لنجاح الثورة ابدأ بنفسك

[A7MED_PHARMA]

السلام عليكم



بصوا بقا
ثورة التغيير دي كانت ثورة لتغيير قمة الهرم
دلوقتي
دور كل واحد مننا
لتغيير قاعدة الهرم
ماشوفناش حالة تحرش واحدة في المظاهرات
شوفنا الناس في التحرير بتكنس الميدان .. وتنضف مكانها
ياريت ده مايكونش سلوك مؤقت

من الأن
مافيش حاجة إسمهامش فارقة"
من الأن
مافيش حاجة إسمها "مشي حالك ياعمونا"
من الأن
مافيش حاجة إسمها سلبية


تشوف ورقة على الأرض
وطي شيلها ..علشان بدلك
شوفت واحد فاسد
ماتكبرش دماغك وتقول مش فارقة
شوفت واحد مرتشي
بلغ عنه ..وماتقولش مش أنا إلي هغير الكون
الكون أهوه إتغير
وده دور الناس دلوقتي
كل واحد كان بيحلم إنه يروح أوروبا ...علشان يعيش عيشة راقية ..ويتعامل معاملة كويسة
أدي فرصتنا أهه
الناس كلها دلوقتي متوحدة على حب مصر
يبقا نغير مصر بقا


لاااااااااااا للسلبية بعد الأن

[نور القمر]

لنجاح الثورة ابدأ بنفسك

لنجاح الثورة ابدأ بنفسك
ربنا سبحانه وتعالى قال
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)
ابدأ بنفسك

مصر زي الهرم كل فاسد ماينفعش نطالب بإصلاح القمة واحنا سايبين القاعدة فاسدة

[A7MED_PHARMA]

سبقتك ياأم محمد

http://www.nilemotors.net/Nile/200409-a.html

[أبو إياد]

كلام جميل يا دكتور احمد بس هاسالك سؤال

انت تعرف الزباله اللى اتلمت من ميدان التحرير راحت فين ؟

انا اتكسفت اصورها بس هاصورهالك بكره

[نور القمر]

وماله يا دكتور زيادة الخير خيرين

[A7MED_PHARMA]

كلام جميل يا دكتور احمد بس هاسالك سؤال

انت تعرف الزباله اللى اتلمت من ميدان التحرير راحت فين ؟

انا اتكسفت اصورها بس هاصورهالك بكره

ههههههههههههههههه
ياأبوإياد.المهم
إنها إتلمت ماإتسابتش
تيجي بقا البلدية تشيلها,,,
==============================
وده كلام يحاسبني عليه ربنا
مشي حالك دي..مش هقولها تاني
ومش هدفع جنيه لحد علشان أمشي حالي

والله المستعان

[A7MED_PHARMA]

وماله يا دكتور زيادة الخير خيرين

محمد راح الثورة؟؟؟
ولا طلع خاين وعميل هوا كمان؟؟؟؟؟؟

[تامر.محمد]

صح جدا يابو حميد



يابو إياد
اللي حصل مش شوية و الناس معاها حق
ده لا ينفي و الله ان فيه بعض الناس المحترمين اتظلموا

[AhMeD EzZ]

معاك .... نفس الي كنت بفكر فيه

[ahmad--ezzat]

مش هدفع اكراميات فى مرور ولا فى مصالح حكوميه.......................شغلى مش هيخلص واوراقى هتتعطل واحتمال ورقى يترمى

مش هرمى زبالتى فى الشارع......................الحمد لله مش بعمل كده

مش هعاكس بناااااااات....................البنات دلوقتى هما اللى بيعاكسوا

ابلغ جهاز حمايه المستهلك لما الاقى حد بيبيع بالغالى.................كده هدخل فى مشاكل وممكن تكون الجهه اللى بقدم الشكوى فيها واصله وتسجنى

هقول لاى حد انت غلط لو هو غلط................الناس هيجتموا على انى انسان عديم الاخلاق وقليل الادب

بلاغ فى رجال الشرطه...............هيبقى يومى اسود خصوصا انى معنديش واسطه او حيطه تسندنى وخصوصا ان رجال الامن بيستخدموا نفوذهم وسلطتهم

هفتخر ببلدى...........بلا نيله على ايه...انا افتخر باسلامى ودينى

مساعده المحتاجين.........من الدين والاخلاق الواحد يتمسك بده فعلا

هعامل الناس باحترام واقدر ظروفهم..........بعمل كده بس للاسف الناس مبقتش تستاهل

هعرف حدودى وواجباتى القانونيه.....................عارفها كويس بس للاسف الكوسه اللى فى البلد ضيعت دة وخلتى احس ان اللى ملوش ضهر بيضرب على اى حاجه
عشان كده الشعب بيطالب بالتغيير....لو الحكومه والبلد كويسه الناس اتوماتيك هتتعدل...لكن طول ما فى فى البلد............عمر الواحد ما هيقدر يغطى كل النقاط دى

[A7MED_PHARMA]

والله البلد كلهااا خير
بس الشعور العام...إن الجبل الي قاعد على قلوبنا مش هينزاح
وإنها مش فارقة
بس الجبل إنزاح أهوه

خلوها تفرق بقااااااااااااااااااااااا

[أبو إياد]

باقولك ايه صحيح اخبار الزقازيق ايه اليومين دول علشان احتمال كبير انزل بعد يومين وانت قريب من الحسنيه ولا بعيد علشان اشوفك

[A7MED_PHARMA]

باقولك ايه صحيح اخبار الزقازيق ايه اليومين دول علشان احتمال كبير انزل بعد يومين وانت قريب من الحسنيه ولا بعيد علشان اشوفك

حي الحسينية في الزقازيق؟؟
ولا مدينة الحسينية؟؟؟

حظر التجول إتشال من الزقازيق إمبارح

[أبو إياد]

حسينيه زقازيق عند مستشفى الدلتا عبد اللطيف بالظبط لو تعرفها بيتنا هناك
كده كده مش هايفرق موضوع الحظر علشان انا هاجى الصبح وابات وارجع تانى يوم الصبح

[A7MED_PHARMA]

حسينيه زقازيق عند مستشفى الدلتا عبد اللطيف بالظبط لو تعرفها بيتنا هناك
كده كده مش هايفرق موضوع الحظر علشان انا هاجى الصبح وابات وارجع تانى يوم الصبح

0140214579
قبل ماتيجي بيوم ..عرفني
تنور بلدك ياأبوإياد....