حسني مبارك عمل ايه عشان يتشتم ؟

[zizo50001]

والله حاجة تقرف بجد عالم اصلا زبالة كل الى لية مصلحة فى بقاء الريس يطلع يقول كلمتين حلوين ورجال نضيف و اللى يقولك دة زى ابوك هو لو ابوك اصلا لية مرعكش من الاول و لا اشرف ذكى اللى طلع فى قناه الحياة و قال يحرق مبارك على يحرق اللى بعدة و انا نازل اعمل مظاهرات عن مصر يروحو يقول نعم يا مبارك عالم وسخه (اسف على اللفظ بس للاسف مفيشحاجة اقل من كدة ليهم ) و الفيديو بجد جامد لان الناس زى دى عمرها ما هتحس بينا ولا بالناس اللى باليومية و الناس اصلا اللى مش معاهم يجيبوا اى حاجة من مستلزمات الحياة
ولما تشوف المددرعات اللى بتدوس الناس و لا الظباط الى كانو طيحين فى البلد
وحاجة زى الحزب الوطنى لما الحزب كلة يطلع فاسد وفىناس بقالها 10 سنين يعنى بقالهم 10 سنين بيسرقوا مال الشعب و رئيس هذا الحزب رئيس الجمهورية وبقالة اكتر من 10 سنين ساكت ومتحركش غير لما الناس اتحركت ابتدى يقلب على الكل دة يبقى ولما ثروه الريس تطلع 40 مليار دولار دة منين الراجل دة لازم يتحاسب
البلد كانت مليانة فساد بطريقة بشعة
وربنا يستر علينا الايام الجاية

[zizo50001]

اتفرجوا على الفيديو الاول ياريت قبل الرد

انا مش عارف هو احنا ليه مصعبناش على الريس من زمان علشان دلوقتى يصعب عليا

عندك حق والله
و اللى يقولك دة زى ابوك طب ابويا دة مش بيرعينى من زمان يبقىانا ارعية لية

[amado ibrahim]

بتعجبنى قوى العناوين الصادمة

على العموم

انا هارد رد قولته قبل كدةكتييييييييييييييييييييييييييييييييييييير

و عمال اعيد وا زيد وارغى و لوك لوك

لكن مضطر اقوله

سامحونى على التكرار

لسه الدكتور احمد عكاشة مخلص حوار على دريم من ساعة (كتير اوى ساعة فى السيرك اللى احنا فيه (لحسن يكون حد من حبيبنا الحلوين فقع تصريحين تلاتة وانا مش واخد بالى وخاصة الراجل العجيب اللى انا شاكك فيه و بدورله على شغل يا فالنيل للاخبار او مع الاختين الحلوين فى المحور)

خلاصة كلام عبقرى الطب النفسى و قرأته لشخصية اللى بالى بالك


الراجل الكبير لا يستطيع التغيير

فالطبع يغلب التطبع
ومن عاش 30 سنة نمرا لا يستطيع ان يتحول لارنب فى 6 شهور


ده خلاصة كلام الدكتور عكاشة

تعليق الفقير لله مسعود على بعض الشبهات (حلوة حكاية الشبهات دى)

شبهة رقم 1
يمكن الراجل عايز يصلح بجد

الرد

1- اللى عايز يصلح كان صلح من زمااااااااااااااااااااااااااااان( من يجى 30 سنه)

2-اللى عايز يصلح كان صلح مكنش شال اللى بيصلحو
تفتكرو من اللى شال
احمد رشدى
ابوغزالة
الجنزورى
عمرو موسى (عشان شعبولا و ال سى ان ان ينبسطو)
اسامة الباز

3-اللى عايز يصلح كان صلح ومدخلش حرب الخليج الاولى بجانب قوات التحالف

4 -اللى عايز يصلح كان صلح و مدخلش الاسطول الامريكى لاحتلال العراق 2003 فى حرب الخليج الثانيية
(لا و كمان يقولك احنا وافقنا وفقا لالتفاقية القسطنطنية لنة الف ثمنمائة وخشبة ( ثمنمائة دى مكتوبة صح والاغلط يا شباب الضاد)
اتفاقية القسطنطنية اللى وقعتها روسيا القيصرية بتاعة (الكازاتشوك و راسبوتين) مع الدولة العثمانية (بتاعة اما ياللى امان)

5- اللى عايز يصلح كان صلح و مصدرش الغاز لولاد عمنا بثلث ثمن بيعه لاخواتنا
(وبعدين يصدرهم غاز ليه و هما عمالين يقتلو فى اخوانا)

6-اللى عايز يصلح كان صلح ومحصرش اخوانا

7- اللى عايز يصلح كان صلح ومجبش مبيدات مسرطنة

8-اللى عايز يصلح كان صلح ومدخلش ولاد عمنا و حبايبنا الحلوين جوه البلد

9-اللى عايز يصلح كان صلح و مبعش القطاع العام وخرج العمال الغلابة عماش مبكر (ال عماش مبكر ال)

10-اللى عايز يصلح كان صلح ومسبش موضوع انتحار عبد الحميد شتا (بوعزيزى المصرى الاصلى)
الشاب الاول على دفعته (سياسة واقتصاد) و الذى اجتاز اختبارات الدوبلماسية المصرية اللوزعية (وبرده طلع الاول)
الا ان كل هذا لم يشفع له عند الدوبلوماسية اللوزعية و رفضوه
لانه غير لائق اجتماعيا لانه ابن فلاح (الله يرحم ابهتكم و جدودكم ويرحمك يا عبد الناصر)

11- اللى عايز يصلح كان صلح وحل قضية خالد سعيد (رحمه الله) ولفافة البانجو المحشورة فى زوره
12-اللى عايز يصلح كان صلح وحل قضية سيد بلال(رحمه الله) ( وده بقى بلع سجادة الصلاه وال بلع لحيته محدش عارف)

13-اللى عايز يصلح كان صلح.....................................

14-اللى عايز يصلح كان صلح ...................................

15اللى عايز يصلح كان صلح....................................

16اللى عايز يصلح كان صلح.....................................

كملو انتم عد لغاية متخلصوه 30 سنة عد
وشكرا

نيجى لزتونة الموضوع
سيادة الفريق أحمد شفيق رجل عسكرى من الطراز الاول
كما انه من نسبه ال 5 % الذين لم تفسدهمالسياسة كما كان يقول المشير الجمصى (ان السياسة اذا دخلت الجيش افسدته) فهو رجل ادارى من الطراز الرفيع (ايه حكاية الرفيع دى انا مش عارف)
بالبلدى كده وعلى رأى زملائى فى نوبتجية اللجان الشعبية (اللى ساعات بيبقو بلطجية و ساعات يبقوا متحولون)
ادرجى

لكن ده ميمنعش انه بيتعامل مع الفئة التى تدرس مادة الشيطنة لابليس شخصيا فى الكلية الجهنمية
ودول بقى هيورطو الفريق شفيق ابو موتوسكل (اه انا مصر و ملح وكل افعال ركوب الدماغ فى لسان العرب لابن منظور<مين ابن منظور ده> على موضوع المتوسكل)
لا مش بس هيورطوه
دول كمان هيدبسوه
و يستعبطوه
(و كل افعال الاستهبال فى الزمخشرى باب الهاء - فصل الباء مع اللا م)

ربنا يستر على الراجل النقى ده مينهم
وساعتها يبقى يدينى الموتوسكل اخد لفة
وخليله هو الهدوم الكجول (الصراحة لايق فيها مش زى ناس)
ومحدش يقولى من الناس دول
يتفضل يتمشى و يدور على يفطة عليها صورة واحد صاحبنا ومكتوب عليها

فكر جديد

اه حاجة مهمة كمان نسيتها
كل اللى عايزة النظام هو الوقت
كل اللى عايزة النظام هو الوقت
كل اللى عايزة النظام هو الوقت
كل اللى عايزة النظام هو الوقت

(حد فاكر قصة عمر الختار لما الطلاينة (اللهم الوحيدين دلوقتى الواقفين جنب الراجل الكبير) طلبوا المفاوضات عشان يكسبو وقت ويلحقو ينزلو الدبدبات (هى ايه الدبدبات دى صحيح) الى الصحراء وبكدوا قدرو يقضو على الثورة الليبية

كل ما يحتاجه النمر الجريح هو الوقت (حاجة كدة بتاع سبع شهور) لكى يستريح و يستعيد عافيته
ومن ثم يفتك بالجميع

فالنظام المصرى نظام عسكرى من الدرجة الاولى

يعنى ايه عسكرى

يعنى واخد على الطريقة الحربية

ينسحب

ثم

ينقض


تقبلو تحياتى

[al_manara]

والله حاجة تقرف بجد عالم اصلا زبالة كل الى لية مصلحة فى بقاء الريس يطلع يقول كلمتين حلوين ورجال نضيف و اللى يقولك دة زى ابوك هو لو ابوك اصلا لية مرعكش من الاول و لا اشرف ذكى اللى طلع فى قناه الحياة و قال يحرق مبارك على يحرق اللى بعدة و انا نازل اعمل مظاهرات عن مصر يروحو يقول نعم يا مبارك عالم وسخه (اسف على اللفظ بس للاسف مفيشحاجة اقل من كدة ليهم ) و الفيديو بجد جامد لان الناس زى دى عمرها ما هتحس بينا ولا بالناس اللى باليومية و الناس اصلا اللى مش معاهم يجيبوا اى حاجة من مستلزمات الحياة
ولما تشوف المددرعات اللى بتدوس الناس و لا الظباط الى كانو طيحين فى البلد
وحاجة زى الحزب الوطنى لما الحزب كلة يطلع فاسد وفىناس بقالها 10 سنين يعنى بقالهم 10 سنين بيسرقوا مال الشعب و رئيس هذا الحزب رئيس الجمهورية وبقالة اكتر من 10 سنين ساكت ومتحركش غير لما الناس اتحركت ابتدى يقلب على الكل دة يبقى ولما ثروه الريس تطلع 40 مليار دولار دة منين الراجل دة لازم يتحاسب
البلد كانت مليانة فساد بطريقة بشعة
وربنا يستر علينا الايام الجاية

اتفق معاك طبعا بس بلاش شتيمة خالص (اظن ان اللسان يعجز علي وصف هؤلاء ) وخلينا احسن منهم دايما للاخر
والنصر للحق ان شاء الله
عمر الظلم ما بيدوم ابدا ابدا

[al_manara]

خلاصة كلام عبقرى الطب النفسى و قرأته لشخصية اللى بالى بالك


الراجل الكبير لا يستطيع التغيير

فالطبع يغلب التطبع
ومن عاش 30 سنة نمرا لا يستطيع ان يتحول لارنب فى 6 شهور


ده خلاصة كلام الدكتور عكاشة


تقبلو تحياتى

فعلا هي دي الخلاصة

[amado ibrahim]

بلاش شتيمة يا جماعة
كفاية ضرب

لا بجد
مش عايزين ناخد سيئات واحنا على النت

[zizo50001]

اتفق معاك طبعا بس بلاش شتيمة خالص (اظن ان اللسان يعجز علي وصف هؤلاء ) وخلينا احسن منهم دايما للاخر
والنصر للحق ان شاء الله
عمر الظلم ما بيدوم ابدا ابدا

انا اسف طبعا وانا بعتذر لكل الناس بس الواحد خلاص مبقاش قادر و احد يطلع يتحك على الشعب بكلمتين و يدخلهم من ناحية العاطفة وللاسف الناس صدقت

[wael17]

فيديو جامد...انا كنت ناسي المسخرة بتاعة انقطاع الكهرباء الصيف اللي فات

[maka]

اما عادل امام ده عيل ابن تربيتيت تيت

و يقولك ابن بلد ده ابن %$##

[khashab]

مهما كان من سيأتى بعده


فــــ


إن الله لايغير ما بقوم حتى يغيروا ما بأنفسهم

+1111111111111
بكرة الناس هتتعرف كده للأسف هنكون خسرنا كتير عشان الناس تدرك ده

[Ralliart]

بمناسبة قصة الفاروق عمر بن الخطاب اللي في اول الفيديو
أحد المنافقين بعد ما العمليه الأخيره بتاعت مبارك نجحت ،وصفه بان عدله يساوي عدل عمر بن الخطاب!!!

[Moe86]

أنا مش حاطط الفيديو علشان الناس تشتم و تتوقف
أنا شوفته و أثر فيا قوى
و نفسى كل اللى بيقول مبارك أبويا و الكلام دة يشوفه

[Hany A Fattah]

و نفسى كل اللى بيقول مبارك أبويا و الكلام دة يشوفه

عزيزى دول ما بيشتركوش فى المواضيع دى بيشتركوا فى المواضيع اللى فيها غسيل مخ بس

[Col. Eng. Khaled]

و ماصعبش عليهم نفسهم اهانه و فساد و سرقه 30 سنه...

لأنهم متعودين!

دايمًا .........