رسالة من وزارة الداخلية

[dr-mohamed]

على فكره
المفروض ترد عليهم برساله شكر
وياريت تسأل هنصرف قنابل الغاز المسيله منين؟ ونسلم الفارغ ونستلم مليان امتى
مزاجى مش مظبوط و الكيف غلاب

الحال من بعضه

يعني اطمن ان بقا ليا ضهر كبير في الفتره الجايه ؟؟

ضهر مين شكلهم بيغرغروا بينا
مانا قلت لك متنازل لك عن الرسالة ليك

[ahmed4000]

ياريت يبقى افعال مش اقوال

[blazer]

فيه 4 ضباط فى قسم " قالوا اسم الاسم واسامى الضباط ال 4 بس انا مش فاكرها" بيعذبوا ناس من المحتجين
الاخبار اتقالت امبارح فى ميدان التحرير وهيقدموا بلاغ للنائب العام بيها

[yascro]

الشرطه والقانون ف خدمه الشعب

[زينة الله]

مش هى دى الرسالة المطلوبة

النمرة كدا غلط

[zago]

ميصحش يا دكتور
ده احنا اللي لازم نخدموووووووو

[yascro]

على فكرة هما مغلطوش في حاجة !

هل حددوا نوع الخدمة ؟ لأ !

يبقى ملاكش حاجة عندهم !

- خدمة دفن
- خدمة قمع
- الخ الخ الخ

:)

على فكره
المفروض ترد عليهم برساله شكر
وياريت تسأل هنصرف قنابل الغاز المسيله منين؟ ونسلم الفارغ ونستلم مليان امتى

مزاجى مش مظبوط و الكيف غلاب

[Col. Eng. Khaled]

الرسالة جت لي من شوية ، حبيت أعبر عن إعتراضي بإنتهاك حريتي الشخصية بالرسالة

للأسف لقيت مفيش خاصية رد عليها

كلمت خدمة العملاء و رد أ / عمرو بعد ما إتلطعت 10 دقائق

طلبت منه أكلم السوبرفايزر و طلب منّي يعرف ، قلت له مهما كان صاحب الباكج حتى لو جهة سيادية فمش من حقه

لاوعني و المفروض وعدني إن خلال 60 دقيقة السوبرفايزر يكلمني .

في حالة ما إقتنعتش بكلامه ، على الأقل حخلص رصيدي (حاجة و 80 جنيه) و أحط شريحتي و 3 شرايح تانيين بتوع ولادي و زوجتي

في شوية مياه ، و حأحاول في ظل الحريات أقدم شكوى للسيد النائب العام .........

كفاية بلطجة بقى .

[dr-mohamed]

الرسالة جت لي من شوية ، حبيت أعبر عن إعتراضي بإنتهاك حريتي الشخصية بالرسالة
للأسف لقيت مفيش خاصية رد عليها
كلمت خدمة العملاء و رد أ / عمرو بعد ما إتلطعت 10 دقائق
طلبت منه أكلم السوبرفايزر و طلب منّي يعرف ، قلت له مهما كان صاحب الباكج حتى لو جهة سيادية فمش من حقه
لاوعني و المفروض وعدني إن خلال 60 دقيقة السوبرفايزر يكلمني .
في حالة ما إقتنعتش بكلامه ، على الأقل حخلص رصيدي (حاجة و 80 جنيه) و أحط شريحتي و 3 شرايح تانيين بتوع ولادي و زوجتي
في شوية مياه ، و حأحاول في ظل الحريات أقدم شكوى للسيد النائب العام .........
كفاية بلطجة بقى .

لا يا جنرال اهدا شوية
مش من حقك غير انك تمنع وصول الرسائل الدعائية لك
وهتلاقي ده في عقد الخط وكل الشركات بتعمل كدة فودافون كانوا فاكرين اني راسمالي من عينك انت وكريم ومحمد ممدوح وكل كام يوم عرض عن فيلا في اكتوبر

[amir]

حبيت اشارك المشاركه دي هنا مش في موضوع جديد

يا جماعه في اخبار ان الاهالي في الخارجه علي وشك دفن جثامين اتنين من الشهدا

و الامن هناك انسحب الي مديريه الامن و في صوت طلقات جاي من هناك

و الاهالي حرقو مبني الشرطه و المحكمه و استولو علي نقطه الاطفاء

انا شايف مجزره علي وشك الحدوث

في حد من الاعضاء من هناك يطمنا؟

[Col. Eng. Khaled]

لا يا جنرال اهدا شوية
مش من حقك غير انك تمنع وصول الرسائل الدعائية لك
وهتلاقي ده في عقد الخط وكل الشركات بتعمل كدة فودافون كانوا فاكرين اني راسمالي من عينتك انت وكريم ومحمد ممدوح وكل كام يوم عرض عن فيلا في اكتوبر

أستاذ / محمد سوبرفايزر خدمة العملاء كلمني مشكورا من 5 دقايق و كلامه مقنع جدا

الحل إللي بفكر فيه بجد هو التقدم ببلاغ للسيد النائب العام مباشرة ضد وزارة الداخلية بانتهاك حريتي الشخصية

بإرسال رسالة لا يمكن الرد عليها من الناحية التقنية .......... و مش حمسح الرسالة من على الموبايل كدليل .

أرجوك بالهمة في صياغة البلاغ إن أمكن .




يا ترى العنوان صح :

مكتب النائب العام
في دار القضاء العالي
أول شارع 26 يوليو
ميدان الأسعاف
القاهرة

[youssefmustang]

وصلت يا كبير برضو عندى

[Col. Eng. Khaled]

مش عارف إذا كان في جَدّية بتقديم بلاغ مجمع لمن يرغب من السادة الأعضاء ؟

تحت أي حال من الأحوال عن نفسي حقدم البلاغ إن شاء الله و يا رب يبعتوا لي على باقي خطوطي التلاتة من إتصالات

و خطي الفودافون .

[medo_2060]

اه بدليل ان مواقفهم اتغيرت فعلا..شوفوا احداث الخارجه فى الوادى الجديد بتاع امبارح الى مات فيها 3 برصاص حى..
شوفوا رئيس المباحث هناك الى عمل رامبو ونزلهم فرح وقالهم يابلد مفيكوش راجل وضرب نار فى الهوا عشان يخوفهم ولما قلبوا عليه ضرب نار عشوائى
شوفوا كلام اهالى الشهداء ماتوا ازاى الى تابعهم فى البرامج هيعرف..
.. تقريبا كلهم لاما عربيه داسته لاما رصاصه فى القلب لاما رصاصه الرأس.. ووالله كان فى واحد واخد 3 رصاصات واحده فى الرأس وواحده فى القلب وواحده فى الرجل ..الى اهله كانوا مع معتز امبارح
دول ارهابيين انا مش متصور ان دول بنى ادمين اصلا موقفين قناصين بتضرب متظاهرين فى الرأس والقلب !!!
دا ايام الانجليز لما كانت مظاهره ماشيه وفى شهيد مشهور مش فاكر اسمه كان شايل علم مصر وماشى والضابط الانجليزى قاله ارجع ورا مرضاش.. ضربه رصاصتين فى اماكن متموتش واتنقل المستشفى وبعدها بفتره مات ومجلس العموم البريطانى انتقد الضابط دا وعملوا مشاكل عليه....
لكن فى مصر !! مصريين بيضربوا فى القلب و الرأس وحكومتهم تقولهم اميييييييييين
اتمنى يغيروا اسمهم من الشرطه للجهاز القومى لأدراه البلطجه والسرقه

[SHNORY]

دول بعتولي 4 مرات
1- من وزاره الداخليه : رجال الشرطه عادوا للشوارع لحمايه المواطنين وامنهم يرجي التعاون معهم
2- من وزاره الداخليه: لن يكون تعاملنا من اليوم الا بالصدق والامانه وسياده القانون
3-من وزاره الداخليه : الشرطه لن تكون الا في خدمه الشعب وحمايته
والرابعه مكرره
مع الاولي

استنيت الوزير يكلمني بعدها بس تقريبا ممعوش رصيد
والله دا اسمه تهريج
بكره نلاقيهم باعتينلنا في الاعياد ورمضان
وتلاقي رساله بتقول
اصحك زقكك انكش شعرك كده واتنطط عيد سعيد يا جميل يا مقطقط
مع تحيات وزاره الداخليه