ايه رأيكوا فى بيان الرئيس؟؟؟

[زينة الله]

يا جماعة فى أول فترة رئاسية قال الرئيس أنه لن يرشح نفسه مرة أخرى ثم هاهو على أعتاب المرة السادسة !!!!!

قال إن الكفن بلا جيوب ثم يكشفون عن ثروة 70 مليار دولار !!!!!

و بعد خطابه السابق تقع موقعة الجمل !!!!!!!!

فكيف يمكن الثقة كيف يمكن ؟؟؟؟؟؟؟

[medo_2060]

تعديل الدستور و حصل في وقت قياسي
محاربة الفساد و جاري واديك شايف شغل النائب العام الي زي الفل و كمان الرقابة الادارية خصوصا ان النظام بعا الكل واشتري رجالته من الجيش يعني مش حيحمي حد
دم الشهداء و تم عمل لجنة بتحقق في المضوع امبارح يعني ملحقتشي تشتغل
فين بقي الكلام

يا جماعا دا انا و زملائي الاشراف حاولنا كذا مرة نحاول نخلي وزير الاسكان الخرج من مدة يتحاسب و كان بيتحمي شوف دلوقتي الوزير طلع و بعد يومين بيتحقق معاه

باشا بعد اذنك..فين الدستور الى اتعدل دا كل الى اتقال كلام على ورق ولو كان عايز مصلحه البلد زى ما بيدعى كان عدل كل المواد دى من الاول مش كل ما يتزنق يعدلنا ماده... وهو اصلا شرعيته ساقطه يعنى اى قرار بيتخذه باطل .. ولو عايز كمان هو قال افوض لعمر سليمان حسب الدستور الحالى..شوف بقى الدستور الحالى بيوفر ايه للنائب ولا حااااااااجه
ولو عايز كمان حتى لو فعلا عمر سليمان بقى فى ايده كل حاجه.. تقبل على واحد كان ركيزه من ركائز نظام الارهاب والفساد دا يحكمك..دا مش معترف ان الشعب يستحق الديمقراطيه اصلا !! دا مش معترف ان الناس الى خارجه دى خارجه تطالب بحقوقها !!.. كل الى عنده اجندات دا حتى قالها النهارده
محاربه الفساد الى بتقول بيعملوها... فى حرامى بيحاسب الحراميه ؟ وشغل النائب العام دا فين من زمان ولا الرجاله الى النظام ضحى بيهم ادوا بعدها ضوء اخضرر للنائب العام يعمل انه بيحقق عشان يخدر الناس ..واحب اطمنك لما الموضوع دا مجابش نتيجه اجلوا التحقيقات دى يعنى استكراد علنى
دم الشهداء الى بتقول عنه...والله عيب لما الناس تصدق الكلام دا!! هما الشهداء دول ماتوا امبارح ولا قبل خطابه بنص ساعه؟
لما هو معترف بيهم مجبس سيرتهمم ليه فى الخطابين التانيين؟ عشان هو ونظامه الى قتلوا الشهداء دول واسمع من كلام اهالى الشهداء شوف الناس دى ماتت ازاى والله ولا كان اليهود الى بيقتلو فيهم
ونسيتوا انهم مكانوش معترفين بانها ثوره اصلا وبيقولوا دى اجندات ومخربين ... دلوقتى بقت ثوره وشهداء
ياناس فكروا فكروااااااااااا والله بنعيد نفس الكلام الى اتقال بعد غسيل المخ الى فات

[frhateg]

في الصفحه 2 من اهرام اليوم الخميس مقال باسم 10 اسباب وراء رفض شباب التحرير الخروج من الميدان . بصراحه مقال مهم . و ليه الشباب مصممين علي ذلك لخير مصر .
ط¬ط±ظٹط¯ط© ط§ظ„ط£ظ‡ط±ط§ظ… ط§ظ„ظٹظˆظ…ظ‰ - pdf ط®ط· ط¹ط§ط¯ظٹ

[memohamada]

منة لله جبلنا كلنا الضغط و مش فمصر بس دة العالم كلة

هنا فى الرياض البلد فضيت من الساعة 10 و نص كدة عشان البية هيقول كلمتة و ياريتة ماقالها

دة اسؤ من حكم مصر

[Qmax]

يجماعة افهمه صح الراجل فوض جميع صلحياته بالكامل للنائب ....ولغى قانون الطوارئ ...الرئيس شكليا مش موجود ...

فوضها وفقا للدستور

راجع صلاحيات نائب الرئيس في الدستور

يعني لا جديد

[زينة الله]

شوفي بقي الكليب ده و ادعيلي دعوه حلوه

http://www.youtube.com/watch?v=nhdonio85pg&feature=player_embedded

"مع الاعتذار للتوقيع الخاص بيا ان شاء الله التزم بيه بس قلت اشارككم بواقع من الفيس بوك"

اضحك الله سنك يا دكتور و أصلح بالك


القلة المندسة دى باين عليها موجود على مر العصور طيب هما ليه مش بيغيروا دا الملل وحش حتى

[tarekzein]

رأيى ان الراجل ده رغاى قوى دى أول حاجة مش قادر اسكت عليها

تانى حاجة الخطاب كان غريب شوية أول دقيقتين كان طالع مرهق وتعبان ويخطب دون ورق ثم فى لحظة تغيرت الخلفية لتصبح اغمق قليلا ثم نجد ورق يقرأ منه وحالته الصحية بقت بمب مش عارف ازاى ثم فى اخر الخطاب حدث شىء فى الكاميرا اعادته كهلا مرة أخرى وعليه علامات الارهاق

أحييك على الملاحظه القويه

يبدو أن هناك أمور كثيره تجرى تحت السطح الراكد

[mailo]

أعلن السيد رئيس الجمهورية حرصه علي بقاء الشعب في ميدان التحرير حتي سبتمبر الجاري ... و ذلك حرصاً علي الدستور يا سيدنا

[ashouhdy]

واضح ان مفيش فايدة ...

[nevozaky]

قراءة متأنية للموقف أعتقد أن هذا الرجل أراد لمصر خيرا وأن تبقى مصر دولة مدنية وقد أمن لمصر إنتقال أمن للسلطة والشروع في تعديل الدستور وإلغاء قانون الطوارئ دون وضع دستور من البداية لأن الخيار الأخر كان تسليم الدولة للجيش وساعتها كنا هانرجع 50 سنه لورا فكروا براحة في مصلحتنا وما وصلنا له ومصلحة بلدنا
خلونا نشغل دماغنا شوية ونتابع الموقف بتاني يا شباب كل اللي عايزينه اخدناه حتى محاكمة الفاسدين واعادة أموال الدولة المنهوبة وبقاء مبارك له هدف سياسي في أن له سلطة طلب تعديل الدستور وحل مجلسي الشعب والشورى وباقى الصلاحيات عمر سليمان مفوض بها

كلام حضرتك مظبوط جدا يا استاذ محمد .يا جماعة انتم اخدتم براْى القنوات الفضائية اللى قعدت تشحن فى الناس وتقول ان الرئيس هيتنحى وكل ده علشان لما الرئيس يقول حاجة مخالفة للتنحى تقوم ثورة عليه اكتر من الاول .والناس تفرح وتزقطط .ماتمشوش وراء القنوات الفضائية اللى قاعدة تشتم فى الرئيس وقناة الحرة كانت جايبة واحدة بتتكلم بتقول انه مريض نفسيا او مجنون .يا جماعة انتم تنتقدوا ايوة اى حد غير مصرى ينتقد ويغلط فى الرئيس لا .حتى لو كان فى فساد .انا مش مختلفة عن كده .وعلى فكرة انا راى هوه واحد فى الاول وفى الاخر الثورة شىْرائع بس فى حاجات كتير اتحققت يبقى ان احنا نفكر بعقل وتنظيم شوية علشان مصر وعلشانا كلنا

[ahmed1981]

لابد من رحيل الرئيس ونائب الرئيس وهو أسوأ من الرئيس

[abumoh2000]

انا شايف انه كده اتنحى فعلا
وكده بدايه تحقيق المطالب
ولازم لازم لازم التحرير يفضى والناس تدى فرصه للتغيرات انها تحصل
كده خلاص الثوره اتت اكلها
ولاداعى للخوف من عدم التنفيذ

[ainshouka]

على قد معلوماتى القانونية البسيطة ...

كدة هو رحم الشعب من :

1) الحكم العسكرى

2) الأحكام العرفية او العسكرية

3) فتح الباب للحكم المدنى

4) منع أحتكار الرئاسة للعسكريين

ومن وجهة نظرى المتواضعة ... على الرغم من ثوريتى الشديدة اللى الكل عارفها شايف انة عمل كل المطالب

1) تعديل الدستور

2) الأشراف القضائى ع الأنتخابات

3) الغاء الحكم العسكرى

4) المنصب الفخرى او الشرفى كرئيس جمهورية تفويض النائب

5) الأعتذار للشهداء و أعلان محاكمة الفاسدين


--------- لو أنا غلطان حد يصححلى

100%

الخطاب دا غير الخطاب اللى فات

الخطاب اتغير تماما

افضل كثيرا

مبقتش تفرق يمشى دلوقتى ولا كمان كام شهر

كفاية انه دلوقتى قال كل النقاط اللى الناس عاوزاها

اى اعتصامات تانية مالهاش اى لازمة

النقاط اللى حطها ارست القواعد والمبادئ لبداية عهد جديد

كده اخدنا اقصى المميزات باقل الخسائر

اما انه بيناور ولا بيباغت فمش باين حتى ولو كان بيمهد لنفسه عشان يمشى من البلد كبطل وليس كمطرود ولكننا اخدنا برضه انشاء قوانين جديدة عادلة

وحتة انه بيخدع الناس ويغير كلامه بيتهيألى انه صعب جدا بعد ماشافه من الشعب

[nevozaky]

وبالنسبة للخطاب لازم نقف امام كل كلمة ونتعقلها .هوه الخطاب غريب وطويل شوية وغريب على انه خطاب رئاسى قصدى فى صيغة الخطاب .بس هوه فى الخطاب يعترف انه اخطاْ حتى لو بيضحك علينا لكنه اعترف امام العالم انه اخطىْ.والدستور جارى تعديله .وفوض النائب بالقيام بمهامه وفقا لمقتضيات الدستور يعنى برضوا يعتبر قام بتهميش دوره كرئيس للجمهورية .بس بطريقة شيك .

[aazmy]

تاني ........يا جماعة اللي قال ان الرئيس حيتنحي امين الحزب الوطني و ناس تانية كتير جدا من النظام نفسة مش الفضائيات.

هو الخطاب متسجل و معمول ليه مونتاج كتيير وكمان مقصود انة يبان انة متسجل بالحركة اللي معمولة في اخر الخطاب بالأضافة الي الأخبار السابقة عن وجود خلاف بين الجيش و عمر سليمان.

فية حاجات كتييييير مش عارفينها بس يمكن تبان مع بيان الجيش التاني
يا رب استرها