الشارع بتاعهم و الموبايل وقع من جيبة .. و قعدنا نتكلم .. المهم لقيتة بيقول لى حاول متاخدش معاك حاجات كتير و انت نازل الصبح و خلى بالك و كده.

المهم االكلام جاب بعضه .. لقيته بيقول لى بص أنا هقول لك على حاجه بصراحه .. انا الموبايل ماضاعش منى .. أنا اتثبتت و الموبايل اتاخد منى .. بس متقولش لحد فى الشركة عشان محدش يضحك عليه و كده.

بيقول لى كان نازل يجيب دوا و بعدين أربعه وقفوه و معاهم سيوف (هو ساكن فى المرج) .. وقالوا له احنا لجنة شعبية انت رايح فين و فين بطاقتك؟ المهم اداهم البطاقة قالوا له طلع الموبايل و الفلوس اللى معاك يالا .. بيقول لى شكلهم شاربين و مش فارق معاهم .. المهم اداهم الموبايل و الفلوس .. حوالى 250 جنية .. و كانوا عايزين ياخدوا الدوا .. كانوا فاكرين انه فيه حاجات من اللى بيشربوها بس بعدين سابوه له .. و سابوا له 15 جنية عشان يروح .. قالهم طيب ممكن شريحة الموبايل .. قالوا له يلا من هنا يالا.

بس أنا عاجبنى أوى انهم سابوا له 15 جنية يروح بصراحه.

ربنا يلطف بينا.

للأسف الشديد في بعض اللجان الشعبيه هما نفسهم من الحراميه والبلطجيه اللي كانوا عملوا لينا قلق علشان كده يجب اننا نطالب الداخليه بأختيار من يقف في هذه اللجان او يتواجوا ويلغوها خالص نحن عن نفسنا وقفنا اللجان الشعبيه عندنا وعملناها في الشوراع اللي ساكنين فيها واي حد من اللجان الشعبيه دية دخل المنطقه بتاعتنا من غير مايكون من اهلها بيطحن ومش عايز اقولك انه ممكن يتقتل كمان لأن الموضوع تم استغلاله بشكل بلطجي واجرامي

[AboELsoud]

امبارح انا و اخويا راجعين من المطريه الى مدينه نصر
وقفنا في ييجي 25 لجنه (متخلفه) شعبيه
الناس مش معقوله تقف عند شويه تمشي 10 متر تقف تاني !!!!! طب ما هو اللي وراك لسه شايفني
نفسي يمنعوا اللجان الشعبيه دي بقى ؟!

[MASERATI]

السلام عليكم و رحمة الله و بركاته

ماهو بالعقل كده, اللى يخلى البلطجية يسرقوا, طاب ما أسهلهم يعملوا لجنة شعبية و يقلبوا الناس و خلاص.

أحسن حاجة أن الواحد مايشيلش معاه أى حاجة ثمينة و هو ماشى على رجليه فى الشارع خاااااااااااااالص و بالذات لو كان بالليل , أنا عن نفسى , لما بخرج بالليل, بيبقى معايا بتاع 10 و لا 15 جنيه بالكتير أوى و الأوراق بتاعتى طبعا زى البطاقة و الرخص و كارت الفيزا و بس, أغلى حاجة ببقى شايلها, هى الموبايل الغالى المتطور جدا بتاعى (نوكيا 1110).

و ربنا ييسر الأمور ان شاء الله .

[kar!m]

السلام عليكم و رحمة الله و بركاته

ماهو بالعقل كده, اللى يخلى البلطجية يسرقوا, طاب ما أسهلهم يعملوا لجنة شعبية و يقلبوا الناس و خلاص.

أحسن حاجة أن الواحد مايشيلش معاه أى حاجة ثمينة و هو ماشى على رجليه فى الشارع خاااااااااااااالص و بالذات لو كان بالليل , أنا عن نفسى , لما بخرج بالليل, بيبقى معايا بتاع 10 و لا 15 جنيه بالكتير أوى و الأوراق بتاعتى طبعا زى البطاقة و الرخص و كارت الفيزا و بس, أغلى حاجة ببقى شايلها, هى الموبايل الغالى المتطور جدا بتاعى (نوكيا 1110).

و ربنا ييسر الأمور ان شاء الله .

و عليكم السلام و رحمة الله و بركاته

أنا بدأت أعمل زيك كده بالضبط .. باخد فلوس على قدى و البطاقة بس.

[AmatoALLAH]

انا اخويا طيار في مصر الطيران و الشركه كانت منبه عليهم ان اللي هيجي بعربيته الخاصه اي شئ يحصله هيكون علي مسئوليته الخاصة

و واحد زميلهم و هو رايح المطار بعربيته بلطجيه وقفوه و سرقوه

[dr-mohamed]

المهم االكلام جاب بعضه .. لقيته بيقول لى بص أنا هقول لك على حاجه بصراحه .. انا الموبايل ماضاعش منى .. أنا اتثبتت و الموبايل اتاخد منى .. بس متقولش لحد فى الشركة عشان محدش يضحك عليه و كده.

ههههههههههههههههههههههههههههههههههههههه
يعني انت متضحكش عليه الشركة وتضحك عليه المنتدي كله
لما يرجع الشريحة ابعت لي رقمه علشان اعرفه ان انت ضحكت عليه المنتدي كله

امبارح انا و اخويا راجعين من المطريه الى مدينه نصر
وقفنا في ييجي 25 لجنه (متخلفه) شعبيه
الناس مش معقوله تقف عند شويه تمشي 10 متر تقف تاني !!!!! طب ما هو اللي وراك لسه شايفني
نفسي يمنعوا اللجان الشعبيه دي بقى ؟!

لما قلت الكلام ده يوم السبت ان فيه بعض اللجان الشعبية عبارة عن صيع ومسجلين خطر وبيقلبوا الناس طلع لي عشرين واحد مكانش ناقص غير انهم يكفروني

أغلى حاجة ببقى شايلها, هى الموبايل الغالى المتطور جدا بتاعى (نوكيا 1110).

كدة انا هدور على عنوانك واجي اعمل لك لجنة شعبية مخصوص علشان نقلب الموبايل بتاعك

[أبو إياد]

ههههههههههههههههههههههههههههههههههههههه
يعني انت متضحكش عليه الشركة وتضحك عليه المنتدي كله

نفس الكلمتين اللى كنت ناوى اكتبهم

[kar!m]

تصدق مخدتش بالى من الموضوع ده :-)

[أبومعاذ]

انا هقوله يا كيمو بكرة في الباص :)

[golfawyzz]

ربنا يعوض عليه