ايه رأيكوا فى بيان الرئيس؟؟؟

[metenawy]

يا جماعا المفروض ان مطالب الناس في ميدان التحرير ان الريس يمشي عشان هو اليحكم البلد(دا علي اسا انه مش خارج الخدمة من زمان) اهو دلوقتي مابيحكمشي يبقي الاعتراض علي ايه ؟؟؟؟
يا جماعا لازم نحترم الدستور عشان هو القاعدة العامة لعمل اي شي

[shaddadfalcon1]

انا شايف ان ناس كتيير جدا من المتظاهرين تحكمهم عاطفتهم وعايزين يفشو غلهم في الرئيس وخلاص
والدليل انهم كانو بيتظاهرو عشان يمشي ولما طلع عيط شويه قالو ده الريس حلو احنا كنا ظالمينه ولما الجمال دخلت بقي ابن ستين في سبعين يعني ناس مش عارفه هيا عايزه ايه

مفيش حاجه هتحصل في يوم وليله
ولو كانو ناويين علي غدر او عايزين يسكتو الناس وخلاص مكنوش عملو كل ده

الراجل هيمشي يعني هيمشي بس عايز يضمن لنفسه خروج مشرف او علي الأقل من غير ماحد يطالب بمحاكمته واي انسان عاقل هيعمل كده

هل اللي بيتظاهر دلوقتي فاكر ان لو الريس مشي النهارده هيعملو انتخابات بكره وريس جديد يمسك بعده ؟؟؟

نص الناس حتي في المنتدي دلوقتي بيقولو هو كده عمل الصح والنص التاني بيقول الله يحرقه

بس انا برده ملاجظ ان اللي مش عاجبه مش بيجيب مبررات يعني شتيمه فيه وفش غل وخلاص

ياريت الناس تفكر بعقلانيه واللي مش عاجبه يقول مش عاجبه ليه واللي عاجبه يقول ليه برده

[نور القمر]

اللي مش عاجبه خطاب الريس يدخل

اللي مش عاجبه خطاب الريس يدخل ويقول مش عاجبه ليه ومعترض على ايه وكنت مستني ايه تاني
ولا الموضوع تحول لترديد شعارات وخلاص ورغبة في الانتقام وتصفية الحسابات
يعني لو ساب البلد زي زي عابدين هاتبقوا مبسوطين ولا سقف المطالب لسه هايعلي
واللي مش عايزين عمر سليمان وبينادوا الجيش عايزين ايه؟
عايزين الجيش يمسك السلطة؟
طيب انتم عارفين يعني ايه الجيش يمسك السلطة

على قد معلوماتى القانونية البسيطة ...

كدة هو رحم الشعب من :

1) الحكم العسكرى

2) الأحكام العرفية او العسكرية

3) فتح الباب للحكم المدنى

4) منع أحتكار الرئاسة للعسكريين

ومن وجهة نظرى المتواضعة ... على الرغم من ثوريتى الشديدة اللى الكل عارفها شايف انة عمل كل المطالب

1) تعديل الدستور

2) الأشراف القضائى ع الأنتخابات

3) الغاء الحكم العسكرى

4) المنصب الفخرى او الشرفى كرئيس جمهورية تفويض النائب

5) الأعتذار للشهداء و أعلان محاكمة الفاسدين


--------- لو أنا غلطان حد يصححلى

[metenawy]

شوف فوض يعني ان النائب بيقوم مقام الرئيس في كل شي حتي انتهاء مدة الرئيس ولكن لا يستطيع النائب تعديل الدستور او حل البرلمان
اما التنحي فتعني الاستقالة و هنا المفترض ان رئيس مجلس الشعب هو اليمسك لحين اجراء انتخابات و برده لا يحق ليه انه يعدل الدستور او حل البرلمان و كمان مش من حقه الترشح للرئاسة لكن طبعا الريس لو استقال حيدي السلطة للجيش مش رئيس مجلس الشعب و هنا يحكمك مجلس الاعلي للقوات المسلحة لحين اجراء انتخابات وابقي قبلني لو عمل الجيش انتخابات
يعني التفويض خلا عمر متحكم في البلد الا ف 3 سلطات تظل للرئيس حل المجلس و عمل تعديل دستوري و تغير الحكومة
وانا شايف انه بعد ما عمل التعديلات الروعة دي في الدستور فا احنا مش محتجين تعديلات تاني لغاية ما يخلص مدته
اما حل المجلس فالتعديل الجديد بيقول كل واحد القضاء يبطل عضويته فورا دون راي المجلس

بعيد المشاركة عشان اي حد مش فاهم

[M7amD_7amDy]

برده للأسف هيحصل غسيل مخ تااااااااانى زى الخطاب اللى قبله

وهنتحول لفريقين تااااااانى

وبعد كاااااااااااام يوم على ما أثار الغسيل تنتهى وتفوقوا تاااااااااانى

تبقوا مع الناس اللى فى التحرير لتالت مررررة

أنا مرارتى اتفقعت خلاص

[FunnyMickey]

انا متضايق
عارفين انا مش محتاج واحد يطلع في خطاب يقولي طلاسم استني خبير سياسي عشان يفهمني هو يقصد ايه
كلام شهدي سليم وميه في الميه
بس المشكله ان اللي حصل فعليا بجد
هوا الاتي

شيل حسني مبارك وحط عمر سليمان رئيس جمهوريه
بس كده
ده اللي حصل

انما مواد الدستور قالوا ان مفيش حد يقدر يطلب تعديلها غير شخصين
رئيس الجمهوريه بشخصه لا المفوض عنه
وبالتالي حسني مبارك ما زال اليد العليا لان سليمان مجرد مفوض لان مفيش حاجه في الدستور تقول تفويض نائب الرئيس انما استخدم مبارك الماده 82 من الدستور والتي تنص علي ان في حاله تعذر الرئيس عن استكمال مهامه لظرف طارئ ييفوض نائب الرئيس بدلا منه

وبالتالي لا يحق لنائب الرئيس تعديل الدستور ولا حل مجلسي الشعب والشوري

الشخص التاني اللي يستطيع تعديل الدستور هوا ثلث اعضاء مجلس الشعب
اللي هوا اصلا مزور

بالله عليكم فين بقي المطالب اللي تحققت
كل شويه يطلع في خطاب يحور علينا ويتلاعب الالفاظ املا في البقاء في السلطه
مش عارف اخرتها ايه يعني
ليه بيعمل كده
عاوز يوصلنا فين
اهو ممكن بكره لا قدر الله
شباب تاخدها الحماسه
ويطلعوا بالالاف للقصر
وساعتها حيتفتح عليهم نار وتبقي مذبحه

ايه المستفاد من خطاب زي ده في التوقيت ده بالذات
طب انتا عارف ومتوقع رد الفعل العنيف
يقول الخطاب قبل جمعه الشهداء بساعات
طب قوله يوم الاربع ولا التلات اهو علي الاقل الناس تكون حتي هديت شويه واستوعبت الامور
واللي مش فاهم يفهم

انا شايف انه اقصي استفزاز للشباب اللي في الشارع هو الخطاب ده
وبعده الخطاب التاني بتاع الاستاذ سليمان المستفز
واللي مقالش فيه حاجه جديده
فسر الماء بعد الجهد بالماء

ليه بس
ليه
حسبي الله ونعم الوكيل
حسبي الله ونعم الوكيل

[mailo]

برده للأسف هيحصل غسيل مخ تااااااااانى زى الخطاب اللى قبله

وهنتحول لفريقين تااااااانى

وبعد كاااااااااااام يوم على ما أثار الغسيل تنتهى وتفوقوا تاااااااااانى

تبقوا مع الناس اللى فى التحرير لتالت مررررة

أنا مرارتى اتفقعت خلاص

أنا مصدق بس واللهِ نفسي كلامك يطلع غلط

[mazagngi2010]

مش عايز ارد علشان كل مارد بعد خطاب ليه فى المواضيع دى باخد ايقاف

[زينة الله]

اللى بيحصل بعد كل خطاب إن الناس تقع فى بعض بين مؤيد ومعارض و بعدها يكتشف البعض أنه قد خدع و لكن بعد العديد من المهاترات

تحيا الخطب التى تجمع الشعوب على قلب رجل واحد و ليسقطع كل من يخادع و يرفع شعار فرق تسد

استرها يا رب مع مصر ... الوضع لا يحتمل المزيد

[نور القمر]

معلش خد ايقاف المرة دي كمان خلاص عشان افهم اللي مش عاجبه مش عاجبه ليه

[Ros]

Iraqian Chaneel ... Rafa7 beteta3rad le Hogom Now mn Nas be Asl7a thakila ( y3ni dababat we modar3at ) ... RabnA yOSOTr 3ALA EL BALAD

[medo_2060]

انا مش عارف مبارك وسليمان بيوجهوا خطاباتهم دى لكائنات عاقله ولا لأ..الناس دى بتحكم شعب تانى غيرنا يا جدعان
كالعاده وعود وابقى قابلنى ولسه جاى يفتكر دم الشهداء هههههههههه مش دول الى مكانوش معترفين بيهم وبيقولوا مخربين
وكمان مكنوش معترفين ان دى ثوره من الاساس
لأ وشفيق طالع تانى يقول اجندااااااااات
يالهووووووووووووووووووووووووووووووووووووووووووى ارحمونا جبتولنا الضغط

[heshamzaky]

قراءة متأنية للموقف أعتقد أن هذا الرجل أراد لمصر خيرا وأن تبقى مصر دولة مدنية وقد أمن لمصر إنتقال أمن للسلطة والشروع في تعديل الدستور وإلغاء قانون الطوارئ دون وضع دستور من البداية لأن الخيار الأخر كان تسليم الدولة للجيش وساعتها كنا هانرجع 50 سنه لورا فكروا براحة في مصلحتنا وما وصلنا له ومصلحة بلدنا
خلونا نشغل دماغنا شوية ونتابع الموقف بتاني يا شباب كل اللي عايزينه اخدناه حتى محاكمة الفاسدين واعادة أموال الدولة المنهوبة وبقاء مبارك له هدف سياسي في أن له سلطة طلب تعديل الدستور وحل مجلسي الشعب والشورى وباقى الصلاحيات عمر سليمان مفوض بها

كلام عاقل و سليم يا باشا . الناس الى معارضة مش حا تهدى ألا لما تشوف حمامات دم ما كفاية كدة الطمع اقل ما جمع

[metenawy]

انا متضايق
عارفين انا مش محتاج واحد يطلع في خطاب يقولي طلاسم استني خبير سياسي عشان يفهمني هو يقصد ايه
كلام شهدي سليم وميه في الميه
بس المشكله ان اللي حصل فعليا بجد
هوا الاتي

شيل حسني مبارك وحط عمر سليمان رئيس جمهوريه
بس كده
ده اللي حصل

انما مواد الدستور قالوا ان مفيش حد يقدر يطلب تعديلها غير شخصين
رئيس الجمهوريه بشخصه لا المفوض عنه
وبالتالي حسني مبارك ما زال اليد العليا لان سليمان مجرد مفوض لان مفيش حاجه في الدستور تقول تفويض نائب الرئيس انما استخدم مبارك الماده 82 من الدستور والتي تنص علي ان في حاله تعذر الرئيس عن استكمال مهامه لظرف طارئ ييفوض نائب الرئيس بدلا منه

وبالتالي لا يحق لنائب الرئيس تعديل الدستور ولا حل مجلسي الشعب والشوري

الشخص التاني اللي يستطيع تعديل الدستور هوا ثلث اعضاء مجلس الشعب
اللي هوا اصلا مزور

بالله عليكم فين بقي المطالب اللي تحققت
كل شويه يطلع في خطاب يحور علينا ويتلاعب الالفاظ املا في البقاء في السلطه
مش عارف اخرتها ايه يعني
ليه بيعمل كده
عاوز يوصلنا فين
اهو ممكن بكره لا قدر الله
شباب تاخدها الحماسه
ويطلعوا بالالاف للقصر
وساعتها حيتفتح عليهم نار وتبقي مذبحه

ايه المستفاد من خطاب زي ده في التوقيت ده بالذات
طب انتا عارف ومتوقع رد الفعل العنيف
يقول الخطاب قبل جمعه الشهداء بساعات
طب قوله يوم الاربع ولا التلات اهو علي الاقل الناس تكون حتي هديت شويه واستوعبت الامور
واللي مش فاهم يفهم

انا شايف انه اقصي استفزاز للشباب اللي في الشارع هو الخطاب ده
وبعده الخطاب التاني بتاع الاستاذ سليمان المستفز
واللي مقالش فيه حاجه جديده
فسر الماء بعد الجهد بالماء

ليه بس
ليه
حسبي الله ونعم الوكيل
حسبي الله ونعم الوكيل

يا باشا انا طلعت يوم 28 يناير عشان الدستور يتغير وهو الاتي
ان تكون فترة الحكم محددة
الغاء حالة الطواري
رجوع رقابة القضاء علي الانتخابات
ان يبطل الحكم القضائي عضوية النائب الي ناجح بالتزوير مش يبقي المجلس سيد قراره
ان يتم الغاء القيود الاخيرة لتقيد الترشيح للرئاسة لانها كانت تعجيزية و متظبطة علي ابنه بس

و الحمد الله كل التعديلات اتحققت يبقي اعتصم ليه
وا اقول النايب من حقه او مش من حقه التعديل مادام التعديل حصل خلاص

[yascro]

iraqian chaneel ... Rafa7 beteta3rad le hogom now mn nas be asl7a thakila ( y3ni dababat we modar3at ) ... Rabna yosotr 3ala el balad

التردد وتفاصيل اكتر من فضلك