لخبراء الدش

[mohamed2002]

شغل المشتركات دي انا جربته وكله فاشل
رحت عامل لكل مكان طبق بجهازه ووصلته
وكله في الحيط وكله من البواط العمومي في البلكونه واشتري دماغك

والتكلفه مش كتير وهاترتاح وكل واحد هايشوف ال عايزه

مش فاهم كلام حضرتك يعني حضرتك شايف ان الطبق اللي يشتغل نايل سات بقطعة 4 مخرج فاشل؟ ولا اني اركب قطعتين واحد نايل وواحدة اروبي هوة اللي فاشل ارجو الايضاح وشكرا لك

[AmAhmed]

100 سم لو حتركب اوربي
80 او اقل لو نايل سات بس و غالبا الفني حيقولك ان 80 كتير و النايل سات يمشي ب 50 سم بس و الاختيار لك مع الفني

تحديد نوع القطع حسب ما الفني يشوف

لو حتركب نايل فقط يبقي حينزل سلك من كل فتحة في lnb رايح لكل ريسيفر في كل غرفة
لو حتركب نايل و اوربي و ممكن 2 قمر اضافي يبقي حيخرج سلك من كل lnb بطول متر و يتجمعوا في دايزاك 4*1 ويخرج من الدايزك سلك واحد يروح للرسيفر
و يتكرر الكلام مع كل رسيفير برضوا اسلاك متر و دايزك ثم سلك الي الريسيفر

و حضرتك لما تنزل تسأل .. اعمل انك مش عارف اي حاجة و لف علي اكتر من واحد قولهم انك عايز 3 ريسيفر مستقلين يستقبلوا الاقمار اللي حتحددها و شوف ردهم حيكون ازاي و احكم عليه بالمعلومات اللي عندك

و ممكن تلاقي فني اقترح عليك تركيب طبقين بدل طبق واحد و يقولك كده اضمن لو حصل عطل في واحد مش حيعطل التاني و لو lnb باظت سهل تغيرها لان ام مخرجين ارخص عن ام 4 مخارج و كذلك ادائها اضمن و اعطالها اقل
فالموضوع في النهاية حيتاثر بالفني اللي حيركب و المحل اللي بتشتري منه

[mohamed2002]

100 سم لو حتركب اوربي
لو حتركب نايل و اوربي و ممكن 2 قمر اضافي يبقي حيخرج سلك من كل lnb بطول متر و يتجمعوا في دايزاك 4*1 ويخرج من الدايزك سلك واحد يروح للرسيفر
و يتكرر الكلام مع كل رسيفير برضوا اسلاك متر و دايزك ثم سلك الي الريسيفر

شكرا لردك ياباشا بس يعني اية 2 قمر أضافي؟؟
المشكلة اني مش فاهم وقبل كدة لما جبت ريسيفر جديد في شقة العائلة والدش مركزي هناك فللاسف كان في تظبيط في الاوبشن جوة زي a,b,c,d ولما معرفتش جة فني عملي البحر طحينه وقعد دقيقة وعاوز 40 جنيه! وشكرا ليك وياريت اعرف اية الاقمار اللي ممكن تركب بجوار النايل سات؟

[AmAhmed]

شكرا لردك ياباشا بس يعني اية 2 قمر أضافي؟؟
المشكلة اني مش فاهم وقبل كدة لما جبت ريسيفر جديد في شقة العائلة والدش مركزي هناك فللاسف كان في تظبيط في الاوبشن جوة زي a,b,c,d ولما معرفتش جة فني عملي البحر طحينه وقعد دقيقة وعاوز 40 جنيه! وشكرا ليك وياريت اعرف اية الاقمار اللي ممكن تركب بجوار النايل سات؟

الدايزك فيه 4 فتحات تقدر توصل بيهم 4 lnb وطبعا كل lnb بيستقبل قمر
مثلا نايلسات و عربسات و الاوربي و اليوتلسات w3 أو w6 و دول لطبق متر
و لو حتجيب طبق اكبر 120 سم ممكن تزود اقمار استرا و ترك سات و تلستار و ان كان الافضل طبق 160 سم
لو حتركب اكتر من 4 اقمار يبقي حيكون 2 دايزيك و يتوصل ما بينهم بسوتش 0/12فولت و بكده ممكن توصل ل 8 اقمار
و ده علي حسب الرغبة في ناس بتحب يكون عندها اقمار كتير حتي لو مش حتتفرج عليهم و في نفس الوقت بتوفر تمن الموتور و الطبق المتحرك و مشاكله

شخصيا كان عندي طبق 120 عليه اوربي و نايلسات و عربسات لكن بعد ما الاوربت نقلت نايلسات و من كتر الغربان ما بتقف علي المسطرة و تهز ال lnb قلبته نايلسات فقط و ريحت دماغي
المسطرة : هي قطعة حديد بيتركب عليها قطع ال lnb

لو حتكتفي بالنايل سات يبقي مش حتحتاج لدايزك و لا القصص السابقة دي خالص

بالنسبة للظبط فالمسئلة بسيطة
لو عندك دايزك هو يبقي مترقم او عليه حروف a b c d 1 2 3 4
اللي مركب الطبق عارف هو موصل اي lnb في اي فتحة في الدايزك
لو مش عارف في طريقتين يا تطلع تشوف الطبق متركب ازاي و انت خلف الطبق الاقمار علي اليمين تبقي ناحية الغرب و الاقمار ناحية الشمال تبقي ناحية الشرق
او تقعد تجرب فيهم في الرسيفير لحد ما تلاقي ان كل الترددات عليها اشارة و ساعتها ممكن تبقي تكتبهم في ورقة و تلزقهم علي الرسيفير مثلا

بعدين تيجي لشاشة الضبط و تعمل اعداد لاول قمر بتحدد ان نوع الlnb ينيفرسال و بتحدد ان lnb بتاخد 13/18 فولت و اذا كان في سويتش 0/12 بتعمل enable لو مفيش تبقي auto او مقفولة و بتفتح جزئية الدايزك و تحدد البورت اللي راكب فيه القمر بالارقام او الحروف
و تعمل بحث نيتورك و بكده تحصل علي كل قنوات القمر
و تكرر العملية لباقي الاقمار
ممكن تتصفح منتدي مصراوي سات هو منتدي متخصص في الاطباق و التركبيات و ما يخص القنوات و الدش لمعلومات اكتر

[abdalah_hashem]

الف شكر لردك ياباشا وانا حعمل كدة ان شاء الله بس مش عارف حجيب الطبق اية 80 ولا متر ؟

انا شايف انك تجيب طبق متر افضل عشان تبقى الاشارة اللى متجمعة افضل
وهات ال lnb بثلاثة مخارج عادى انا واخويا شغالين على طبق واحد متر ومشغلين عدسة lnb يعنى بمخرجين والحمد لله زى الفل النيل سات