ايه رأيكوا فى بيان الرئيس؟؟؟

[SkyBird]

الرئيس طلب اجراء التعديلات الدستورية الاول علشان تبقي صحيحة

وبعدها مباشرة فوض سلطاته للنائب والسلطة العسكرية استلمها الجيش بالفعل من اول البيان 1
ومجلس الشعب محكمة النقض بتفصل في صحة عضوياته باقصي سرعة وابطلت عضويات 33 نائب فعلا وسيحل المجلس كله بعد انتخاب الرئيس الجديد ولاالمطلوب اعادة الانتخابات علشان الاخوان مرديوش يشتركوا في الانتخابات ويدخلوا الانتخابات الجديدة ؟؟؟؟؟؟؟؟؟؟
عار كل من ليس خبيرا في الدستور ان يتهم كبار الدستوريين الذين رفضوا التعديلات وبينوا اخطائها قبل ان يتكلم اي فرد في مصر

انا مش خبير دستوري بس اتكلم على قد فهمي اللي مش ممكن حضرتك تحدد مداه
هل تعلم سيدي الفاضل انه دستوريا تفويض مبارك لسليمان باطل اصلا لانه لاتوجد كلمة في الدستور اسمها (تفويض)
نص مادة 139
لرئيس الجمهورية أن يعين نائبا له أو أكثر، ويحدد اختصاصهم ويعفيهم من مناصبهم.
وتسرى القواعد المنظمة لمساءلة رئيس الجمهورية على نواب رئيس الجمهورية.
وبعدين الجدل الدستوري انتهى لان الشعب مصدر السلطات والشعب قال لا شرعية لمبارك ولا لسليمان وسمعتها من اكثر من 10 فقهاء دستوريين حتى الان في التلفزيون

وكذلك مجلسي الشعب والشورى باطلين حسب الشرعية الثورية
وانا بالطبع اريد اعادة انتخابات مجلسي الشعب والشورى حتى تشترك فيها المعارضة واولهم الاخوان لانهم فصيل مصري اصيل له ما لنا وعليه ما علينا وهم التزموا حسب بيانهم اول امس التزموا خيار الشعب المصري بدولة مدنية ديمقراطية برلمانية
لازم نبدأ عهد جديد بدون ما نصنف بعض فصائل وطوائف الا تعلم انه قد انتهى هذا الزمن ؟

[mailo]

الحرس الجمهورى بيحمى الرئيس ولا القصر ؟
طيب وهو فين الرئيس
هل هو بداخل القصر اصلا ؟

الحرس بيحمي كل ما هو "رئاسي " يعني حتى لو الريس في شرم الحرس هيدافع عن قصر العروبة باستماتة عشان مهمته مش حياة الرئيس بس

[ahmedabutaleb]

أنباء عن صدور البيان الثاني للقوات المسلحة بعد قليل

[mailo]

فيه نوع جديد من الدبابات نزل الشارع مش الليي كنا بنشوفه فاليومين اللي فاتوا
؟!!!!

[mailo]

فيه انباء إن فيه مظاهرات خرجت ووصلت الخليفة المأمون في اتجاه القصر العروبة

من el-BBC

[ahmedabutaleb]

فيه انباء إن فيه مظاهرات خرجت ووصلت الخليفة المأمون في اتجاه القصر العروبة

من el-bbc

دى مش انباء دى حقيقة وانا قلت انى سمعت صوتهم بنفسى من شوية

[dr-mohamed]

الحرس الجمهورى بيحمى الرئيس ولا القصر ؟
طيب وهو فين الرئيس
هل هو بداخل القصر اصلا ؟

بيحمي الممتلكات التي تمثل رمز الدولة
التليفزيون والاذاعة والقصر الجمهوري رموز للدولة سواء الرئيس فيها ام لا

إزيك يا دكتور :)
أنا كنت سمعت قبل كده د/عمر عبد الكافي في سلسلة الوعد الحق
يقول في أحد الحلقات إن كثير من العلماء يروا أن من ركب البحر و هو مغتلم يعني ثائر و أمواجه عالية
و مات فهذا ليس شهيداً بل ممكن اعتباره انتحار لأنه يدرك مدي خطورة البحر في هذه الحالة
و بالتالي أنا شايف إنه في حالة ذهاب المتظاهرين إلى القصر الرئاسي أو استفزاز الجيش بأي احتكاك أو اعمال شغب
هذا لا يعتبر شهادة و حسابه عند ربه
فأنا كنت بسئل لكي أعرف هل في رأي فقهي أنا مش عارفه في هذه المسألة.

و ده اللى انا اعرفه علشان كدة لما اعتقدت حضرتك بتسئل هل يعتبروا شهداء ام لا اعتقدت ان عندك راي تاني انه يعتبر شهيد فقلت لحضرتك هات لي دليل

الغريب بقى إن التلفزيون دلوقتي في ايد الحرس مش الجيش يعني ممكن يكون فيه مشاكل مع الجيش وضمانات إنه يضرب المتظاهرين في حالة وجودهم هناك

الحرس الجمهوري حل محل قوات الجيش لان دقراته اعلى بكتير جدا على التعامل في كل الظروف ومع اي اعداد وسواء مع قوات نظامية او مع ارهابيين
يعني لو 100 بس من الحرس الجمهوري يقدروا يبيدوا 100 الف

انا مش خبير دستوري بس اتكلم على قد فهمي اللي مش ممكن حضرتك تحدد مداه

اكيد مقدرش احدد مستوي فهم حضرتك لاني مش خبير في قياس مستويات الذكاء او الفهم وليس من حقي ان احكم على حضرتك

هل تعلم سيدي الفاضل انه دستوريا تفويض مبارك لسليمان باطل اصلا لانه لاتوجد كلمة في الدستور اسمها (تفويض)
نص مادة 139
لرئيس الجمهورية أن يعين نائبا له أو أكثر، ويحدد اختصاصهم ويعفيهم من مناصبهم.
وتسرى القواعد المنظمة لمساءلة رئيس الجمهورية على نواب رئيس الجمهورية.

هل حضرتك قرات الدستور كامل ؟؟؟؟؟؟
المادة (82)
إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه. ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة.
وهو ما حدث حيث ان الرئيس فوض اي اناب نائب رئيس الجمهورية في سلطاته


وبعدين الجدل الدستوري انتهى لان الشعب مصدر السلطات والشعب قال لا شرعية لمبارك ولا لسليمان وسمعتها من اكثر من 10 فقهاء دستوريين حتى الان في التلفزيون

من هم هؤلاء الفقهاء اذا كان اكبر 4 فقهاء في القانون الدستوري في مصر لم يقولوا بذلك ومنهم 3 في لجنة تعديل الدستور وهم الدكتور يحي الجمل والدكتور ثروت بدوي والدكتور يسري العصار كما شاركهم الراي الفقيه الدستوري ابراهيم درويش
الا لو كان قصدك فقهاء من عينة عصام سلطان بتاع منظمة حقوق الاسترزاق وامثاله من الجهلة
او المستشار زكريا عبد العزيز الذي احترمه تماما لكنه غير متخصص في القانون الدستوري واكاد اجزم انه لم يسمع الخطاب اصلا من تعليقه مع قناة الجزيرة بعد الخطاب

وكذلك مجلسي الشعب والشورى باطلين حسب الشرعية الثورية
وانا بالطبع اريد اعادة انتخابات مجلسي الشعب والشورى حتى تشترك فيها المعارضة واولهم الاخوان لانهم فصيل مصري اصيل له ما لنا وعليه ما علينا وهم التزموا حسب بيانهم اول امس التزموا خيار الشعب المصري بدولة مدنية ديمقراطية برلمانية
لازم نبدأ عهد جديد بدون ما نصنف بعض فصائل وطوائف الا تعلم انه قد انتهى هذا الزمن ؟

لن يتم اجراء اي شئ في مصر بناء علي الشرعية الثورية واتاكد من ده
وبالتالي المجلسين صحيحين ولكن بهما عضويات باطلة ومحكمة النقض بدات فعلا التنقية وابطلت عضوية 33 نائب في اقل من اسبوع والبقية خلال اسبوعين
وطبعا لا تعاد الانتخابات ابدا الان حضرتك شايف البلد حالها ايه ؟
عايز تعمل انتخابات دلوقت علشان تبقي الدماء اكث من المياه على ارض مصر ؟
نبدا عهد جديد بعد انتهاء تعديلات الدستور وعرضها على الشعب للاستفتاء عليها وانتخاب رئيس جديد يحل مجلس العشب والشوري ويدعو لانتخابات وتكون مؤسسات الدولة عادت لعملها مش الشرطة منهارة والجيش بيواجه خطر حرب داخلية واعمل انتخابات ويشارك فيها الاخوان زيهم زي اي حد في مصر لو عايزين



كلام وائل غنيم عن تركه القرار لللشباب لانه لو قال رايه ممكن يتقال عليه خاين بيبين انه خايف يتقال عليه خاين بعد ما اتقال عليه بطل
ونعم الابطال فعلا لما تسبب في هياج الكثيرين بعد بكائه دلوقت بيقول الشباب هم اللى يقولوا وخايف من انه يوصف انه خائن
يا وائل صمتك الان في حد ذاته خيانة لكن ليس للشباب او الشهداء ولكن خيانة للوطن

[Samah AbdAllah]

بيحمي الممتلكات التي تمثل رمز الدولة
التليفزيون والاذاعة والقصر الجمهوري رموز للدولة سواء الرئيس فيها ام لا

والشعب موقفه ايه
رمز ولا ممكن يغيروه

[dr-mohamed]

والشعب موقفه ايه
رمز ولا ممكن يغيروه

دي تريقة يا بسكوتة
والشعب لا يخرب ممتلكاته
الشعب لا يضع نفسه في مواجهة ليس لها سبب مع جيشه اللهم الا انصياعا للتهور وخدمة اهداف اشخاص محددين هم فقط المستفيدين مما يحدث

[Samah AbdAllah]

دي تريقة يا بسكوتة
والشعب لا يخرب ممتلكاته
الشعب لا يضع نفسه في مواجهة ليس لها سبب مع جيشه اللهم الا انصياعا للتهور وخدمة اهداف اشخاص محددين هم فقط المستفيدين مما يحدث

لا طبعا مش تريقة
يعنى انت تحافظ على مبنى ممكن يتبنى تانى
وتموت شباب مش هيتعوضوا

[otefa]

لا طبعا مش تريقة
يعنى انت تحافظ على مبنى ممكن يتبنى تانى
وتموت شباب مش هيتعوضوا

أسمحيلي وهما عقلهم فين ولا عند مع مبارك رغم أن تنحيه هايأذي مطالبنا ويتحول الموضوع للأحكام العرفية!!! .....ربنا يهديهم

[SeiffoZ]

الحرس الجمهوري حل محل قوات الجيش لان دقراته اعلى بكتير جدا على التعامل في كل الظروف ومع اي اعداد وسواء مع قوات نظامية او مع ارهابيين
يعني لو 100 بس من الحرس الجمهوري يقدروا يبيدوا 100 الف

مش للدرجة دى يا فندم ....

الحرس الجمهورى فرقة من فرق القوات المسلحة ... مستواهم عالى ... لكن فى الجيش يوجد مستوى عالى و فرق على أعلى مستوى ... عدد مدرعات الجيش أقوى ...

الجيش لديه سلاح الجو ... الجيش لديه سلاح المدفعية ... الجيش لديه سلاح البحرية ...

الحرس .. نو

[Egyzizo]

لا طبعا مش تريقة
يعنى انت تحافظ على مبنى ممكن يتبنى تانى
وتموت شباب مش هيتعوضوا

لأ طبعاً ، أسيبهم يهدوه ، ويحرقوا البلد كلها بالمرة.

[heshamzaky]

أسمحيلي وهما عقلهم فين ولا عند مع مبارك رغم أن تنحيه هايأذي مطالبنا ويتحول الموضوع للأحكام العرفية!!! .....ربنا يهديهم

ربنا يهديهم و يا رب الناس تفهم شوية دقة و خطورة الوضع . أنت طبعا عارف يعنى أية أن واحد يوقع لعسكرى البارية على الارض فما بالك أنة يدخل مكان خدمتة و المكان الى بيحرسة . مش عارف الناس بتقيس أية بأية

[SkyBird]

المادة (82)
إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه. ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة.
وهو ما حدث حيث ان الرئيس فوض اي اناب نائب رئيس الجمهورية في سلطاته

هذه الماده ابعد ما يكون عما يحدث
اولا لايوجد لدى الرئيس مانع موقت مهو زي الاسد اهو وقاعد يهدد ويتوعد
ثانيا النائب لايمكن معه حل مجلس ولا وزاره .. امال جاي يعمل ايه؟
(مع تحفظي لكلمة تفويض لانها غير دستورية حيث ان كلمة فوض لا تعني أناب المذكورة في نص المادة)

من هم هؤلاء الفقهاء اذا كان اكبر 4 فقهاء في القانون الدستوري في مصر لم يقولوا بذلك ومنهم 3 في لجنة تعديل الدستور وهم الدكتور يحي الجمل والدكتور ثروت بدوي والدكتور يسري العصار كما شاركهم الراي الفقيه الدستوري ابراهيم درويش
الا لو كان قصدك فقهاء من عينة عصام سلطان بتاع منظمة حقوق الاسترزاق وامثاله من الجهلة
او المستشار زكريا عبد العزيز الذي احترمه تماما لكنه غير متخصص في القانون الدستوري واكاد اجزم انه لم يسمع الخطاب اصلا من تعليقه مع قناة الجزيرة بعد الخطاب

انا ذكرت ذلك للاستئناس فقط
انما السيادة للشعب حسب كل دساتير العالم والشعب قال كلمته رضى من رضى وابي من ابى