ماهي صلاحيات السيد النائب العام؟؟

[eng.m7md.ali]

السلام عليكم
معلش السؤال ده جيه على بالي ومش لقي اجابة محددة
ماهي صلاحيات السيد النائب العام؟؟
وهل من سلطتو انو يستدعي رئيس الجمهورية للتحقيق مثلا ؟؟
او من حقو يعفي الرئيس عن مهامو؟؟



ياريت اللي عندو اجابة يقولي علشان انا في حيرة

[medo_2060]

بغض النظر عن سلطاته هو معيييييين من رئيس الجمهوريه وكان موجود طول ما الناس الفاسده دى موجوده ولما الحكومه اتخلت عنهم ورمتهم كبش فدا قالوله اتحرك انت بقى...يعنى الى يقولك هيحقق وهيعمل دا كلام انا شخصيا لا اثق فيه ولا اثق فى اى تحقيق هيتعمل فى ظل النظام دا

[mr_sameh]

طبعا مايقدرش يستدعي رئيس الجمهوريه لانه يملك حصانه من الدستور

[eng.m7md.ali]

بغض النظر عن سلطاته هو معيييييين من رئيس الجمهوريه وكان موجود طول ما الناس الفاسده دى موجوده ولما الحكومه اتخلت عنهم ورمتهم كبش فدا قالوله اتحرك انت بقى...يعنى الى يقولك هيحقق وهيعمل دا كلام انا شخصيا لا اثق فيه ولا اثق فى اى تحقيق هيتعمل فى ظل النظام دا

انا عارف ومتاكد من الكلام ده

طبعا مايقدرش يستدعي رئيس الجمهوريه لانه يملك حصانه من الدستور

يعني ايه حصانة من الدستور؟؟

[MOUSTAFA_SAAD]

بغض النظر عن سلطاته هو معيييييين من رئيس الجمهوريه وكان موجود طول ما الناس الفاسده دى موجوده ولما الحكومه اتخلت عنهم ورمتهم كبش فدا قالوله اتحرك انت بقى...يعنى الى يقولك هيحقق وهيعمل دا كلام انا شخصيا لا اثق فيه ولا اثق فى اى تحقيق هيتعمل فى ظل النظام دا

+111111111111

[م/مصطفى محمود]

هو زي أى رئيس نيابة ، مبيتحركشي غير لما يتم تقديم مُستندات لية ، وميقدرشي يستدعي حد معاه حصانة

ومن وجهة نظري هو راجل شريف ومحترم بس المشكلة فى المستندات والحصانة

وهو أكبر سلطة فى السلك النيابي

[abogogo]

العين ما تعلاش على الحاجب

[madoo_600]

العين ما تعلاش على الحاجب

+11111111111111111111111111

[eng.m7md.ali]

هو زي أى رئيس نيابة ، مبيتحركشي غير لما يتم تقديم مُستندات لية ، وميقدرشي يستدعي حد معاه حصانة

ومن وجهة نظري هو راجل شريف ومحترم بس المشكلة فى المستندات والحصانة

وهو أكبر سلطة فى السلك النيابي

يعني هل من الممكن ان احنا نقدم بلاغات للنائب العام؟؟
ولا ده مجرد حلم

[M.Elwan]

يعني ايه حصانة من الدستور؟؟

المادة 85
يكون اتهام رئيس الجمهورية بالخيانة العظمى او بارتكاب جريمة جنائية بناء على اقتراح مقدم من ثلث اعضاء مجلس الشعب على الاقل، ولا يصدر قرار الاتهام الا باغلبية ثلثي اعضاء المجلس.
ويقف رئيس الجمهورية عن عمله بمجرد صدور قرار الاتهام ، ويتولى نائب رئيس الجمهورية الرئاسة مؤقتاً لحين الفصل في الاتهام.
وتكون محاكمة رئيس الجمهورية امام محكمة خاصة ينظم القانون تشكيلها واجراءات المحاكمة امامها ويحدد العقاب، واذا حكم بادانته اعفى من منصبه مع عدم الاخلال بالعقوبات الاخرى.

[mr_kenawy]

النائب العام هو رأس النيابة العامة و اى وكيل نيابة يعد وكيلا للنائب العام الذى ينوب عن المجتمع باسره فى تطبيق القانون , و هذا المنصب للاسف لا يكون بالاقدمية و انما بالاختيار حيث ان رئيس الجمهورية هو الذى يعين النائب العام بعكس معظم المناصب القضائية التى تعتمد على الاقدمية و ليس الاختيار , و النائب العام له كل الصلاحيات بخصوص اى مسألة جنائية مع عدم الاخلال بالاحكام الخاصة بالحصانة المقررة لرئيس الجمهورية و لاعضاء مجلسى الشعب و الشورى و اعضاء الهيئات القضائية و اعضاء السلكين الدبلوماسى و القنصلى.

[Col. Eng. Khaled]

يعني هل من الممكن ان احنا نقدم بلاغات للنائب العام؟؟
ولا ده مجرد حلم

أيوا يا فندم ممكن طالما مع حضرتك مستند يفيد الإدعاء

عن نفسي قدمت بلاغ للسيد النائب العام أول أواخر 1997 كان وقتها السيد / جابر ريحان

البلاغ كان ضد السيد / حسام أبو الفتوح

سلمت البلاغ مرفق بالمستند في مكتب السكرتير بنفسي ، و تم الرد عليا في أقل من أسبوعين

و الحمد لله أخدت حقي وقتها .

[MMamdouh]

أيوا يا فندم ممكن طالما مع حضرتك مستند يفيد الإدعاء

عن نفسي قدمت بلاغ للسيد النائب العام أول أواخر 1997 كان وقتها السيد / جابر ريحان

البلاغ كان ضد السيد / حسام أبو الفتوح

سلمت البلاغ مرفق بالمستند في مكتب السكرتير بنفسي ، و تم الرد عليا في أقل من أسبوعين

و الحمد لله أخدت حقي وقتها .

ما هو الفرق بين تقديم بلاغ للشرطة و تقديم بلاغ للنائب العام؟

MMamdouh

[Col. Eng. Khaled]

ما هو الفرق بين تقديم بلاغ للشرطة و تقديم بلاغ للنائب العام؟

mmamdouh

الحقيقة يا باشمهندس محمد مش عارف ، أو يمكن مش عارف عشان مش فاهم السؤال .

[MMamdouh]

يعنى بدل ما روحت للنائب العام كنت قدمت بلاغ فى القسم اللى انت تابع ليه ضد حسام ابو الفتوح و قدمت نفس الادلة... حيفرق ايه الموضوع لو مشى فى السكة دى؟

MMamdouh