هم يبكي وهم يرقص !! (وائل عطية)

[وائل عطية]

امبارح كتبت عن موقف مؤثر ، ما زلت أشعر بمرارته حتى الآن .. ست كبيرة مش لاقية تاكل هى وأولادها وبتاكل من صندوق الزبالة (عافاكم الله ) وهو دا الهم اللي يبكي !!
انهارده ماشي على كوبري 6 اكتوبر الصبح طبعاً الحركة مش سريعة ..لقيت قدامي آنسة راكبة بيجو 307 أنا شايفها في مراية الصالون بتاعها بتعمل حركات مش طبيعية ..قلت أجي جنبها وأشوف إيه اللي بيحصل ..تخيلوا بتعمل إيه ؟؟؟ -بترقص والله العظيم بترقص ..هى مش عيلة صغيرة لأ دي عندها حوالي 25 سنة مشغلة الكاسيت وقاعدة بترقص بالنصف العلوي من جسمها ..!!
قارنت بين موقف اليوم وموقف الأمس، فتوصلت إلى التأكد فعلاً من اتساع الهوة بين الطبقات في هذا المجتمع ..ولن أدخل في الدلالات الأخلاقية أو الدينية لهذه الوصلة من الفن الشرقي باستخدام نصف الجسم العلوي !!

[hazem_khidr]

علي رايك يا وائل باشا
هم يضحك و هم يبكي
الا قولي صحيح البنت كانت اموره.؟ :)

[cpt_shawky]

امبارح كتبت عن موقف مؤثر ، ما زلت أشعر بمرارته حتى الآن .. ست كبيرة مش لاقية تاكل هى وأولادها وبتاكل من صندوق الزبالة (عافاكم الله ) وهو دا الهم اللي يبكي !!
انهارده ماشي على كوبري 6 اكتوبر الصبح طبعاً الحركة مش سريعة ..لقيت قدامي آنسة راكبة بيجو 307 أنا شايفها في مراية الصالون بتاعها بتعمل حركات مش طبيعية ..قلت أجي جنبها وأشوف إيه اللي بيحصل ..تخيلوا بتعمل إيه ؟؟؟ -بترقص والله العظيم بترقص ..هى مش عيلة صغيرة لأ دي عندها حوالي 25 سنة مشغلة الكاسيت وقاعدة بترقص بالنصف العلوي من جسمها ..!!
قارنت بين موقف اليوم وموقف الأمس، فتوصلت إلى التأكد فعلاً من اتساع الهوة بين الطبقات في هذا المجتمع ..ولن أدخل في الدلالات الأخلاقية أو الدينية لهذه الوصلة من الفن الشرقي باستخدام نصف الجسم العلوي !!

الله اعلم بظروفها ممكن واحد يعبر عن سعادته بأى طريقة وربنا يسعدها وكرمها كمان وكمان ويسعدنا جميعاً زيها ومن حكم في ماله فما ظلم وبعدين متبصش وتبحلق أوى كده يا وائل باشا:D:D غض البصر :p

موضوع الهم اللى يبكي بقا هو ده المشكلة فعلاً تبقا مش عارف مين محتاج ومين مش محتاج من كتر الخدع والألاعيب اللى بتتعمل النهاردة مثلا خبر فمصراوى عن واحد مأجر ولاده للتسول فاليوم ب 100 جنيه ياترى حد عنده أفكار ازاى تحدد المحتاج من اللى مش محتاج فعلاً؟؟

مرة كنت راكب مع تاكسى ومشوار ميجبش 5 جنيه وانا بحاسبه لقيت انفجر من العياط وانا مراتى ولدت الفجر وانا نازل الم حق الولادة والمستشفى وووووو وبكى بكاء رهيب وانا جدع قمت مديله ال 20 وهوب دخلت الشركة بحكى اللى حصل ولقيت كلو انت صدقت وطلع سيناريو محفوظ وانا اللى اول مرة اشوفه!!!

[ASD peugeot]

هي دي الدنيه هي صحيح كلمه الدنيه ليها علاقه بالتدني (حد فاهم حاجه)

[حماده عزو]

الدنيا من الدناوه ولا من الضنا

[ahmedateya]

ده حال الدنيا في كل مكان
و الا صحيح...ال307 كان لونها شامبين؟;):d;):d صح؟؟

[وائل عطية]

ده حال الدنيا في كل مكان
و الا صحيح...ال307 كان لونها شامبين؟;):d;):d صح؟؟

صح والله
إنت شفتها انت كمان ولا إيه؟

[وائل عطية]

الله اعلم بظروفها ممكن واحد يعبر عن سعادته بأى طريقة وربنا يسعدها وكرمها كمان وكمان ويسعدنا جميعاً زيها ومن حكم في ماله فما ظلم وبعدين متبصش وتبحلق أوى كده يا وائل باشا:D:D غض البصر :p

موضوع الهم اللى يبكي بقا هو ده المشكلة فعلاً تبقا مش عارف مين محتاج ومين مش محتاج من كتر الخدع والألاعيب اللى بتتعمل النهاردة مثلا خبر فمصراوى عن واحد مأجر ولاده للتسول فاليوم ب 100 جنيه ياترى حد عنده أفكار ازاى تحدد المحتاج من اللى مش محتاج فعلاً؟؟

مرة كنت راكب مع تاكسى ومشوار ميجبش 5 جنيه وانا بحاسبه لقيت انفجر من العياط وانا مراتى ولدت الفجر وانا نازل الم حق الولادة والمستشفى وووووو وبكى بكاء رهيب وانا جدع قمت مديله ال 20 وهوب دخلت الشركة بحكى اللى حصل ولقيت كلو انت صدقت وطلع سيناريو محفوظ وانا اللى اول مرة اشوفه!!!

والله يامعلم ماكنش الغرض البحلقة ولا حاجة:D لكن كان موقف غريب لازم يسترعي انتباه أي حد
بالإضافة إلى أنها ممكن تضرني برعونتها

[HESHAM AMIN]

طبقات اية الى بتتكلم عليهم
كان زمان !!!!!!!!!!!!
دلوقتى فية طبقتين
الى فوق ودا بيطلع زيادة على حساب الناس التانية
الى تحت ودا عمال ينزل زيادة من ضغط الناس الى فوق عليهم

[analyzer]

اللهم لك الحمد والشكر على نعمائك التى انعمت عليا بها

[Akram]

[محمد المشد]

اصلها كانت رايحة تمتحن فى كبارية ، فالمسكينة لازم تحرك العضلات الفاتنة علشان ميحصلش لها تيبس
عموما اهى سلتك فى وحدتك على الكوبرى وزحمة المرور 000 واقترح انهم يبقوا يحطوا هذة النماذج على الكبارى علشان تسلية الغلابة ، وبعدين اية حكاية ظروفها ديت هيه واحد بترقص فى الشارع اية ظروفها فية براغيت ولا عقارب بتقرصها ولا اية ؟

[cpt_shawky]

والله يامعلم ماكنش الغرض البحلقة ولا حاجة:D لكن كان موقف غريب لازم يسترعي انتباه أي حد
بالإضافة إلى أنها ممكن تضرني برعونتها

وائل باشا صباح الجمال تخيل انى افتكرتك امبارح بس من ايام كونتاكت وكنت ناوى أدور فين الشخصية الرائعة اللى كانت أول من اشترى اسبرانزا وفين حكاياتك عن الاسبرانزا وياترى عامل موضوع بيلم كل تقاريرك عن العربية وهى لسه ومعاك ولا ايه وعاملة كام كيلو ؟؟؟ :)

[وائل عطية]

وائل باشا صباح الجمال تخيل انى افتكرتك امبارح بس من ايام كونتاكت وكنت ناوى أدور فين الشخصية الرائعة اللى كانت أول من اشترى اسبرانزا وفين حكاياتك عن الاسبرانزا وياترى عامل موضوع بيلم كل تقاريرك عن العربية وهى لسه ومعاك ولا ايه وعاملة كام كيلو ؟؟؟ :)

ياباشا الله يكرمك ولا شخصية رائعة ولا حاجة ..دا من ذوقك
بالنسبة للعربية أنا بعتها من فترة وكانت عاملة حوالي 23 او 24 ألف كم

[وائل عطية]

اصلها كانت رايحة تمتحن فى كبارية ، فالمسكينة لازم تحرك العضلات الفاتنة علشان ميحصلش لها تيبس
عموما اهى سلتك فى وحدتك على الكوبرى وزحمة المرور 000 واقترح انهم يبقوا يحطوا هذة النماذج على الكبارى علشان تسلية الغلابة ، وبعدين اية حكاية ظروفها ديت هيه واحد بترقص فى الشارع اية ظروفها فية براغيت ولا عقارب بتقرصها ولا اية ؟

حبيب الكل والشخصية المُهذبة التي لا يختلف عليها اثنان أ / محمد المشد
بالنسبة لاقتراحك ممكن نبعته للجنة المُكلفة بتنفيذ قانون المرور الجديد، لدراسته وتنفيذه :D:D:D