شئ فى الطريق اشعره ولا اعلمه - فيه حاجه هتحصل وربنا يستر

[factorialx]

يا جماعه جيشنا بتاريخه المشرف و الله لو إيه عمره ما هيضرب طلقه واحده أبداااااااااااااااااااااااااااااااااااااااااااا

بس هما فعلا لو عايزين يفضوا المظاهره هيقدروا من غير نقطه دم واحده

[mememsaid]

فعلا
الخطر كله لو تم التحرك نحو القصر
عشان هما مقفلين كل الشوارع اللي رايحاجله بسلك سائك
ياعني اللي هيعدي السلك ده يبقي الله يرحمه بقي وهتبقي مزبحه

[احمد المصرى]

ربنا يستر بجد بس قلبى مش مرتاح اطلاقا لبكرا

[Mohamed_Hegazy]

يا شباب - شباب الثورة حاليا فى نصف الطريق والواجب ان احنا نشجعهم وانلم تستطع ان تشارك فلا تحبط من يستطيع - عمليات التخويف والتهويل لن تقف ان شاء الله امام شعب اراد الحياة

[mrwho1982]

خلو سلاحكم وانت خارج من بيتك يوم الجمعة تقول

بسم الله توكلت علي الله ولا حول ولا قوة الا بالله العلي العظيم

خاللي الهتاف يكون فيه كلمة الله اكبر

والله لو مين اللي قدامك هيخاف منك

[ahmed4000]

امبارح كانت اشاعة منتشرة ان عربيات شايلة بلطجية وبتتجه للتحرير
وطلعت اشاعة
دى طريقة لاستفزاز مشاعر الناس وتوجيههم إلى التحرير واعتقد منها الخبر ده
حد لسه بيصدق رصد دى؟

مش معقولة يبقوا اغبيا ويحاولوا يفضوا الاعتصام بالقوة تانى
يعنى موقعة الجمال الخايبة معدتش على خير...حيدخلوا عليهم بقوات صاعقة؟

اللى عايز ينزل ينزل بس بلاش تهور وخليكم فى الميدان زى مانتم

اه بالمناسبة الصاعقة قدراتها خيالية بس مش لدرجة يرحوا يجيبوا رئيس دولة ويرجعوا بيه مصر علشان يركع على رجله...دى واسعة شوية

[م. حاتم السباعي]

للى شايف انى متشائم زيادة

لسة حمزة نمرة على الفيس عامل البوست ده :

الأستاذ محمود سعد يهتف فى التحرير: يوم الجمعة العصر كلنا هنروح القصر

ربنا يستر ويجيب العواقب سليمة

سبحان الله العظيم
يعني الاخ محمود سعد لما كان من كام سنه لا يعرف شئ في الدنيا سوي متابعة الفنانين و الفنانات (( و الكثير منهم عرايا )) في حفلاتهم و منتدياتهم و مجلة الكواكب شاهدة علي ذلك
و بعد فترة اناب الي الله و مال الي الدين في برامجه التليفزيونية
يعني لو كانت الثورة دي حدثت من كام سنه فاتت كان سيكون من الناس الذين يتبرأ منهم اهل التحرير و بيعتبروهم بوشيين
يعني هناك من يتغير اهه يعني احنا بنقبل توبة الناس اهه
لم لا ننتظر ان نجني ثمار الثورة
اخواني في الله
استحلفكم بالله الا تخرجو من ميدان التحرير
انتم الان قوه واحده (( حتي لو اختلفتم فيما بينكم ))
و لكن حينما تخرجو للمواجهه و نحن لا نعلم هل المواجهه الدموية
حلال و لا حرام
هل نحاسب الجندي و الضابط الذي يخدم وطنه بأنه يسهر دفاعا عن ارض الوطن و عرضه
هل نواجه الجندي و الضابط لمجرد انهم في خدمتهم
الا يوجد بيننا رجل عاقل حكيم يضع نفسه مكانهم
لا يعلم ماذا تحمل الايام القادمة
لا يملك القرار لانه مجند لخدمة الوطن و حينما يعصي الاوامر اليوم فكيف سيقف يصد عنا النار بعد اليوم
من يقول له بأن اهل التحرير هم الجهه التي تملك القرار الصائب
بالله عليكم يا رجال
لقد تم تدمير هيبة الشرطة (( ولم تكن كلها مرتشين و لم يكن كل افرادها خائنين )) و نحتاج سنين لاعادة الهيبة لهؤلاء الرجال الذين كانو بيحققو لنا الامن في البيوت و علي الطرقات
فأرجو الا نهدم كمان هيبة جيشنا الذي يدافع عن ارض الوطن ضد الاعداء لمجرد انهم لم يستجيبو لنداء اسقاط النظام
ارجوكم و استحلفكم بالله ان نبدأ فورا في البناء
و لن نجد بعد الان بيننا الا الشرفاء لان الخونه لن يكون لهم مكان بيننا بعد الان

م.حاتم السباعي

[a7madramadan]

على فكرة الجيش الموجود في القاهرة والإسكندرية ومرسى مطروح من المجندين أول وثاني سنة ....

وفي 3 من معارفي الشخصية اتصلوا يوم 25 بالأهالي وقالوا انهم طلعوا من معسكراتهم على القاهرة وما بنسمعش اي اخبار منهم نهائيا لحد اللحظة دي
وأعتقد ان الجنود كلهم عمرهم ما هيضربوا نار ولا هيؤذوا اي حد من المتظاهرين بأي ثمن

أعتقد ان الجمعة هيكون يوم دامي في تاريخ مصر والواحد مش قادر يقول غير اللهم انا لا نسألك رد القضاء ولكن نسألك اللطف فيه

و تصوري ان الرئيس هيطلع على ألمانيا بالرغم من انكار السلطات للكلام ده اول امبارح .... وانسوا كلام سليمان الفاضي الي بيقول انقلاب عسكري وحكم بالعرف الجيشي والكلام الفاضي ده كلله

وحاجة كمان عاوز اضيفها الخوف من القصر مش من الكتيبة الي بقالها اسبوع هناك .... الخوف من الحرس الجمهوري المرافق للرئيس .. أعتقد لو اخدوا أمر اطلاق نار على المتظاهرين مش هيترددوا... ربنا يجيب العواقب سليمة ويحمي كل إخواننا وإخواتنا في كل المظاهرات يوم الجمعة

[أحمد كمال]

اه بالمناسبة الصاعقة قدراتها خيالية بس مش لدرجة يرحوا يجيبوا رئيس دولة ويرجعوا بيه مصر علشان يركع على رجله...دى واسعة شوية

لا هما عملوا هاك و عملوا له داونلووووود

[dr-mohamed]

وجهة نظر معاكسة واعذروني فيها
شبكة رصد هي مصدر المعلومة دي وهي اللى نشرتها على النت وانتشرت بسرعة البرق
فاكرين شبكة رصد كانت اخبارها عاملة ازاي ايام 25 الى 28 ؟؟؟؟؟
كانت معظمها مزيف وكانت بتزود دايما في القتلي والمصابين وبتقول الاماكن اللى فيها معارك قبل ما تحصل علشان الناس كلها تروح على الاماكن دي وبيبقي فيها قوات امن و ده طبيعي وبالتالي تحدث المعركة لان كلا الطرفين مهيأ لها
اعتقد ان الموضوع ده ما هو الا وسيلة لتسخين الجو وشحن اكبر عدد ممكن قبل يوم الجمعة وتسخين الاعصاب وتجهيز الافراد عند اي سلوك لاشتباكات ممكن تقضي على الاخضر واليابس
وبالعقل هل عمر سليمان وكلنا عارفين هو كان بيلاعب مين الفلسطينيين بجبهاتهم المتعددة واليهود ساذج لدرجة انه يضع خطة تنفذ يوم الخميس فجرا والجمعة اللى المفروض هايكون فيهم اكبر تجمع يوم الجمعة ؟
الطبيعي انه ينفذه يوم الاحد بعد ما الشغل يشتغل وبالليل والعدد يبقي قليل
انما ينفذه يوم الجمعة يبقي مجزرة والكل عارف كدة


فكروا فيها تاني يا جماعة وقولوا لي رايكم يمكن اكون بفكر غلط

مرة تانية بعيد المشاركة علشان واضح ان فيه ناس كتير ماخدتش بالها منها

[human]

فعليا لا ارى طائل من كتر التهديد بان الحرس هيضرب نار
فعليا لست اشعر ان هذا سيحدث
ولو حدث الناس مش هتسكت لا ضرب نار ولا قنابل ولا 777 ولا حتى 555 هتوقف الناس

ده ثابت ان التصعيد بيادى لتصعيد اكبر
غير كده اعتقد بالتحليل المنطقى لاحداث 28 هتعرف ان لو المواجهه المباشره ممكن تادى لخساير بشريه كبيره فيه اساليب تانيه هتوجعنا وتوجع مصر كلها

التهديد اللى بيتقال هنا وتخويف الناس من الجيش ليس فى مصلحه الجيش اصلا
لو حدث وحصل اى ضرب نار هيبقى شرخ فى الوطن لن ينصلح ابدا

بس فى كل الاحوال مش همشى من التحرير

امبارح كانت اشاعة منتشرة ان عربيات شايلة بلطجية وبتتجه للتحرير
وطلعت اشاعة
دى طريقة لاستفزاز مشاعر الناس وتوجيههم إلى التحرير واعتقد منها الخبر ده
حد لسه بيصدق رصد دى؟

مش معقولة يبقوا اغبيا ويحاولوا يفضوا الاعتصام بالقوة تانى
يعنى موقعة الجمال الخايبة معدتش على خير...حيدخلوا عليهم بقوات صاعقة؟

اللى عايز ينزل ينزل بس بلاش تهور وخليكم فى الميدان زى مانتم

اه بالمناسبة الصاعقة قدراتها خيالية بس مش لدرجة يرحوا يجيبوا رئيس دولة ويرجعوا بيه مصر علشان يركع على رجله...دى واسعة شوية

مصدر الخبر جريده العربى الناصرى مش شبكه رصد

[W77]

ربنا الحافظ

و ما رميت إذ رميت و لكن الله رمى

حضرتك كنت هناك يوم الاربع الدامى
الكثير ممن كانوا يقاومون هجوم البلطجية كانت على السنتهم هذه الكلمات و الحمد لله استطاعنا ردعهم فى حرب لا يتخيلها الا من اشترك فيها

[أبو عبدالله]

يا أخواني في ملحوظة واحده بس
الأتفاقيات الدولية بتنص ان مصر لو الجيش ضرب نار على اي احد مدني
هيحق للأمم المتحدة انها تنزل في مصر قوات دولية وتعمل عقوبات زي السودان كده
مينفعشي الجيش يضرب نار على اي احد مدني
واكيد دي شوكة في حلق النظام الآن مع اني متأكد انهم ممكن يعملوها بس الرهان ان الجيش هو اللي ميوفقشي على كده لأن هو اللي هيتحول الموضوع كله وهتبقى سنه سوده

[factorialx]

الجيش مستحيييييييييل يضرب نار

بس الناس برضه ماتتهورش و تروح قصر العروبه اللي بيقول كده مجنون

[A.Saad]

يا أخواني في ملحوظة واحده بس
الأتفاقيات الدولية بتنص ان مصر لو الجيش ضرب نار على اي احد مدني
هيحق للأمم المتحدة انها تنزل في مصر قوات دولية وتعمل عقوبات زي السودان كده
مينفعشي الجيش يضرب نار على اي احد مدني
واكيد دي شوكة في حلق النظام الآن مع اني متأكد انهم ممكن يعملوها بس الرهان ان الجيش هو اللي ميوفقشي على كده لأن هو اللي هيتحول الموضوع كله وهتبقى سنه سوده

ممكن بيانات ونصوص الاتفاقيات الدولية دى ؟؟؟؟؟؟