ايه رأيكوا فى بيان الرئيس؟؟؟

[bmw3m007]

اثناء الخطاب نورا بنتي (3 سنوات ونصف) زهقت وقالت لي دي حدوتة ولا ايه؟؟؟ :-)))))))

يعني الراجل يقول خطاب قصير تقولو طالع يقول كلمتين بسرعه
يطول في الكلام تقولو رغاي

عجبي عليكم و الله مش عاجبكم اي حاجه
!!

[bmw3m007]

رأيى ان الراجل ده رغاى قوى دى أول حاجة مش قادر اسكت عليها

تانى حاجة الخطاب كان غريب شوية أول دقيقتين كان طالع مرهق وتعبان ويخطب دون ورق ثم فى لحظة تغيرت الخلفية لتصبح اغمق قليلا ثم نجد ورق يقرأ منه وحالته الصحية بقت بمب مش عارف ازاى ثم فى اخر الخطاب حدث شىء فى الكاميرا اعادته كهلا مرة أخرى وعليه علامات الارهاق

هو انت مركز في ايه بالظبط !

[amir]

هو انت مركز في ايه بالظبط !

يعني الراجل يقول خطاب قصير تقولو طالع يقول كلمتين بسرعه
يطول في الكلام تقولو رغاي

عجبي عليكم و الله مش عاجبكم اي حاجه
!!

بكره تعرف و نعرف كلنا

صبرا جميلا

[OmaR_FekrY]

رأيى ان الراجل ده رغاى قوى دى أول حاجة مش قادر اسكت عليها

تانى حاجة الخطاب كان غريب شوية أول دقيقتين كان طالع مرهق وتعبان ويخطب دون ورق ثم فى لحظة تغيرت الخلفية لتصبح اغمق قليلا ثم نجد ورق يقرأ منه وحالته الصحية بقت بمب مش عارف ازاى ثم فى اخر الخطاب حدث شىء فى الكاميرا اعادته كهلا مرة أخرى وعليه علامات الارهاق

متسجل يا بااااااااشا

[ahmedjumpo]

تانى هقولها لكل الناس

القوات المسلحة هى الى فى انتظار رد فعل الشعب

واضح جدا ان كان فى خلاف فى بدايه اليوم

وحسنى سجل خطابين واحد تنحى والتانى تفويض

القوات المسلحة زهقت واديته فرصه نهائيه فى خطاب التفويض

حاليا القوات تقوم بعمل استبيان لرد فعل الشعب

لو الشعب رفض خلاص يبقى بكرة الصبح القوات المسلحة هتعلن انتهاء الحكم وتنحيه حسنى مبارك

لو الشعب وافق خلاص يبقى بيان القوات هيكون تاييد موافقه الشعب

وفى راى ان الخيار الاول هو ما سوف يطبق قبل صلاة الجمعة لان الشعب رفض خطاب التفويض

والقوات المسلحة هى الى هتقول جيم اوفر

كلامك مليون فى الميه صح و الدليل ان الناس لما اتجهت الى القصر الرياسى الجيش ماحاولش يمنعهم يعنى بالعربى الجيش مستنى موقف الناس و لو ثبتنا على موقفنا بكره الموضوع هينتهى باذن الله
استاذ otefa حضرتك بتتكلم عن ان مبارك لو مشى هيحصل فوض طيب ليا سؤال هو طول التلاتين سنة اللى فاتت انت شايف ان البلد كانت فلة و ماكانش فيه فوضى فى كل المصالح الحكومية و رشاوى فى كل مكان و سرقات بالمليارات و عقارات كلها مخالفات و سكك حديد كلها حوادث و ارهاب من صنيعة الدولة و فتنة طائفية و تعليم زى الزفت و جهل و فقر و جريمة و .. و ....
كل ده مش فوضى

[dr-mohamed]

مبارك بيتحدي العالم اجمع و ليس فقط شعب مصر

ومن امتي اي دولة في العالم وخصوصا امريكا بيهمها غير مصلحتها يعني هو مبارك دلوقت بس بقة وحش ما هم عارفين عنه كل حاجة لما كان قوي وبيفيدهم كان هو افضل رئيس واوباما جه هنا دلوقت ضعف وبالتالي يبقي وحش يالنسبة لهم

حاليا بره خايفين جدا من الاخوان و امكانيه سيطرتهم علي الحكم كما حدث مع حماس عن طريق انتخابات و عدم وجود بديل مرضي بعد مبارك بالنسبه لهم سيدعم تدخلهم لصالح الشعب المصري

مش هما بس

البرادعي و مع اختلافنا او اتفاقنا معاه كان عنده حق مبارك بيقامر بشعبه

لا اثق فيه في اي كلمة كفاية انه كداب قال وسمعناه كلنا ان الاخوان والاحزاب فوضوه يتكلم بالنيابة عنهم وكلهم طلعوا كدبوه

جربو تتابعو الجزيره و بلاش ديول الحزب الوثني يأثرو عليكم و علي ارائكم

وهو احنا صغيرين علشان الحزب الوطني ياثر فينا ولا تابعيه؟ كانوا اثروا فينا لما كانت كل حاجة في ايديهم

و لو الجزيره مش نازله ليكم من زور دوقو ال cnn

وايه اللى يخليني اتابع الجزيرة بتاعة حاكم قطر اللى طرد ابوه وانقلب عليه وبيبع الغاز لاسرائيل زيه زي مبارك وعنده اكبر قاعدة امريكية في العالم وبرغم كدة الجزيرة عمرها ما قالت كلمة من دي والسي ان ان مش بتاعة يهودي بردو ولا انا غلطان ؟ مش هي اللى على طول تهاجم قضايانا العربية والاسلامية ؟ اصدقها دلوقت بامارة ايه ؟

و لو الخاين هيتكلم عن الشهدا ففين العادلي؟؟
قاعد في مبني امن الدوله بين اولاده اللي بالنسبه ليهم اب روحي؟!!

وحضرتك عرفت منين يا دكتور مكانه ؟؟؟؟؟؟؟؟

بطلو احلام و انظرو للواقع الاليم
ادفعو تمن الحريه دلوقتي بدل ما امراض العبوديه المزمنه تتسبب في خراب شعب و وطن

طيب ما الاحسن نبطل تسخين الناس ونقولهم ينزلوا ويروحوا التحرير وطبعا منه للقصر الجمهوري والتليفزيون والهتاف سلمية ومحاولة اقتحامهم وطبعا الحرس الجمهوري والجيش مش هايطبطبوا عليهم

و بالنسبه للمتشدقين بالدستور ففقهاء الدستور قالو ان ثوره شعبيه بالاعداد دي تفقد النظام و الرئيس و مجلسي الشعب و الشوري شرعيتهم

الدكتور يحي الجمل اكبر خبير دستوري في مصر ومعارض لمبار كمن قبل ما نسمع عن اسم البرادعي عضو في لجنة تعديل لادستور ورايه مخالف تماما للي حضرتك بتقوله

خدوا بالكم يا جماعة نقل الصلاحيات الرئاسية الى عمر سليمان ليست تخليا حقيقيا عن السلطة. سليمان لا يستطيع حل البرلمان ولا يستطيع تغيير الحكومة ولا يستطيع ان يطلب اجراء اصلاحات دستورية بدون موافقة الرئيس. سيظل مبارك ممسكا بزمام السلطة ويستطيع بكل سهولة وفي اي وقت استرداد صلاحياته الرئاسية من سليمان

قبل نقل الصلاحيات طلب التعديلات الدستورية فعلا ومحكمة النقض هاتفصل في صحة بقية العضويات خلال اسبوعين او تلاتة بالكتير وتطرد العضوياتالباطلة ويبقي تشكيل مجلس الشعب سليم وتعرض عليه التعديلات وبعد 60 يوم استفتاء شعبي عليها وتتم انتخابات الرئاسة بناء عليها والرئيس الجديد يحل المجلسين وتجري انتخابات تشريعية جديدة

[د.اشرف هنداوى]

الخطاب فيه قص و لزق

الله وحده اعلم ما المقصود بهذا

معلومات من شخص موثوق فيه من الحرس الجمهورى و الكلام علي عهدته

ان الرئيس في الامارات من امس و ده كان سبب زبارة و زير خارجيتهم من يومين


يا رب اصلح حالنا و لا تكلنا الي انفسنا طرفه عين

[ahmedjumpo]

قبل نقل الصلاحيات طلب التعديلات الدستورية فعلا ومحكمة النقض هاتفصل في صحة بقية العضويات خلال اسبوعين او تلاتة بالكتير وتطرد العضوياتالباطلة ويبقي تشكيل مجلس الشعب سليم وتعرض عليه التعديلات وبعد 60 يوم استفتاء شعبي عليها وتتم انتخابات الرئاسة بناء عليها والرئيس الجديد يحل المجلسين وتجري انتخابات تشريعية جديدة

يا دكتور هل عند حضرتك اى ضمانات بان العضويات الباطلة ستطرد فانت تعلم ان خطوات التقاضى عندنا حبالها طويلة و بالتالى فلن تحصل على اى احكام نهائية خلال المدة اللى انت ذكرتها
و بالنسبة للتعديلات هل هناك ضمانات انه سيتم الاستجابة اليها لمصلحة الشعب لان من تجارب سابقة و وعود بتغيير مواد فى الدستور فى عام ال 2007 و فعلا قام بالتغيير و لكن للاسوء
و ممكن حضرتك تقول لو معملش التغيرات التى وعد بها نبقى ننزل تانى و ساعتها هنبقى نبداء من الصفر ده لو عرفنا نوصله لان ببساطة ساعتها هيبقى على راي ام كلثوم فات الميعاد

[dr-mohamed]

قبل نقل الصلاحيات طلب التعديلات الدستورية فعلا ومحكمة النقض هاتفصل في صحة بقية العضويات خلال اسبوعين او تلاتة بالكتير وتطرد العضوياتالباطلة ويبقي تشكيل مجلس الشعب سليم وتعرض عليه التعديلات وبعد 60 يوم استفتاء شعبي عليها وتتم انتخابات الرئاسة بناء عليها والرئيس الجديد يحل المجلسين وتجري انتخابات تشريعية جديدة

يا دكتور هل عند حضرتك اى ضمانات بان العضويات الباطلة ستطرد فانت تعلم ان خطوات التقاضى عندنا حبالها طويلة و بالتالى فلن تحصل على اى احكام نهائية خلال المدة اللى انت ذكرتها
و بالنسبة للتعديلات هل هناك ضمانات انه سيتم الاستجابة اليها لمصلحة الشعب لان من تجارب سابقة و وعود بتغيير مواد فى الدستور فى عام ال 2007 و فعلا قام بالتغيير و لكن للاسوء
و ممكن حضرتك تقول لو معملش التغيرات التى وعد بها نبقى ننزل تانى و ساعتها هنبقى نبداء من الصفر ده لو عرفنا نوصله لان ببساطة ساعتها هيبقى على راي ام كلثوم فات الميعاد

يا احمد بيه محكمة النقض بتسير في الموضوع ده باقصي سرعة والدوائر ال44 في المحكمة لا تعمل الا في هذا الموضوع فقط وبالفعل انهت الفصل في 33 عضوية وابطلتهم ولكن في اتجاه ان يعلن جميع العضوبات في نفس الوقت و ده مش هياخد اكتر من اسبوعين تلاتة بالكتير اوي والاحكام واجبة النفاذ
والتعديلات الذي سيقوم بها هو اللجنة المشكلة بالفعل وهي لجنة محترمة تماما ومعظمهم من معارضي النظام
والمجلس الجديد المعدل هيوافق مش بمزاجه غصب عنه شوف تصرفات حتي اعضاء المجلس من الحزب اليومين اللى فاتوا كلهم بيلعنوا سنسفيل ابو عز لانه اللى ورطهم وفيه 2 منهم استقالوا من كام يوم لتحسين الصورة عند الشعب
ميقدرش يتراجع لان خلاص العجلة دارت وانتهت ومفيش رجوع لخانة الصفر ابدا

[medo_2060]

تحذير مني لكل المصريين

اتفرجو علي ال cnn او الجزيره علي الاقل الان

و اسمعو الكلام ده اللي انا كاتبه
الموضوع في منتهي الخطوره القصوي للامن القومي



==========


تحليلي و رأيي الشخصي من واقع متابعتي للجزيره و ال cnn

مبارك بيتحدي العالم اجمع و ليس فقط شعب مصر
و الرئيس الامريكي و لاول مره علي مدار التاريخ الامريكي الحديث بينقلب علانيه علي حليف طويل العهد في سبيل اقصائه ولنا مثل في الفلبين من قبل

حاليا الاملائات الخارجيه اللي السيد الغير رئيس شرعي كان بيتكلم عنها هتحصل بكره غالبا

الباشا هيدخلنا في حرب او احتلال لارض الوطن

خيانه عظمي للامن القومي المصري مش من شخصيه الرئيس لكن من شخصيه من اغتصب الحكم و الرئاسه و القصر الجمهوري نفسه

حاليا بره خايفين جدا من الاخوان و امكانيه سيطرتهم علي الحكم كما حدث مع حماس عن طريق انتخابات و عدم وجود بديل مرضي بعد مبارك بالنسبه لهم سيدعم تدخلهم لصالح الشعب المصري

البرادعي و مع اختلافنا او اتفاقنا معاه كان عنده حق مبارك بيقامر بشعبه

جربو تتابعو الجزيره و بلاش ديول الحزب الوثني يأثرو عليكم و علي ارائكم دول شويه كلاب بيحاولو يساندو سيدهم علشان عارفين مصيرهم النهائي المحاكمه امام افراد الشعب المصري و حصولهم علي العقاب المناسب

و لو الجزيره مش نازله ليكم من زور دوقو ال cnn
و لو الخاين هيتكلم عن الشهدا ففين العادلي؟؟
قاعد في مبني امن الدوله بين اولاده اللي بالنسبه ليهم اب روحي؟!!

مش المفروض ان قراره انه هيتحاكم امام محكمه عسكريه؟!!!
يبقي مش قاعد في سجن حربي ليه حاليا؟؟؟

و لماذا الحديث الان عن الشهداء بعد 16 يوم من وقوعهم و بطريقه قمه في الاستفزاز

في تحليلات للcnn و علي لسان مسئول في ال cia سابقا فبيقول انه من الممكن ان يحاول النظام استثاره الشعب للقيام باعمال عنف يبرر بها قيامه غدا بفرض النظام و الامن بالقوه ضد المتظاهرين




بطلو احلام و انظرو للواقع الاليم
ادفعو تمن الحريه دلوقتي بدل ما امراض العبوديه المزمنه تتسبب في خراب شعب و وطن

يكفي ان ال cnn قالت ان حركه بيان رقم واحد قبل الخطاب من الممكن ان يكون الخطاب جس نبض للشارع و العالم خصوصا انهم سخرو كثيرا من مسأله عدم اتباع مبارك املائات من قبل او الان!!


يعمي من جميع النواحي الباشا بيخرب لينا البلد و بشراسه قبل ما يمشي

و بالنسبه للمتشدقين بالدستور ففقهاء الدستور قالو ان ثوره شعبيه بالاعداد دي تفقد النظام و الرئيس و مجلسي الشعب و الشوري شرعيتهم

و عليه فأن اي قرار او اجراء ممن يغتصب السلطه بطريقه غير شرعيه الان لا يعتد به


فقهاء الدستور و كلامهم مش رأي شخصي


تابعو القنوات الان و شوفو هيعملو فينا ايه بقي بسبب عند واحد موظف سابق في الحكومه المصريه

اتفق معك تماما..وخصوصا فى جزء الدستور الى الناس عماله تبرر بيه افعال النظام ووعوده وهو اصلا ساقط مع النظام بتاعه...
دا مريض نفسيا ..... الى بيعمله دا ولعبه بالبلد لا يدل على شىء تانى...
لدرجه ان اكتر من طرف فى القنوات بعد الخطاب طالبوا بعرضه على اطباء نفسيين وبعدها يصدروا تقرير انه مريض فعلا والموضوع يخلص على كدا

[SunSet]

المادة (82)
من الدستور المصري

إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه. ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة

منقول

لو فاكرين ده حصل ايام سفره للعلاج بتفويض مهامه لنظيف ولم يعني ذلك انه تنحى ولما رجع استرد صلاحياته تاني

يعني حتى الان مفيش مطلب من مطالب الثورة اتنفذ فعليا وكلها اكاذيب من النظام الفاقد شرعيته بالثورة

[dr-mohamed]

دا مريض نفسيا ..... الى بيعمله دا ولعبه بالبلد لا يدل على شىء تانى...
لدرجه ان اكتر من طرف فى القنوات بعد الخطاب طالبوا بعرضه على اطباء نفسيين وبعدها يصدروا تقرير انه مريض فعلا والموضوع يخلص على كدا

الاكثر من طرف دول اللى هم اسماء واسراء ؟
متهيالي الناس المحترمة زي مصطفي بكري ومجدي الجلاد وغيرهم كان ليهم راي مختلف
والى يشوف ان محتمل يحصل صدام مع الحرس الجمهوري ويوافق عليه يبقي فعلا عايز علاج نفسي

المادة (82)
من الدستور المصري

إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه. ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة

منقول

لو فاكرين ده حصل ايام سفره للعلاج بتفويض مهامه لنظيف ولم يعني ذلك انه تنحى ولما رجع استرد صلاحياته تاني

يعني حتى الان مفيش مطلب من مطالب الثورة اتنفذ فعليا وكلها اكاذيب من النظام الفاقد شرعيته بالثورة

الوضع مختلف تماما لان المرة دي فيه لجنة تبحث فعلا التعديلات الدستورية وهو قدم طلب التعديل وليس من حقه التراجع فيه دستوريا كمان يعني من الدستور لا يستطيع التراجع وبعدين ليه مش عايزين تفرقوا بين ما قبل وما بعد 25 يناير ؟
ومطالب ايه اللى خرجت بيها الثورة ومتحققتش ؟ وهل هاتتحقق بالخروج ومحاولة احتلال التليفزيون والقصر الجمهوري ؟
متهيالي ده مش علشان الاصلاح ده علشان اعلان حكومة معينة جديدة

[amir]

قبل نقل الصلاحيات طلب التعديلات الدستورية فعلا ومحكمة النقض هاتفصل في صحة بقية العضويات خلال اسبوعين او تلاتة بالكتير وتطرد العضوياتالباطلة ويبقي تشكيل مجلس الشعب سليم وتعرض عليه التعديلات وبعد 60 يوم استفتاء شعبي عليها وتتم انتخابات الرئاسة بناء عليها والرئيس الجديد يحل المجلسين وتجري انتخابات تشريعية جديدة

يا دكتور محمد انا متفهم وجهه نظرك لكن للاسف الشيء اللي بتتكلم عنه راح زمنه تماما و كان اولي بيه الكلام ده كله من اسبوعين او اكتر كمان لكن دلوقتي لأ

اتفق معك تماما..وخصوصا فى جزء الدستور الى الناس عماله تبرر بيه افعال النظام ووعوده وهو اصلا ساقط مع النظام بتاعه...
دا مريض نفسيا ..... الى بيعمله دا ولعبه بالبلد لا يدل على شىء تانى...
لدرجه ان اكتر من طرف فى القنوات بعد الخطاب طالبوا بعرضه على اطباء نفسيين وبعدها يصدروا تقرير انه مريض فعلا والموضوع يخلص على كدا

انت بتقول فيها فعلا الجزيره جابتله محلل نفسي من ايام مضت و حاليا في تصريحات مباشره علي ال cnn انه غبي و احمق

المادة (82)
من الدستور المصري

إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه. ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة

منقول

لو فاكرين ده حصل ايام سفره للعلاج بتفويض مهامه لنظيف ولم يعني ذلك انه تنحى ولما رجع استرد صلاحياته تاني

يعني حتى الان مفيش مطلب من مطالب الثورة اتنفذ فعليا وكلها اكاذيب من النظام الفاقد شرعيته بالثورة

فعلا الرئيس الامريكي كان مقتنع هو و ال cia ان الليله خطاب التنحي بالفعل

و المراوغه و اللغه الدبلوماسيه الغامضه للخطاب(ده غير ركاكته) سبب من اسباب الغضب الامريكي حاليا

================

و بالنسبه ليك يا دكتور محمد احب اوضح ليك كأخ اصغر ليك

لو علي ملكيه الاشياء و المحطات يبقي و بنفس المبدء ارمي التلفزيون و التليفون و متركبش اسانسير لأنهم اختراعات اليهود و الصهاينه و ان مكنش اختراعهم صرف فأن لهم يد و ليست يد صغري في تصنيعه و البركه في multinational corporations و ابتداع مفهوم ال globialization

يبقي المنطقي ناخد المنفعه و نسيب الضرر

و لما تبقي منفعه امريكا و العالم من منفعه الشعب المصري يبقي نستغل الفرصه قبل ان تزول كما حدث من ايام قليله بالفعل

و خدو بالكم يا جماعه بكره لما ننزل تنبهو علي الناس يرددو سلميه سلميه لأن لو قلبت بعنف كما يتمني مبارك و اعوانه هنخسر تأييد و تعاطف عالمي غريب

الناس بره مقدره موقفنا و متعجبه من ردود افعال المتظاهرين السلميه تجاه غضب و سخط غير مسبوق و استفزاز من مبارك رهيب

يبقي نلتزم بالسلميه و اعرفو ان شعوب العالم محتارين في مقدار تحضرنا و عقلنا


================================


بكره ان شاء الله يوم الخلاص من الفساد

بيقولو في ال cnn ان قبل مكده كان خيارات المنطقه التحول اما لنموذج ايراني او البقاء تحت الوضع الحالي
و بيتكلمو ان مصر دوله محوريه بالنسبه للمنطقه و العرب و الدول الاسلاميه

و الشعب المصري و شبابه الثائر بيضع علي طاوله الاختيارات خيار ثالث هو دوله ديمقراطيه تدين بالاسلام و احكامه بينها ولا يمتد للسياسه و العلاقات الدوليه

و هما بيحاولو يتقبلو الامل ده لأنه لو حصل في مصر هيتبعها دول المنطقه بما يحفظ السلام العالمي في المنطقه و يعد مخرج رائع من ازمه كانت تخيم في الافق

[SkyBird]

متهيالي ده مش علشان الاصلاح ده علشان اعلان حكومة معينة جديدة

ياه لسه واخد بالك
طبعا حكومة جديدة بل نظام جديد تمام قائم على الحرية والعدل والمساواة وكرامة الانسان المصري
بل ودستور جديد في دولة مدنية يحكمها الشعب ولا يهان فيها الشعب ويتم اذلاله
دي اسمها ثورة 25 يناير يا دكتور
ولا فاكر ان الاصلاح يتم على ايد فاسد جوع الشعب في بلد فيها اصغر حرامي ثروته تسد ديون مصر وتضاعف مرتبات الموظفين لمدة عشرين سنة
يا سيدي فاقد الشئ لا يعطيه
فلا تنتظر اصلاح من فاسد
دي بديهيه

في ناس كثيرة فاكرة ان الريس هو اللي هيعمل الاصلاحات لكن فهمت اخيرا
وان تاتي متاخرا افضل من الا تاتي ابدا
تحياتي

[SkyBird]

الوضع مختلف تماما لان المرة دي فيه لجنة تبحث فعلا التعديلات الدستورية وهو قدم طلب التعديل وليس من حقه التراجع فيه دستوريا كمان يعني من الدستور لا يستطيع التراجع وبعدين ليه مش عايزين تفرقوا بين ما قبل وما بعد 25 يناير ؟
ومطالب ايه اللى خرجت بيها الثورة ومتحققتش ؟ وهل هاتتحقق بالخروج ومحاولة احتلال التليفزيون والقصر الجمهوري ؟
متهيالي ده مش علشان الاصلاح ده علشان اعلان حكومة معينة جديدة

يا دكتور محمد الماده (82)من الدستور المصري مش من ضمن المواد اللي طالب الرئيس بتغيرها
حضرتك جبت الكلام ده منين؟ وبعدين ازاي يطبقها قبل ما يغيرها ويعرضها على مجلس الشعب ثم على استفتاء عام؟؟
علشان كده قلتلك في مشارة تانية ان التفويض باطل باطل بنص الدستور واصلا مفيش كلمة تفويض في الدستور مطلقا ولكن فقط انابة والفرق كبير بين اني اعين نائب وافوض نائب كل صلاحيات الجمهورية علشان كده سليمان لا هيغير دستور ولا يحل حكومةو ولامجلس ولا هيعمل اي حاجه كله هجس ولعب على الذقون
اكيد تقصد الماده 88 بتاعة الاشراف القضائي
ادي نص الحديث ن مصراوي
(ولقد تلقيت بالأمس التقرير الأول بالتعديلات الدستورية ذات الأولوية المقترحة من اللجنة التي شكلتها من رجال القضاء وفقهاء القانون لدراسة التعديلات الدستورية والتشريعية المطلوبة وإنني تجاوبا مع ما تضمنه تقرير اللجنة من مقترحات وبمقتضى الصلاحيات المخولة لرئيس الجمهورية وفق الماد (189) من الدستور فقد تقدمت اليوم بطلب تعديل ست مواد دستورية هي المواد 76 و77 و88 و93 و189 فضلا عن إلغاء المادة 179 من الدستور مع تأكيد الاستعداد للتقدم في وقت لاحق بطلب تعديل المواد التي تنتهى إليها هذه اللجنة الدستورية وفق ما تراه من الدواعي والمبررات.)