شركتك وضعها ايه دلوقتي

[ahmed_h_g]

الحمد لله على كل شئ

[ghazy12]

المقاولون العرب مايتقلقش عليها اكيد هيرجعوا تانى وحتى المشاريع اللى بيعملوها مش هتتاثر كلها تبع الحكومه حتى لو الحكومه غيرت توجهاتها لمشاريع انشائيه مختلفه المقاولون العرب برده دايسه

ممكن, بس اعتقد انهم هيتأثروا اكيد, لكن المقاولين العرب مش هما الملاك للمشروع اصلاً,
وزارة البترول هي المالك للمشروع, و بالمناسبه السعيده دي, احب اقول ان الوزير سامح فهمي
اللي تم اختياره تاني في الوزاره الجديده من الفاسدين بردو لانه اهدر اكتر من 100 مليون جنيه
من المال العام في مشروع واحد فقط, و ما خفي كان اعظم..!!

[أبو صلاح]

يا جماعة المشكلة ان اللي بيحصل ده كتير
وربنا يعديها على خير ويفك كربنا كلنا
انا مفتنع ان شركتي هتتأثر بالكلام بس مش بالشكل المريع ده
أخيرا بعد شد وجذب على آخر اليوم قرر انه يكون ساعات العمل حتى 2.30 ظهرا

والحمد لله دلوقتي أخوكم معروض عليه يشتغل على ميكروباص سوزوكي
ايه رأيكم؟

[أبو صلاح]

بالمناسبة يا جماعة قرار الست عائشة ووزارتها ايه في الموضوع ده؟

[dr-mohamed]

ربنا معاكم جميعا
ان بعد العسر يسر
وربنا يقوي الناس اللى مكانتش عاملة حسابها لليوم ده
وبحيي كل اخواننا اللى عندهم مشاريع ومصممين يحموا الناس اللى بتشتغل معاهم لاخر درجة
واخونا الدكتور المحترم اللي دخله قل بشكل كبير ومقللش مرتبات الناس اللى شغالة معاه
ربنا يستر والجامعات هي كمان متعملش تخفيض عمالة والا هانضم لابو صلاح على الميكروباس (احجز لي مكان يا ابو صلاح)

[michohat]

الشركه التي اعمل بها ( نشاطها الاساسي بيع الاجهزة الالكترونيه والمنزلية )
لحد دلوقتي مفيش فيشه واحده عدت خارج مخازنها فبالتالي قطاع المبيعات وكافة المندايب مفيش شغل
انا شغال فى المالية وشغلي بعيد شوية عن المبيعات فيعتبر مش متأثر كتير بس الخوف ان الحال يستمر على كده و يبدأ عمليه التسريح

[Karim_Monir]

للاسف وقفت نشاطي مؤقتا في الاستيراد نظراً لارتفاع سعر الدولار
و الشغل تقريباً لحد دلوقتي متوقف لحين اشعار آخر...

اللطيف اني كنت متفق على بعض الخامات اللي هتجيلي من فرنسا من شركة لافارج
و حولت الفلوس للشركه يوم الخميس اللي قبل جمعة الغضب, و شكرااا :))

لقيتهم بيكلموني من فرنسا من يومين بس و البنت المسؤله عن الاوردر
بتاعي مغربيه, و بتكلمني و هي مكسوفه جداا و بتقوللي قلبي معاكم
و ربنا يوفقكم و قمة الروح الطيبه, و قالتلي ان الاوردر جاهز و منتظرين
تدينا كونفيرم علشان نبعته... طبعاً لسه الامور متوتره, لكن ربنا يسهل

قلبي عندك يا اخي وربنا يعوض عليك
انت برضه شغال مع مغاربة فرنسيين
ده شغلي الاساسي معاهم توانسه وجزائرين ومغاربة
والمان وسوايده
وربنا يستر لان الشحن في ازمة جامدة جدا عشان الحظر
لو عرفت تاخر شحن الاوردر لو مش محتاجه اخرة اسبوع ولا حاجة
ووضع القنصليات في الدول برضه مش ظريف لان في توتر جدا في كل الدول
فالموردين مش عارفين ياخدو ختم القنصلية

[Karim_Monir]

والحمد لله دلوقتي أخوكم معروض عليه يشتغل على ميكروباص سوزوكي
ايه رأيكم؟

مش عايز تباع يا ابو صلاح :-)

اهو حتى لو مالقتش انفار تحملهم نتسلى :-)

[amado ibrahim]

قال تعالى: ( ولنبلونكم بشيء من الخوف والجوع ونقص من الأموال والأنفس والثمرات وبشر الصابرين ) [البقرة:155] فقد بين الله سبحانه وتعالى فيها بعض أنواع البلاء التي يبتلي بها عباده، ثم جاء الثناء على الصابرين عند المصائب عامة الذين يقولون: إنا لله وإنا إليه راجعون. قال الإمام ابن كثير رحمه الله ( أخبرنا تعالى أنه يبتلي عباده: أي يختبرهم ويمتحنهم، كما قال تعالى: (ولنبلونكم حتى نعلم المجاهدين منكم والصابرين ونبلو أخباركم) فتارة بالسراء، وتارة بالضراء من خوف وجوع… و ( نقص من الأموال) أي ذهاب بعضها ( والأنفس) بموت الأصحاب والأقارب والأحباب.
قال ابن كثير: وقد حكى بعض المفسرين أن المراد بنقص الأموال: الزكاة، والأنفس: الأمراض، والثمرات: الأولاد. وفي هذا نظر. والله أعلم ( تفسير ابن كثير1/259).

وقال تعالى فى سورة التوبة

(قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللَّهُ بِأَمْرِهِ وَاللَّهُ لاَ يَهْدِي الْقَوْمَ الْفَاسِقِينَ )

قال تعالى فى سورة التوبة

(إِنَّ اللَّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللَّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ)

قال تعالى فى سورة التوبة
(مَا كَانَ لِأَهْلِ الْمَدِينَةِ وَمَنْ حَوْلَهُم مِّنَ الأَعْرَابِ أَن يَتَخَلَّفُواْ عَن رَّسُولِ اللَّهِ وَلاَ يَرْغَبُواْ بِأَنفُسِهِمْ عَن نَّفْسِهِ ذَلِكَ بِأَنَّهُمْ لاَ يُصِيبُهُمْ ظَمَأٌ وَلاَ نَصَبٌ وَلاَ مَخْمَصَةٌ فِي سَبِيلِ اللَّهِ وَلاَ يَطَؤُونَ مَوْطِئًا يَغِيظُ الْكُفَّارَ وَلاَ يَنَالُونَ مِنْ عَدُوٍّ نَّيْلاً إِلاَّ كُتِبَ لَهُم بِهِ عَمَلٌ صَالِحٌ إِنَّ اللَّهَ لاَ يُضِيعُ أَجْرَ الْمُحْسِنِينَ)

[Ghamrawy]

شركتى لسه مضروبلها خط و محطة غاز طبيعى فى سينا
و الحمد لله ماحدش اتخربش
حسبى الله و نعم الوكيل

[dr-mohamed]

مش عايز تباع يا ابو صلاح :-)
اهو حتى لو مالقتش انفار تحملهم نتسلى :-)

نعم يا عم كريم
هنقطع على بعض ولا ايه
انا سئلت ابو صلاح قبلك
بس استني انا هشتغل وردية وهو وردية
وانا عن نفسي موافق تيجي تقعد جنبي ونقسم الايراد اخر اليوم

شركتى لسه مضروبلها خط و محطة غاز طبيعى فى سينا
و الحمد لله ماحدش اتخربش
حسبى الله و نعم الوكيل

يبقي انتم اللى بتصدروا الغاز لاسرائيل
استخبي بسرعة علشان فيه ناس هنا هتفكرك وناس هتطالب بقتلك دلوقت

[ghazy12]

قلبي عندك يا اخي وربنا يعوض عليك
انت برضه شغال مع مغاربة فرنسيين
ده شغلي الاساسي معاهم توانسه وجزائرين ومغاربة
والمان وسوايده
وربنا يستر لان الشحن في ازمة جامدة جدا عشان الحظر
لو عرفت تاخر شحن الاوردر لو مش محتاجه اخرة اسبوع ولا حاجة
ووضع القنصليات في الدول برضه مش ظريف لان في توتر جدا في كل الدول
فالموردين مش عارفين ياخدو ختم القنصلية

الحمد لله انهم كانوا خدوا الختم قبل الثوره تقريباً, بس في جزء من الاوردر فكرت اجيبه
من لافارج في تركيا توفيراً للوقت و لان الجزء ده كان هو الاهم ساعتها... ساعتها بقى :))

و عموماً يا كريم مش فارقه الاسبوع ده من الاسبوع اللي جاي, هي هي يا باشا, و ربنا يستر

[Ghamrawy]

يبقي انتم اللى بتصدروا الغاز لاسرائيل
استخبي بسرعة علشان فيه ناس هنا هتفكرك وناس هتطالب بقتلك دلوقت

هاهاهااااى

لا مش احنا
ده حسين سالم الملياردير الهربان
حبيب الريس
صاحب شركة غاز الشرق
و للعلم المسئولين فى الشركة دى دلوقتى حايتعلقوا بعد هروب حسين سالم

[أحمد كمال]

شركتى لسه مضروبلها خط و محطة غاز طبيعى فى سينا
و الحمد لله ماحدش اتخربش
حسبى الله و نعم الوكيل

حضرتك - لا سمح الله - شغال في الشركة اللي بتبيع الغاز لاسرائيل؟؟؟؟؟؟؟؟؟

[mrwho1982]

هاهاهااااى

لا مش احنا
ده حسين سالم الملياردير الهربان
حبيب الريس
صاحب شركة غاز الشرق
و للعلم المسئولين فى الشركة دى دلوقتى حايتعلقوا بعد هروب حسين سالم

هاتووووووووووووووه اوعي يفلت منكم

انتم واخدين حوالي 40 الف علشان تدخلو الغاز عندنا في التجمع

وحياتك ياشيخ عندكم مهندسين عايزين الحرق ولو شوفت اللي مديهم الهندسة هانفخو علي 40